ᐅᖃᓚᐅᑎᓯᐅᑏᑦ
LogoHome

You are here

ᓄᓇᕐᔪᐊᖅ ᐅᓪᓗᖓ: ᐊᖏᕐᕋᒥ ᐅᖃᓕᒫᒐᖅ

ᕿᓂᖅᐱᑦ ᐊᑐᒐᒃᓴᓃᒃ ᖁᕕᐊᓲᑎᒋᓗᒍ ᓄᓇᕐᔪᐊᖅ ᐅᓪᓗᖓ ᑕᒪᑐᒪᓂ ᐊᕐᕌᒍᒦ? ᐊᕙᑎᓕᕆᔨᒃᑯᑦ ᖃᔅᓯᑲᓪᓚᖕᓂᒃ ᖃᓄᐃᓕᐅᕆᑎᒃᓴᓂᒃ ᐋᖅᑭᒃᓯᓯᒪᓕᖅᑐᑦ ᐃᑲᔪᕐᓗᑎᑦ ᐱᓕᕆᐊᒃᓴᖃᐃᓐᓇᕐᓂᕐᒧᑦ!

ᑕᑯᑎᑦᑎᓗᑎᑦ ᐱᓕᕆᖃᑎᒌᖕᓂᕐᒥ ᐱᔾᔪᑎᑦᑎᐊᕙᖕᒧᑦ ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ!

  • ᐊᑐᕐᓗᑎᑦ ᑐᖑᔪᕈᔪᒃᑐᒥᒃ, ᑎᑎᕋᐅᔭᕐᓗᑎᑦ ᐅᕝᕙᓘᓐᓃᑦ ᒥᖑᐊᕆᓗᑎᑦ ᓄᓇᕐᔪᐊᙳᐊᒥᒃ, ᑕᑯᒃᓴᐅᑎᓪᓗᒋᓪᓗ ᐃᒐᓛᔅᓯᓐᓂ.
  • ᒪᒪᖅᑐᓕᐅᕈᓐᓇᕐᒥᔪᑎᑦ ᓄᓇᕐᔪᐊᖑᐊᒥᒃ ᑯᑮᓯᓂᒃ! ᐊᑐᑐᐃᓐᓇᕐᓗᑎᑦ ᓂᕿᓄᑦ ᑕᖅᓯᖅᑎᕈᑎᓕᖕᓂᒃ ᑕᖅᓴᖅᑖᖅᑎᓪᓗᒋᑦ ᑯᑮᓯᑦ ᑐᖑᔪᖅᑐᒥᒃ ᐊᑐᕐᓗᑎᓪᓗ ᑐᖑᔪᕈᔪᒃᑐᒥᒃ ᕐᑳᖓᓂ ᒪᒪᖅᑎᕈᑎ ᓄᓇᒧᑦ.
  • ᐅᖃᖃᑎᒋᓗᒋᑦ ᐃᒡᓗᒥᐅᖃᑎᑎᑦ ᖃᓄᐃᒻᒪᑦ ᐱᒻᒪᕿᐅᖕᒪᖔᑦ ᐃᓱᒪᒋᔭᖃᕐᓗᓂ ᐊᒃᑐᐊᓂᑦᑎᓐᓂᒃ ᓄᓇᕐᔪᐊᒧᑦ. ᐱᐅᔪᓐᓇᖅᑐᖅ ᐊᒥᖅᑳᖃᑎᖃᕐ;ᑎᑦ ᐱᖅᑯᓯᑐᖃᒃᑯᑦ ᐅᓂᒃᑳᓂᒃ ᐅᖃᓕᒫᕐᓗᓂᓗ ᐊᕙᑎᓕᕆᓂᕐᒨᖓᔪᓂᒃ ᕿᒥᕐᕈᐊᓂᒃ ᓄᑕᖃᕐᓄᑦ!
  • ᓄᓇᒧᑦ ᐱᓱᒋᐊᖅᓯᒪᓗᑎᑦ! ᓇᒃᓴᕈᓐᓇᖅᑕᑦ ᐊᔾᔨᓕᐅᕈᑏᑦ ᐊᔾᔨᓕᐅᖅᓯᑲᑕᒃᓗᑎᑦ ᐊᒥᖅᑳᕈᑎᒋᓗᒍᓗ ᐊᓯᖕᓄᑦ ᐃᒡᓗᔅᓯᓐᓂ. ᐊᒥᖅᑳᕈᑎᒋᓗᒋᑦ ᐃᓱᒪᒋᔭᑎᑦ ᐱᓪᓗᒍ ᐱᕐᔪᐊᖑᓂᖓ ᓄᓇᓪᓚᑦᑖᑉ.

ᑕᑯᒃᓴᐅᑎᑦᑎᓗᑎᑦ ᖃᓄᖅᑑᕐᓂᖅ ᑕᑯᓗᒋᑦ ᐊᒃᑕᑯᑎᑦ ᑕᐅᑐᖕᓂᖃᕐᓗᑎᑦ ᐊᑐᕈᑎᖃᑦᑎᐊᕐᓂᖏᓐᓂᒃ!

  • ᐃᕐᑰᑎᒃᓴᑦ ᐊᖕᒪᓗᖅᑐᑦ ᓱᐴᒐᐅᑎᓕᐅᕈᓐᓇᖅᑕᑦ ᐸᑎᐅᔭᒃᓴᖅ ᐊᓕᓇᔪᕐᒧᑦ ᑕᓯᔭᖅᑐᓄᓪᓗ.
  • ᐊᓕᒍᐃ ᐃᒥᕈᑎᐅᔪᓐᓇᖅᓯᔪᓐᓇᖅᑐᑦ ᐃᓂᒃᓴᐅᓕᕐᓗᑎᒃᓘᓐᓃᑦ ᑎᑎᕋᐅᑎᓕᒫᓄᑦ.
  • ᕿᑐᑦᑐᒐᐅᔭᐃᑦ ᐃᒡᓗᙳᐊᙳᕈᓐᓇᖅᑐᑦ ᓄᑕᕋᖅᓯ ᐱᙳᐊᕐᕕᒋᓗᓂᐅᒃ.
  • ᐃᓱᒪᒋᔭᖃᑦᑎᐊᕈᓐᓇᖅᑐᐃᓐᓇᐅᔪᒍᑦ ᐆᒻᒪᖅᑯᑎᓂᒃ ᐊᑐᓗᐊᙱᓐᓂᕐᒥᒃ. ᕿᓂᖅᑎᓪᓗᒋᑦ ᓄᑕᖅᑲᑎᑦ ᐱᓱᕋᔭᒃᑎᓪᓗᒋᓪᓘᓐᓃᑦ ᐃᒡᓗ ᐃᓗᐊᓂ ᓇᓂᓯᓇᓱᒃᓗᑎᒃ ᐊᖏᕐᕋᒥ ᐱᖁᑎᓂᒃ (ᑕᕐᕆᔮᒃᓴᑦ ᐱᙳᐊᕈᑎᑦ, ᐅᖃᓘᑎᕋᓛᓄᑦ ᓴᙱᒃᑎᓴᐅᑎᑦ, ᐆᓇᖅᑎᑦᑎᐊᓚᔪᑦ, ᐊᓯᖏᓪᓗ) ᐊᑐᐃᓐᓇᐅᔭᖅᑐᑦ ᐆᒻᒪᖅᑯᑎᓂᒃ ᐊᑐᕐᓂᐊᓵᖅᑎᓪᓗᒋᑦ ᓴᙱᒃᑎᓴᐃᓐᓇᕐᓗᑎᒃᓘᓐᓃᑦ. ᐃᓱᒪᒋᓇᓱᒃᓗᒍ ᖃᓄᐃᓕᐅᕈᓐᓇᕐᒪᖔᖅᐱᑦ ᐆᒻᒪᖅᑯᑎᒥᒃ ᐊᑐᓗᐊᖅᑕᐃᓕᓂᕐᒥᒃ.

ᑐᑭᓯᑦᑎᐊᒃᑲᓐᓂᕐᓗᒍ ᐱᖃᑎᒋᔭᑦ ᓄᓇᕐᔪᐊᖅ ᐋᖅᑭᒃᓱᐃᓂᒃᑯᑦ ᐊᔪᙱᑕᕐᓂᒃ ᑐᑭᓯᐅᒪᓂᕐᓗ ᒪᓕᒃᓗᒍ ᐱᓕᒻᒪᒃᓴᕐᓂᖅ/ᐱᔭᕆᐅᖅᓴᓂᖅ:

  • ᐃᓕᑦᑎᒃᑲᓐᓂᕈᒪᕖᑦ ᐸᐅᒃᓴᕐᓄᑦ ᑐᒥᓂᑦ ᐱᐅᓯᒋᐊᕐᓗᒍᓗ ᓄᓇᒦᓪᓗᓂ ᐊᔪᙱᓐᓂᑎᑦ? ᐱᓗᒍ ᑐᑭᓯᒋᐊᖅᑕ ᖃᐅᔨᓴᕈᑎ ᓄᓇᕗᒻᒥ ᓯᓚᐅᑉ ᐊᓯᔾᔨᖅᐸᓪᓕᐊᔪᓕᕆᕝᕕᖓ ᐃᑭᐊᖅᑭᕕᖓᓂ!
  • ᐊᖑᓇᓱᒍᒪᕙᒃᑲᓗᐊᕐᖢᑎᑦ ᑭᓯᐊᓂ ᖃᓄᖅ ᐱᒋᐊᕆᐊᒃᓴᖅ ᓇᓗᓪᓗᑏᑦ? ᖃᐅᔨᕚᓪᓕᕈᓐᓇᕐᓂᐊᖅᑐᑎᑦ ᖃᐅᔨᒪᔭᕆᐊᖃᓪᓗᐊᑕᖅᑐᓂᒃ  ᓄᓇᕗᒻᒥ ᖃᕆᑕᐅᔭᒃᑯᑦ ᐊᖑᓇᓱᖕᓂᕐᒧᑦ ᐃᓕᓐᓂᐊᕈᑎ ᐅᕙᓂ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᑦ!
  • ᐱᕙᒌᔭᖅᓯᒪᔪᒪᕖᑦ ᓇᑦᑎᕋᓱᖕᓂᕐᒥᒃ ᐊᐅᔭᒃᑯᑦ? ᑕᐅᑐᒃᓗᒍ ᑕᕐᕆᔮᒃᓴᖅ −  ᓇᑦᑎᕋᓱᖕᓂᖅ ᐊᐅᔭᒃᑯᑦ ᐱᓇᔭᖅᑐᑎᑦ ᐅᖃᐅᔾᔨᔾᔪᑎᓂᒃ ᐊᑐᖅᓯᒪᔪᓂᒃ ᐊᖑᓇᓱᒃᑎᓂᒃ! ᐱᒋᐊᕈᑎᖃᕐᓗᑎᓪᓘᓐᓃᑦ ᐱᕙᒌᔭᕐᓂᕐᒥᒃ ᐅᑭᐅᒃᓵᒃᑯᑦ ᐊᖑᓇᓱᖕᓂᕐᒥᒃ ᑕᐅᑐᖕᓂᒃᑯᑦ ]ᕼᔅᓱᒥᖓ ᑕᕐᕆᔮᒃᓴᒥᒃᑐᒃᑐᓐᓇᓱᖕᓂᖅ ᐅᑭᐅᒃᓵᒃᑯᑦ.