ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᖅᑏᑦ ᐃᑲᔪᖅᑎᖏᑦ ᑲᑎᒪᓂᐊᖅᑐᑦ

ᓄᕕᐱᕆ 06, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᓕᓐᓂᐊᖅᑏᑦ ᐃᑲᔪᖅᑎᖏᑦ ᑲᑎᒪᓂᐊᖅᑐᑦ

ᓄᓇᕗᑦ ᒐᕙᒪᖓᓂ ᐃᓕᓐᓂᐊᕐᓂᓕᕆᔨᒃᑯᑦ ᓯᕗᓪᓕᖅᐹᑦᑎᐊᒥᒃ ᓄᓇᕘᒥ ᐃᓕᓐᓂᐊᖅᑏᑦ ᐃᑲᔪᖅᑎᖏᓐᓂᒃ ᑲᑎᒪᑎᑦᑎᓂᐊᖅᐳᑦ ᓄᕕᐱᕆ 6-ᒥᑦ 8-ᒧᑦ, 2018. ᑲᑎᓕᖅᐸᑕ ᑐᕌᒐᖃᕐᓂᐊᖅᐳᑦ ᐊᔾᔨᒌᖏᑦᑐᓂᒃ ᓄᑖᓂᒃ ᐱᓕᕆᔾᔪᑎᓂᒃ ᐃᓚᓕᐅᔾᔨᓯᒪᑦᑎᐊᖅᑐᓂᒃ ᐃᓕᓐᓂᐊᖅᑐᓕᕆᓂᕐᒥᑦ ᓄᓇᕗᒻᒥ.

45−ᖑᕗᑦ ᐃᓕᓐᓂᐊᖅᑎᑦ ᐃᑲᔪᖅᑎᖏᑦ ᓄᓇᕗᒻᒥ. ᐃᑲᔪᖅᑐᐃᖃᑦᑕᖅᐳᑦ ᐊᔪᕐᓇᙱᓐᓂᖅᓴᐅᑎᑦᑎᕙᒃᖢᑎᒡᓗ ᐃᓕᓐᓂᐊᕈᑎᓂᒃ ᐃᓕᓐᓂᐊᕐᕕᖕᓂ, ᐃᓕᓴᐃᔾᔪᑎᓂᒃ ᓯᕗᓕᖅᑎᐅᕙᒃᖢᑎᒃ, ᐊᒻᒪ ᐃᓕᓴᐃᔨᓂᒃ ᐱᕙᒌᔭᖃᑕᐅᕙᒃᖢᑎᒃ, ᓴᖅᑭᑎᑦᑎᕙᒃᖢᑎᒃ, ᖃᐅᔨᒪᓇᓱᒃᐸᒃᖢᑎᒃ ᖃᐅᔨᓴᖅᐸᒃᖢᑎᒡᓗ ᐃᓕᓐᓂᐊᕈᑕᐅᓂᐊᖅᑐᓂᒃ ᐊᑐᓂ ᐃᓕᓐᓂᐊᖅᑎᓄᑦ.

ᐊᔪᕈᓐᓃᖅᓴᖅᑎᑕᐅᑎᓪᓗᒋᑦ, ᐃᓕᓐᓂᐊᖅᑎᑦ ᐃᑲᔪᖅᑎᖏᑦ ᓄᑖᓂᒃ ᐃᓕᓐᓂᐊᕈᑎᒃᓴᓂᒃ ᖃᐅᔨᑎᑕᐅᓂᐊᖅᐳᑦ ᖃᐅᑕᒫ ᐱᓕᕆᕙᒃᑕᖏᓐᓄᑦ ᒪᓕᒐᒃᓴᕆᓂᐊᖅᑕᖏᓐᓂᒃ. ᑲᑎᒪᖃᑕᐅᓂᐊᕆᕗᑦ ᐱᔭᕆᐅᖅᓴᑎᑦᑎᔨᓂᒃ ᐊᒻᒪ ᐅᖃᕆᐅᖅᓴᑎᑦᑎᔨᓂᒃ ᐱᔪᓐᓇᖅᓯᕚᓪᓕᖁᓪᓗᒋᑦ ᖁᐊᖅᓵᖅᓯᒪᔪᑦ−ᑐᓴᐅᒪᑎᓐᓂᐊᕐᓗᒋᑦ ᐃᑲᔪᖅᑐᐃᔾᔪᑎᓂᒃ ᐊᑐᐃᓐᓇᕈᖅᑎᑦᑎᓂᕐᒥᒃ ᐃᓕᓐᓂᐊᕈᑎᒃᓴᓂᒃ ᐱᕙᒌᔭᕐᓂᐊᖅᑎᓪᓗᒋᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑐᕌᖓᔪᓂᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᔩᓐ ᐱᓕᑉ ᓚᐳᕆᔅ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5645
jplaprise@gov.nu.ca