ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕐᕖᑦ ᐊᖓᔪᖅᑳᖏᑦ ᑲᑎᓂᐊᖅᑐᑦ ᕿᒥᕐᕈᓂᐊᕐᒪᑕ ᓄᑖᓂᑦ ᑕᒪᐃᓐᓂ ᐊᑐᖅᑕᐅᓂᐊᖅᑐᓂᑦ ᐱᓕᕆᔾᔪᑎᒃᓴᓂᑦ ᐃᑲᔫᑎᒃᓴᓂᓪᓗ

ᓯᑎᐱᕆ 15, 2014

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᐃᓕᓐᓂᐊᕐᕖᑦ ᐊᖓᔪᖅᑳᖏᑦ ᑲᑎᓂᐊᖅᑐᑦ ᕿᒥᕐᕈᓂᐊᕐᒪᑕ ᓄᑖᓂᑦ ᑕᒪᐃᓐᓂ ᐊᑐᖅᑕᐅᓂᐊᖅᑐᓂᑦ ᐱᓕᕆᔾᔪᑎᒃᓴᓂᑦ ᐃᑲᔫᑎᒃᓴᓂᓪᓗ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 15, 2014) – ᓄᓇᕗᒻᒥ ᐃᓕᓐᓂᐊᕐᕖᑦ ᐊᖓᔪᖅᑳᖏᑦ ᑲᑎᒪᓂᐊᖅᑐᑦ ᐃᖃᓗᓐᓂ ᐱᓇᓱᐊᕈᓯᐅᑉ ᐃᓗᐊᓂ ᕿᒥᕐᕈᓗᑎᑦ ᓄᓇᕗᒻᒥ ᓄᑖᖑᔪᖅ ᑕᒪᐃᓐᓂ ᐊᑐᖅᑕᐅᓂᐊᖅᑐᓂᑦ ᐱᓕᕆᔾᔪᑎᒃᓴᓂᑦ ᐃᑲᔫᑎᒃᓴᓂᓪᓗ.

"ᐱᒻᒪᕆᐅᕗᖅ ᐋᖅᑭᒃᓯᓗᑕ ᐱᐅᓂᖅᐹᓂ ᐊᑐᕋᓱᐊᕐᓂᕐᒥᑦ ᐃᓕᓐᓂᐊᖅᑐᓕᕆᓂᕐᒥ," ᐅᖃᖅᑐᖅ ᐃᓕᓐᓂᐊᕐᓂᓕᕆᔨᒃᑯᑦ ᒥᓂᔅᑕᖓ ᐹᓪ ᖁᐊᓴ. "ᓯᕗᒻᒧᐸᓪᓕᐊᓂᖅ ᐱᓕᕆᖃᑎᒌᓐᓂᒃᑯᑦ ᐊᑐᕐᓗᑕ ᓄᑖᖑᓂᖅᓴᐅᔪᓂᑦ, ᐊᔾᔨᒌᑦᑐᓂ ᐃᓕᓐᓂᐊᕈᑎᒃᓴᓂᑦ ᐃᑲᔫᑎᒃᓴᓂᓪᓗ ᐃᑲᔪᖅᓱᕐᓂᐊᖅᑐᖅ ᐊᔾᔨᒌᑦᑐᒥ ᑐᕌᖓᑦᑎᐊᖅᑐᒥᓪᓗ ᐃᓕᓐᓂᐊᕐᓂᕐᒥᑦ ᓄᓇᕘᑉ ᐃᓕᓐᓂᐊᖅᑎᓕᒫᖏᓐᓄᑦ."

ᐃᓕᓐᓂᐊᕐᕖᑦ ᐊᖓᔪᖅᑳᖏᑦ ᑐᓴᐅᒪᑎᑕᐅᖕᒥᔪᑦ ᐊᑐᖅᑕᐅᕙᒃᑐᓂᑦ, ᒪᓕᒃᑕᐅᕙᒃᑐᓂᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᔾᔪᑎᓂᑦ, ᑮᓇᐅᔭᓕᕆᓂᕐᒧᓪᓗ ᒪᓕᒋᐊᓕᓐᓂᑦ ᕿᑎᕐᒥᐅᓂ, ᑭᕙᓪᓕᕐᒥ ᕿᑭᖅᑕᓂᓪᓗ ᐊᕕᑦᑐᖅᓯᒪᔪᓂ ᐃᓕᓐᓂᐊᕐᕖᑦ ᐊᐅᓚᑕᐅᓂᖏᓐᓄᑦ ᐃᖅᑲᓇᐃᔭᖅᑎᖁᑎᖏᓐᓄᑦ.

ᑲᑎᒪᓂᐅᔪᖅ ᐊᕝᕙᒃᑲᓐᓂᖓ ᑲᒪᒋᔭᐅᔪᖅ ᐃᓕᓐᓂᐊᒐᒃᓴᓄᑦ ᖃᐅᔨᒃᑲᐃᔨᓄᑦ ᑕᐃᑲᙶᖅᑐᑦ ᐱᐅᓴᓐ ᐃᓕᓐᓂᐊᖅᑐᓕᕆᓂᖅ ᑲᓇᑕᒥ, ᓴᖅᑭᑦᑎᕆᔨᐅᔪᑦ ᖃᐅᔨᓴᐅᑎᓂᑦ ᐅᖃᓕᒫᕆᐅᖅᓴᓂᕐᒧᓪᓗ ᐊᑐᐊᒐᕆᔭᐅᓂᐊᖅᑐᓂᑦ ᓄᓇᕘᒥ, ᐃᓕᓐᓂᐊᒐᒃᓴᓂᓪᓗ ᑲᒪᕙᒃᑐᓂᑦ ᐃᓕᓐᓂᐊᕐᕕᓂᓪᓗ ᐱᔨᑦᑎᕋᐅᑎᓂᑦ ᐃᖅᑲᓇᐃᔭᖅᑎᓄᑦ. ᐃᓕᓐᓂᐊᕐᕕᓐᓂ ᐊᖓᔪᖅᑳᑦ ᖃᐃᑦᑎᔭᐅᓂᐊᖅᑐᑦ ᐃᓗᓕᖃᐅᑦᑎᐊᖅᑐᓂᑦ ᖃᓄᐃᓕᐅᕈᑕᐅᕙᒃᑐᓂᑦ ᐃᓕᓴᐃᔨᓄᑦ ᑲᔪᓯᑎᑦᑎᓂᐊᕐᒪᑕ ᐊᔾᔨᒌᑦᑐᓂ ᖃᐅᔨᓴᐅᑎᓂᑦ ᐃᑲᔪᖅᓱᕐᓗᑎᓗ ᐅᖃᓕᒫᕆᐅᖅᓴᓂᕐᒥᑦ ᐊᑐᕐᓗᑎ ᐃᑲᔪᖅᑕᐅᓂᒃᑯᑦ ᐅᖃᓕᒫᕐᓂᕐᒥ, ᑎᑎᕋᕐᓂᕐᒥᑦ ᐅᖃᐅᓯᖅᑕᓂᓪᓗ ᐃᓕᓐᓂᐊᕐᓂᕐᒥᑦ.

ᑲᑎᒪᓃᑦ ᐱᔭᕇᕐᓂᐊᖅᑐᑦ ᐅᓪᓗᑐᐃᓐᓇᕐᒥᑦ, ᓯᑎᐱᕆ 19, 2014.

##

ᑐᓴᒐᒃᓴᓄᑦ ᑐᑭᓯᒋᐊᕐᕕᒃ:

ᐅᐃᓐᑎ ᕼᐋᓗᓂᓐ

ᑐᓴᐅᒪᔪᓕᕆᓂᕐᒧᑦ ᐊᐅᓚᑦᑎᔨ

ᐃᓕᓐᓂᐊᕐᓂᓕᕆᔨᒃᑯᑦ

(867) 975-5667

whalonenedu2@gov.nu.ca