You are here

ᖁᕕᐊᓲᑎᖃᕐᓂᖅ ᐊᕐᕌᒍᒥᒃ ᐊᑕᐅᓯᕐᒥᒃ ᐊᑎᓕᐅᖅᑕᐅᓚᐅᖅᑎᓪᓗᒍ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐊᖏᖃᑎᒌᒍᑕᐅᓯᒪᔪᖅ ᓄᓇᕗᒻᒥ

ᔭᓐᓄᐊᓕ 24, 2023

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᖁᕕᐊᓲᑎᖃᕐᓂᖅ ᐊᕐᕌᒍᒥᒃ ᐊᑕᐅᓯᕐᒥᒃ ᐊᑎᓕᐅᖅᑕᐅᓚᐅᖅᑎᓪᓗᒍ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐊᖏᖃᑎᒌᒍᑕᐅᓯᒪᔪᖅ ᓄᓇᕗᒻᒥ

ᖔᑎᓅ, ᑯᐸᐃᒃ, ᔭᓄᐊᕆ 24, 2023 − ᐊᑯᓂᐅᓗᐊᖅᑐᖅ, ᐃᓚᒌᑦ ᐸᐃᕆᕕᖕᒧᑦ ᐊᑭᓕᒐᒃᓴᖃᕐᔪᐊᕐᒪᑕ, ᐅᑕᖅᑭᑯᑖᒋᐊᖃᖅᖢᑎᒃ, ᐊᒻᒪ ᐅᓄᙱᓗᐊᖅᑐᓂᒃ ᐱᐅᔪᓂᒃ ᓄᑕᖅᑲᓂᒃ ᑲᒪᒋᔭᐅᔪᓐᓇᖅᑐᓂᒃ. ᑕᐃᒪᐃᒻᒪᑦ ᑲᓇᑕᐅᑉ ᒐᕙᒪᒃᑯᖏᑦ ᐊᑎᓕᐅᓚᐅᖅᐳᑦ ᐊᖏᖃᑎᒌᒍᑎᓂᒃ ᐊᑐᓂ ᑲᓇᑕᒥ ᐊᕕᒃᑐᖅᓯᒪᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᐊᑐᓕᖅᑎᑦᑎᔪᒪᓪᓗᑎᒃ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᓂᒃ ᐊᒻᒪ ᐸᐃᕆᕕᖕᓂ, ᓄᑕᖅᑲᑦ ᐊᑲᐅᓛᒥᒃ ᐱᒋᐊᕈᑎᖃᖁᓪᓗᒋᑦ ᐃᓅᓯᕐᒥ ᐊᒻᒪ ᐃᓅᓯᖅ ᐊᑭᑐᓗᐊᙱᓐᓂᖅᓴᐅᓕᕐᓗᓂ ᐃᓚᒌᓄᑦ ᑲᓇᑕᓕᒫᒥ.

ᐅᓪᓗᒥ, ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐊᒻᒪ ᐃᓄᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ, ᑳᕇᓇ ᒎᓪᑦ, ᐊᒻᒪ ᓄᓇᕗᒻᒥ ᓯᕗᓕᖅᑎᐅᑉ ᑐᒡᓕᐊ ᐊᒻᒪ ᒥᓂᔅᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᐹᒥᓚ ᒍᕈᔅ, ᐊᕐᕌᒍᒥᒃ ᐊᑕᐅᓯᕐᒥᒃ ᓇᓪᓕᐅᓐᓂᖅᓯᐅᓚᐅᖅᐳᑦ ᐊᑎᓕᐅᖅᑕᐅᓚᐅᖅᑎᓪᓗᒍ ᑲᓇᑕᒥ−ᓄᓇᕗᒻᒥ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᔪᓄᑦ ᐊᒻᒪ ᐸᐃᕆᕝᕕᖕᓄᑦ ᐊᖏᖃᑎᒌᒍᑎᒥᒃ.

ᐃᓚᒋᔭᐅᓪᓗᓂ ᐊᖏᖃᑎᒌᒍᑎᒧᑦ ᓄᓇᕗᑦ ᒐᕙᒪᒃᑯᓐᓄᑦ, ᑲᓇᑕᒥ ᒐᕙᒪᒃᑯᑦ ᐊᑐᐃᓐᓇᕈᖅᑎᑦᑎᕗᑦ $66.1 ᒥᓕᐊᓐ−ᓂᒃ ᐅᑭᐅᓄᑦ ᑕᓪᓕᒪᓄᑦ ᓚᐃᓴᓐᓯᖃᖅᑐᓄᑦ ᐃᓕᓐᓂᐊᕆᐅᖅᓴᔪᓄᑦ ᐊᒻᒪ ᐸᐃᕆᕕᖕᓄᑦ ᓄᑕᖅᑲᓄᑦ ᐅᑭᐅᓕᖕᓄᑦ 6 ᑐᖔᓂ ᓄᓇᕘᒥ. ᑖᒃᑯᑎᒎᓇᖅ ᐱᕈᕐᓴᐃᓂᒃᑯᑦ, ᒐᕙᒪᒃᑯᑦ ᑲᓇᑕᒥ ᓄᓇᕗᒻᒥᓪᓗ ᐱᓕᕆᖃᑎᒌᒃᐴᒃ ᐱᐅᓯᕚᓪᓕᕋᓱᒃᖢᒋ ᐱᐅᓛᓂᑦ, ᐊᑭᑭᑦᑐᓂᑦ, ᐊᓯᔾᔨᕐᑕᕐᑐᓂᑦ ᐃᓚᓕᐅᔾᔨᔪᓂᓪᓗ ᐃᓕᓐᓂᐊᓕᒻᒪᓴᓕᕆᓂᖅ ᐸᐃᕆᕖᓪᓗ ᐱᓕᕆᐊᖏᑦ ᐱᔨᑦᑎᕋᐅᑎᖏᓪᓗ.

ᓄᓇᕗᑦ ᓯᕗᓪᓕᖅᐸᐅᓪᓗᓂ ᑭᒡᒐᖅᑐᐃᕕᐅᕗᖅ ᑲᔪᓯᑎᑦᑎᔪᒪᓪᓗᓂ $10−ᓂᒃ ᐅᓪᓗᓂᒃ ᓚᐃᓴᖃᖅᑐᓄᑦ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᓄᑦ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐊᑐᖅᑕᐅᕙᒃᑐᒧᑦ. ᑎᓯᐱᕆ 1, 2022−ᖑᓚᐅᕐᓂᖓᓂᑦ, ᐃᓚᒌᑦ ᓄᓇᕗᒻᒥ ᕿᑐᕐᙵᓖᑦ ᐊᕐᕌᒍᓕᖕᓂᒃ 6 ᑐᖔᓂ ᐱᔪᓐᓇᐅᑎᓕᖕᓂᒃ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᓂ ᓚᐃᓴᖃᖅᑐᓂᒡᓗ ᐊᖏᕐᕋᕆᔭᐅᔪᓂ ᐸᐃᕆᕝᕕᖕᓂ ᐊᑐᕈᓐᓇᖅᐳᑦ ᐸᐃᕆᔭᐅᕙᖕᓂᕐᒥᒃ $10−ᓄᑦ ᐅᓪᓗᓄᑦ. ᓄᓇᕗᑦ ᐃᓚᐅᖃᑕᐅᓕᖅᐳᖅ ᔫᑳᓐᒧᑦ ᑯᐸᐃᒡᒧᓪᓗ ᐃᓚᒌᓂ ᒪᓕᒋᐊᓕᒃᑎᒍ ᐸᐃᕆᕕᖕᒧᑦ ᐊᑭᓕᖅᑕᐅᕙᓕᕐᓗᑎᒃ $10-ᐅᓪᓗᖕᒥ ᑐᖔᓂᓪᓘᓐᓃᑦ.

ᓇᓗᓇᐃᒃᑯᑕᖓ ᐊᓂᒍᖅᑎᑕᐅᓚᐅᖅᓯᒪᓪᓗᓂ 15-ᓂᒃ ᑕᖅᑭᓂᒃ ᓄᓇᕗᒻᒥ ᐱᓕᕆᓂᐊᖅᑎᓪᓗᒋᑦ ᐸᕐᓇᐅᑎᖓᓐᓂ, ᐊᒻᒪ ᐅᑭᐅᑦ ᐱᖓᓱᑦ ᐅᖓᑖᓄᑦ ᓯᕗᕙᓯᒃᖢᓂ ᒫᑦᓯ 2026-ᒧᑦ ᑲᓇᑕᓕᒫᒥ ᑐᕌᒐᕆᔭᐅᔪᖅ ᐊᑐᓕᖅᑎᑦᑎᕙᓪᓕᐊᓂᕐᒧᑦ. $10−ᒥ ᐊᑭᓖᕙᒡᓗᓂ ᐸᐃᕆᕕᖕᒧᑦ, ᐃᓚᒌᑦ ᓄᓇᕘᒥ ᑮᓇᐅᔭᓂᒃ ᐊᑐᙱᓐᓂᖅᓴᐅᓂᐊᓕᖅᐳᑦ $55 ᐅᓪᓗᕐᒧᑦ ᑕᒪᐃᓐᓄᑦ ᕿᑐᕐᖓᕆᔭᓄᑦ ᐸᐃᕆᔭᐅᒋᐊᓕᖕᓄᑦ, ᒫᓐᓇᓕᓴᑦ ᐊᑭᒋᑎᑕᐅᔪᑦ ᑕᐅᑐᒃᖢᒋᑦ.

ᓄᓇᕗᑦ ᐱᑎᑦᑎᕙᓪᓕᐊᖏᓐᓇᖅᐳᖅ ᐃᖅᑲᓇᐃᔭᖅᑎᑦᑎᓕᕐᓂᕐᒥᒃ ᐱᓯᒪᐃᓐᓇᕐᓂᕐᒧᓪᓗ ᑮᓇᐅᔭᖁᑎᒋᔭᐅᔪᓂᒃ ᑕᒪᐃᓐᓄᑦ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ, ᑕᒪᓐᓇᓗ ᐃᑲᔪᖅᑐᐃᓪᓗᓂ ᐊᑭᓕᖅᓱᖅᑕᐅᓂᕐᒧᑦ ᐱᐅᓯᒋᐊᖅᑎᑦᑎᓂᕐᒥᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐃᓕᓴᐃᔨᓄᑦ 283−ᐸᓗᖕᓄᑦ ᒫᓐᓇ ᐃᖅᑲᓇᐃᔭᖅᑎᒋᔭᐅᔪᓄᑦ. ᒫᑦᓯ 2023−ᒧᑦ ᑎᑭᓪᓗᒍ, ᓄᓇᕗᑦ ᓴᖅᑭᑎᑦᑎᓂᐊᖅᐳᖅ ᐊᑭᓕᖅᓱᖅᑕᐅᓂᕐᒧᑦ ᐊᑐᖅᑕᐅᖃᑦᑕᕐᓂᐊᖅᑐᒥᒃ ᐃᑲᔪᖅᑐᐃᔪᒪᓂᕐᒧᑦ ᐊᔾᔨᒌᒃᑎᑦᑎᓂᕐᒥᒃ ᑕᑯᒃᓴᐅᑦᑎᐊᖅᑐᒥᒡᓗ ᑮᓇᐅᔾᔭᒃᓴᖅᑕᐅᕙᒃᑐᓂᒃ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ, ᐱᔪᒃᓯᑎᑦᑎᔪᒪᓂᕐᒧᓪᓗ ᐊᔪᕐᓇᕐᓂᖅᓴᓂᒃ ᐃᓕᓐᓂᐊᕐᓂᕐᒧᑦ ᓇᓗᓇᐃᒃᑯᑕᖅᑖᖅᑎᑦᑎᕙᖕᓂᕐᒧᓪᓗ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓴᐃᔨᒋᔭᐅᕙᒃᑐᓄᑦ.

ᐋᖅᑭᒃᓯᓂᐊᕐᓗᓂ ᐃᓕᓐᓂᐊᕆᐅᖅᓴᕕᖕᓂ ᐸᐃᕆᕕᖕᓂᓪᓗ ᓈᒻᒪᒋᔭᐅᔪᓂᒃ ᐃᓚᒌᓕᒫᓄᑦ ᑕᒪᐃᓐᓂᒃ ᐊᕕᒃᑐᖅᓯᒪᔪᓂᒃ ᐃᓚᒋᔭᐅᓪᓚᕆᖕᓂᐊᕐᒪᑦ ᑲᓇᑕᒥ ᒐᕙᒪᒃᑯᓐᓂ ᐸᕐᓇᐅᑎᖓᓐᓄᑦ ᐃᓅᓯᖅ ᐊᑭᑐᓗᐊᕈᓐᓃᕐᓗᓂ ᐃᓚᒌᓄᑦ, ᓴᖅᑭᑉᐸᓪᓕᐊᓗᒋᓪᓗ ᐃᖅᑲᓇᐃᔮᒃᓴᑦᑎᐊᕙᑦ ᐊᐅᓚᔪᓐᓇᐅᑎᓪᓗ ᐱᕚᓪᓕᖅᑎᑉᐸᓪᓕᐊᖏᓐᓇᕐᓗᒋᑦ. ᑲᓇᑕᒥ ᐊᕕᒃᑐᖅᓯᒪᔪᓕᒫᑦ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ $10−ᓂᒃ ᐅᓪᓗᓂᒃ ᐊᑐᖃᑦᑕᖅᐳᑦ ᑐᓴᖅᑎᑦᑎᓚᐅᖅᐳᑦ ᐊᑭᒃᖠᒋᐊᖅᑎᑦᑎᓂᖏᓐᓂᒃ ᐸᐃᕆᕝᕕᖕᓄᑦ ᐊᑭᓕᕆᐊᓕᖕᓂᒃ.

ᐅᖃᐅᓯᐅᓯᒪᔪᑦ

"ᓇᓗᓇᐃᖅᓯᑎᓪᓗᑕ ᓯᕗᓪᓕᖅᐹᒥ ᐊᕐᕌᒍᒥ ᑲᓇᑕᓕᒫᒥ ᐊᖏᖃᑎᒌᒍᑎᒥᒃ ᓄᓇᕗᓕᒫᒧᑦ, ᒐᕙᒪᕗᑦ ᐅᐱᒍᓱᒍᓐᓇᖅᐳᑦ ᑐᓂᓯᓯᒪᓂᕐᒥᓂᒃ ᑮᓇᐅᔭᓂᒃ ᐊᑐᓗᐊᙱᓐᓂᕐᒥᒃ ᐃᓚᒌᓄᑦ ᓄᓇᕗᒻᒥ. ᐱᓕᕆᖃᑎᖃᕐᓂᒃᑯᑦ ᓄᓇᕗᑦ ᒐᕙᒪᒃᑯᖏᓐᓂᑦ, ᐱᐅᔪᒻᒪᕆᓐᓂᑦ, ᐊᑭᑐᓗᐊᙱᑦᑐᓂᑦ, ᐊᓯᔾᔨᕈᓐᓇᖅᑐᓂᑦ ᐃᓚᓕᐅᔾᔨᓯᒪᓂᕐᒥᓪᓗ ᐸᐃᕆᕕᓐᓂᑦ ᓴᖅᑭᓪᓚᕆᖃᑦᑕᖅᑐᖅ ᓄᓇᕗᒻᒥᑦ, ᑮᓇᐅᔭᓂᑦ ᐊᑐᓐᖏᓂᖅᓴᐅᓂᕐᒥᑦ ᐃᓚᒌᓂᑦ ᕼᐊᓐᓇᓚᖏᓐᓃᑦᑐᓂᑦ ᑕᖅᑭᑕᒫᑦ. ᓂᕆᐅᒃᐳᖓ ᑲᔪᓯᑦᑎᐊᖏᓐᓇᖕᓂᖕᒥᑦ ᑐᕌᕋᓱᐊᖅᑎᓪᓗᑕ $10−ᓄᑦ ᐅᓪᓗᓄᑦ ᒪᓕᒐᑎᒎᖓᔪᓂᑦ ᐸᐃᕆᕕᖕᓂᑦ ᓇᒥᑐᐃᓐᓇᖅ ᑲᓇᑕᒥᑦ."

− ᒥᓂᔅᑕ ᐃᓚᒌᓄᑦ, ᓄᑕᖅᑲᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᖕᒧᑦ, ᑲᕇᓇ ᖒᑦ

"ᖁᕕᐊᓱᒻᒪᕆᒃᐳᒍᑦ ᖁᕕᐊᓲᑎᖃᕆᐊᒃᓴᖅ ᓇᓪᓕᐅᓐᓂᕐᓯᐅᕈᑕᐅᓂᖓᓂ ᑲᓇᑕᓕᒫᒥ ᐊᖏᕈᑎᐅᔪᖅ. ᐱᐅᓯᒋᐊᖅᑎᑦᑎᓂᖅ ᐊᑐᕈᓐᓇᕐᓂᕐᒥᒃ, ᐊᑭᑐᓗᐊᙱᖦᖢᓂᓗ, ᓄᑕᖅᑲᓂᒃ ᑲᒪᒋᔭᖃᖅᐸᖕᓂᖅ ᓄᓇᕗᒻᒥ ᐃᒪᓐᓇ ᑐᑭᖃᖅᐳᖅ, ᐃᑲᔪᖅᑐᐃᓂᖅ ᐃᓚᒌᓂᒃ ᐱᐅᓯᒋᐊᖅᑎᑦᑎᓂᕐᓗ ᐊᑕᖐᔪᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᓄᓇᕗᒻᒥᐅᑦ. ᐊᖏᖃᑎᒌᒍᑎ ᐱᕕᖃᖅᑎᑦᓯᓯᒪᔪᖅ ᐅᕙᑦᑎᓐᓂᑦ ᑕᖏᓕᓐᓂᑦ ᐊᓪᓗᕆᐊᕐᓂᕐᒥᑦ ᓯᕗᒧᐊᑦᑎᑦᓯᓂᕐᒥᑦ ᐸᐃᕆᕕᓐᓂᑦ, ᑐᑭᖃᖅᑐᖅ ᐊᒥᓲᓂᖅᓴᐃᑦ ᐊᖓᔪᖅᑳᕆᔭᐅᔪᑦ ᐸᖅᑭᑦᓯᔨᓪᓗ ᐃᖅᑲᓇᐃᔭᕈᓐᓇᖅᑐᑦ, ᐱᕚᓪᓕᑎᑦᓯᓂᕐᒥᑦ ᐃᓚᖏᓐᓂᑦ ᐃᑲᔪᕐᓂᕐᒥᓪᓗ ᓄᓇᕗᒻᒥ ᒪᑭᒪᔾᔪᑎᓂᑦ. ᑐᓂᒪᓂᖃᖅᑐᒍᑦ ᐱᓕᕆᖃᑎᖃᐃᓐᓇᕐᓂᕐᒥᑦ ᒐᕙᒪᑐᖃᒃᑯᓐᓂᑦ ᐃᓄᐃᓪᓗ ᑲᑐᔾᔨᖃᑎᒌᖏᓐᓂᑦ ᐱᓕᕆᖃᑎᑦᑎᓐᓂᑦ ᐱᕙᓪᓕᐊᑎᑦᓯᑲᓐᓂᕐᓂᕐᒥᑦ ᐱᓕᕆᕝᕕᐅᔪᒥᑦ ᐃᑲᔪᖅᑐᕐᓂᕐᒥᓪᓗ ᓄᑕᖅᑲᕐᓂᑦ, ᐃᓚᒌᓂᑦ, ᐱᒻᒪᕆᐅᔪᓂᓪᓗ ᐸᐃᕆᕕᒻᒥᑦ ᐃᖅᑲᓇᐃᔭᖅᑎᓂᑦ ᒫᓐᓇ ᓯᕗᓂᑦᓴᑎᓐᓄᓪᓗ."

−ᓄᓇᕗᒻᒥᑦ ᓯᕗᓕᖅᑎᐅᑉ ᑐᒡᓕᐊ ᒥᓂᔅᑕᓗ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᐹᒥᓚ ᕼᐊᑯᖓᒃ ᖑᓛᔅ

ᓱᓕᔪᑦ

ᐃᓚᒋᔭᐅᓪᓗᓂ ᑮᓇᐅᔭᑦ ᐊᑐᖅᑐᒃᓴᓄᑦ 2021-ᒥ, ᑲᓇᑕᒥ ᒐᕙᒪᒃᑯᑦ ᑮᓇᐅᔭᓕᐅᕋᓱᐊᑦᑎᐊᓚᐅᖅᓯᒪᖕᒪᑕ $27 ᐱᓕᐊᓂᒃ ᐅᑭᐅᑦ ᑕᓪᓕᒪᓄᑦ ᐋᖅᑭᒃᓯᓇᓱᒃᖢᑎᒃ ᑲᓇᑕᓕᒫᒧᑦ ᐃᓕᓐᓂᐊᕆᐅᖅᓴᕕᖕᓄᑦ ᐸᐃᕆᕕᖕᓄᓪᓗ ᑲᓇᑕᒥ ᓄᓇᕗᒻᒥᓗ ᐊᕕᒃᑐᖅᓯᒪᔪᓂᒃ. ᑲᑎᖅᓱᒐᐅᓪᓗᑎᒃ ᐊᓯᖏᓐᓄᑦ ᑮᓇᐅᔭᓕᐅᕈᑕᐅᓇᓱᐊᖅᑐᓄᑦ, ᐃᓚᓕᐅᑎᓗᒋᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕆᐅᖅᓴᕐᕕᖏᑦ ᐸᐃᕆᕕᖏᓪᓗ, $30 ᐱᓕᐊᓄᑦ ᑎᑭᓪᓗᒍ ᐅᑭᐅᓄᑦ ᑕᓪᓕᒪᓄᑦ ᐊᑐᐃᓐᓇᕈᖅᑎᑕᐅᓛᖅᑐᑦ ᐃᑲᔪᖅᓲᑕᐅᓪᓗᑎᒃ ᐃᓕᓐᓂᐊᕆᐅᖅᓴᔪᓄᑦ ᐊᒻᒪ ᐸᐃᕆᕕᓕᕆᔨᓄᑦ.
ᑖᒃᑯᑎᒎᓇ ᑮᓇᐅᔭᖃᖅᑎᑦᑎᓂᒃᑯᑦ ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓐᓄᓪᓗ, ᑲᓇᑕᐅᑉ ᒐᕙᒪᒃᑯᖏᑦ ᐃᑲᔪᖅᓯᒪᔪᑦ ᓴᖅᑭᑎᑦᑎᓂᕐᒥᑦ 40,000 ᐅᖓᑖᓂᓪᓘᓐᓃᑦ ᐊᑭᑐᓗᐊᙱᑦᑐᓂᑦ ᐸᐃᕆᕕᐅᔪᓂᑦ ᑲᓇᑕᓕᒫᒥᑦ.
ᐃᓕᑕᖅᓯᓂᕐᒥᑦ ᐃᓕᓐᓂᐊᕆᐅᖅᓴᔪᓄᑦ ᐃᓕᓐᓂᐊᑎᑦᓯᔩᑦ ᐃᓚᒋᔭᐅᑦᓯᐊᕐᓂᖏᓐᓄᑦ ᐱᐅᔪᒻᒪᕆᓐᓂᑦ, ᐊᑭᑐᓗᐊᖏᑦᑐᓂᑦ, ᐊᓯᔾᔨᕈᓐᓇᖅᑐᓂᑦ ᐃᓚᓕᐅᔾᔨᓂᕐᒥᓪᓗ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐸᐃᕆᕕᓕᕆᓂᕐᒧᓪᓗ ᐊᑐᖅᑕᐅᖃᑦᑕᖅᑐᓂᑦ, ᑮᓇᐅᔾᔭᑦᓵᓂᑦ ᖄᒃᑲᓐᓂᐊᒍᓪᓘᓐᓃᑦ ᐱᓕᒻᒪᑦᓴᕐᓂᕐᒧᑦ ᐃᑲᔪᖅᑐᕐᓂᕐᒥᑦ ᐃᓕᓐᓂᐊᕆᐅᖅᓴᔪᓄᑦ ᐃᓕᓐᓂᐊᑎᑦᓯᔨᓄᑦ ᐃᓚᒋᔭᐅᒻᒪᑕ ᑲᓇᑕᓕᒫᒥᑦ ᐊᖏᖃᑎᒌᒍᑎᓂᑦ ᐊᕕᑦᑐᖅᓯᒪᔪᓂᑦ ᐅᑭᐅᖅᑕᖅᑐᒥᓪᓗ, ᑭᓯᐊᓂ ᑯᐸᐃᒃ, ᐱᔭᕆᐊᖃᕐᓂᕐᒧᑦ ᐊᖏᖃᑎᒌᒍᑎ.
ᐃᓚᒌᑦ ᑲᓇᑕᓕᒫᒥ ᐊᑐᕈᓐᓇᖁᓪᓗᒋᑦ ᐊᑭᑐᓗᐊᙱᑦᑐᓂᒃ, ᐃᓚᓕᐅᔾᔨᓯᒪᔪᓂᒃ ᐊᒻᒪ ᐱᐅᑦᑎᐊᖅᑐᓂᒃ ᐃᓕᓐᓂᐊᕆᐅᖅᓴᔪᓂᒃ ᐊᒻᒪ ᐸᐃᕆᕕᖕᓂ, ᑲᓇᑕᒥ ᒐᕙᒪᒃᑯᑦ ᓴᖅᑭᑦᑎᓵᓚᐅᖅᐳᑦ ᐱᖁᔭᒃᓴᖅ C-35−ᒥ, ᐊᓂᒍᖅᑎᑕᐅᒃᐸᑦ, ᐊᑐᓕᖅᑎᑦᑎᓇᔭᖅᐳᑦ ᑐᙵᕕᖏᓐᓂᒃ ᑲᓇᑕᓕᒫᒥ ᐃᓕᓐᓂᐊᕆᐅᖅᓴᓕᓵᖅᑐᑦ ᐊᒻᒪ ᐸᐃᕆᕕᓕᕆᔾᔪᑎᑦ ᑲᓇᑕᒥ ᒪᓕᒐᙳᕐᓗᑎᒃ. ᑕᒪᓐᓇ ᐃᓚᖃᖅᐳᖅ ᐱᓕᕆᐊᖃᓪᓚᕆᒍᒪᓂᕐᒥᒃ ᑲᔪᓯᑎᑦᑎᔪᒪᓂᕐᒥᒃ ᐊᕗᖓᑲᓪᓚᒃ ᒐᕙᒪᑐᖃᒃᑯᑦ ᑮᓇᐅᔭᖁᑎᒋᔭᖏᓐᓂᒃ ᐊᕕᒃᓯᒪᓂᕆᔭᐅᔪᓄᑦ, ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓄᑦ ᓄᓇᖃᖅᑳᖅᑐᓄᓪᓗ ᐃᓄᖕᓄᑦ ᐃᑲᔪᖅᑐᐃᔪᒪᓂᕐᒧᑦ ᐱᑎᑦᑎᕙᖕᓂᕐᒥᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᑲᓇᑕᓕᒫᒥ ᐊᑐᖅᑕᐅᕙᒃᑐᑎᒍᑦ.
ᑮᓇᐅᔭᖃᖅᑎᑦᓯᓂᖅ ᐸᐃᕆᕕᓐᓂᑦ ᐃᑲᔫᑎᖃᕐᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᑲᓇᑕᓕᒫᒥᑦ. ᖃᐅᔨᓴᕐᓂᕆᔭᐅᔪᑦ ᑕᑯᑎᑦᑎᕗᑦ ᑕᒪᕐᒥᑦᑎᐊᖅ ᑮᓇᐅᔭᐃᑦ ᐃᓕᔭᐅᔪᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓴᖅᑭᑎᑦᑎᕙᒃᐳᑦ ᐱᕚᓪᓕᕈᑕᐅᕙᒃᑐᓂᒃ $1.50−ᓗ $2.80−ᓗ ᐊᑯᓐᓂᖏᓐᓂᒃ ᐅᑎᖅᑎᓪᓗᒋᑦ.

ᐊᒃᑐᐊᓂᓖᑦ ᐊᑦᑕᑕᕐᕕᐅᔪᓐᓇᖅᑐᑦ

$10-ᐅᓪᓗᕐᒨᖓᔪᖅ: ᐃᓕᓐᓂᐊᓕᒻᒪᒃᓴᔪᓕᕆᕕᖕᒧᑦ ᐸᐃᕆᕕᖕᒧᓪᓗ − Canada.ca

ᑲᓇᑕ−ᓄᓇᕗᑦ ᐃᓕᓐᓂᐊᕆᐅᖅᓴᔪᓄᑦ ᐸᐃᕆᕕᓐᓄᓪᓗ ᐊᖏᖃᑎᒌᒍᑎ- 2021−ᒥᑦ 2026−ᒧᑦ

$10−ᐅᓪᓗᓄᑦ ᐸᐃᕆᔭᐅᑎᑦᑎᓂᕐᒧᑦ ᐃᓚᒌᓄᑦ ᓄᓇᕗᒻᒥ

- 30 -

ᑐᓴᐅᒪᒃᔪᑎᓕᕆᓂᕐᒧᑦ ᖃᐅᔨᒋᐊᕈᒪᒍᕕᑦ ᐊᑏ ᖃᐅᔨᒋᐊᕐᕕᒋᒍᒃ:

ᒧᕼᐋᒥᑦ ᕼᐅᓴᐃᓐ
ᐱᕙᓪᓕᐊᔪᓂᒃ ᑎᑎᕋᖅᑎ
ᐊᓪᓚᕝᕕᖓ ᒥᓂᔅᑕᐅᑉ ᐃᓚᒌᓄᑦ ᓄᑕᖅᑲᕐᓄᑦ ᐃᓄᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒥᑦ, ᑲᕇᓇ ᖒᑦ
mohammad.a.hussain@hrsdc-rhdcc.gc.ca

ᑯᕆᔅᑕ ᐊᐃᒥ 
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᕗᒻᒥ ᒐᕙᒪᒃᑯᑦ
(604) 347-6015
kamey@gov.nu.ca

ᑮᓯ ᓚᓱᑦ
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᓄᓇᕗᒻᒥ ᒐᕙᒪᒃᑯᑦ
867-975-6004
clessard2@gov.nu.ca

ᑐᓴᒐᒃᓴᓕᕆᔨᑦ ᐊᓪᓚᕝᕕᖓ
ᐃᖅᑲᓇᐃᔭᖅᑐᓕᕆᓂᕐᒧᑦ ᐃᓅᖃᑎᒌᓄᓪᓗ ᐱᕙᓪᓕᐊᓂᕐᑦ ᑲᓇᑕᒥ
819-994-5559
media@hrsdc-rhdcc.gc.ca
ᒪᓕᒃᑕᐅᔪᓐᓇᖅᑐᒍᑦ ᑐᐃᑐᒃᑯᑦ