ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᑭᐅᒃᑯᑦ ᐃᓕᓐᓂᐊᕐᓂᕐᒧᑦ ᐱᓇᔪᖕᓂᐊᕐᓗᓂ ᐅᓪᓗᐃᑦ ᑭᖑᓪᓕᖅᐹᕆᔪᓐᓇᖅᑕᖏᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐅᑭᐅᒃᑯᑦ ᐃᓕᓐᓂᐊᕐᓂᕐᒧᑦ ᐱᓇᔪᖕᓂᐊᕐᓗᓂ ᐅᓪᓗᐃᑦ ᑭᖑᓪᓕᖅᐹᕆᔪᓐᓇᖅᑕᖏᑦ

ᐃᑲᔪᖅᑐᖅᑕᐅᔭᕆᐊᖃᖅᐲᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᕐᒧᑦ ᑐᕌᒐᕆᔭᕐᓅᑦ?

ᑮᓇᐅᔭᑎᒍᑦ ᐃᑲᔫᑎᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS) ᐃᑲᔫᓯᐊᖅᑎᒍᑦ ᐃᑲᔪᖅᑐᐃᕙᒃᐳᑦ ᐱᔪᓐᓇᐅᑎᖃᖅᑐᓄᑦ ᓄᓇᕗᒥᐅᓂᒃ ᐃᓕᓐᓂᐊᖃᑕᐅᔪᓂᒃ ᐃᓕᓴᕆᔭᐅᓯᒪᔪᓂ ᓯᓚᑦᑐᖅᓴᕐᕕᖕᓂ ᓯᓚᑦᑐᖅᓴᕐᕕᒡᔪᐊᓂᒡᓗ.

ᐱᓇᔪᖃᑕᐅᒍᕕᑦ ᓯᓚᑦᑐᖅᓴᕐᕕᒃᒧᑦ ᓯᓚᑦᑐᖅᓴᕐᕕᒡᔪᐊᕐᒧᓪᓘᓐᓃᑦ ᐅᓪᓗᓕᒫᒧᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᕐᒧᑦ ᐅᑭᐅᒃᑯᑦ ᑲᔪᓯᓂᐊᕈᕕᑦ, ᐃᓱᓕᕝᕕᖓ ᐃᑲᔫᓯᐊᕐᓂᕐᒧᑦ ᐱᓇᔪᖃᑕᐅᓂᐊᕐᓗᓂ ᑮᓇᐅᔭᓂᒃ ᓄᕕᐱᕆ15, 2021.

ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓕᒫᑦ ᐱᓇᔪᒃᑲᓐᓂᕆᐊᖃᖅᐳᑦ ᑮᓇᐅᔭᑎᒍᑦ ᐃᑲᔫᑎᓂᒃ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᓕᓐᓂᐊᕐᓇᑕᒫᑦ.

ᐱᓇᔪᒍᑏᑦ ᑐᓂᔭᐅᔪᓐᓇᖅᑐᑦ ᑐᖏᖔᖓᒍᑦ ᐃᓕᓐᓂᐊᕆᐊᕈᓐᓇᕐᓂᕋᖅᑕᐅᓗᑎᑦ ᐊᖏᖅᑕᐅᙱᓐᓂᕐᓂ ᑕᐃᑲᙵᑦ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᔾᔪᐊᒥᓘᓃᑦ.

ᑐᓴᖅᑕᖃᒃᑲᓐᓂᕈᒪᒍᕕᑦ ᐱᓇᔫᑎᓄᓪᓗ ᑎᑎᕋᕆᐊᓕᖕᓄᑦ, ᐅᕗᙵᕐᓗᓯ, www.gov.nu.ca/fans ᖃᕆᑕᐅᔭᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᑮᓇᐅᔭᑎᒍᑦ ᐃᑲᔫᓯᐊᖑᕙᒃᑐᓄᑦ ᑎᑎᕋᕐᕕᒃ ᐅᕗᖓ fans@gov.nu.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
info.edu@gov.nu.ca