ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᕗᑦ 2021-22−ᒥᑦ ᐅᒃᑯᐃᕐᓂᖕᒧᑦ ᐸᖕᓇᐅᑎ ᓄᓇᕗᒻᒥᑦ ᐃᓕᓐᓂᐊᕐᕕᖕᓄᑦ

ᐊᒐᓯ 03, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᕗᑦ 2021-22−ᒥᑦ ᐅᒃᑯᐃᕐᓂᖕᒧᑦ ᐸᖕᓇᐅᑎ ᓄᓇᕗᒻᒥᑦ ᐃᓕᓐᓂᐊᕐᕕᖕᓄᑦ

ᐃᖃᓗᐃᑦ, ᓄᓇᕗᑦ (ᐊᐅᒍᔅᑎ 03, 2021) − ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᕐᖢᑎᒃ ᓄᓇᕗᒻᒥᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒥᑦ, ᐅᓪᓗᒥ ᓴᖅᑭᑦᑎᖅᑲᐅᕗᑦ 2021-22 ᐅᒃᑯᐃᕐᓂᖕᒧᑦ ᐸᖕᓇᐅᑎ ᓄᓇᕗᒻᒥᑦ ᐃᓕᓐᓂᐊᕐᕕᖕᓄᑦ.

“ᓄᕙᒡᔪᐊᕐᓇᖅ-19 ᓄᓇᕐᔪᐊᒥ ᖃᓂᒪᓂᖅ ᐊᓯᔾᔨᖅᐸᓪᓕᐊᑎᓪᓗᒍ, ᐃᓕᑦᑎᓚᐅᕐᐳᒍ ᖃᓄᖅ ᓱᖏᐅᑎᔪᓐᓇᕐᒪᖔᑦᑎᓐᓂᑦ ᓄᑖᒧ ᐊᑐᕐᑕᑦᑎᓐᓂ ᐱᓕᕆᖃᑎᒌᒃᓗᑕᓗ,” ᐅᖃᓚᐅᕐᑐᖅ ᒥᓂᔅᑕ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑕᐃᕕᑎ ᔪᐊᓇᓯ. “ᑖᓐᓇ 2021-2022 ᐅᒃᑯᐃᕐᓂᖕᒧᑦ ᐸᖕᓇᐅᑎ ᓄᓇᕗᒻᒥᑦ ᐃᓕᓐᓂᐊᕐᕕᖕᓄᑦ ᐃᑲᔪᖅᑐᐃᔪᖅ ᐃᓕᓐᓂᐊᕐᑎᓂᑦ, ᐃᓚᒌᓂᑦ, ᐃᓕᓐᓂᐊᕐᕕᖕᓂᑦ ᓯᕗᓕᖅᑎᓂᑦ ᐊᒻᒪᓗ ᐱᓕᕆᖃᑎᒌᑦ ᐱᑎᑦᑎᓪᓗᑎᒃ ᐸᖕᓇᐅᑎᐅᔭᕆᐊᓕᖕᒥᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᖕᓇᖅᑕᐅᓕᒪᓂᖕᒧᓪᓗ ᑭᖑᓪᓕᒃᑰᓕᕐᑎᓪᓗᑕ. ᐸᖕᓇᐅᑎᑦ ᐊᑦᑕᕐᓇᓗᐊᕐᑕᐃᓕᒪᑎᑦᑎᔪᑦ ᓴᖅᑭᓐᓂᒃᓴᖓᓂ ᓯᐊᒻᒪᖕᓂᕐᓴᖓᓂᓪᓗ ᖁᐱᕐᕈᐊᕐᔪᒃ ᐃᓕᓐᓂᐊᕐᕕᑦᑎᓐᓂᑦ, ᓅᑦᑎᐊᕐᓗᑕᓗ ᐃᓕᓐᓂᐊᖏᓐᓇᕐᓗᑎᒃᓗ ᒪᒃᑯᒃᑐᖁᑎᕗᑦ ᓄᓇᕗᒻᒥᑦ."

ᓄᓇᕗᑦ ᐃᓕᓐᓂᐊᕐᕕᖏᑦ ᑐᙵᕕᖃᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑦᑕᖏᑦᑐᒦᖏᓐᓇᕆᐊᖃᖅᓱᑎᓪᓗ, ᐃᑲᔪᖅᑐᐃᓂᕐᒧᑦ, ᐃᓚᓕᐅᔾᔨᓯᒪᓂᕐᒧᓪᓗ ᐊᕙᑎᖃᕐᓂᕐᒥᒃ. ᐋᓐᓂᐊᕐᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐃᓱᒪᓕᐊᑦ ᑐᕌᖓᔪᑦ ᐃᓕᓐᓕᐊᕐᕕᔨᕆᔨᒃᑯᓐᓄ ᐊᔪᕆᖅᓱᖅᑕᐅᓂᐊᕐᑐᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᐅᑉ ᑐᑭᓕᐊᖓᓂ ᒪᓕᒃᓗᑎᒃᓗ ᓄᓇᕗᒻᒥᑦ ᐊᖅᑯᑖ ᐊᒻᒪᓗ ᑐᕌᖓᔪᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᖕᓂᑦ.

ᐃᓚᒋᔭᐅᓗᓂ ᐅᒃᑯᐃᕐᐸᓪᓕᐊᓂᖕᒧᑦ ᐸᖕᓇᐅᑖᓂ, ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓚᐅᕐᒥᔪᑦ ᐃᓕᑦᑎᕙᓪᓕᐊᓂᖅ ᑲᑎᙵᑲᓐᓂᖕᓂᖕᒥᑦ, ᐋᓐᓂᐊᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐊᔪᕆᖅᓲᑎᑦ ᓄᓇᕗᒻᒥᑦ ᐃᓕᓐᓂᐊᕐᕕᖕᒧ ᐊᒻᒪᓗ ᐅᑎᕐᑎᑦᑎᕙᓪᓕᐊᔾᔪᑎ ᐃᓕᓐᓂᐊᕐᕕᖕᒧᑦ. ᐅᑯᐊ ᐃᑲᔫᑎᒃᓴᐃᑦ ᐱᔾᔪᑎᖃᓗᐊᕐᑐᑦ ᖃᓄᖅ ᓄᓇᕗᒻᒥᑦ ᐃᓕᓐᓂᐊᕐᕕᑦ ᓱᖏᐅᑎᔪᓐᓇᕐᒪᖔᖏ ᓄᕙᒡᔪᐊᕐᓇᖅ-19−ᒧᑦ, ᐊᒻᒪᓗ ᖃᓄᐃᓕᐅᕐᓂᖅ ᓯᕗᓂᑦᑎᓐᓂᑦ ᐊᐃᑦᑑᑎᓕᕐᓂᕐᐸᑕ ᓄᓇᓕᖕᓂᑦ.

ᐊᑐᙱᖔᕐᓗᒋᑦ ᑎᓴᒪᑦ ᖃᓄᐃᑉᐸᓪᓕᐊᓂᐅᑉ ᓇᓃᓐᓂᕆᓕᖅᑕᖓ ᐊᑐᕐᑕᐅᓚᐅᕐᑐᑦ 2020-21−ᒥᑦ, ᐅᑯᐊ ᐱᔾᔪᑎᑦ ᐋᖅᑭᒍᑕᐅᓂᐊᕐᑐᑦ ᐊᒃᑐᐃᓂᖕᒧᑦ ᐃᓕᓐᓂᐊᕐᕕᓕᕆᔨᒃᑯᓐᓄᑦ:

  • ᖃᓄᐃᑦᑑᓂᖓ ᓄᕙᕐᔪᐊᕐᓇᖅ-19 ᐊᑐᓂ ᓄᓇᓕᓐᓂᑦ, ᐃᓚᒋᓗᒍ ᓯᐊᒻᒪᐸᓪᓕᐊᓂᖓᓄᑦ ᓄᕙᕐᔪᐊᕐᓇᖅ-19 ᐊᔾᔨᒌᖏᑦᑐᐃᑦ.
  • ᐋᓐᓂᐊᖅᑐᓕᕆᓂᕐᒧᑦ ᖃᑦᓯᐅᓂᖏᑦ ᑭᐅᔾᔪᑎᖃᕐᓂᐊᕐᒪᑕ ᓄᕙᕐᔪᐊᕐᓇᖅ-19 ᓄᓇᓕᓐᓂ.
  • ᐋᓐᓂᐊᕐᕕᒃ ᖃᐅᔨᓴᕈᓐᓇᕐᓂᖓ, ᖃᐅᔨᓇᓱᐊᕐᓂᖅ, ᐃᓄᑑᔭᕆᐊᖃᕐᓂᕐᒧᓪᓗ ᖃᓄᐃᓐᓂᐅᔪᓄᑦ.
  • ᐋᓐᓂᐊᓕᕇᒃᑯᑎ ᐱᔪᓐᓇᖅᑕᖏᑦ ᐃᓚᖏᑎᒍᑦ ᐃᓗᐊᓂ ᐊᕐᕌᒍᖃᑎᒌᑦ, ᐃᓕᓐᓂᐊᕐᕖᑦ, ᓄᓇᓖᓪᓗ.

ᐅᑯᐊ ᑐᑭᓯᒋᐊᒐᒃᓴᑦ ᓇᓂᔭᒃᓴᐅᖕᒥᔪᑦ 2021-22 ᐅᒃᑯᐃᕐᐸᓪᓕᐊᓂᖕᒧᑦ ᐸᕐᓇᐅᑎᑦ ᓄᓇᕗᒻᒥ ᐃᓕᓐᓂᐊᕐᕕᖕᓂ ᐅᕗᙵᐅᓗᑎᒃ: https://gov.nu.ca/education/information/2021-22-opening-plan-nunavut-sch....

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680
trhoades@gov.nu.ca