ᑐᒃᓯᕋᐅᑎᓂᒃ ᐱᔪᒪᔪᑦ: ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᒪᑭᒪᔾᔪᑎᓄᑦ ᑮᓇᐅᔭᑦ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
ᑐᒃᓯᕋᐅᑎᓂᒃ ᐱᔪᒪᔪᑦ: ᐱᔪᓐᓇᐅᑎᓕᖕᓄᑦ ᐸᐃᕆᕝᕕᖕᓄᑦ ᒪᑭᒪᔾᔪᑎᓄᑦ ᑮᓇᐅᔭᑦ

ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᓄᑕᖅᑲᓪᓗ ᑲᒪᒋᔭᐅᕙᖕᓂᖏᓐᓄᑦ ᐱᓕᕆᕝᕕᖏᑦ ᐱᔪᓐᓇᖅᓯᕗᑦ ᑮᓇᐅᔭᓂᒃ ᑐᒃᓯᕋᐅᑎᓂᒃ ᐅᓄᖅᓯᒋᐊᖁᓪᓗᒋᑦ ᐸᐃᕆᕝᕖᑦ ᐊᑐᐃᓐᓇᐅᓂᖏᑦ ᓄᓇᕗᒻᒥ ᓄᑕᖅᑲᓄᑦ ᐅᑭᐅᓕᖕᓄᑦ 0-ᒥᑦ 6-ᒧᑦ. ᑖᓐᓇ ᐱᓕᕆᐊᖑᕙᓪᓕᐊᔪᒪᔪᖅ, ᐃᑲᔪᖅᓱᖅᑕᐅᓪᓗᓂ ᑲᓇᑕᒥ ᑮᓇᐅᔭᑦ ᐊᐅᓚᑕᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ, ᑲᒪᒋᔭᖃᖅᐳᑦ ᓴᖅᑭᑦᑎᔪᒪᓪᓗᑎᒃ ᓄᑖᓂᒃ ᓚᐃᓴᓐᓯᖃᖅᑐᓂᒃ ᐸᐃᕆᕕᖕᓂ ᐃᓂᒃᓴᓂᒃ ᒪᒃᐱᖅᓱᐃᒃᑲᓐᓂᕐᓗᑎᒡᓗ ᐸᐃᕆᕕᖕᓂ ᒪᑐᔭᐅᓯᒪᓕᖅᑐᓂᒃ ᐅᑭᐅᓄᑦ ᐱᖓᓱᓄᑦ. $800,000 ᐅᖓᑖᓂ ᑮᓇᐅᔭᓂᒃ ᐊᑐᐃᓐᓇᐅᔪᖃᖅᐳᖅ ᑐᓂᐅᖅᑲᐅᑕᐅᔪᓐᓇᕐᓗᑎᒃ.

ᑭᓇ ᐱᓇᔪᒍᓐᓇᖅᐸ:

• ᓚᐃᓴᓐᓯᖃᖅᑐᑦ ᐸᐃᕆᕝᕖᑦ.
• ᐃᓄᐃᑦ ᒪᑐᐃᖅᓯᔪᒪᔪᑦ ᐱᔪᓐᓇᐅᑎᓕᖕᒥᑦ ᐃᓚᒌᓄᑦ ᐸᐃᕆᕕᖕᒥᑦ.
• ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ.
• ᕼᐋᒻᓚᑦᑯᑦ.
• ᑮᓇᐅᔭᓕᐅᕋᓱᒃᑎᐅᙱᑦᑐᑦ ᐊᒻᒪ ᒐᕙᒪᒃᑯᓐᓂᙶᙱᑦᑐᑦ ᑲᑐᔾᔨᖃᑎᒌᑦ.

ᓴᓇᔭᐅᔪᓐᓇᖅᑐᑦ ᐊᒻᒪ ᐱᓕᕆᐊᖑᔪᓐᓇᖅᑐᑦ ᐅᑯᓂᖓ ᐃᓚᖃᑐᐃᓐᓇᕆᐊᓖᑦ:

• ᓴᖅᑭᑦᑎᓂᖅ ᓄᑖᓂᒃ ᓚᐃᓴᓐᓯᓕᖕᓂᒃ ᐸᐃᕆᕝᕕᖕᓄᑦ ᐃᓂᓂᒃ ᓄᓇᕗᒻᒥ.
• ᒪᑐᐃᖅᓯᒃᑲᓐᓂᕐᓂᖅ ᓚᐃᓴᓕᖕᓂᒃ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓂᒋᔭᐅᔪᓂᒃ ᒪᑐᔭᐅᓯᒪᓕᖅᑐᓂᒃ ᐱᖓᓱᓪᓗᐊᑕᐸᓗᖕᓄᑦ ᐊᕐᕌᒍᓄᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᐱᓕᕆᕝᕕᖓ ᕿᒥᕐᕈᓂᐊᖅᑐᑦ ᑐᓐᓂᖅᑯᑕᐅᔪᓂᒃ ᐱᒋᐊᕐᓗᓂ ᒪᐃ 24, 2023. ᑐᒃᓯᕋᐅᑎᑦ ᑐᓐᓂᖅᑯᑕᐅᔪᑦ ᒪᐃ 23, 2023 ᐊᓂᒍᓚᐅᖅᑎᓪᓗᒍ ᐃᓱᒪᒋᔭᐅᓂᐊᖅᐳᑦ ᑮᓇᐅᔭᑦ ᓱᓕ ᐊᑐᐃᓐᓇᐅᒃᐸᑕ. ᓯᕗᓪᓕᐅᔾᔭᐅᓂᐊᖅᑐᑦ ᐱᔨᑦᑎᖅᑕᐅᑦᑎᐊᙱᑦᑐᑦ ᓄᓇᓖᑦ ᑭᒡᓕᖃᖅᑐᓂᑦ ᐱᑕᖃᕇᖅᑐᓂᓪᓘᓐᓃᑦ ᐱᔪᓐᓇᐅᑎᓕᖕᓂᑦ ᐸᐃᕆᕕᖕᓂᑦ.

ᐱᓇᔪᖕᓂᐊᕐᓗᓂ, ᖃᐅᔨᒋᐊᕐᕕᒋᓗᒍ ᔪᐃ ᐅ'ᕗᕋᐃᐊᓐ ᐅᕗᖓ 867-975-4882 ᐅᕝᕙᓘᓐᓃᑦ jo'brien2@gov.nu.ca ᐃᓗᓕᖃᐅᑦᑎᐊᖅᑐᓂᒃ ᑐᓴᖅᑕᐅᔪᒃᓴᓂᒃ ᐱᓇᔪᖕᓂᐊᕐᓗᓂ ᑲᔪᓯᓂᕆᔭᐅᕙᒃᑐᒧᑦ ᐊᔪᖅᑎᑕᐅᙱᑦᑐᓄᓪᓗ ᐱᔭᐅᔭᕆᐊᓕᖕᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᐅᓗᑎᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᓕᒻᒪᒃᓴᔪᓕᕆᕝᕕᑦ ᐸᐃᕆᕝᕕᓪᓗ ᐃᑭᐊᖅᑭᕕᖓᓐᓄᐊᕐᓗᑎᑦ. 

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᑯᕆᔅᑕ ᐊᐃᒥ  
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐃᓕᓐᓂᐊᕐᓂᓕᕆᔨᒃᑯᑦ
604-347-6015
kamey@gov.nu.ca