ᐅᖃᓚᐅᑎᓯᐅᑏᑦ

You are here

ᐃᓅᒐᑦᑕ ᐃᓄᒃᑎᑑᖅᑕ ᐅᖃᐅᓯᓕᓂᕐᒧᑦ ᑲᑎᒪᔪᑦ ᐃᓱᓕᓚᐅᖅᐳᑦ ᐃᖃᓗᖕᓂᑦ

ᐄᐳᕈ 04, 2019

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᐃᓅᒐᑦᑕ ᐃᓄᒃᑎᑑᖅᑕ ᐅᖃᐅᓯᓕᓂᕐᒧᑦ ᑲᑎᒪᔪᑦ ᐃᓱᓕᓚᐅᖅᐳᑦ ᐃᖃᓗᖕᓂᑦ

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 4, 2019) – ᐃᓅᒐᑦᑕ ᐃᓄᒃᑑᖅᑕ ᐅᖃᐅᓯᓕᕆᓂᕐᒧᑦ ᑲᑎᒪᔪᑦ, ᐋᖅᑭᒃᓱᖅᑕᐅᓪᓗᓂ ᓄᓇᕗᑦ ᒐᕙᒪᖓᓂ, ᐃᓕᖅᑯᓯᓕᕆᔨᒃᑯᓐᓂ, ᓄᓇᕗᑦ ᑐᙵᕕᒃᑯᓐᓂ, ᐅᖃᐅᓯᓕᕆᓂᕐᒧᑦ ᐊᒡᓚᕝᕕᖓᓂ ᓄᓇᕗᒻᒥ, ᐊᒻᒪ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᓂᑦ ᐃᓱᓕᓚᐅᖅᐳᖅ ᐱᓇᓱᐊᕈᓯᐅᓚᐅᖅᑐᒥ ᐃᖃᓗᖕᓂ.

ᑲᑎᒪᓂᐅᓚᐅᖅᑐᖅ 150−ᓂᒃ ᑲᑎᑎᑦᑎᓚᐅᖅᐳᖅ ᐃᓄᒃᑐᑦ ᐅᖃᐅᓯᓕᕆᓂᕐᒧᑦ ᐊᐅᓚᑦᑎᔨᓂ, ᐃᖅᑲᓇᐃᔭᖅᑎᒻᒪᕆᖕᓂ, ᐅᖃᓪᓚᒋᐊᖅᑐᖅᑐᓂ ᐃᓕᓐᓂᐊᖅᑎᓂᒡᓗ ᖁᕕᐊᓲᑎᓕᖕᓂᑦ, ᐅᐱᒍᓱᒃᑐᓂᒃ ᐊᒻᒪ ᐊᑐᖅᓯᒪᔭᒥᓂᒃ ᑐᓴᖅᑎᑦᑎᓪᓗᑎᒃ ᐃᓄᒃᑐᑦ ᓴᖅᑭᑎᒃᑲᓐᓂᕈᒪᓪᓗᒍ ᐊᒻᒪ ᓴᐳᑎᓇᓱᐊᖅᖢᒍ.

“2019−ᒥ ᖁᓕᒋᓕᖅᐹ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᓄᓇᕗᒻᒥ ᐃᓕᓴᕆᔭᐅᔪᓂ ᐅᖃᐅᓯᕐᓂ ᐱᖁᔭᕐᒥ, ᐊᒻᒪ ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᖏᓐᓄᑦ ᐊᕐᕌᒍᒋᓕᖅᑕᖓᓂ ᓄᓇᖃᖅᑳᖅᓯᒪᔪᓄᑦ. ᐃᓅᒐᑦᑕ ᐃᓄᒃᑎᑑᖅᑕ ᓇᓗᓇᐃᖅᓯᕗᖅ ᐱᓇᓱᐊᖏᓐᓇᖅᑕᑦᑎᓐᓂ ᓴᙱᓂᖅᑖᖅᑎᑦᑎᓗᓂᓗ ᐃᓄᒃᑎᑐᑦ,” ᐅᖃᖅᐳᖅ ᒥᓂᔅᑕ ᐅᖃᐅᓯᓕᕆᓂᕐᒧᑦ ᑕᐃᕕᑎ ᔪᐊᓇᓯ. “ᐱᓇᓱᐊᖏᓐᓇᖅᐳᒍᑦ ᐅᖃᐅᓯᑦᑎᓐᓂ ᑲᑐᔾᔨᖃᑎᖃᑦᑎᓐᓂᒃ ᐊᕕᒃᑐᖅᓯᒪᔪᓂ ᐅᑭᐅᖅᑕᖅᑐᒥᑦ ᐃᓄᒃᑎᑐᑦ ᓴᐳᑎᓇᓱᐊᖅᖢᑎᒃᑯᑦ ᓯᕗᒻᒧᐊᒐᓱᐊᖅᑎᓪᓗᑎᒍᓪᓗ ᐃᓄᖕᓄᑦ.”

ᐃᓅᒐᑦᑕ ᐃᓄᒃᑎᑑᖅᑕ ᖃᐅᔨᓴᕈᓐᓇᕋᑦᑎᒃᑯᓪᓗ ᐅᖃᐅᓯᖓᑦ ᑲᔪᓯᑦᑎᐊᖅᑐᓂ ᐊᒃᓱᕈᕐᓇᖅᑐᓂᒡᓗ ᐊᕐᕌᒍᓂ ᖁᓪᓕᓂᒃ, ᑕᑯᓇᓯᓐᓈᖅᑎᓪᓗᑕ ᓯᕗᓂᒃᓴᒧᑦ ᐋᖅᑭᒋᐊᕈᑎᒃᓴᓂᑦ ᓴᐳᑎᔪᓐᓇᖅᓯᖁᓗᒍ ᐃᓄᒃᑎᑐᑦ. ᓄᓇᕗᑦ ᒐᕙᒪᖓᑦ, ᐱᖃᑕᐅᓗᑎᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᖏᓐᓂᒃ ᐊᒻᒪ ᓄᓇᕗᑦ ᑐᙵᕕᒃᑯᓐᓂ, ᐊᖏᖅᓯᒪᔭᖏᑦ ᓄᑖᙳᕐᓗᑎᒃ ᐅᖃᐅᓯᕐᒧᑦ ᐊᐅᓚᑦᑎᔨᐅᑎᓪᓗᒋᑦ ᑲᑐᔾᔨᓪᓗᑎᒃ ᐱᓇᓱᐊᖅᑕᖓᑦ ᐅᖃᐅᓯᕐᒧᑦ ᐊᓯᐅᔨᖁᓇᒋᑦ ᓴᙱᓂᖅᑖᖁᓗᒋᑦ ᓯᕗᕚᖏᓂᓐᓄᑦ ᓄᓇᕗᒻᒥᐅᑦ.

ᑭᖑᓪᓕᕐᒥᑦ ᐃᓄᒃᑎᑐᑦ ᐅᖃᐅᓯᖓᑦ ᑲᑎᒪᓂᐅᓛᖅᑐᖅ 2020-ᒥᑦ ᕿᑎᕐᒥᐅᓂ.
###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒪᐃᑯᓪ ᓵᓚᒨᓂ
ᐊᐅᓚᑦᑎᔨ, ᑐᓴᐅᒪᔪᓕᕆᓂᕐᒧᑦ
ᐃᓕᖅᑯᓯᓕᕆᔨᒃᑯᑦ
867-975-5526
chmedia@gov.nu.ca