ᐅᖃᓚᐅᑎᓯᐅᑏᑦ

You are here

2021 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

2013 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2014 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  |2015 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2016 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  |  2017 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ    | 2018 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ  | 2019 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2020 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ | 2021 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ

 

 

ᐊᕐᕌᒍᑕᒫᑦ, ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᑐᑭᖃᖅᖢᓂ "ᐅᖃᐅᓯᑦᑎᓐᓂᒃ ᖁᕕᐊᓲᑎᖃᕐᓂᖅ," ᓇᓗᓇᐃᖅᓯᔾᔪᑕᐅᖕᒪᑦ ᐱᒻᒪᕆᐅᓂᖓᓂᒃ ᐃᓄᐃᑦ ᐱᐅᓯᑐᖃᖓ ᐊᔾᔨᒋᔭᐅᙱᑦᑐᓪᓗ ᐱᐅᓯᕆᔭᐅᔪᑦ ᐃᓄᒃᑎᑐᑦ ᐅᖃᐅᓯᕐᒥᖔᖅᑐᑦ. 

ᐃᓕᖅᑯᓯᓕᕆᔨᒃᑯᑦ, ᐱᓕᕆᖃᑎᖃᖅᖢᑎᒃ ᐊᓯᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ, ᐅᔾᔨᕆᔭᐅᓕᖅᑎᑦᑎᓲᖑᕗᑦ ᖃᔅᓯᑲᓪᓚᖕᓂᒃ ᐱᓕᕆᐊᓂᒃ, ᐃᓚᒋᔭᐅᓪᓗᓂ ᓴᖅᑭᑕᐅᓂᖏᑦ ᖃᔅᓯᑲᓪᓚᑦ ᐃᓄᒃᑎᑐᑦ ᐅᖃᓕᒫᕈᓐᓇᕐᓂᕐᒧᑦ ᐃᑲᔫᑎᑦ ᑕᑯᔭᐅᔪᓐᓇᕐᓗᑎᒃ ᓄᓇᕗᒥᐅᓕᒫᓄᑦ. ᖁᕕᐊᓲᑎᖃᖅᖢᓂ ᐃᓄᒃᑎᑐᑦ ᐊᔾᔨᒌᙱᕈᓘᔭᖅᑐᑦ ᐅᖃᐅᓯᕐᓂᒃ, ᐃᓕᖅᑯᓯᑦᑎᐊᕙᐃᓐᓄᒃᐳᑦ ᐅᓂᒃᑳᖅᑐᐊᑦᑎᐊᕚᓗᒃᐳᓪᓗ ᐃᑲᔪᖅᓱᐃᑦᑎᐊᖅᖢᑎᒃ, ᑎᓕᐅᕆᔾᔪᑕᐅᑦᑎᐊᖅᖢᑎᒃ, ᐆᒻᒪᖅᑎᑦᑎᒃᑲᓐᓂᕈᑕᐅᓪᓗᑎᒡᓗ ᐊᑐᖅᑕᐅᔾᔪᓯᕐᒧᑦ ᖃᔅᓯᑲᓪᓛᓗᖕᓄᑦ ᐅᖃᐅᓯᖅᑕᕆᔭᐅᔪᓄᑦ ᓄᓇᕗᒻᒥ.

2021 ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ ᐱᔾᔪᑎᖓ ᐃᓄᐃᑦ ᐱᙳᐊᕈᓯᖏᑦ - ᐃᓄᐃᑦ ᐱᙳᐊᕈᓯᑐᖃᖏᑦ

ᐃᓄᐃᑦ ᐱᙳᐊᕈᓯᖏᑦ - ᐃᓄᐃᑦ ᐱᙳᐊᕈᓯᑐᖃᖏᑦ ᐱᔾᔪᑎᖓ ᐊᑐᐃᓐᓇᐅᑎᑦᓯᔪᖅ ᐱᓕᕆᐊᖑᓯᒪᔪᓂᑦ ᑕᖅᑭᕐᒥ ᓱᓕᕆᓂᖃᖅᑎᑦᓯᓂᕐᒧᑦ ᐱᔾᔪᑎᖃᖅᑐᓂᑦ ᐱᔪᓐᓇᕐᓂᕐᒧᑦ, ᓴᙱᓂᖃᕐᓂᕐᒧᑦ, ᐊᑦᓱᕈᓐᓇᖅᑐᒃᑰᕈᓐᓇᕐᓂᕐᒧᑦ, ᖁᕕᐊᓲᑎᖃᕐᓂᕐᒥᓪᓗ. ᐊᕐᕌᒍᑕᒫᑦ, ᐃᓄᐃᑦ ᐱᖅᑯᓯᖏᑦ ᐱᙳᐊᕈᓯᖏᑦ ᐊᑐᕐᓂᖃᓪᓗᐊᑕᖅᑐᖅ ᓴᐳᒻᒥᔭᐅᖁᓪᓗᒍ ᓴᙱᖅᑎᖁᓪᓗᒍᓗ ᐃᓄᐃᑦ ᐃᓕᖅᑯᓯᖓ ᑭᓇᐅᓂᖏᓐᓂᓪᓗ. 

“ᐃᓄᐃᑦ ᐱᙳᐊᕈᓯᑐᖃᖏᑦ ᐃᓚᒋᔭᐅᓯᒪᒻᒪᕆᒃᐳᖅ ᐃᓕᖅᑯᓯᑦᑎᓐᓂᑦ ᑭᖑᕚᕇᓄᑦ, ᐃᑲᔫᑎᐅᓪᓗᓂ ᐊᓐᓇᐅᒪᔪᓐᓇᕋᓱᖕᓂᖕᓂᑦᒥ ᓴᙱᒃᑎᓴᕐᓂᒃᑯᑦ ᐊᒃᓱᕈᕐᓇᖅᑐᒃᑰᕈᓐᓇᕐᓂᕐᓗ, ᐊᒻᒪᓗᑦᑕᐅᖅ ᓯᓚᖅᑲᑎᒌᖕᓂᖕᒥᑦ ᓄᓇᓕᖕᓂᑦ,” ᐅᖃᓚᐅᕐᑐᖅ ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ, ᒫᒡᒍᓚᑦ ᓇᑲᓱᒃ. “ᐊᕐᕌᒍᓕᒫᑲᓴᖕᒥᑦ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒪᓂᐅᔪᖅ, ᐃᓕᑕᑦ ᖃᐅᔨᔭᓪᓗ ᐱᙳᐊᕈᓯᒋᕙᒃᑕᑦᑎᓐᓂ ᐱᒻᒪᕆᐊᓗᖕᒥᑦ ᐃᖅᑲᐃᓯᔾᔪᑕᐅᕗᖅ. ᑲᓱᖅᓯᒪᐃᓐᓇᕐᑎᓪᓗᑕ, ᑲᑎᙵᖏᒃᑲᓗᐊᕐᑎᓪᓗᑕ, ᐱᙳᐊᕈᓯᑎᖃᕗᑦ ᐊᔪᕆᖅᓱᐃᕙᒃᐳᑦ ᐅᑕᖅᑭᓂᕐᒥᑦ ᐊᑐᕐᑎᓪᓗᑕ ᐃᓕᑦᑎᑎᓪᓗᑕᓗ ᐃᓄᐃᑦ ᐃᓕᖅᑯᓯᖏᓐᓂᑦ ᑭᓇᐅᓂᖏᓐᓂᓪᓗ.”  

ᒥᓇᕆᓗᒍ ᑕᕝᕙᓂ ᐊᕐᕌᒍᒥ ᐃᓄᐃᑦ ᐱᙳᐊᕈᓯᖏᑦ ᐊᑭᓐᓇᕐᒥᐅᑕᖓ.

 

2021 ᕿᓚᐅᑦ

ᕿᓚᐅᑦ 2021 ᐃᖏᐅᓯᓕᐅᕐᓂᕐᒧᑦ ᓵᓚᒃᓴᕋᓱᖕᓂᖅ

ᐃᓕᖅᑯᓯᓕᕆᔨᒃᑯᑦ ᖃᒡᒋᐊᕘᒃᑯᓐᓂ ᐱᓕᕆᖃᑎᖃᖅᖢᑎᒃ, ᐱᑎᑕᐅᑲᑕᒍᓐᓇᖅᓯᕗᑦ ᕿᓚᐅᑦ 2021−ᒧᑦ, ᓄᓇᕗᒻᒥ ᐊᕐᕌᒍᑕᒫ ᐃᓄᒃᑐᑦ ᐃᙱᐅᓯᓕᐅᕐᓂᕐᒧᑦ ᓵᓚᒃᓴᕋᓱᒃᐸᒃᑐᑦ. ᑕᒪᑐᒪᓂ ᐊᕐᕌᒍᒥ ᐅᓇ ᐱᓕᕆᐊᖑᓂᐊᖅᑐᖅ ᖁᕕᐊᓲᑎᖃᕐᓂᖅ!

ᕿᓚᐅᑦ ᖁᕕᐊᓲᑎᖃᖃᑦᑕᖅᐳᑦ ᐃᓄᒃᑐᑦ ᓂᐱᑦᑎᐊᕆᒃᑐᓂᒃ ᑐᓴᕐᓈᒐᒃᓴᓂᑦ, ᑲᔪᖏᖅᓴᐃᕙᒃᐳᑦ ᓴᖅᑭᑎᑦᑎᖁᔨᓪᓗᑎᒃ ᐃᙱᐅᓯᓕᐅᖅᑕᐅᒋᐊᙵᖅᓯᒪᔪᓂᑦ ᐊᒻᒪ ᐃᓄᒃᑐᑦ ᐊᑐᖅᑕᐅᓕᒃᑲᓐᓂᕐᓗᓂ ᓇᓂᑐᐃᓐᓇᑦᑎᐊᖅ ᐃᓅᓯᑦᑎᓐᓂ.     ᓵᓚᒃᓴᕋᓱᒃᑐᑦ ᐃᓱᒪᒃᓴᖅᓯᐅᕈᓇᖅᑎᑕᐅᕗᑦ ᐊᒻᒪ ᖁᕕᐊᓇᖅᑐᓂᒃ ᐅᖃᐅᓯᖃᕈᓐᓇᖅᖢᑎᒃ ᖁᕕᐊᓲᑎᖃᕐᓗᑎᒡᓗ, ᐱᓗᐊᖅᑐᒥ ᐊᔪᕐᓇᖅᑐᖅᓯᐅᖅᑎᓪᓗᑕ. ᐃᖏᐅᑏᑦ ᐃᓕᖕᓄᑦ ᖁᖓᓇᖅᑐᑦ, ᒧᒥᕐᓇᖅᑐᑦ ᐅᕝᕙᓘᓐᓃᑦ ᐃᒡᓚᕐᓇᖅᖢᑎᒃ.

ᑕᑯᓗᒋᑦ ᓇᓗᓇᐃᔭᖅᓯᒪᔪᑦ ᓵᓚᖃᐅᓯᐊᑦᓴᐃᑦ, ᓵᓚᖃᕋᓱᐊᕐᓂᕐᒧᑦ ᑐᓂᓯᓂᕐᒧᑦ, ᐃᓱᓕᕝᕕᑦᓴᖓ ᒪᓕᒐᖏᓪᓗ ᐊᑖᓂᑦ!

ᕿᓚᐅᑦ ᒪᓕᒃᑕᐅᔭᕆᐊᓕᖏᑦ
ᕿᓚᐅᑦ ᑐᑭᖏᓪᓗ ᒪᓕᒐᖏᓪᓗ
ᕿᓚᐅᑦ ᐃᓚᒋᔭᐅᔪᒪᔪᓄᑦ ᑕᑕᑎᕆᐊᓕᒃ


 

 

ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᓗᐊᖅᓯᒪᔪᑦ:

ᐃᓄᑐᖃᐃᑦ ᐅᖃᐅᓯᖃᖅᑐᑦ ᐱᒻᒪᕆᐅᓂᖓᓂᑦ ᐱᙳᐊᕈᓰᑦ ᔭᒐᑎᑦᑕᐃᓕᒪᑎᑦᓯᓂᕐᒧᑦ ᐃᓄᐃᑦ ᐃᓕᖅᑯᓯᖓᓂᑦ ᐅᖃᐅᓯᖓᓂᓪᓗ

ᒪᓕᒋᑦ ᐅᕙᑦᑎᓐᓂᑦ ᐸᐃᔅᐳᒃ ᑐᐃᑐᒃᑯᓪᓗ ᕕᐅᓪᓗᐊᓕᒥ ᐊᒻᒪ ᓴᖅᑭᔮᖅᑎᑦᓯᓂᕐᒥᓪᓗ ᖁᕕᐊᓇᖅᑐᓂᑦ ᐃᓕᓐᓂᐊᕐᓂᓕᕆᓂᕐᒧᓪᓗ ᐅᖃᐅᓯᓕᕆᓂᕐᒧᑦ ᑕᖅᑭᖓᓂᑦ ᑕᕐᕆᔮᒃᓴᓂᑦ ᓄᓇᕗᒻᒥ!

ᐃᓄᒃᑎᑐᑦ | ᖃᓪᓗᓈᑐᑦ | ᐃᓄᐃᓐᓇᖅᑐᓐ | ᐅᐃᕖᑐᑦ

ᐃᓄᒃᑎᑐᑦ | ᖃᓪᓗᓈᑎᑐᑦ | ᐃᓄᐃᓐᓇᖅᑐᓐ | ᐅᐃᕖᑎᑐᑦ

 

 

ᐃᓄᒃᑎᑐᑦ ᒫᓐᓇ ᒪᐃᑯᓵᕝᑯᑦ ᑐᑭᓕᐅᕆᔨᐅᓕᖅᑐᖅ!

ᐱᒋᐊᖅᓱᓂ ᐱᓇᓱᐊᕈᓯᐅᓚᐅᖅᑐᒥ, ᑲᑐᔾᔨᖃᑎᒌᑦᓱᑎᒃ ᒪᐃᑯᓵᕝᑯᑦ ᒐᕙᒪᒃᑯᓪᓗ ᓄᓇᕗᒻᒥ ᐃᓕᖅᑯᓯᓕᕆᔨᒃᑯᑦ ᐊᒻᒪᓗ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ, ᐃᓄᒃᑎᑐᑦ ᐊᑐᐃᓐᓇᐅᓕᖅᑐᖅ ᒪᐃᑯᓵᕝᑯᑦ ᑐᑭᓕᐅᕆᔨᒃᑯᑦ ᐊᑐᖅᑎᓄᑦ ᓄᓇᕐᔪᐊᕐᒥ. ᐊᖏᕐᕋᖅᓯᒪᒍᕕᑦ, ᐃᖅᑲᓇᐃᔭᕈᕕᑦ, ᐃᓕᓐᓂᐊᕐᕕᕆᔭᖓᑕᓘᓐᓃᑦ ᐃᓗᐊᓂ, ᑖᓐᓇ ᐱᓕᕆᔾᔪᑎ ᐅᓄᖅᓯᑎᑦᓯᓂᐊᖅᑐᖅ ᐱᔪᓐᓇᕐᓂᕐᒧᑦ ᐃᓄᒃᑎᑐᑦ ᑭᓇᑐᐃᓐᓇᕐᓄᑦ ᐃᑭᐊᖅᑭᕕᒃᑯᑦ ᖃᕆᑕᐅᔭᒃᑯᑦ, ᐅᖄᓚᐅᑎᒃᑯᑦ, ᖃᕆᑕᐅᔭᕋᓛᒃᑯᓪᓘᓐᓃᑦ.

“ᐅᐱᓐᓇᖅᑐᖅ ᐱᕕᖃᕈᓐᓇᕐᓂᕐᒧᓪᓗ ᐱᓕᕆᖃᑎᖃᕐᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐱᒻᒪᕆᓪᓚᕆᐅᔪᒧᑦ ᐱᓕᕆᐊᒧᑦ” ᐅᖃᖅᑐᖅ ᑭᐊᕙᓐ ᐲᔅᑯ, ᐊᖓᔪᖅᑳᖅ, ᒪᐃᑯᓵᕝᑯᓐᓄᑦ ᑲᓇᑕᒥ. “ᐅᖃᐅᓯᖅ ᑲᓲᑎᐅᓚᕆᑦᑐᖅ ᐃᓕᖅᑯᓯᕐᒧᑦ ᑭᓇᐅᓂᕐᒧᓪᓗ.  ᐅᑉᐱᕈᓱᑦᑐᒍᑦ ᖃᕆᓴᔭᐅᓕᕆᔾᔪᑏᑦ ᐃᑲᔪᕈᓐᓇᖅᑐᑦ ᓴᐳᔾᔨᓂᕐᒧᑦ ᐱᐅᓯᑐᖃᖅᑎᓐᓂᑦ ᐊᓯᐅᑎᑦᓯᑕᐃᓕᒪᓂᕐᒧᓪᓗ ᐅᖃᐅᓯᕐᒥᑦ. ᑕᐃᒪᐃᒻᒪᑦ ᐅᐱᒍᓱᑦᐳᒍᑦ ᑲᑐᔾᔨᖃᑎᖃᕐᓂᕐᒥᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐃᓕᓐᓂᐊᕐᓂᕐᒧᓪᓗ ᐃᓄᒃᑎᑐᑦ ᐅᖃᕈᓐᓇᖅᑐᓂᑦ ᐃᓚᓯᓂᕐᒧᑦ ᐃᓄᒃᑎᑐᑦ ᑐᑭᓕᐅᖑᓯᒪᔪᓂᑦ ᒪᐃᑯᓵᕝᑯᑦ ᑐᑭᓕᐅᕆᓂᕐᒧᑦ.”

ᐱᒋᐊᕐᓂᖓ ᐃᓄᒃᑎᑐᑦ ᐱᒋᐊᖓᐅᑎᐅᕗᖅ ᐅᓄᖅᓯᑎᑦᓯᓂᕐᒧᑦ ᓴᖅᑭᔮᖅᑎᑦᓯᓂᕐᒧᑦ ᐃᓄᒃᑎᑐᑦ ᐅᖃᐅᓯᕐᒥᑦ ᓄᓇᕐᔪᐊᓕᒫᕐᒥᑦ. ᐃᓄᒃᑎᑐᑦ ᐅᖃᕈᓐᓇᖅᑐᑦ ᐊᑐᖅᓂᖅᓴᐅᑎᓪᓗᒋᑦ ᐊᑐᐃᓐᓇᐅᑎᑦᓯᓂᕐᒥᓪᓗ ᑭᐅᔾᔪᑎᖏᓐᓂᑦ, ᑐᑭᓕᐅᕆᔨ “ᐃᓕᑉᐸᓕᐊᓂᖅᓴᐅᓚᖓᕗᖅ” ᐅᓄᖅᓯᑎᑦᓯᓂᕐᒧᓪᓗ ᐃᓄᒃᑎᑐᑦ ᐊᔪᙱᑕᖃᕐᓂᕐᒧᑦ. ᐊᑏ!

ᑐᑭᓯᒋᐊᒃᑲᓂᕈᒪᒍᕕᑦ ᐱᓕᕆᐊᕐᒥ, ᐅᕗᖓᕐᓗᑎᑦ: https://news.microsoft.com/en-ca/2021/01/27/microsoft-introduces-inuktit...

ᐊᑐᕐᓗᒍ ᒪᐃᑯᓵᕝ ᑐᑭᓕᐅᕆᔨ ᐅᕗᖓᕐᓗᑎᑦ www.bing.com/translator .  ᐱᑕᖃᕐᒥᔪᖅ ᒪᐃᑯᓵᕝ ᑐᑭᓕᐅᕆᔨ ᖃᕆᑕᐅᒃᑯᑦ, ᐋᓐᑐᐃᑦ, iOS ᐊᒻᒪᓗ ᖃᕆᑕᐅᔭᒃᑯᑦ ᑎᑎᕋᕈᑎ: ᖃᕆᑕᐅᔭᒃᑯᑦ - ᒪᐃᑯᓵᕝᑯᑦ ᑐᑭᓕᐅᕆᔨ

ᖁᔭᓐᓇᒦᖅᑕᕗᑦ ᐱᓕᕆᐊᒃᓴᓄᑦ ᐃᑲᔪᖃᑦᑕᖅᓯᒪᔪᓕᒫᑦ!
 

 

ᐊᑎᖓ ᐱᙳᐊᕈᑎᐅᑉ

ᐃᓯᒐᒃ ᐊᑕᐅᓯᖅ ᐊᕿᓯᑲᑕᒐᓱᒃᑐᑦ

ᐊᕿᓯᑲᑦᑕᒐᓱᒃᑯᑦ ᐆᑦᑑᑎᓪᓚᕆᐅᕗᖅ ᓅᑦᓴᐅᑎᒋᔪᓐᓇᕐᓂᕐᒧᑦ, ᒪᑭᑕᑦᑎᐊᕈᓐᓇᕐᓂᕐᒧᑦ, ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᓪᓗ.

ᑎᑭᑕᐅᔪᒪᔪᑦ: ᐊᕿᓪᓗᒍ ᓴᐅᓂᖅ, ᐊᒥᖅ ᓇᑦᓯᐅᓪᓘᓐᓃᑦ ᕿᓯᖓ, ᖁᑦᓯᓂᖃᖅᑎᑕᐅᔪᖅ. ᑎᑭᑕᐅᔪᒪᔪᖅ ᖁᑦᓯᓂᖓᓂ ᑐᙵᕕᖃᖅᑐᖅ ᐱᖃᑕᐅᔫᑉ ᐊᔪᙱᑕᖃᕐᓂᖓᓄᑦ. ᓄᓇᕐᔪᐊᓕᒫᒥ ᐊᑭᑦᑐᕋᐅᑎᔾᔪᑕᐅᕙᑦᑐᒥᒃ, ᖁᑦᓯᓂᖓ ᑎᑭᒍᓐᓇᖅᑐᖅ 2.97 ᒦᑕᒦᑦ. ᐊᔾᔨᒌᙱᓐᓂᖏᓐᓂᒃ, ᐹᔅᑭᑦᐹᓪᒧ ᑕᑭᓂᖓ 10ᓂ ᐃᑎᒐᕐᓂᑦ ᐅᕝᕙᓘᓐᓃᑦ 3 ᒦᑕᒥᑦ ᖁᑦᓯᓂᓕᒃ.

ᖃᓄᖅ ᐱᙳᐊᖅᑕᐅᓲᖑᒻᒪᖔᑦ: ᐱᙳᐊᖅᑎ ᓂᑯᕐᕋᓗᓂ ᐱᒋᐊᓚᖓᓗᓂ, ᐃᑎᒐᖏᒃ ᑲᑎᙵᓗᑎᒃ. ᐱᙳᐊᖅᑎ ᐃᕿᒡᒋᖅᑐᖅ ᐊᕿᑦᓯᒐᓱᐊᖅᓱᓂ ᐊᑕᐅᓯᕐᒧᑦ ᐃᑎᒐᕐᒧᑦ, ᑐᒐᓱᐊᖅᓱᓂ ᑖᑦᓱᒧᖓᑦᓴᐃᓐᓇᖅ ᐃᑎᒐᖓᓄᑦ ᐊᕿᑦᓯᒍᑎᖓᓄᑦ. ᐱᙳᐊᖅᑎᓕᒫᑦ ᐊᕿᑦᓯᒋᐊᖅᑐᑦ, ᑎᑭᐅᑎᖏᑦᑐᐃᑦ ᐊᕿᒐᓱᐊᖅᑕᖓᓂᑦ ᑐᖏᑉᐸᑕᓘᓐᓃᑦ ᐃᑎᒐᖓᓄᑦ ᐊᕿᑦᓯᒍᑎᖓᓄᑦ ᐲᖅᑕᐅᔪᑦ. ᐊᕿᑕᐅᒐᓱᐊᖅᑐᖅ ᖁᕝᕙᕆᐊᖅᑕᐅᔪᖅ ᐅᓄᖏᑦᑐᒥ ᐃᓐᓯᓄᑦ ᐊᒥᐊᒃᑯᐃᑦ ᐱᙳᐊᖅᑏᑦ ᑕᐃᒪᐃᓕᐅᒃᑲᓐᓂᕐᓂᐊᖅᑐᑦ. ᐊᕿᑦᓯᒋᐊᕐᓂᓕᒫᓄᑦ ᖁᕝᕙᕆᐊᖅᑕᐅᖃᑦᑕᖅᑐᖅ ᐱᙳᐊᕐᓂᖅ ᑲᔪᓯᖏᓐᓇᖅᑐᖅ ᐊᑕᐅᓯᖅᒥ ᑭᓯᐊᓂ ᐱᙳᐊᖅᑎᖃᓕᖅᐸᑕ.

 
ᐃᓯᒑ ᒪᕐᕉᒃ ᐊᖅᑭᓯᑲᑕᒐᓱᒃᑐᑦ:

ᑖᓐᓇ ᐱᙳᐊᕐᓂᖅ ᐊᔾᔨᐸᓗᖓ ᐃᓯᒐᒃ ᐊᑕᐅᓯᖅ ᐊᕿᓯᑲᑕᒐᓱᐊᕐᓂᕐᒧᑦ, ᑭᓯᐊᓂ ᐊᕿᑕᐅᒐᓱᐊᖅᑐᖅ ᑎᑭᑕᐅᔭᕆᐊᓕᒃ ᑕᒪᒃᑮᓐᓄᑦ ᐃᑎᒑᓐᓄᑦ ᐱᙳᐊᖅᑎ ᑐᓪᓗᓂ ᑕᒪᒃᑮᓐᓂᒃ ᐃᑎᒐᖏᓐᓂᑦ.

 
ᐸᖓᒃᑲᖅᑕᖅᑐᑦ

ᐸᖓᒃᑲᖅᑕᖅᑐᑦ ᖃᐅᔨᓴᕐᓂᕐᕗᖅ ᓴᙱᓂᖏᓐᓂᑦ ᐊᔪᙱᑕᖃᕐᓂᕐᒥᓪᓗ.

ᑎᑭᑕᐅᔪᒪᔪᑦ: ᐸᖓᒃᑲᖅᑕᖅᑐᓗᑎᑦ ᐅᖓᓯᑦᑐᒨᕈᓐᓇᕐᓂᕐᓄᑦ, ᐸᒡᕕᖕᓂᓗ ᐳᑐᒍᓂᓗ ᐊᒃᑐᐊᑎᑕᑐᐊᕆᓗᒋᒃ ᓇᑎᕐᒧᑦ.

ᖃᓄᖅ ᐱᙳᐊᖅᑕᐅᓲᖑᒻᒪᖔᑦ: ᐱᙳᐊᖅᑏᑦ ᐱᒋᐊᕈᑎᖃᕐᓂᐊᖅᑐᑦ ᐊᔭᐅᕐᓂᖅᑎᑐᑦ, ᑭᓯᐊᓂ ᐸᒡᕕᖕᓂᖓᓃᑦᑐᖅ. ᕿᒡᒋᖅᑐᖅ ᐅᖓᓯᓐᓂᖅᐹᕐᒧᑦ ᓵᓚᖃᖅᑐᖅ. 

ᐃᓕᑦᑎᒃᑲᓐᓂᕈᒪᕖᑦ? ᒪᓕᒃᑭᑦ ᓄᓇᕗᒻᒥ ᐱᙳᐊᖅᑏᑦ https://www.facebook.com/GoTeamNunavut; ᖃᐅᔨᒋᐊᕐᓗᒋᑦ ᐅᑭᐅᖅᑕᖅᑐᒥ ᐱᙳᐊᕕᔾᔪᐊᕐᓂᐅᑉ ᐃᑭᐊᖅᑭᕕᖓ ᐅᕙᓂ https://www.arcticwintergames.org/ 

ᓱᓇᐅᕙ ᖁᕕᐊᒋᓂᖅᐹᕆᔭᐅᐃᑦ ᐃᓄᐃᑦ ᐱᙳᐊᕈᓯᑐᖃᖓ? 

ᐃᓄᒃᑎᑐᑦ | ᖃᓪᓗᓈᑐᑦ | ᐃᓄᐃᓐᓇᖅᑐᓐ | ᐅᐃᕖᑐᑦ

ᐃᓄᒃᑎᑐᑦ | ᖃᓪᓗᓈᑎᑐᑦ | ᐃᓄᐃᓐᓇᖅᑐᓐ | ᐅᐃᕖᑎᑐᑦ

 

ᒐᕙᒪᒃᑯᑦ ᓄᓇᕗᒻᒥ ᖁᕕᐊᓲᑎᖃᖅᑐᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ 2021−ᒥ!

ᒐᕙᒪᒃᑯᑦ ᓄᓇᕗᒻᒥ ᐱᓇᓱᐊᖏᓐᓇᖅᑐᑦ ᐃᓚᒋᔭᐅᓗᑎᓪᓗ ᓴᖅᑭᔮᖅᑎᑦᓯᓂᕐᒧᑦ ᐃᓄᒃᑐᑦ. ᐃᓚᖏᑦ ᐆᒃᑑᑎᒋᔭᐅᔪᑦ ᐅᑯᐊᖑᕗᑦ:

 

ᐃᓕᓐᓂᐊᕐᓂᓕᕆᔨᒃᑯᑦ

ᖃᐅᔨᒪᕖᑦ ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓯᒪᓕᕐᑐᑦ 700 ᐅᖓᑖᓂ ᐃᓕᓐᓂᐊᕐᑎᑦ ᐅᖃᓕᒫᒐᒃᓴᖏᓐᓂᑦ ᐃᓕᓴᐃᔨᓪᓗ ᐊᑐᒐᒃᓴᖏᓐᓂᑦ ᐃᓄᒃᑎᑐᑦ, ᐊᒻᒪᓗ 400−ᑲᓴᐃᑦ ᐅᖃᓕᒫᒐᐃᑦ ᐃᓕᓐᓂᐊᑎᑦᓯᓂᕐᒧᓪᓗ ᐃᑲᔫᑎᑦᓴᐃᑦ ᐃᓄᐃᓐᓇᖅᑐᓐ?

ᐊᖏᕐᕋᒻᒥ ᐃᓕᓐᓂᐊᕐᓂᖅ (www.angirrami.com) ᐃᑭᐊᖅᑭᕕᒃᑯᑦ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔫᑎ ᐃᑲᔪᕐᓂᕐᒧᑦ ᐃᓚᒌᓂᑦ ᐸᖅᑭᔨᐅᔪᓂᓪᓗ ᐃᑲᔪᖅᑐᖃᑦᑕᖅᑐᑦ ᕿᑐᕐᖓᖏᓐᓂᑦ ᐃᓕᓐᓂᐊᕐᓂᕐᒧᑦ ᐊᖏᕐᕋᒻᒥ, ᓇᒻᒥᓂᖅ ᐅᖃᐅᓯᖓᓂᑦ.  ᕼᐊᓐᓇᓚᐃᑦ ᐅᖓᑖᓃᑐᓂᒃ ᐅᖃᓕᒫᒐᖃᖅᑐᐃᑦ, ᓂᐱᒥᒃ ᑐᓵᓗᓂ ᐅᖃᓕᒫᒐᐃᑦ, ᑎᑎᕋᐅᔭᖅᓯᒪᔪᑦ ᑕᕐᕆᔮᒃᓴᑦ, ᖃᐅᔨᕚᓪᓕᕈᑎᒃᓴᑦ ᐱᓕᕆᐊᒃᓴᐃᑦ, ᐊᒻᒪᓗ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᒐᒃᓴᓂᒃ.

ᐅᖃᐅᓰᑦ ᐱᙳᐊᕈᑏᑦ ᐊᒻᒪᓗ ᑎᑎᕋᕆᐅᖅᓴᐅᑏᑦ ᖁᕕᐊᓇᖅᑐᑦ, ᐃᓄᐃᑦ ᐅᖃᐅᓯᖓ ᖃᕆᑕᐅᔭᒃᑯᑦ ᐱᕙᓪᓕᐊᑎᑕᐅᔪᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᖃᐅᔨᑎᑦᓯᓂᕐᒧᑦ ᐊᑐᖅᑎᓄᑦ ᐃᓄᐃᑦ ᐅᖃᐅᓯᖓᑕ ᐅᖃᐅᓯᖏᓐᓂᑦ ᐃᓄᒃᑎᑑᓕᖓᔪᓂᒃ ᑎᑎᕋᖅᓯᒪᔪᓂᑦ.  ᑖᒃᑯᐊ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᐊᑭᖃᙱᑦᑐᒥ ᐅᕙᙵᑦ Apple and Google Play app stores.

ᐃᓕᑦᑎᒃᑲᓐᓂᕈᒪᕖᑦ? ᐅᕗᖓᓗᑎᑦ: gov.nu.ca/education

 

ᐃᖅᑲᓇᐃᔭᖅᑐᓕᕆᔨᒃᑯᑦ

ᐃᓚᒋᑦᓱᒍ ᐱᓕᕆᖃᑎᒌᓐᓂᖅ/ᐃᑲᔪᖅᑎᒌᓐᓂᖅ - ᐱᓕᕆᖃᑎᒌᓐᓂᖅ ᐊᑕᐅᓯᕐᒧᑦ ᐱᔾᔪᑕᐅᔪᒧᑦ, ᒐᕙᒪᒃᑯᑦ ᓄᓇᕗᒻᒥ (GN) ᐊᖏᖅᓯᒪᓂᖃᖅᑐᖅ ᐃᑲᔪᖅᑐᕐᓂᕐᒧᑦ ᐃᖅᑲᓇᐃᔭᖅᑎᓂᑦ ᐊᑐᕐᓂᕐᒧᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᓗᓂ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓄᑦ.

ᐃᓄᒃᑐᑦ ᐅᖃᐅᓯᖏᓐᓂᑦ ᐱᔪᒪᓕᖅᑎᑦᓯᔾᔪᑎ ᐊᑐᐊᒐᖅ ᑎᓕᐅᕆᓂᖅ ᐃᖅᑲᓇᐃᔭᖅᑎᓂᑦ ᐊᑐᕐᓂᕐᒧᑦ ᐅᓄᖅᓯᑎᑦᓯᓂᕐᒧᓪᓗ ᐃᓄᒃᑐᑦ ᐅᖃᐅᓯᖏᓐᓂᑦ ᐊᔪᙱᑕᖃᕐᓂᕐᒧᑦ ᐃᖅᑲᓇᐃᔭᕐᕕᒻᒥᑦ.

ᐃᓄᒃᑐᑦ ᐅᖃᐅᓯᖏᓐᓂᑦ ᐃᓕᓐᓂᐊᕐᓂᖅ ᐃᖅᑲᓇᐃᔮᒧᓪᓗ ᐱᕚᓪᓕᕈᑎᒃᓴᐃᑦ ᐱᓕᒻᒪᑦᓴᕐᓂᕐᒧᑦ ᐱᕕᖃᕐᓂᐅᔪᑦ ᐊᑐᐃᓐᓇᐅᑎᑕᐅᒥᔪᑦ ᐃᓄᒃᑐᑦ ᒐᕙᒪᒃᑯᓐᓂᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ. ᖃᐅᔨᒋᐊᕐᓗᒍ ᒐᕙᒪᒃᑯᑦ ᓄᓇᕗᒻᒥ ᐅᓪᓗᖅᓯᐅᑎᖓ ᑕᑯᔪᒪᓗᒋᑦ ᒫᓐᓇᐅᔪᖅ ᐱᓕᒻᒪᑦᓴᕐᓂᕐᒧᑦ ᐱᕕᖃᕐᓂᐅᔪᑦ.

ᐱᓇᓱᐊᕈᑎᓂᑦ ᐱᖃᑦᑕᖅᑐᒍᑦ ᒫᓐᓇ ᖃᕆᑕᐅᔭᒃᑯᑦ ᑐᙵᕕᖃᕐᓂᕐᒧᑦ ᐃᓕᓐᓂᐊᕐᓂᕐᒧᑦ, ᐃᓄᐃᑦ ᐊᓂᒍᖅᐸᓪᓕᐊᔭᖏᑦ: ᑭᖑᓂᖔᑦᑎᓐᓂ ᐅᓪᓗᒥᒧᑦ ᐃᓕᓐᓂᐊᕐᓂᖅ, ᐊᒻᒪᓗ ᐅᓪᓗᒥ ᐊᑐᓕᖅᑐᓄᑦ ᑕᐃᒎᓰᕐᓄᑦ ᐃᓕᓐᓂᐊᕐᓂᖅ, ᐃᓘᓐᓇᑎᒃ ᐊᐅᓚᑕᐅᓂᐊᖅᑐᑦ ᐃᓄᒃᑐᑦ.

ᐃᓄᑐᖃᐃᑦ ᖃᐃᖁᔨᒐᔪᓚᐅᖅᑐᑦ ᐅᖃᓪᓚᕆᐊᖅᑐᖅᑐᓂᑦ (ᑐᑭᓕᐅᖅᑕᐅᒪᑦᓱᑎᒃ) ᐱᓕᕆᕝᕕᒻᒥ ᕼᐃᕗᓕᖅᑎᒃᕼᐊᓄᑦ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ, ᐊᑐᐊᒐᓕᕆᓂᕐᒧᑦ ᐊᔪᙱᑕᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ, ᐃᓕᖅᑯᓯᕐᓂᓪᓗ ᐱᕙᓪᓕᐊᑎᑦᓯᕙᓪᓕᐊᓂᕐᒧᑦ ᐱᓕᕆᐊᓄᑦ.  

ᓄᓇᕗᒻᒥᐅᑦ ᓴᖅᑭᔮᖅᑎᑦᓯᑕ ᐃᓄᒃᑐᑦᒥ ᐊᑐᖃᑦᑕᕐᓗᒍ ᖃᐅᑕᒫᑦ!

ᖁᔭᓐᓇᒦᖅᑕᕗᑦ ᐱᓕᕆᐊᒃᓴᓄᑦ ᐃᑲᔪᖃᑦᑕᖅᓯᒪᔪᓕᒫᑦ!