ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᐃᓕᖅᑯᓯᓕᕆᔨᒃᑯᓐᓂ ᑐᓴᒐᒃᓴᖅ

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᔭᓄᐊᕆ 6, 2022

ᐃᓕᖅᑯᓯᓕᕆᔨᒃᑯᓐᓂ ᐱᓕᕆᕝᕕᖓᓐᓂᑦ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐊᐃᑦᑑᑎᑦ ᐃᑲᔫᑎᓪᓗ

ᐃᓕᖅᑯᓯᓕᕆᔨᒃᑯᑦ ᒫᓐᓇ ᐊᖏᖅᓯᑲᑕᐃᓐᓇᖅᑐᑦ ᓱᓕ ᐊᐃᑦᑑᑎᓂᒃ ᐃᑲᔫᑎᓂᒡᓗ ᑐᒃᓯᕋᐅᑎᓂᒃ ᐊᕐᕌᒍᒧᑦ ᑐᕌᖓᔪᓂᒃ. ᑐᒃᓯᕋᐅᑎᑦ ᐱᔭᐅᔪᓐᓇᖅᑐᑦ ᔭᓄᐊᕆ 31, 2022-ᒧᑦ ᑎᑭᓪᓗᒍ. ᑐᒃᓯᕋᐅᑎᑦ ᐊᖏᖅᑕᐅᕝᕕᒃᓴᖏᑦ ᐅᖓᕙᕆᐊᖅᓯᒪᖃᑦᑕᑐᐃᓐᓇᕆᐊᖃᕐᓂᐊᖅᑐᑦ. ᑐᓴᐅᒪᔪᓕᕆᔾᔪᑏᑦ ᑖᒃᑯᐊ ᐱᓕᕆᐊᑦ ᐱᔾᔪᑎᒋᓪᓗᒋᑦ ᐱᓕᕆᐊᖑᐃᓐᓇᕐᓂᐊᖅᑐᑦ ᑭᓱᑐᐃᓐᓇᐃᑦ ᒪᑑᕋᖅᓯᒪᑎᓪᓗᒋᑦ.

ᑐᑭᓕᐅᕆᓂᕐᒧᑦ ᐱᔨᑦᑎᕋᐅᑎᑦ

ᑐᑭᓕᐅᕆᔨᒃᑯᑦ ᐃᓕᖅᑯᓯᓕᕆᔨᒃᑯᓐᓂ ᐊᐅᓚᐃᓐᓇᕐᓂᐊᖅᑐᑦ ᑐᑭᓕᐅᕇᓐᓇᕐᓂᐊᖅᑐᓪᓗ ᑕᒪᐃᓐᓂᒃ ᐅᖃᐅᓯᒃᑯᑦ ᐃᓕᓴᕆᔭᐅᓯᒪᔪᒃᑯᑦ ᖃᔅᓯᑲᓪᓛᓗᖕᓂ ᐱᓕᕆᕝᕕᖕᓄᑦ ᐊᒻᒪ ᒐᕙᒪᒃᑯᓐᓂ ᑎᒥᖁᑎᒋᔭᐅᔪᓄᑦ. ᒫᓐᓇ, ᑐᑭᓕᐅᕆᒋᐊᓖᑦ ᓯᕗᓪᓕᐅᔾᔭᐅᒋᐊᖃᕐᒪᑕ ᒪᑯᓄᖓ ᑐᑭᓕᐅᖅᑕᐅᒋᐊᖃᖅᐸᒃᑐᓄᑦ ᐊᒃᑐᐊᓂᓕᖕᓄᑦ ᐃᓄᖕᓄᑦ ᖃᓄᐃᙱᑦᑎᐊᕈᓯᕐᓄᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪ ᐃᓵᖅᑕᐅᑦᑕᐃᓕᓂᕐᒧᑦ, ᐃᓄᖕᓄᑦ ᑐᓴᖅᑕᐅᔪᒃᓴᑦ, ᐃᓚᓕᐅᑎᓪᓗᒋᑦ ᐃᓄᖕᓄᑦ ᑐᕌᖓᔪᑦ ᐱᕙᓪᓕᐊᔪᑦ, ᐊᓯᖏᓪᓗ ᒪᓕᒐᓕᐅᕐᕕᖕᒥ ᓴᖅᑭᑕᐅᕙᓪᓕᐊᓲᑦ. ᑐᐊᕕᕐᓇᓗᐊᙱᑦᑐᑦ ᑐᑭᓕᐅᖅᑕᐅᒋᐊᓖᑦ ᐊᒻᒪ ᑐᓴᒐᒃᓴᑦ ᐅᖓᕙᕆᐊᖅᓯᒪᖃᑦᑕᑐᐃᓐᓇᕆᐊᖃᕐᓂᐊᖅᑐᑦ ᑐᑭᓕᐅᖅᑕᐅᒋᐊᓕᑦ ᐅᓄᖅᓯᕚᓪᓕᖅᓯᒪᓂᖏᓐᓄᑦ ᐊᒻᒪ ᐱᕕᖃᑦᑎᐊᖃᑦᑕᙱᓐᓂᖏᓐᓄᑦ.

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐃᖃᓗᖕᓂ ᐅᖃᓕᒫᒐᖃᕐᕕᒃ

ᐃᖃᓗᖕᓂ ᐅᖃᓕᒫᒐᖃᕐᕕᒃ ᐃᓄᖕᓄᑦ ᒪᑐᓯᒪᔪᖅ ᐱᒋᐊᖅᖢᒍ ᔭᓄᐊᕆ 4, 2022−ᒥ. ᐃᓄᐃᑦ ᐅᖃᓕᒫᒐᖃᕐᕕᖕᒧᑦ ᐃᓯᒥᐊᕈᓐᓇᙱᑦᑐᑦ, ᑲᑎᖅᓱᒐᐃᑦ, ᐊᒻᒪ ᖃᕆᑕᐅᔭᐃᑦ ᐅᐊᐃᔭᖃᙱᒃᑲᓗᐊᖅᖢᑎᒃ ᐃᑭᐊᖅᑭᕕᖕᓇᖅᑐᑦ ᐊᑐᐃᓐᓇᕈᖅᑎᑕᐅᓂᐊᖅᑐᑦ ᐅᖃᓕᒫᒐᖃᕐᕕᓕᐊᖅᐸᒃᑐᓄᑦ ᐅᖃᓕᒫᒐᖃᕐᕕᐅᑉ ᓄᓇᓯᐅᑎᖃᕐᕕᖓᓐᓂ.  ᖃᕆᑕᐅᔭᖃᕆᐊᖃᖅᑐᑦ ᐱᒋᔭᒥᓂᒃ ᑭᓱᓕᕆᔾᔪᑎᓂᒡᓘᓐᓃᑦ ᑖᒃᑯᓄᖓ ᐃᓯᕈᒪᒃᐸᑕ. ᐅᖃᓕᒫᒐᖃᕐᕕᖕᒥ ᐃᑭᐊᖅᑭᕕᖓᑦ ᒪᒃᐱᒐᒃᓴᐅᔪᖅ ᐊᐅᓚᑕᒃᓴᐅᓪᓗᓂᓗ.

---

ᐃᓕᖅᑯᓯᓕᕆᔨᒃᑯᓐᓂ ᐱᓕᕆᕝᕕᖓᓐᓂᑦ ᐱᔨᑦᑎᕈᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᓄᓇᕗᒻᒥᐅᑦ ᓱᓕ ᐱᑎᑕᐅᖃᑦᑕᕐᓂᐊᖅᐳᑦ ᑭᒃᑯᑐᐃᓐᓇᓂᑦ ᖃᓄᐃᙱᑦᑐᓂᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑐᑭᓯᒋᐊᕈᑎᒃᓴᓂᒃ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᓂᕈᐊᕆᔭᖓ ᐊᑐᕐᓗᒍ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᐅᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐃᖃᓗᐃᑦ ᐅᖃᓕᒫᒐᖃᕐᕕᖓ ᑭᒃᑯᑐᐃᓐᓇᓄᑦ ᒪᑐᓯᒪᓕᖅᑐᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

 

---

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 16, 2020

ᐃᓕᖅᑯᓯᓕᕆᔨᒃᑯᓐᓂ ᐱᓕᕆᕝᕕᖓᓐᓂᑦ ᐱᔨᑦᑎᕈᑎᖏᑦ

ᒪᑐᓯᒪᔪᑦ ᐱᔨᑦᑎᕈᑏᑦ

• ᕿᒥᕐᕈᐊᒐᖃᕐᕕᒃ ᐃᖃᓗᖕᓂ ᑭᒃᑯᑐᐃᓐᓇᓄᑦ ᒪᑐᓂᐊᖅᐳᖅ, ᑕᒪᓐᓇ ᒪᑐᓯᒪᓂᖓ ᐱᒋᐊᕐᓗᓂ ᐱᖓᔪᐊᓐᓂ, ᓄᕕᐱᕆ 16−ᒥ.
• ᐅᖃᓕᒫᒐᖃᕐᕕᒃ ᖃᒪᓂ'ᑐᐊᕐᒥᑦ ᒪᑐᓯᒪᓂᐊᓕᖅᑐᖅ ᓇᓗᓇᐃᖅᑕᐅᓛᖅᑐᖅ ᒪᑐᐃᒃᑲᓐᓂᕈᓐᓇᖅᓯᑉᐸᑦ.

---

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 13, 2020

ᓯᕗᓕᖅᑎᐅᑉ ᑐᓴᒐᒃᓴᖏᑦ ᓄᑖᑦ

ᐃᓕᖅᑯᓯᓕᕆᔨᒃᑯᓐᓂ ᐱᓕᕆᕝᕕᖓᓐᓂᑦ ᐱᔨᑦᑎᕈᑎᖏᑦ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ

ᐃᓕᖅᑯᓯᓕᕆᔨᒃᑯᑦ ᓱᓕ ᐊᐃᑦᑑᑎᑦ ᐃᑲᔫᑎᓪᓗ ᐊᑐᐃᓐᓇᑎᓐᓂᐊᖅᑕᖏᑦ ᑐᒃᓯᕋᐅᑎᓕᐅᕐᓂᒧᑦ ᐱᓕᕆᐊᓄᑦ ᓴᖅᑭᔮᖅᑎᑦᑎᔾᔪᑎᓄᑦ, ᓴᐳᔾᔨᔾᔪᑎᓄᑦ, ᔭᒐᑎᑦᑎᑦᑕᐃᓕᒪᔪᓄᑦ ᐊᒻᒪ ᓄᑖᙳᕆᐊᖅᑎᑦᑎᔪᓄᑦ ᐃᓕᖅᑯᓯᕐᒧᑦ, ᐅᖃᐅᓯᕐᒧᑦ, ᓴᓇᙳᐊᖅᑕᐅᕙᒃᑐᓄᑦ ᐊᒻᒪ ᓄᓇᕗᒻᒥ ᐃᑦᑕᕐᓂᓴᓕᕆᓂᕐᒧᑦ.  ᑕᒪᕐᒥᒃ ᓄᓇᓕᓐᓃᑦᑐᑦ, ᑮᓇᐅᔭᓕᐅᕋᓱᐊᖅᑎᐅᓐᖏᑦᑐᖅ ᑲᑐᔾᔨᖃᑎᒌ, ᕼᐋᒻᒪᓚᒃᑯᑦ ᑯᐊᐳᕇᓴᒃᑯᖏᑦ, ᐅᕙᓗ ᐃᓄᐃᑦ ᐱᓕᕆᐊᔅᓴᓕᕆᔪᒪᔪᑦ ᐃᑲᔪᖅᑕᐅᒃᑲᓐᓂᕈᒪᔪᑦ ᑐᔅᓯᕋᐅᑎᓕᐅᕈᓐᓇᖅᑐᑦ ᐃᑭᐊᖅᑭᕕᒃᑯᑦ ᐅᕙᙵᑦ https://www.gov.nu.ca/culture-and-heritage/information/grants-and-contri...

ᒪᑐᓯᒪᔪᑦ ᐱᔨᑦᑎᕈᑏᑦ

ᐅᖃᓕᒫᒐᖃᕐᕕᒃ ᖃᒪᓂ'ᑐᐊᕐᒥᑦ ᒪᑐᓯᒪᓂᐊᓕᖅᑐᖅ ᓇᓗᓇᐃᖅᑕᐅᓛᖅᑐᖅ ᒪᑐᐃᒃᑲᓐᓂᕈᓐᓇᖅᓯᑉᐸᑦ.

---

ᐃᓕᖅᑯᓯᓕᕆᔨᒃᑯᓐᓂ ᑐᓴᒐᒃᓴᖅ

ᐅᖃᐅᓯᐅᒃᐸᑦ ᑭᓯᐊᓂ, ᐊᓯᖏᑦ ᐱᓕᕆᕝᕕᐅᑉ ᐱᔨᑦᑎᕋᐅᑎᖏᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᕋᓱᒋᔭᐅᔪᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑦᑎᑲᑕᖕᓂᐊᖅᑐᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ

• ᐃᖃᓗᐃᑦ ᐅᖃᓕᒫᒐᖃᕐᕕᖓ ᑭᒃᑯᑐᐃᓐᓇᓄᑦ ᒪᑐᓯᒪᓕᖅᑐᖅ.