ᐅᖃᓚᐅᑎᓯᐅᑏᑦ

You are here

ᑲᓇᑕᐅᑉ ᒐᕙᒪᒃᑯᖏᓪᓗ ᑖᒃᑯᐊᓗ ᓄᓇᕗᑦ ᒐᕙᒪᒃᑯᖏᑦ ᑐᓴᖅᑎᑦᑎᕗᑦ ᐃᑲᔪᖅᑐᐃᓂᕐᒥᓂᒃ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐊᑑᑎᖃᑦᑐᑎᐊᕐᓂᖏᓐᓂᑦ ᓄᓇᕗᓕᒫᒥ

ᐊᒐᓯ 13, 2021

ᐱᕙᓪᓕᐊᔪᑦ ᑐᓴᒐᒃᓴᑦ

ᑲᓇᑕᐅᑉ ᒐᕙᒪᒃᑯᖏᓪᓗ ᑖᒃᑯᐊᓗ ᓄᓇᕗᑦ ᒐᕙᒪᒃᑯᖏᑦ ᑐᓴᖅᑎᑦᑎᕗᑦ ᐃᑲᔪᖅᑐᐃᓂᕐᒥᓂᒃ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐊᑑᑎᖃᑦᑐᑎᐊᕐᓂᖏᓐᓂᑦ ᓄᓇᕗᓕᒫᒥ

ᑲᓇᑕᐅᑉ ᒐᕙᒪᒃᑯᖏᓪᓗ ᑖᒃᑯᐊᓗ ᓄᓇᕗᑦ ᒐᕙᒪᒃᑯᖏᓪᓗ ᐊᖏᖃᑎᒌᓐᓂᕐᒧᑦ ᑎᑭᐅᓯᒪᔪᑦ ᑖᓐᓇ ᐊᖏᓪᓕᒋᐊᖅᑕᐅᖁᓪᓗᒍ ᑲᓇᑕ−ᓄᓇᕗᑦ ᐃᓕᓐᓂᐊᐃᓕᓐᓂᐊᕆᐅᖅᓴᔪᓕᕆᓂᖅ ᐸᐃᕆᕕᓕᕆᓂᕐᓗ ᐊᖏᖃᑎᒌᒍᑎ.

ᑖᓐᓇ ᐊᖏᖃᑎᒌᒍᑎᐅᔪᖅ ᐊᑐᕐᓗᒍ, ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᖃᖅᑎᑦᑎᓂᐊᖅᑐᑦ $10 ᒥᓕᐊᓐᓂᑦ ᑮᓇᐅᔭᖅᑖᕈᓯᐊᖑᓗᒋᑦ ᐅᑭᐅᓄᑦ ᑎᓴᒪᓄᑦ ᑐᓂᔭᐅᕙᓪᓕᐊᓂᖅᑐᑦ ᓄᓇᕗᒻᒧᑦ ᐱᐅᓯᕚᓪᓕᖅᑎᑦᑎᒋᐊᕈᑕᐅᓗᑎᑦ ᐱᐅᔪᓂᑦ, ᐊᑭᑐᓗᐊᙱᑦᑐᓂᑦ, ᐊᓯᔾᔨᕆᐊᕈᓐᓇᕐᕕᖃᖅᑐᓂᑦ, ᐊᒻᒪᓗ ᐃᓚᒋᓕᐅᔾᔨᓯᒪᑦᑎᐊᕐᓗᑎᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ ᐊᒻᒪᓗ ᐸᐃᕆᕕᒻᒥᑦ ᐱᓕᕆᐊᖑᕙᑦᑐᑕᓂᑦ ᐊᒻᒪᓗ ᐱᔨᑦᑎᕋᐅᑎᖏᓪᓗ. ᐃᓚᓗᒋᓪᓗ, ᑲᓇᑕᐅᑉ ᒐᕙᒪᒃᑯᖏᑦ ᐊᑕᐅᓯᐊᕐᓗᑎᑦ ᑮᓇᐅᔭᓕᐅᕋᓱᐊᕈᑎᓄᑦ ᑮᓇᐅᔭᖅᑖᖅᑎᑦᑎᓂᐊᖅᑐᑦ $2.8 ᒥᓕᐊᓐᓂᑦ 2021-2022ᒥᑦ ᐃᑲᔪᖅᑕᐅᒋᐊᒃᑲᓐᓂᖁᓪᓗᒋᑦ ᓄᓇᕗᒻᒥᑦ ᐃᓕᓐᓂᐊᕆᐅᖅᓴᔪᓄᑦ ᐃᓕᓐᓂᐊᖅᑎᑦᑎᔨᔅᓴᖏᓐᓂᑦ ᐃᖅᑲᓇᐃᔭᖅᑎᑖᕈᑎᓄᑦ ᐊᒻᒪ ᐃᖅᑲᓇᐃᔭᐃᓐᓇᖅᑎᑦᑎᓇᓱᓐᓂᕐᒧᑦ ᐱᓕᕆᐊᖏᓐᓂᑦ.

ᐊᑖᓂ ᑖᒃᑯᐊ 2021-22ᒥ 2024-25ᒧᑦ ᑲᓇᑕ−ᓄᓇᕗᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ ᐊᖏᖃᑎᒌᒍᑕᐅᔪᒥ, ᓄᓇᕗᑦ ᑮᓇᐅᔭᖅᑖᕈᓯᐊᓂᑦ ᓴᓂᕐᕙᐃᓂᐊᖅᑐᑦ ᐃᑲᔫᑎᖏᓐᓂᑦ ᑲᔪᓯᓯᒪᐃᓐᓇᖅᑎᑕᐅᖁᓪᓗ ᐊᒻᒪᓗ ᐋᖅᑭᐅᒪᑎᑦᑎᔾᔪᑕᐅᓗᓂ ᐊᑭᑐᓗᐊᙱᑦᑐᓂᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ ᐱᓕᕆᐊᖑᔪᑦ ᐃᑲᔪᖅᑕᐅᓗᑎᑦ ᖃᓄᙱᑦᑎᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᓄᑕᖅᑲᓂᑦ, ᐃᓂᔅᓴᖃᕐᓂᖅᓴᐅᓗᑎᑦ ᓄᓇᓕᓐᓂᑦ ᐱᕕᖃᖅᑎᑕᐅᙱᓂᖅᓴᐅᔪᓂᑦ, ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪᓗ ᐱᓕᕆᔨᒻᒪᕆᕈᖅᓴᕐᓂᕐᒧᑦ ᐱᕕᔅᓴᓕᐅᖅᑕᐅᓗᑎᑦ ᑖᒃᑯᐊ ᐃᓕᓐᓂᐊᕆᐅᖅᓴᔪᓄᑦ ᐃᓕᓐᓂᐊᖅᑎᑦᑎᔨᓂᑦ ᐊᒻᒪᓗ ᐃᓕᖅᑯᓯᖅᑎᒍᑦ ᓈᒻᒪᑦᑐᓂᑦ ᐃᓕᓐᓂᐊᖅᑎᑦᑎᔾᔪᑎᓂᑦ ᐱᕙᓪᓕᐊᑎᑦᑎᓂᕐᒥᑦ ᐃᓕᓐᓂᐊᖅᑎᑦᑎᒍᑎᔅᓴᖃᖁᓪᓗᒋᑦ.

ᑖᓐᓇ ᐊᕐᕌᒍᓄᑦ-ᑎᓴᒪᓄᑦ ᐊᖏᖃᑎᒌᒍᑕᐅᔪᑦ ᐋᖅᑭᓱᖅᓯᒪᓂᖓ ᐱᒋᐊᖅᓯᒪᔪᖅ ᐱᓕᕆᐊᖑᔪᒪᓯᒪᔪᓂᑦ ᑲᑐᔾᔨᖃᑎᒌᑦᑐᓄᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓄᓪᓗ ᐱᓕᕆᔾᔪᑕᐅᓂᐊᖅᑐᒥᑦ ᐸᕐᓇᐅᑎᒥᑦ ᑖᒃᑯᐊ ᑮᓇᐅᔭᖅᑖᕈᓯᐊᖏᑦ ᐃᖏᕐᕋᑦᑎᐊᖏᓐᓇᖁᓪᓗᒋᑦ ᐊᑐᐃᓐᓇᐅᖏᓐᓇᕐᓗᑎᑦ ᐃᑲᔪᖅᑐᐃᔪᑦ ᐸᐃᕆᕕᓕᕆᓂᕐᒧᑦ ᐊᒻᒪᓗ ᐱᔨᑦᑎᕋᐅᑏᑦ ᐃᓚᒌᖑᔪᓄᑦ ᓄᓇᕗᒻᒥ ᐊᑐᕐᓂᐊᖅᑐᖅ ᑖᓐᓇ ᒫᑦᓯ 2025ᒧ.

ᐊᑎᓕᐅᖅᑕᐅᓂᖓ ᑖᓐᓇ ᐊᖏᖃᑎᒌᒍᑎ ᐱᒻᒪᕆᐅᒻᒪᑦ ᓱᕗᓪᓕᖅᐹᕐᒥᑦ ᐱᒋᐊᕐᓂᐅᔪᒥᑦ ᓄᓇᕗᒻᒥ ᑖᒃᑯᐊᓗ ᑲᓇᑕᐅᑉ ᒐᕙᒪᒃᑯᖏᓪᓗ ᐋᔩᖃᑎᒌᓐᓂᖃᖅᑎᓪᓗᒋᑦ ᐊᑯᓂᐅᔪᒃᑯᑦ−ᐊᑐᕐᓂᐊᖅᑐᒥᑦ ᐸᕐᓇᐅᑎᒥᑦ ᐊᑐᐃᓐᓇᐅᔪᓂᑦ, ᐊᑭᑐᓗᐊᙱᑦᑐᓂᑦ, ᐱᐅᔪᒻᒪᕆᓐᓂᑦ ᐸᐃᕆᕕᓕᕆᓂᕐᒥᑦ ᓄᓇᕗᒻᒥ. ᑕᒪᒃᑮᒃ ᒐᕙᒪᐅᔫᒃ ᐱᓕᕆᓂᐊᖅᑑᒃ ᐊᑕᐅᑦᑎᒃᑯᑦ ᐊᖏᖃᑎᒌᒍᑎᓕᐅᕐᓂᕐᒧᑦ ᑲᓇᓕᒫᒧᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᑮᓇᐅᔭᖃᖅᑎᑕᐅᓂᔅᓴᖏᓐᓄᑦ ᐊᖏᕈᑕᐅᓯᒪᔪᓂᑦ ᑭᙴᒪᒋᔭᐅᔪᓂᑦ ᐃᓚᒌᓐᓄᑦ ᓄᓇᕗᒻᒥ ᖃᓄᐃᓂᐅᕆᐊᕈᑎᖃᖃᑦᑕᕈᓐᓇᖅᑐᒥᑦ. 

ᐅᖃᐅᓯᐅᓯᒪᔪᑦ

"ᐸᐃᕆᕕᒃ ᐃᓱᕐᕆᔾᔪᑎᑐᐃᓐᓇᐅᖏᒻᒪᑦ, ᐱᔭᕆᐊᖃᓪᓚᕆᒻᒪᑦ. ᐱᐅᔪᒻᒪᕆᐅᔪᒥᑦ ᐃᓕᓐᓂᐊᕆᐅᖅᓴᖅᑎᑦᑎᓂᖅ ᐊᑐᕆᐊᖃᓪᓚᕆᒻᒪᑦ ᑖᒃᑯᓄᖓ ᐃᓕᓯᓂᖃᖅᑐᓄᑦ, ᐃᑉᐱᒋᔭᒃᑯᑦ ᑎᒥᒃᑯᓪᓗ ᐱᕈᖅᐸᓪᓕᐊᑎᓪᓗᒋᑦ ᓄᑕᕋᕆᔭᕗᑦ. ᒐᕙᒪᒋᔭᕗᑦ ᑖᒃᑯᓂᖓ ᐃᓚᒌᖑᔪᓂᑦ ᓄᑕᖅᑲᓂᓪᓗ ᓄᓇᕗᒻᒥ ᐱᒍᔾᔨᓂᕐᒥᑦ ᐊᔪᐃᓐᓇᕈᑎᖃᐃᓐᓇᕐᓂᐊᖅᑐᑦ ᐊᑭᑐᓗᐊᙱᑦᑐᒥᑦ, ᐊᑐᐃᓐᓇᐅᔪᒥᑦ, ᐊᓯᔾᔨᕆᐊᕐᕕᖃᕈᓐᓇᖅᑐᓂᑦ ᐊᒻᒪᓗ ᐃᓚᓕᐅᔾᔨᓯᒪᓂᖃᑦᑎᐊᖅᑐᓂᑦ ᐸᐃᕆᕕᐅᔪᓂᑦ ᐱᓪᓗᒍ ᐊᑐᓂᒃ ᓄᑕᖅᑲᓕᒫᑦ ᐱᒋᐊᑦᑎᐊᖅᓯᒪᔪᓐᓇᕆᐊᖃᕐᒪᑕ ᐃᓅᓯᖏᓐᓂᑦ." – ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐃᓅᖃᑎᒌᓄᓪᓗ ᐱᕙᓪᓕᐊᓂᕐᒥ, ᐊᒃᒥᑦ ᕼᐅᓴᐃᓐ

 "ᓄᓇᕗᒻᒥᐅᑦ ᐱᖃᕆᐊᖃᕐᒪᑕ ᐊᔪᙱᑦᑐᐃᓐᓇᐅᒋᐊᖃᕐᒪᑕ ᐊᑭᑐᓗᐊᙱᑦᑐᓄᑦ, ᐊᒻᒪ ᐃᓕᖅᑯᓯᕆᔭᐅᔪᒧᑦ ᐊᒃᑐᐊᓂᓕᖕᓄᑦ ᓄᑕᖅᑲᑦ ᑲᒪᒋᔭᐅᔪᓐᓇᕐᓗᑎᒃ, ᓇᓂᒥᐅᑕᐅᒐᓗᐊᖅᐸᑕ ᓄᓇᕗᒻᒥ. ᑖᓐᓇ ᐊᖏᖃᑎᒌᒍᑕᐅᔪᖅ ᑕᑯᔅᓴᐅᑎᑦᑎᔪᖅ ᐊᖏᖅᓯᒪᓂᕆᔭᑦᑎᓐᓄᑦ ᐱᖃᖅᑎᑦᑎᔪᒪᓂᕐᒧᑦ ᓴᙱᔪᒥᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐱᓕᕆᔾᔪᑎᖏᓐᓂᑦ ᓈᒻᒪᑦᑐᓂᑦ ᑭᙴᒪᒋᔭᖏᑦ ᐃᓕᓐᓂᐊᕆᐅᖅᓴᔪᓄᑦ ᐊᒻᒪᓗ ᐃᓕᖅᑯᓯᕐᒧᑦ ᐊᑦᑐᐊᓂᖃᑦᑎᐊᖅᑐᒥᑦ ᓄᑕᖅᑲᕆᔭᑦᑎᓐᓄᑦ." −ᒪᓕᒐᓕᐅᖅᑎ ᑕᐃᕕᑎ ᔪᐊᓇᓯ, ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ

ᓱᓕᔪᑦ

  • ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᖃᖅᑎᑦᑎᓯᒪᓕᖅᑐᑦ $8.5 ᒥᓕᐊᓐᓂᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᑐᓂᔭᐅᓪᓗᑎᑦ ᓄᓇᕗᒻᒥ ᑕᐃᒪᖓᓂᑦ 2017ᒥ.
  • ᑖᒃᑯᑎᒎᓇ ᑮᓇᐅᔭᖃᖅᑎᑦᑎᓂᒃᑯᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓐᓄᓪᓗ, ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᓯᒪᔪᑦ ᓴᖅᑭᑎᑦᑎᓂᕐᒥᑦ 40,000 ᐅᖓᑖᓂᓪᓘᓐᓃᑦ ᐊᑭᑐᓗᐊᙱᑦᑐᓂᑦ ᐸᐃᕆᕕᐅᔪᓂᑦ ᑲᓇᑕᓕᒫᒥᑦ ᑖᓐᓇ ᐊᒥᓱᓄᑦ ᖃᓂᒻᒪᓐᓇᐅᔪᖅ ᐱᒋᐊᓚᐅᖅᑎᓐᓇᒍ, ᐃᓚᒋᓪᓗᒍ 1,000 ᐃᓂᔅᓴᐅᔪᑦ ᓄᓇᕗᒻᒥ.
  • ᑮᓇᐅᔭᑦ ᐊᑐᖅᑐᔅᓴᖏᑦ 2016 ᐊᒻᒪᓗ 2017 ᑮᓇᐅᔭᖃᖅᑎᑦᑎᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓄᓪᓗ ᑲᑎᓪᓗᒋᑦ $7.5 ᐱᓕᐊᓐᓂᑦ ᐅᑭᐅᑦ 11 ᓈᓯᒪᓕᖅᑎᓪᓗᒋᑦ ᐃᑲᔪᕈᑕᐅᔪᑦ ᓴᖅᑭᑎᑦᑎᓂᒥᑦ ᐱᐅᔪᒻᒪᕆᓐᓂᑦ, ᐊᑭᑐᓗᐊᙱᑦᑐᓂᑦ ᐸᐃᕆᕕᖃᖅᑎᑦᑎᓂᕐᒥᑦ ᑲᓇᑕᓕᒫᒥᑦ, ᐃᓚᒋᔭᐅᓪᓗᓂ ᑮᓇᐅᔭᑦ ᑐᕌᖓᑎᑕᐅᔪᑦ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ.

ᐃᓚᒋᔭᐅᖃᑕᐅᔪᑦ

2021-22 2024-25 ᑲᓇᑕ−ᓄᓇᕗᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ ᐊᖏᖃᑎᒌᒍᑎ
ᑲᑐᔾᔨᖃᑎᒌᑦᑐᓂᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᐱᓕᕆᔾᔪᑕᐅᓂᐊᖅᑐᑦ ᐸᕐᓇᐅᑎ

ᑐᓴᐅᒪᒃᔪᑎᓕᕆᓂᕐᒧᑦ ᖃᐅᔨᒋᐊᕈᒪᒍᕕᑦ ᐊᑏ ᖃᐅᔨᒋᐊᕐᕕᒋᒍᒃ:

ᒪᑲᐃᓚ ᕼᐃᐅᕆᓴᓐ
ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᑏᑦ
ᐊᓪᓚᕝᕕᖓ ᒥᓂᔅᑕᐅᑉ ᐃᓚᒌᓄᑦ ᓄᑕᖅᑲᕐᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒥᑦ, ᐊᒃᒥᑦ ᕼᐅᓴᐃᓐ
mikaela.harrison@hrsdc-rhdcc.gc.ca

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᕗᑦ ᒐᕙᒪᖓ
867-975-5680
info.edu@gov.nu.ca

ᑐᓇᓴᕋᔅᓴᓂᐊᖅᑏᑦ ᐊᓪᓚᕝᕕᖓ
ᐃᖅᑲᓇᐃᔭᖅᑐᓕᕆᓂᕐᒧᑦ ᐃᓅᖃᑎᒌᓄᓪᓗ ᐱᕙᓪᓕᐊᓂᕐᑦ ᑲᓇᑕᒥ
819-994-5559
media@hrsdc-rhdcc.gc.ca
ᒪᓕᒃᑎᒍᑦ ᑐᐃᑐᒃᑯᑦ