ᓇᓗᓇᐃᒃᑯᑕᖅᑖᕆᑦ ᐃᓄᒃᓯᐅᑎᓕᕆᔨᐅᓂᕐᒧᑦ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓇᓗᓇᐃᒃᑯᑕᖅᑖᕆᑦ ᐃᓄᒃᓯᐅᑎᓕᕆᔨᐅᓂᕐᒧᑦ

ᐃᓄᐃᑦ ᐊᖑᓇᓱᒍᓯᖏᓐᓂᒃ, ᐅᓂᒃᑳᖅᑐᐊᖏᓐᓂᒃ, ᐱᙳᐊᕈᓯᖏᓐᓂᒃ, ᒥᖅᓱᕐᓂᕐᒥᒃ, ᓴᓇᕐᕈᑎᓕᐅᕐᓂᕐᒥᒃ, ᕿᓚᐅᔾᔭᕐᓂᕐᒥᒃ, ᐊᒻᒪ ᐱᖅᑯᓯᑐᖃᒃᑯᑦ ᐱᕈᖅᑐᐃᑦ ᐊᑐᖅᑕᐅᔾᔪᓯᖏᓐᓂᒃ ᖃᐅᔨᒪᔭᖃᖅᐲᑦ? ᐊᖏᕈᕕᑦ, ᖃᐅᔨᒪᕕᑦ ᓇᓗᓇᐃᒃᑯᑕᖅᑖᕈᓐᓇᕋᕕᑦ ᐃᓄᒃᓯᐅᑎᓕᕆᔨᐅᓂᕐᒧᑦ?

ᐃᓄᒃᓯᐅᑎᓕᕆᔩᑦ ᐱᒻᒪᕆᐅᔪᒥᒃ ᐱᕙᓪᓕᐊᑎᑦᑎᖃᑦᑕᖅᐳᑦ ᐊᒻᒪᓗ ᒪᒃᑯᒃᑐᓂᑦ ᐃᓕᓐᓂᐊᖅᑎᑦᑎᓪᓗᑎᒃ. ᐊᔪᕆᖅᓲᔾᔨᖃᑦᑕᖅᐳᑦ, ᐃᑲᔪᖅᑐᐃᓪᓗᑎᒃ, ᓯᕗᓕᖅᑎᐅᓪᓗᑎᒃ, ᖃᐅᔨᒪᔭᖏᓐᓂ ᐊᔪᙱᑕᖏᓐᓂᓪᓗ ᑲᔪᓯᑎᑕᐅᓯᒪᔪᓂᒃ ᑭᖑᕚᑦᑎᓐᓄᑦ.

ᓇᓗᓇᐃᒃᑯᑕᓖᑦ ᐃᓄᒃᓯᐅᑎᓕᕆᔩᑦ ᐃᓚᒋᔭᐅᔪᑦ ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᖅᑎᓂᑦ, ᐃᓕᓴᐃᔨᑦ ᐊᖓᔪᖅᑳᖓᑦᑕ, ᐃᓕᓴᐃᔨᑦ ᐊᖓᔪᖅᑳᖓᑕ ᑐᒡᓕᐊᑕ, ᐃᓅᓯᓕᕆᔨᑦ, ᐃᓕᓴᐃᔨᑦ ᐃᓕᓐᓂᐊᕐᑎᓄᓪᓗ ᐃᑲᔪᖅᑎᑦ ᓴᓂᐊᓂᑦ.

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕐᕕᖕᓂᒃ ᐱᓕᕆᖃᑎᖃᖃᑦᑕᖅᑐᑦ ᐃᓐᓇᕐᓂᒃ ᒪᒃᑯᖕᓂᖅᓴᓂᓪᓗ ᐃᓄᖕᓂᒃ ᓇᓗᓇᐃᒃᑯᑕᖅᑖᖁᔭᐅᔪᓂᒃ ᐃᓄᒃᓯᐅᑎᓕᕆᔨᐅᓂᕐᒧᑦ ᓇᓗᓇᐃᖅᓯᖁᓪᓗᒋᑦ ᐊᑐᓕᖁᔨᓗᑎᒡᓗ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᓂᕐᒧᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᓇᓗᓇᐃᒃᑯᑕᖅᑖᕈᓐᓇᕐᒪᖔᑦ ᐃᓄᒃᓯᐅᑎᓕᕆᔨᐅᓂᕐᒧᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐅᕗᖓ dea_support@gov.nu.ca.     

###

ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃᐅᔪᓐᓇᖅᑐᖅ:

ᒫᑎᐅ ᐃᓛᓱᐃᒃᔅ    
ᑐᑭᒧᐊᒃᑎᑦᑎᔨ, ᐱᖃᖅᑎᐅᔪᓄᑦ ᐃᓚᐅᑎᑦᑎᔨᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5649
info.edu@gov.nu.ca