You are here

ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᑲᑐᔾᔨᖃᑎᒌᒃᐳᑦ ᐃᓕᓐᓂᐊᕐᕕᖕᓂ ᓴᓗᒪᓂᖅᓴᒥᒃ ᐊᓂᖅᓵᖃᑦᑕᖁᓪᓗᒋᑦ ᓄᓇᕗᓕᒫᒥ

ᔫᓂ 07, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ
ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᑲᑐᔾᔨᖃᑎᒌᒃᐳᑦ ᐃᓕᓐᓂᐊᕐᕕᖕᓂ ᓴᓗᒪᓂᖅᓴᒥᒃ ᐊᓂᖅᓵᖃᑦᑕᖁᓪᓗᒋᑦ ᓄᓇᕗᓕᒫᒥ

ᐃᖃᓗᐃᑦ, ᓄᓇᕗᑦ, ᔫᓂ 7, 2022 −
ᑮᓇᐅᔭᐃᑦ ᐊᑐᖅᑕᐅᒑᖓᒥᒃ ᓄᓇᓕᖕᓂ ᒪᑭᒪᔾᔪᑕᐅᔪᓄᑦ ᓴᙱᕚᓪᓕᕈᑕᐅᔪᓐᓇᖃᑦᑕᕐᒪᑕ ᓱᓇᒃᑯᑖᖃᑦᑎᐊᕐᓂᕐᒧᑦ ᖃᓄᐃᙱᑦᑎᐊᕈᑕᐅᔪᓐᓇᖅᖢᓂ ᑲᓇᑕᒥᐅᓕᒫᓄᑦ ᑕᒪᐃᓐᓂ ᓄᓇᓕᖕᓂ. ᐊᖅᑯᑎᓂᒃ ᑎᑭᓪᓗᒍ ᐃᒡᓗᕐᔪᐊᓄᑦ − ᓴᓗᒪᓂᖅᓴᓂᒃ ᐆᒻᒪᖁᓯᐅᕈᑎᑦ ᐊᒻᒪᓗ ᐊᓂᖅᑎᕆᑦᑎᐊᕐᓇᕐᓂᖅᓴᓂᒃ ᐊᓂᐊᕝᕕᓕᕆᓂᖅ − ᐋᖅᑭᐅᒪᑦᑎᐊᖅᑐᓂᒃ ᓄᓇᓖᑦ ᒪᑭᒪᔾᔪᑎᖃᕌᖓᒥᒃ ᐱᕈᕈᓐᓇᖃᑦᑕᕐᒪᑕ ᐱᕕᖃᕈᓐᓇᖅᐹᓪᓕᖅᐸᒃᖢᑎᒡᓗ ᑕᐃᒪᐃᒻᒪᑦ ᐅᐸᓗᖓᐃᔭᖅᓯᒪᔪᓐᓇᕐᓂᖅᓴᐅᓲᑦ ᐊᐳᖅᑕᕈᑎᖃᓕᕌᖓᒥᒃ ᐊᔪᕐᓇᖅᑐᖅᓯᐅᕈᑎᓄᑦ.

ᐅᓪᓗᒥ, ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ, ᒥᓂᔅᑕ ᒐᕙᒪᓕᕆᔨᒃᑯᓐᓄᑦ, ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ, ᐃᓚᐅᓪᓗᓂ ᒪᓕᒐᓕᐅᖅᑎ ᐹᒥᓚ ᕼᐊᑯᕐᖓᖅ−ᒍᕌᔅ, ᓄᓇᕗᒻᒥ ᐃᓕᓐᓂᐊᕐᓂᓕᕆᔨᒃᑯᑦ ᒥᓂᔅᑕᖓᑦ, ᓇᓗᓇᐃᖅᓯᖅᑲᐅᔪᑦ ᑮᓇᐅᔭᑎᒍᑦ ᐃᑲᔪᖅᑎᒌᖕᓂᐊᕐᓂᖏᓐᓂᒃ ᐱᐅᓯᒋᐊᕈᑕᐅᓂᐊᖅᑐᓂᒃ 45−ᓂ ᐃᓕᓐᓂᐊᕐᕕᖕᓂ ᑕᒪᐃᓐᓂ ᓄᓇᕗᒻᒥ.

ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᐃᓇᖐᔾᔪᑕᐅᓗᑎᒃ ᐃᕐᕈᖅᑐᐃᔾᔪᑎᓂᒃ, ᓴᓗᒻᒪᖅᓴᐃᓂᕐᒧᑦ ᐊᒻᒪᓗ ᓂᐱᐅᓯᖅᑐᐃᓂᕐᒧᑦ ᐃᓇᖏᖅᑕᐅᔪᓂᒃ ᓱᕈᔾᔭᐃᒃᑯᑎᓄᑦ ᐃᓕᔭᐅᓂᖏᓐᓄᑦ. 130 ᐅᖓᑖᓃᑦᑐᑦ ᐊᓂᐊᕝᕖᑦ ᓱᓪᓗᙱᓪᓗ ᓴᓗᒻᒪᖅᓴᖅᑕᐅᓂᐊᖅᑐᑦ ᐆᒪᔪᐃᑦ ᖁᐱᕐᕈᑦ ᐃᓯᖅᐸᓪᓕᐊᖃᑦᑕᕐᓂᐊᙱᒻᒪᑕ. 900 ᐅᖓᑖᓃᑦᑐᑦ ᐃᓇᖏᖅᑕᐅᓂᐊᖅᑐᑦ ᓱᕈᔾᔭᐃᒃᑯᑏᑦ ᓱᓪᓗᖏᓪᓗ ᑕᐃᒪᓗ ᓴᓗᒪᓕᖅᐸᑕ ᐊᓂᖅᑎᕆᔭᐅᔪᖅ ᓴᓗᒪᓂᖅᓴᐅᓪᓗᐊᖅᖢᓂ.

ᐱᐊᓂᒃᐸᑕ, ᑕᒪᒃᑯᐊ ᐱᐅᓯᒋᐊᕈᑕᐅᔪᑦ ᓄᑖᙳᕆᐊᖅᑕᐃᓪᓗ ᐃᑲᔪᕐᓂᐊᖅᑐᑦ ᐃᓕᓐᓂᐊᖅᑎᓂᒃ, ᐃᓕᓴᐃᔨᓂᒃ ᐊᒻᒪ ᐃᖅᑲᓇᐃᔭᖅᑐᓂᒃ ᐃᓕᓐᓂᐊᕐᕕᖕᓂ ᓄᓇᕗᓕᒫᒥ ᓴᓗᒪᓂᖅᓴᒥᒃ ᐊᓂᖅᑎᕆᕙᓕᕐᓗᑎᒃ ᐃᕐᕈᖅᑐᐃᔾᔪᑎᖃᑦᑎᐊᓕᕐᓗᑎᒡᓗ ᑕᒪᒃᑯᓇᖓᑦ ᑕᐃᒪ ᐊᑦᑕᕐᓇᙱᓐᓂᖅᓴᐅᓕᕋᔭᖅᐳᖅ ᐊᓂᖅᑎᕆᔭᖅ.

ᑲᓇᑕᒥ ᒐᕙᒪᒃᑯᑦ ᑮᓇᐅᔭᓕᐅᖅᓯᒪᓕᖅᑐᑦ $4.5 ᒥᓕᐊᓐ ᐅᖓᑖᓂ ᑖᒃᑯᓇᓂ ᐱᓕᕆᑎᓪᓗᒋᑦ ᓄᕙᒡᔪᐊᕐᓇᖅ-19−ᓕᕆᔪᑦ ᐊᓯᔾᔨᖅᑕᖅᑐᒧᑦ ᖃᐅᔨᓴᖅᑎᓪᓗᒋᑦ ᑮᓇᐅᔭᓕᐅᕈᑕᐅᓇᓱᐊᖅᑐᓂᒃ ᑲᓇᑕᒥ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᓕᕆᐊᖓᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᖅᑎᑦᑎᓪᓗᑎᒃ $2.1 ᒥᓕᐊᓐ ᐅᖓᑖᓂ.

ᐅᖃᐅᓯᐅᓯᒪᔪᑦ

"ᓄᕙᒡᔪᐊᕐᓇᖅ−19−ᒧᑦ ᖃᓂᒻᒪᒃᐸᓪᓕᐊᑎᓪᓗᒋᑦ ᓇᓗᓇᐃᖅᓯᓚᐅᖅᐳᑦ ᐱᒻᒪᕆᐅᓂᖓᓂᒃ ᐊᓂᖅᓵᖅᑐᑦᑎᐊᕐᓇᕐᓗᑎᒃ ᐃᓄᖕᓄᑦ ᑭᓱᓕᕆᕝᕖᑦ ᑲᓇᑕᓕᒫᒥ. ᑮᓇᐅᔭᖃᖅᑎᓪᓗᒋᑦ ᓴᓗᒻᒪᖅᓴᖅᑕᐅᒋᐊᓕᑦ ᐊᒻᒪ ᓇᓕᒧᒌᓕᖅᑎᑕᐅᔪᑦ ᐊᓂᖅᓵᖅᑐᑦᑎᐊᕐᓇᖅᑐᑦ ᐃᓕᓐᓂᐊᕐᕕᓕᒫᓂᒃ ᓄᓇᕗᒻᒥ, ᓴᖅᑭᑦᑎᕙᓪᓕᐊᒐᑦᑕ ᐊᓂᖅᓵᖅᑐᑦᑎᐊᕐᓇᕐᓂᖅᓴᓂᒃ ᐊᑦᑕᕐᓇᙱᓐᓂᖅᓴᓂᒡᓗ ᐃᓕᓐᓂᐊᕐᕕᖕᓂᒃ ᓄᑕᖅᑲᓄᑦ ᓄᓇᕗᒥᐅᑕᓄᑦ."

ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ, ᒐᕙᒪᓕᕆᔨᒃᑯᓐᓄᑦ ᒥᓂᔅᑕ, ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ

"ᐅᑯᐊ ᑮᓇᐅᔭᑦ ᐃᑲᔪᖅᑐᐃᔾᔪᑕᐅᓂᐊᖅᐳᑦ ᐱᐅᓯᕚᓪᓕᖅᓯᒪᓕᕐᓗᑎᒃ ᐊᓂᖅᓵᖅᑐᑦᑎᐊᕐᓇᕐᓂᖅ ᐃᓕᓐᓂᐊᕐᕕᑦᑎᓐᓂ, ᐱᓪᓚᕆᐊᓗᒋᔭᐅᔪᖅ ᐱᑕᖃᕈᓐᓃᖅᑎᑦᑎᕚᓪᓕᕋᓱᒃᑎᓪᓗᑕ ᓯᐊᒻᒪᒃᐸᓪᓕᐊᔪᒥᒃ ᓄᕙᒡᔪᐊᕐᓇᖅ-19−ᒥ. ᐊᑑᑎᖃᑦᑎᐊᕐᓂᖓ ᐊᒻᒪ ᐊᓂᖅᓵᖅᑐᑦᑎᐊᕐᓇᕐᓂᖓ ᐊᒻᒪ ᓱᕈᔾᔭᐃᒃᑯᓯᖅᓯᒪᑦᑎᐊᕐᓂᖓ ᐃᓕᓐᓂᐊᕐᕕᐊᕈᓯᕐᓂᒃ ᐃᑲᔫᑕᐅᓂᐊᖅᐳᖅ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᓄᓪᓗ ᖃᓄᐃᙱᑦᑎᐊᖅᑎᓪᓗᒋᑦ."

ᒪᓕᒐᓕᐅᖅᑎ ᐹᒥᓚ ᕼᐊᑯᖓᒃ ᒍᕉᔅ, ᒥᓂᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ

ᓱᓕᔪᑦ

  • ᐊᖅᑯᑕᐅᓪᓗᓂ ᑮᓇᐅᔭᓕᐅᕋᓱᐊᕐᓂᖅ ᑲᓇᑕᒥ ᐸᕐᓇᐅᑎᒃᑯᑦ, ᑲᓇᑕᐅᑉ ᒐᕙᒪᒃᑯᑦ ᑮᓇᐅᔭᓕᐅᕋᓱᖕᓂᐊᖅᐳᑦ $180-ᐱᓕᐊᓐ ᐅᖓᑖᓂ 12 ᐅᑭᐅᑦ ᐅᖓᑖᓂ ᐊᑐᕐᓂᐊᖅᑐᓂᑦ ᓅᑕᐅᓂᕐᒧᑦ ᐱᓕᕆᐊᒃᓴᓄᑦ, ᓄᓇᒥᙶᖅᑐᓂᒃ ᐊᐅᓚᔪᓐᓇᐅᑎᓄᑦ, ᐃᓄᖕᓄᑦ ᒪᑭᒪᔾᔪᑎᓄᑦ, ᑕᐅᖅᓰᖃᑎᒌᖕᓂᕐᒧᑦ ᐊᒻᒪ ᐃᖏᕐᕋᔾᔪᑎᑦ ᐊᖅᑯᑎᖏᓐᓄᑦ, ᐊᒻᒪ ᑲᓇᑕᒥ ᓄᓇᓕᕋᓛᖑᓂᖅᓴᓂ ᐊᒻᒪ ᐅᑭᐅᖅᑕᖅᑐᒥ ᓄᓇᓕᖕᓄᑦ.
  • ᐅᑭᐅᑦ ᐊᕐᕕᓂᓕᑦ (6) ᐅᖓᑖᓄᑦ, ᐊᐅᓚᔪᓐᓇᐅᑎᓕᕆᔨᒃᑯᑦ ᑲᓇᑕᒥ ᑮᓇᐅᔭᓕᐅᖅᓯᒪᓕᖅᑐᑦ $851 ᒥᓕᐊᓐ ᐅᖓᑖᓂ 34-ᓂᒃ ᐊᐅᓚᔪᓐᓇᐅᑎᓕᕆᔪᓂᒃ ᐱᓕᕆᐊᖅᑎᒍᑦ ᓄᓇᕘᓕᒫᒥ. 
  • ᑖᓐᓇ ᐊᑐᖅᑎᓪᓗᒍ, $1.9 ᐱᓕᐊᓐ ᐅᖓᑖᓂ ᑮᓇᐅᔭᓕᐅᖅᓯᒪᓕᖅᑐᑦ ᓄᕙᒡᔪᐊᕐᓇᖅ-19 ᐊᓯᔾᔨᖅᑕᖅᑐᒧᑦ ᖃᐅᔨᓴᖅᑎᓪᓗᒋᑦ ᑮᓇᐅᔭᓕᐅᕋᓱᐊᖅᑎᑦ ᑲᓇᑕᒥ ᐊᐅᓚᔪᓐᓇᐅᑎᓕᕆᔨᒃᑯᑦ ᐱᓕᕆᐊᒃᓴᓄᑦ 2,000 ᐅᖓᑖᓂ ᐱᓕᕆᐊᓂᒃ ᑲᓇᑕᓕᒫᒥ.
  • ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ ᐃᑲᔪᓲᖑᕗᑦ ᓴᖅᑭᖦᖢᒋᑦ ᐱᔭᕆᑐᓪᓗᑎᒃ ᐊᓂᒍᖅᑎᑦᑕᕆᐊᓖᑦ ᑲᓇᑕᒥ ᖃᐅᑕᒫᑦ ᑲᒪᒋᔭᐅᒋᐊᖃᓲᑦ—ᓴᖅᑭᖃᑦᑕᖅᓯᒪᔪᑦ ᓄᓇᓕᐸᐅᔭᐃᑦ ᐃᓄᒋᐊᒃᓯᕙᓪᓕᐊᖏᓐᓇᖅᑎᓪᓗᒋᑦ, ᓯᓚᒧᑦ ᐊᓯᔾᔨᖅᐸᓪᓕᐊᔪᒧᑦ, ᐊᒻᒪ ᐊᕙᑎᑦᑎᓐᓄᑦ ᓯᕘᕋᓵᕈᑎᓄᑦ ᐃᒪᖁᑎᑦᑎᓐᓄᑦ ᓄᓇᑦᑎᓐᓄᓪᓗ.


ᐊᒃᑐᐊᓂᓖᑦ ᐊᑦᑕᑕᕐᕕᐅᔪᓐᓇᖅᑐᑦ

ᑲᓇᑕᒥ ᐊᐅᓚᔪᓐᓇᐅᑎᓄᑦ ᑮᓇᐅᔭᓕᐅᕋᓱᐊᕈᑎᑦ ᓄᓇᕗᒻᒥ:
https://www.infrastructure.gc.ca/investments-2002-investissements/nu-eng...

ᑮᓇᐅᔭᓕᐅᕋᓱᐊᕐᓂᖅ ᑲᓇᑕᒥ ᐸᕐᓇᐅᑎᒧᑦ ᐱᓕᕆᐊᕐᒧᑦ:
http://www.infrastructure.gc.ca/map


- 30 -


ᖃᐅᔨᒋᐊᕐᕕᒃᓴᑦ

ᔮᓐ−ᓯᐹᔅᑕᓐ ᑯᒨ
ᐱᕙᓪᓕᐊᔪᓄᑦ ᑎᑎᕋᖅᑎ ᐊᒻᒪ ᑐᓴᐅᒪᔪᓕᕆᔨᒃᑯᓐᓄᑦ ᐅᖃᐅᔾᔨᒋᐊᖅᑎ
ᒪᓕᒐᓕᐅᖅᑎ ᑖᒥᓂᒃ ᓚᑉᓛᖕᒃ ᑎᑎᕋᕐᕕᖓᑦ
ᒐᕙᒪᓕᕆᔨᒃᑯᓐᓄᑦ ᒥᓂᔅᑕ, ᐊᐅᓚᔪᓐᓇᐅᑎᓕᕆᔨᒃᑯᑦ ᐊᒻᒪ ᓄᓇᓕᖕᓄᑦ
343-574-8116
Jean-Sebastien.Comeau@iga-aig.gc.ca

ᓵᓐᑎ ᑦᓵᓐ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨᐅᓚᐅᑲᒃᑐᖅ
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᕗᒻᒥ ᒐᕙᒪᒃᑯᑦ
867-975-5615
info.edu@gov.nu.ca

ᑐᓴᒐᒃᓴᓕᕆᔨᑦ
ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ
613-960-9251
ᐊᑭᖃᙱᑦᑐᖅ: 1-877-250-7154
media-medias@infc.gc.ca

ᑕᑯᒋᐊᕈᓐᓇᕐᒥᔪᓯ Twitter−ᑯᑦ, Facebook-ᑯᑦ ᐊᒻᒪ  instagram−ᑯᑦ ᐊᒻᒪ LinkedIn−ᑯᑦ
ᐃᑭᐊᖅᑭᕕᒃ: ᐊᐅᓚᔪᓐᓇᐅᑎᓕᕆᔩᑦ ᑲᓇᑕᒥ