ᑕᓪᓕᒪᑦ ᐃᓕᓐᓂᐊᕐᕖᑦ ᐃᓕᓐᓂᐊᓕᓵᖅᑐᑦ ᐅᓪᓗᓕᒫᖅ ᐃᓕᓐᓂᐊᕈᓐᓇᕐᒪᖔᑦ ᖃᐅᔨᓴᖅᑎᑦᑎᓂᐊᖅᑐᑦ

ᒐᕙᒪᒃᑯᓐᓂᑦ ᐃᓄᖕᓄᑦ ᑐᓴᒐᒃᓴᖅ
ᑕᓪᓕᒪᑦ ᐃᓕᓐᓂᐊᕐᕖᑦ ᐃᓕᓐᓂᐊᓕᓵᖅᑐᑦ ᐅᓪᓗᓕᒫᖅ ᐃᓕᓐᓂᐊᕈᓐᓇᕐᒪᖔᑦ ᖃᐅᔨᓴᖅᑎᑦᑎᓂᐊᖅᑐᑦ

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑎᑦᑎᕗᑦ  ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᖅᑎᑕᐅᖃᑦᑕᕐᓗᑎᒃ ᑕᓪᓕᒪᓂ ᓄᓇᕗᒻᒥ ᐃᓕᓐᓂᐊᕐᕕᖕᓂ.

ᐃᓕᓐᓂᐊᕐᕖᑦ ᐃᓚᐅᔪᑦ ᐅᑯᐊᖑᕗᑦ:

• ᓇᓄᖅ ᐃᓕᓐᓂᐊᕐᕕᒃ, ᓂᐊᖁᙴ.
• ᖃᖅᑲᓕᒃ ᐃᓕᓐᓂᐊᕐᕕᒃ, ᑭᒻᒥᕈᑦ.
• ᕕᒃᑐ ᓴᒻᒧᖅᑐᖅ ᐃᓕᓐᓂᐊᕐᕕᒃ, ᐃᒡᓗᓕᒑᕐᔪᒃ.
• ᐃᓄᒡᓚᒃ ᐃᓕᓐᓂᐊᕐᕕᒃ, ᑎᑭᕋᕐᔪᐊᖅ.
• ᔨᒥ Hᐃᑯᒃ ᐃᓕHᐊᒃᕕᒃ, ᖁᕐᓗᖅᑐᖅ.

2023-2024 ᐃᓕᓐᓂᐊᓕᓵᖅᑐᑦ ᐅᓪᓗᓕᒫᖅ ᐃᓕᓐᓂᐊᖅᑎᑕᐅᓗᑎᒃ ᖃᐅᔨᓴᕈᑕᐅᔪᖅ ᓯᕗᓪᓕᖅᐹᖑᓪᓗᓂ ᒪᓕᒃᑕᐅᕙᓪᓕᐊᓂᐊᖅᑐᖅ ᐱᓕᕆᑎᑦᑎᔪᓕᒫᓂᑦ.

ᖃᐅᔨᓴᕈᑕᐅᔪᒥᑦ ᐃᓕᑕᐅᔪᑦ ᐊᑐᖅᑕᐅᓂᐊᖅᐳᑦ ᑐᓴᖅᑎᑦᑎᔾᔪᑕᐅᓗᑎᒃ ᐃᓕᓐᓂᐊᖅᑐᓕᕆᔨᒃᑯᓐᓂ ᐊᑯᓂᐅᔪᒧᑦ ᐸᕐᓇᐅᑎᖓᓂᒃ ᐊᒻᒪᓗ ᓇᓗᓇᐃᖅᓯᓗᑎᒃ ᐊᑐᓕᖅᑎᑕᐅᖏᓐᓇᕈᓐᓇᕐᒪᖔᑦ ᐅᓪᓗᓕᒫᖅ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᖃᑦᑕᓕᕐᓗᑎᒃ ᐃᓕᓐᓂᐊᕐᕕᓕᒫᓂ ᓄᓇᕗᒻᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓐᓄᐊᕐᓗᑎᑦ.

###

ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃᐅᔪᓐᓇᖅᑐᖅ:

ᒫᑎᐅ ᐃᓛᓱᐃᒃᔅ
ᑐᑭᒧᐊᒃᑎᑦᑎᔨ, ᐱᖃᖅᑎᐅᔪᓄᑦ ᐃᓚᐅᑎᑦᑎᔨᓄᑦ
ᐃᓕᓐᓂᐊᕐᓂᓕᕆᔨᒃᑯᑦ
867-975-5649 
info.edu@gov.nu.ca