ᓄᓇᑦᓯᐊᕐᒥ ᓄᓇᒥ ᐃᑭᕐᔪᐊᖅᑐᑦ: ᐊᐅᓪᓚᕐᓂᐊᕐᓗᓂ ᖃᐅᔨᒃᑲᐃᔾᔪᑎ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐃᓕᓐᓂᐊᖅᑎᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᑦᓯᐊᕐᒥ ᓄᓇᒥ ᐃᑭᕐᔪᐊᖅᑐᑦ: ᐊᐅᓪᓚᕐᓂᐊᕐᓗᓂ ᖃᐅᔨᒃᑲᐃᔾᔪᑎ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐃᓕᓐᓂᐊᖅᑎᓄᑦ

ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᖏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS) ᑎᑎᕋᕐᕕᖓ ᖃᐅᔨᓴᖅᐸᓪᓕᐊᕗᑦ ᓄᓇᒥ ᐃᑭᕐᔪᐊᖅᑐᓂᒃ ᓄᓇᑦᓯᐊᒥ, ᐊᒻᒪ ᐊᒃᑐᐃᔾᔪᑕᐅᓲᓂᒃ ᖃᖓᑕᓲᒃᑯᑦ ᔭᓗᓇᐃᒃᑯᑦ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐊᐅᓪᓚᖃᑦᑕᖅᑐᑦ ᔭᓗᓇᐃᒃᑰᖅᖢᑎᒃ ᐃᓕᓐᓂᐊᕆᐊᖅᖢᑎᒃ ᒪᓕᖁᔭᐅᕗᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒃᑯᑦ ᐊᐅᓪᓚᕐᓂᐊᕐᓗᓂ ᐊᑐᖅᑕᐅᔾᔪᓯᖏᓐᓂᒃ ᐋᖅᑭᒃᓱᐃᓗᑎᒃ ᖃᖓᑦᑕᐅᑎᒋᓂᐊᖅᑕᒥᓂᒃ ᐃᓕᓐᓂᐊᕐᕕᖕᒧᑦ ᑐᓂᓯᓗᑎᒃ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒃᑯᑦ ᐊᐅᓪᓚᕈᒪᔾᔪᑎᖓᑕ ᑎᑎᕋᕆᐊᓕᖕᒥᒃ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᑎᑎᕋᕐᕕᖓᓄᑦ. ᐃᓕᓐᓂᐊᖅᑏᑦ ᓱᓕ ᑐᓂᓯᓯᒪᙱᑦᑐᑦ ᐊᐅᓪᓚᕐᓂᐊᕐᓗᓂ ᑎᑎᕋᕆᐊᓕᖕᓂᒃ ᑕᐃᒪᐃᓕᐅᑲᐅᑎᒋᓪᓗᐊᖅᐳᑦ. ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᑎᑎᕋᕐᕕᖓ ᑎᓕᐅᕆᕗᖅ ᐃᓕᓐᓂᐊᖅᑎᓂᒃ ᑐᓂᓯᖁᓪᓗᒋᑦ ᑕᑕᑎᕆᐊᓕᖕᒥᒃ ᐱᓇᓱᐊᕈᓰᒃ ᒪᕐᕉᒃ ᓯᕗᓂᐊᒍᑦ ᐊᐅᓪᓚᕐᕕᒃᓴᖓᑕ ᐅᓪᓗᖓᓂᒃ ᐱᕕᒃᓴᖃᑦᑎᐊᖁᓪᓗᒋᑦ ᐊᒻᒪ ᖃᖓᑦᑕᐅᑎᒃᓴᓕᐅᕐᓗᑎᒃ.

ᖃᐅᔨᒪᓂᐊᕐᐳᓯ ᐊᓯᔾᔨᑐᐃᓐᓇᕆᐊᖃᖕᒪᑕ ᖃᖓᑕᕝᕕᒃᓴᖏᑦ ᐊᒃᑐᐃᓂᖃᖅᑐᑦ ᐅᓪᓗᖏᓐᓂᑦ ᐊᑐᐃᓐᓇᐅᔪᓂᒡᓗ ᐊᖅᑯᑎᓂᑦ.

ᐋᒡᒋᓯ 18-ᒥ ᐱᒋᐊᖅᖢᓂ, ᑲᓇᐃᑎᐊᓐ ᓄᐊᑦᑯᑦ ᖃᖓᑕᓲᓂᒃ ᓄᖅᑲᖅᑎᑦᑎᕙᓪᓕᐊᓕᖅᐳᑦ ᔭᓗᓇᐃᒃᑰᖅᑐᓂᒃ. ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐃᖅᑲᓇᐃᔭᖅᑎᖏᑦ ᐱᓕᕆᕗᑦ ᐃᓂᒃᓴᓕᐅᒃᑲᓐᓂᕋᓱᒃᖢᑎᒃ ᐊᒃᑐᖅᑕᐅᓯᒪᔪᓂᒃ ᐃᓕᓐᓂᐊᖅᑎᓂᒃ ᐃᐊᑦᒪᓐᑕᓐᑯᑦ ᐊᒻᒪ ᒫᓐᓇ ᓯᕗᓪᓕᐅᔾᔨᕙᓪᓕᐊᓪᓗᑎᒃ ᐃᓕᓐᓂᐊᖅᑎᓂᒃ ᐱᓇᓱᐊᕈᓯᐅᓂᐊᖅᑐᒥ ᐊᐅᓪᓚᕐᕕᒃᓴᖏᓐᓂᒃ. ᑖᒃᑯᐊ ᐋᖅᑭᒃᓱᖅᑕᐅᕌᓂᒃᐸᑕ, ᐊᓯᖏᑦ ᐃᓕᓐᓂᐊᕐᑎᑦ ᖃᖓᑦᑕᐅᑎᖏᑦ ᐃᓂᒃᓴᓕᐅᖅᑕᐅᓂᐊᖅᑐᑦ ᐱᓇᓱᐊᕈᓯᖕᒥᑦ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᑎᑎᕋᕐᕕᖓ ᑐᓴᖅᑎᑦᑎᖃᑦᑕᕐᓂᐊᖅᐳᑦ ᐱᔨᑦᑎᕋᖅᑕᐅᔪᓂᒃ ᖃᖓᑕᓲᒃᑯᑦ ᐊᐅᓪᓚᖅᐸᒃᑐᑦ ᐊᓯᔾᔨᖅᐸᑕ ᓄᓇᑦᓯᐊᒥ ᐃᑭᕐᔪᐊᖅᑐᑦ ᐱᔾᔪᑎᒋᓪᓗᒋᑦ.

ᖃᖓᑦᑕᐅᑎᑦ ᒥᒃᓵᓄ ᐊᐱᖅᑯᑎᒃᓴᖃᕈᕕᑦ, ᖃᐅᔨᒋᐊᕐᓗᑎᑦ  FANSTravel@gov.nu.ca.

###

ᑐᓴᒐᒃᓴᓕᕆᔨᓂᒃ ᖃᐅᔨᒋᐊᕐᕕᒃᓴᖅ:

ᒫᑎᐅ ᐃᓚᓯᕗᐃᒃ
ᑐᑭᒧᐊᒃᑎᑦᑎᔨ, ᐱᖃᖅᑎᐅᔪᓄᑦ ᐃᓚᐅᑎᑦᑎᔨᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5649
info.edu@gov.nu.ca