ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᓅᑦᑎᕗᑦ ᓄᓇᕗᒻᒥᑦ ᑕᑯᔭᒐᖃᕐᕕᖕᓂᑦ ᓄᐊᑕᐅᓯᒪᔪᓂᒡᓗ ᑲᓇᑕᒥᑦ ᑕᑯᔭᒐᖃᕐᕕᐊᓄᑦ ᓄᓇᒥᐅᑕᓂᑦ

ᐊᒐᓯ 04, 2016

ᑐᓴᒐᒃᓴᑦ ᓴᖅᑭᑕᑦ

ᓄᓇᕗᑦ ᓅᑦᑎᕗᑦ ᓄᓇᕗᒻᒥᑦ ᑕᑯᔭᒐᖃᕐᕕᖕᓂᑦ ᓄᐊᑕᐅᓯᒪᔪᓂᒡᓗ ᑲᓇᑕᒥᑦ ᑕᑯᔭᒐᖃᕐᕕᐊᓄᑦ ᓄᓇᒥᐅᑕᓂᑦ

ᐋᑐᕚ, ᐋᓐᑎᐅᕆᐅ (ᐋᖓᔅᑦ 4, 2016) – ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᑐᐊᖕᓂᖕᒧᑦ ᐊᖏᕈᑎᑎᒍᑦ ᑲᓇᑕᒥᑦ ᑕᑯᔭᒐᖃᕐᕕᐊᓂ ᓄᓇᒥᐅᑕᓄᑦ, ᓄᓇᕗᑦ ᒐᕙᒪᒃᑯᖏᑦ ᓅᑎᑦᑎᓕᖕᒪᑕ ᓄᓇᕘᑉ ᑕᑯᔭᒐᖃᕐᕕᐊᓃᑦᑐᓂᑦ ᓄᐊᑕᐅᓯᒪᔪᓂᒡᓗ ᑲᓇᑕᐅᑉ ᑕᑯᔭᒐᖃᕐᕕᐊᓄᑦ ᓄᓇᒥᐅᑕᓂᑦ ᓄᐊᓯᒪᔭᖏᑦᑕ ᐃᒡᓗᖁᑎᐊᓄᑦ ᖔᑎᓅ, ᑯᐃᐸᒃᒧᑦ.

ᓄᐊᑕᐅᓯᒪᔪᑦ, 140,000−ᖏᓐᓃᓪᓗᐊᖅᑐᑦ ᐱᖁᑎᑦ, ᔭᓗᓇᐃᒦᒻᒪᑕ, ᓄᓇᑦᑎᐊᒥ ᑕᑯᔭᒐᖃᕐᕕᐊᓂᑦ (Prince of Wales Northern Heritage Centre ). ᓅᑕᐅᓂᖏᑦ ᑕᑯᔭᒐᖃᕐᕕᖕᒥᑦ, ᐱᕙᒌᔭᖅᑕᐅᓯᒪᔪᖅ ᔫᓐ 2017−ᒧᑦ, ᑐᑭᒧᐊᒃᑕᐅᓂᐊᖅᐳᑦ ᓄᓇᕗᑦ ᒐᕙᒪᒃᑯᖏᑦᑕ ᐃᓕᖅᑯᓯᓕᕆᔨᒃᑯᖏᓐᓂᑦ, ᐱᓕᕆᖃᑎᖃᕐᓗᑎᒃ ᔭᓗᓇᐃᒥᑦ ᑕᑯᔭᒐᖃᕐᕕᐊᓂᑦ (Prince of Wales Northern Heritage Centre), ᑲᓇᑕᒥᑦ ᑕᑯᔭᒐᖃᕐᕕᐊᓄ ᓄᓇᒥᐅᑕᓄᑦ ᑲᓇᑕᒥᓪᓗ ᐱᐅᖅᓱᐊᖅᑐᓕᕆᕝᕕᐊᓂᑦ.

"ᐱᔾᔪᑎᖃᐅᖅᐳᑦ ᓄᒃᑎᖅᓯᒪᔪᓂᖏᑦ, ᓴᙱᒃᑎᑉᐹᓪᓕᕐᓗᒍᓗᑦᑕᐅᖅ ᐱᓕᕆᖃᑎᒌᖕᓂᕗᑦ ᑲᓇᑕᒥᑦ ᑕᑯᔭᒐᖃᕐᕕᐊᓂᑦ ᓄᓇᒥᐅᑕᓄᑦ, ᐊᑭᑭᓈᖅᓯᔾᔫᒥᓗᑎᒡᓗ ᓄᓇᕗᑦ ᒐᕙᒪᒃᑯᖏᑦ ᐊᑐᕐᑐᐊᕐᓂᖕᒧᑦ ᐊᖏᕈᑎᒃᑯᑦ," ᐅᖃᖅᑐᖅ ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ ᔪᐊᔾ ᑯᒃᓱᒃ. "ᑲᔪᓯᑦᑎᐊᖕᓂᐊᓕᖅᐳᑦ ᓄᓇᑦᑎᐊᑉ ᒐᕙᒪᒃᑯᖏᑦᑕ ᑐᒃᓯᕋᖅᓯᒪᑯᑖᒃᑕᖓᓂ ᑖᒃᑯᐊ ᓄᓇᕗᑦ ᐊᒡᕖᖅᓯᖁᔭᐅᓂᖏᑦ ᑕᑯᔭᒐᒃᓴᖏᓐᓂᑦ ᓄᐊᑕᐅᓯᒪᔪᓪᓗ ᔭᓗᓇᐃᒥᑦ ᑕᑯᔭᒐᖃᕐᕕᐊᓂᑦ (Prince of Wales Northern Heritage Centre), ᐃᒻᒥᒥᒃ ᐃᓕᖅᑯᓯᓕᕆᓂᖕᒧᑦ ᐱᓕᕆᔪᓐᓇᖁᓪᓗᒋᑦ ᐱᔨᑦᑎᕋᕈᓐᓇᖁᓪᓗᒋᓪᓗ."

ᑖᓐᓇ ᓄᑖᖅ ᐊᖏᕈᑎ ᐱᕚᓪᓕᕈᑕᐅᕗᖅ ᓴᖅᑭᓯᒫᓂᒃᑐᒧᑦ ᐱᓕᕆᖃᑎᒌᖕᓂᖕᒧᑦ ᑲᓇᑕᒥᑦ ᑕᑯᔭᒐᖃᕐᕕᐊᓂᑦ ᓄᓇᒥᐅᑕᓄᑦ. ᐃᓛᒃᑯᑦ ᐊᖏᕈᑎᑎᒍᑦ, ᑕᑯᔭᒐᖃᕐᕕᒃ ᑲᒪᒋᔭᖃᓚᐅᖕᒪᑕ ᓄᓇᕘᑉ ᐱᑐᖃᖏᓐᓂᑦ ᓄᐊᑕᐅᓯᒪᔪᓂᑦ 2002−ᒥᑦ, 2012−ᒥᓪᓗ, ᓄᓇᕗᒻᒥᑦ ᑲᑎᖅᓱᐃᕕᒋᔭᐅᓕᓚᐅᖅᐳᑦ ᐱᑐᖃᕕᓂᖕᓄᑦ ᓄᐊᑕᐅᓯᒪᔪᓂ ᓴᖅᑭᓯᒪᓪᓗᑎᒃ ᓄᓇᕗᑦ ᒐᕙᒪᒃᑯᖏᑦᑕ ᖃᐅᔨᓴᕈᓐᓇᐅᑎᖏᑎᒍᑦ. ᓄᓇᕘᑉ ᐱᑐᖃᖏᑦ ᓄᐊᑕᐅᓯᒪᔪᑦ 85 ᐳᓴᓐᑎᐅᓪᓗᐊᐳᑦ ᐱᖁᑎᓂᑦ ᓅᑕᐅᓂᐊᖅᑐᓂᑦ, ᐊᕐᕌᒍᓄᓪᓗ 4,500−ᓄᑦ ᓄᑕᐅᙱᑎᒋᓪᓗᑎᒃ ᐃᓄᕕᓃᑦ ᐊᑐᖅᐸᒃᑕᕕᓂᖏᓪᓗ. ᐊᒥᐊᒃᑯᖏᑦ ᓄᐊᑕᐅᓯᐊᒪᒧᑦ ᓅᑕᐅᓂᐊᖅᑐᑦ ᐃᓚᖃᖅᑐᑦ ᓄᓇᕘᑉ ᑲᑎᖅᓱᖅᓯᒪᔭᖏᓐᓂᑦ, ᐃᓄᐃᑦ ᐱᖁᑎᑐᖃᕕᓂᖏᓐᓂᑦ, ᐊᓯᖏᓐᓂᒡᓗ ᑕᑯᔭᒃᓴᐅᔪᓂ ᓄᓇᒥᙶᖅᓯᒪᔪᕕᓂᖕᓂᓪᓗ.

"ᐊᓕᐊᓇᐃᒍᓱᒃᑐᒍᑦ ᐃᑲᔪᕆᐊᒃᓴ ᓄᓇᕗᑦ ᒐᕙᒪᒃᑯᖏᓐᓂᑦ ᐱᓯᒪᒃᓯᓚᐅᖕᓂᑦᑎᓐᓂᑦ ᑖᒃᑯᓂᖓ ᐱᒻᒪᕆᐊᓗᖕᓂᑦ ᑕᒡᕘᓇ ᓄᑖᒧᑦ ᑐᖅᑯᐃᓯᒪᑎᑦᑎᓂᖕᒧᑦ ᐊᖏᕈᑎᒃᑯᑦ, ᐊᑑᑎᖃᖕᓂᐊᖅᑐᑦ ᓄᓇᕐᔪᐊᒥᑦ ᐃᓕᖓᐅᓯᖕᓂᑦ ᓄᐊᑕᐅᓯᒪᔪᓂᑦ ᑲᒪᒋᔭᖃᑦᑎᐊᖕᓂᖕᓂᑦ ᐊᐅᓚᑦᑎᓂᖕᓂᓪᓗ," ᐅᖃᖅᑐᖅ ᒥᒡ ᐸᑯ, ᐊᖓᔪᖅᑳᖅ ᑐᑭᒧᐊᒃᑎᑦᑎᔨᐅᓪᓗᓂᓗ ᑲᓇᑕᒥᑦ ᑕᑯᔭᒐᖃᕐᕕᐊᓂᑦ ᓄᓇᒥᙶᖅᓯᒪᔪᓂᑦ. "ᐱᑕᖃᖕᓂᖏᑦ ᑖᒃᑯᐊ ᐱᑐᖃᐃᑦ ᐱᕚᓪᓕᕈᑕᐅᒋᕗᖅ ᑕᑯᔭᒐᖃᕐᕕᑦᑕ ᓯᕗᓕᖅᑎᐅᑯᑖᖕᓂᖓᓂᑦ ᐅᑭᐅᖅᑕᖅᑐᒥᑦ ᖃᐅᔨᓴᖕᓂᖕᓂᑦ ᕿᓂᖅᐸᖕᓂᖕᓂᓪᓗ." ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca. News releases are available in Inuktitut, English, Inuinnaqtun and French on www.gov.nu.ca. Tuhaqtaghat ittut Inuktitut, Qablunaatitut, Inuinnaqtun Uiviititullu talvani www.gov.nu.ca. Les communiqués de presse sont disponibles en inuktitut, en anglais, en inuinnaqtun et en français à : www.gov.nu.ca. Communications

ᑖᓐᓇ ᐊᖏᕈᑎ ᑕᑯᔭᒐᖃᕐᕕᖕᒥᑦ ᐊᑐᕈᓐᓇᕈᑕᐅᔪᖅ ᐱᖁᑎᓂᑦ ᓴᖅᑭᔮᖅᑎᒐᒃᓴᐅᓗᑎᒃ ᐱᓕᕆᔾᔪᑎᐅᓗᑎᒡᓘᓐᓃᑦ. ᐃᓚᒋᔭᐅᔪᑦ ᐃᑦᑕᖕᓂᓴᖕᓂᑦ ᐱᑐᖃᖕᓂᓪᓗ ᐱᖓᔪᑦ ᖃᔭᐃᑦ, ᐃᓗᕕᖕᒥᑦ ᓇᓗᓇᐃᒃᑯᑕᖅ ᐃᓗᕕᐊᓗᒃᑕᓕᒃ ᕿᑭᖅᑕᖕᒥᑦ ᑭᖑᓪᓕᖅᐹᒥᑦ ᕝᕌᓐᒃᓕᓐ ᕿᓂᖅᓴᓚᐅᖅᑎᓪᓗᒍ, ᑎᑎᖅᑲᐃᑦ ᒐᕙᒪᓕᕆᓂᖕᒧᑦ ᐱᕙᓪᓕᐊᓂᕆᓚᐅᖅᑕᖏᑦ ᓄᓇᕗᒻᒥᑦ, ᓄᓇᒥᙶᖅᓯᒪᔪᓂᒡᓗ ᓄᑕᐅᙱᑦᑐᓂᑦ.

ᑲᓇᑕᒥᑦ ᑕᑯᔭᒐᖃᕐᕕᐊ ᓄᓇᒥᙶᖅᓯᒪᔪᓂᑦ:

ᑖᓐᓇ ᑲᓇᑕᒥᑦ ᑕᑯᔭᒐᖃᕐᕕᐊ ᓄᓇᒥᙶᖅᓯᒪᔪᓂᑦ ᑲᓇᑕᐅᑉ ᑕᑯᔭᒐᖃᕐᕕᒋᕙᐅᒃ ᓄᓇᒥᑦ ᐊᑐᖅᑐᕕᓂᖕᓂᑦ ᓄᓇᒥᓪᓗ ᖃᐅᔨᓴᕈᑎᓂᑦ. ᑖᓐᓇ ᑕᑯᔭᒐᖃᕐᕕᒃ ᓴᖅᑭᔮᖅᑎᑦᑎᓲᖑᕗᑦ, ᐱᔪᒃᓯᕚᓪᓕᕈᑕᐅᕙᒃᖢᓂ ᐊᑐᖅᑕᐅᔪᖅ ᐱᔾᔪᑎᖃᑦᑎᐊᖅᑐᒥᒡᓗ ᑕᑯᓐᓇᖅᖢᓂ ᓄᓇᐅᑉ ᓯᕗᓪᓕᐊᓂᑦ, ᒫᓐᓇᐅᔪᓂᑦ ᓯᕗᓂᒃᓴᑦᑎᓐᓄᓪᓗ. ᑕᒪᓐᓇ ᐱᐊᓂᒃᑕᐅᓯᒪᕗᖅ ᖃᐅᔨᓴᖕᓂᒃᑯᑦ, ᐅᖓᑖᓃᐸᓗᒃᑐᑦ 10.5 ᒥᓕᐊᓐ ᐱᖁᑏᑦ ᓄᐊᑕᐅᓯᒪᔪᑦ, ᐃᓕᓐᓂᐊᒐᒃᓴᐃᑦ, ᐊᔾᔨᐅᙱᓛᓂ ᐊᐅᓪᓚᕐᕕᒃᓴᓄᓪᓗ ᑕᑯᔭᒃᓴᓂᑦ, ᐃᑭᐊᖅᑭᕕᑦᑎᐊᕙᒻᒪᕆᐊᓗᖕᒥᓪᓗ, nature.ca. ᔫᓐ 2017−ᖑᓕᖅᐸᑦ, ᑕᑯᔭᒐᖃᕐᕕᒃ ᐅᒃᑯᐃᖅᓯᓛᖅᑐᑦ ᓄᑖᒥᑦ ᑕᑯᔭᒐᖃᕐᕕᐅᓂᐊᓕᖅᑐᒥᑦ ᐅᑭᐅᖅᑕᖅᑑᑉ ᒥᒃᓵᓅᖓᔪᓂᑦ.

###

ᐱᕙᓪᓕᐊᔪᓕᕆᓂᖕᓄᑦ ᖃᐅᔨᒋᐊᕐᕕᒃᓴᑦ:

ᐃᓕᓴᐱ ᐊᓚᒃᑲᕆᐊᓪᓚᒃ-ᕌᐳᑦᔅ
ᑐᓴᒐᒃᓴᓕᕆᔨ
ᐃᓕᖅᑯᓯᓕᕆᔨᒃᑯᑦ
ᓄᓇᕗᑦ ᒐᕙᒪᒃᑯᖏᑦ
867-975-5543
EARoberts@GOV.NU.CA

ᓘᕋ ᓴᑎᓐ
ᐱᕙᓪᓕᐊᔪᓕᕆᔨ
ᑲᓇᑕᒥᑦ ᑕᑯᔭᒐᖃᕐᕕᒃ ᓄᓇᒥᐅᑕᖕᓂᑦ
613-566-4793;
613-698-9253 (ᐅᖄᓚᐅᑎᕋᓛᖅ)
lsutin@mus-nature.ca