You are here

ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᓂᑦ ᐃᖅᑲᐃᓯᔾᔪᑎ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᓂᐊᖅᑐᓄᑦ ᑎᑎᕋᕆᐊᓕᒃ

ᓯᑎᐱᕆ 21, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ
ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᓂᑦ ᐃᖅᑲᐃᓯᔾᔪᑎ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᓂᐊᖅᑐᓄᑦ ᑎᑎᕋᕆᐊᓕᒃ

ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓄᑦ ᒫᓐᓇ ᐃᑲᔪᓯᐊᖃᑦᑕᖅᐲᑦ ᑮᓇᐅᔭᓂᒃ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖏᓐᓄᑦ ᐊᑎᓕᐅᖅᑕᐅᓂᐊᕐᓗᑎᓪᓗ ᐃᓕᓐᓂᐊᒐᒃᓴᓄᑦ ᐅᑭᐊᒃᓵᖅ ᐃᓕᓐᓂᐊᕐᓇᒥ?

ᓱᓕ ᐱᓕᕆᓚᐅᙱᒃᑯᕕᑦ, ᐊᐅᓪᓚᖅᑎᓐᓂᐊᖅᐸᐃᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᓄᑦ ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᑎᑎᕋᕆᐊᓕᒃ (SEF) ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᑦ ᑎᑎᕋᕐᕕᖓᓄᑦ ᑲᒪᒋᔭᐅᓂᐊᕐᒪᑦ. ᓇᑉᐸᖓᑕ ᐅᖓᑖᓂ ᐱᓇᔫᑎᑦ ᐱᔭᐅᓚᐅᖅᑐᑦ ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᑎᑎᕋᕆᐊᓕᖏᑦ ᓱᓕ ᐱᔭᐅᙱᒻᒪᑕ ᐊᑏ ᓇᓗᓇᐃᖅᓯᓂᐊᖅᐳᑎᑦ ᑎᑎᕋᕆᐊᓖᑦ ᓇᒃᓯᐅᑎᓂᕋᕐᓗᒍ.

ᑎᑎᕌᓂᒃᓯᒪᔪᐃᑦ ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᑎᑎᕋᕆᐊᓕᒃ ᓇᒃᓯᐅᑎᔭᕆᐊᖃᓲᑦ ᐅᕗᖓ fansloans@gov.nu.ca. ᑮᓇᐅᔭᓂᒃ ᐊᑐᖅᑐᐊᖅᓯᒪᒍᕕᑦ, ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᑎᑎᕋᕆᐊᓕᒃ ᐊᒻᒪᓗ ᐊᑐᖅᑐᐊᕈᑎᖕᓄᑦ ᐊᖏᕈᑎ ᐊᑎᓕᐅᖅᓯᒪᔪᖅ ᓇᒃᓯᐅᑎᖃᓯᐅᑎᓗᒍ ᐅᕗᖓ fansloans@gov.nu.ca.  

ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᖃᑦᑕᖅᑐᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᓂᑦ ᐃᓚᖓ A−ᒥᑦ ᑎᑎᕋᖁᔭᐅᕗᑦ ᐃᓕᓐᓂᐊᖅᑎᑦ ᐊᑎᓕᐅᖅᑕᐅᖃᑕᐅᓂᐊᖅᑐᑦ ᑎᑎᕋᕆᐊᓕᖓᓂ ᐅᑎᖅᑎᓪᓗᒍᓗ ᑎᑎᖅᑭᕆᔨᑦ ᑎᑎᕋᕐᕕᖓᓄᑦ ᓯᓚᑦᑐᖅᓴᕐᕕᖕᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑕᑯᒋᐊᕐᓗᒍ, www.gov.nu.ca/iu/ilinniarnilirijikkut/information/financial-assistance-n...  ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑎᑦᑎᔨᑦ ᑎᑎᕋᕐᕕᖓ ᐅᕗᖓ, fansloans@gov.nu.ca.   

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐋᓕᒃᓵᑐᕆᐊ ᐅᐊᑉ
ᑐᓴᐅᒪᔪᓕᕆᔨ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
info.edu@gov.nu.ca