ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᑐᙵᕕᒃ ᑎᒥᖓ, ᒐᕙᒪᒃᑯᓪᓗ ᓄᓇᕗᒻᒥ ᐃᑲᔪᖅᑐᐃᔪᑦ ᐃᓕᓐᓂᐊᑎᓄ ᐅᐸᑦᓯᒪᙱᒃᑲᓗᐊᕐᓗᓂ ᐃᓕᓐᓂᐊᕐᐸᓪᓕᐊᓂᕐᒧᑦ

ᐊᒐᓯ 30, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᑐᙵᕕᒃ ᑎᒥᖓ, ᒐᕙᒪᒃᑯᓪᓗ ᓄᓇᕗᒻᒥ ᐃᑲᔪᖅᑐᐃᔪᑦ ᐃᓕᓐᓂᐊᑎᓄ ᐅᐸᑦᓯᒪᙱᒃᑲᓗᐊᕐᓗᓂ ᐃᓕᓐᓂᐊᕐᐸᓪᓕᐊᓂᕐᒧᑦ

ᐃᖃᓗᐃᑦ, ᓄᓇᕗᑦ (ᐊᐅᒡᒍᓯ 30, 2021) − ᓄᓇᕗᑦ ᑐᙵᕕᒃᑯᖅ ᑎᒥᖓ (NTI) ᐊᖓᔪᖅᑲᖓ, ᐊᓗᑭ ᑰᑦᑎᖅ, ᒥᓂᔅᑕᖓᓗ ᐃᓕᓐᓂᐊᕐᓂᓕᕆᔨᒃᑯᑦᒪ ᑕᐃᕕᑎ ᔪᐊᓇᓯ, ᐱᓕᕆᖃᑎᒌᑦᑑᒃ ᐊᑐᐃᓐᓇᐅᑎᑦᓯᓂᕐᒧᑦ ᐃᑲᔪᖅᑐᐃᑲᓐᓂᕐᓂᕐᒧᑦ ᐃᓕᓐᓂᐊᑎᓄ ᐅᐸᑦᓯᒪᙱᒃᑲᓗᐊᕐᓗᓂ ᐃᓕᓐᓂᐊᕐᐸᓪᓕᐊᓂᕐᒧᑦ ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅᑕᖃᖅᑎᓪᓗᒍ.

“ᑎᓕᐅᕆᒃᑲᓐᓂᖅᑐᖓ ᐃᓕᓐᓂᐊᖅᑎᓕᒫᓂᑦ ᑐᓴᐅᓴᑎᑦᓯᓂᕐᒧᑦ ᐋᓐᓂᐊᓕᕇᒃᑯᑎᐅᑉ ᒥᑦᓵᓄᑦ, ᑕᐃᒪᐃᒍᓐᓇᕈᕕᑦ, ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᒧᑦ. ᐋᓐᓂᐊᓕᕇᒃᑯᑎ ᐱᐅᓂᖅᐸᐅᕗᖅ ᓂᕆᐅᒋᔭᖃᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᕐᕌᒍᖃᕐᓂᕐᒧᑦ ᐱᖃᑎᓂᑦ, ᐱᙳᐊᕐᓂᕐᒧᑦ, ᐊᓯᖏᓐᓂᓪᓗ ᐃᓕᓐᓂᐊᕇᕋᐃᒻᒪᑕ ᓱᓕᕆᓂᐅᖃᑦᑕᖅᑐᓄᑦ ᐱᓕᕆᐊᓄᑦ. ᖄᖏᖅᑐᓂᑦ ᐱᓇᓱᐊᕈᓯᕐᓂᑦ, ᓄᕙᕐᔪᐊᕐᓇᖅᒥ ᑎᐅᑕ (Delta) ᓴᖅᑭᖅᐸᓪᓕᐊᖏᓐᓇᓕᕐᒪᑦ ᓄᓇᕐᔪᐊᕐᒥ ᑕᐃᒪᐃᒪᓪᓗ, ᐱᓕᕆᖃᑎᖃᖅᑐᒍᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐊᑐᐃᓐᓇᐅᑎᑦᓯᓂᕐᒧᑦ ᐃᑭᐊᖅᑭᕕᒃᑯᑦ ᐃᑲᔪᖅᑐᐃᓂᕐᒧᑦ ᐃᓄᓐᓂᑦ ᐃᓕᓐᓂᐊᖅᑎᓂᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᕐᐸᓪᓕᐊᓂᕐᒧᑦ,” ᐅᖃᖅᑐᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᑰᑦᑎᖅ.

“ᓇᑯᕐᒦᕈᒪᔪᖓ ᓄᓇᕗᑦ ᑐᙵᕕᒃᑯᑦ ᑎᒥᖓᓂᑦ ᐱᓇᓱᐊᖏᓐᓇᕐᓂᖏᓐᓄᑦ ᐃᑲᔪᖅᑐᐃᓂᕐᒧᑦ ᓄᓇᕗᒻᒥᐅᓂᑦ ᐊᒥᓱᓄᑦ ᖃᓂᒻᒪᓐᓇᐅᓂᖅᑕᖃᖅᑎᓪᓗᒍ,” ᐅᖃᖅᑐᖅ ᒥᓂᔅᑕ ᔪᐊᓇᓯ. “ᐱᓕᕆᖃᑎᖃᕐᓂᕐᒧᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓂᑦ, ᐱᓕᕆᕝᕕᒐ ᓇᓗᓇᐃᖅᓯᔪᓐᓇᖅᑐᖅ ᐃᓕᓐᓂᐊᖅᑏᑦ ᐃᑲᔪᖅᑐᖅᑕᐅᒋᐊᖃᕐᓂᖏᓐᓄᑦ ᐱᕙᓪᓕᐊᑦᓯᐊᖁᓪᓗᒋᑦ ᑲᔪᓯᓂᖃᑦᓯᐊᖁᓪᓗᒋᓪᓗ ᐊᑦᓱᕈᓐᓇᕋᓗᐊᖅᑎᓪᓗᒍ ᓄᕙᕐᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ.”

ᑲᑐᔾᔨᖃᑎᒋᑦᓱᒋᑦ ᐃᓕᓐᓂᐊᕐᓂᓕᕆᔨᒃᑯᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᓯᒪᔪᒍᑦ 1.5 ᒥᓕᐊᓐᓂᒃ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓂ ᐃᑲᔪᖅᑐᐃᓂᕐᒧᑦ ᑮᓇᐅᔭᓂᒃ ᓂᐅᕕᕐᓂᕐᒧᑦ 600-ᑲᓐᓂᕐᓂᑦ ᐃᑭᐊᖅᑭᔾᔪᑎᓂ-ᐊᑐᐃᓐᓇᕐᓂᑦ ᖃᕆᑕᐅᔭᒃᑰᕈᓐᓇᐅᑎᓂᒃ. ᑖᓐᓇ ᓇᓗᓇᐃᖅᓯᓂᐊᖅᑐᖅ ᐃᓕᓐᓂᐊᖅᑏᑦ ᐃᓕᓐᓂᐊᑎᑦᓯᔩᓪᓗ ᓄᓇᕘᓕᒫᒥ ᐱᓕᕆᔾᔪᑎᖃᕐᓂᖏᓐᓄᑦ ᐱᔭᕆᐊᖃᖅᑕᖏᓐᓂᒃ ᐅᐸᑦᓯᒪᙱᒃᑲᓗᐊᕐᓗᓂ ᐃᓕᓐᓂᐊᕐᐸᓪᓕᐊᓂᕐᒧᑦ, ᐃᓕᓐᓂᐊᕐᕕᒻᒥ ᐃᓕᓐᓂᐊᖅᑎᑕᐅᒋᐊᖃᕐᓂᖅ ᑭᓪᓕᖃᑦᑎᑕᐅᓕᕐᓂᖅᐸᑦ ᐊᑦᑐᐃᓂᖃᖅᓯᒪᓂᖓᓄᑦ ᓄᕙᕐᔪᐊᕐᓇᖅ-19 ᐃᓕᓐᓂᐊᕐᓂᐅᑉ ᐊᕐᕌᒍᖓᓂ. ᒐᕙᒪᒃᑯᑦ ᓄᓇᕗᒻᒥ ᐃᓕᓐᓂᐊᕐᓂᓕᕆᔨᒃᑯᑦ ᓂᐅᕕᕐᓂᐊᖅᑐᑦ ᑐᓂᐅᖅᑲᐃᓗᑎᓪᓗ ᖃᕆᑕᐅᔭᒃᑰᕈᓐᓇᐅᑎᓂᒃ.

ᓄᓇᕗᑦ ᑐᙵᕕᒃᑯᖅ ᑎᒥᖓ ᓄᕙᒡᔪᐊᕐᓇᖅ-19-ᒧ ᐃᑲᔫᑎᑦᓴᖏᑦ ᐃᑲᔪᖅᑐᐃᓂᕐᒧᓪᓗ ᓇᓂᔭᐅᒍᓐᓇᖅᑐᖅ ᐅᕙᓂ: https://covid19.tunngavik.com/.

ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕐᕕᒻᒥ ᖃᓄᐃᖏᑦᓯᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐸᕐᓇᐅᑏᑦ ᐃᑲᔪᖅᑐᖅᑕᐅᓂᕐᒧᓪᓗ ᓇᓂᔭᐅᒍᓐᓇᖅᑐᖅ ᐅᕙᓂ: https://gov.nu.ca/education/information/2021-22-opening-plan-nunavut-sch...

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ ᒫᓐᓇᓗ ᐋᓐᓂᐊᖅᑐᓕᕆᔨᒃᑯᓐᓂ ᐊᑐᖅᑕᐅᔪᑦ, ᐅᕗᙵᕐᓗᓯ: https://www.gov.nu.ca/health/information/nunavuts-path

###

ᐱᕙᓪᓕᐊᔪᓂᒃ ᖃᐅᔨᒋᐊᕈᒪᒍᕕᑦ ᐅᓇ ᖃᐅᔨᒋᐊᕐᕕᒋᓗᒍ:

ᑐᕋᐃ ᕉᑦᔅ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᒐᒃᓴᓕᕆᔨᒃᑯᓐᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᕗᑦ ᒐᕙᒪᖓ
867-975-5680
trhoades@gov.nu.ca

ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᑐᓴᐅᒪᔪᓕᕆᔨᒃᑯᑦ
ᓄᓇᕗᒻᒥᑦ ᑐᙵᕕᒃ ᑎᒥᖓᑦ
867-975-4907
MMikijuk@tunngavik.com