ᓄᓇᕗᒻᒥ ᐱᓕᕆᕝᕕᐅᔪᓂᒃ ᐊᔭᐅᕆᔩᑦ (NEI)

ᓄᓇᕗᒻᒥ ᐱᓕᕆᕝᕕᐅᔪᓂᒃ ᐊᔭᐅᕆᔩᑦ (NEI) ᐱᑎᑦᑎᓲᑦ $5000 ($2500 ᒪᕐᕈᐃᕐᓗᒍ ᐃᓕᔭᐅᓗᓂ) ᑮᓇᐅᔭᑎᒍᑦ ᐃᑲᔪᕐᓂᕐᒥᒃ ᓄᑖᓄᑦ ᐱᓕᕆᕝᕕᐅᔪᓂ ᓄᓇᕗᒻᒥ. ᐊᑐᕐᓗᒍ ᐱᓕᕆᐊᒃᓴᖅ, ᐱᔪᓐᓇᐅᑎᖃᖅᑐᑦ ᐱᔨᑦᑎᕋᖅᑕᐅᔪᑦ ᐱᓲᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᐅᖃᖃᑎᖃᖃᑦᑕᕐᓂᕐᒥᑦ ᑕᐃᑲᖖᒐᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᑎᑎᕋᖅᑎᖏᓐᓂ (CDO) ᐊᒻᒪᓗ ᐱᓯᓂᓯᖃᕐᓂᕐᒧᑦ ᐱᒋᐊᕋᓱᖕᓂᕐᒥᒃ ᐃᑲᔪᕐᓂᖅ ᑕᐃᑲᖖᒐᑦ ᓇᓗᓇᕈᓐᓃᖅᑎᑦᑎᓂᕐᒥᒃ ᐱᓯᓂᓯᑖᕐᐸᓪᓕᐊᓂᕐᒧᑦ ᐱᓕᕆᖃᑕᐅᔪᒧᑦ.

ᖃᐅᔨᒋᐊᑲᐅᖅᑐᕐᕕᒃᓴᑦ

ᐱᔪᓐᓇᕈᑎᖃᕐᓂᖅ

ᖃᓄᖅ ᐊᑐᓲᖑᖕᒪᖔᑦ

ᐱᔪᓐᓇᕈᑎᖃᕐᑐᓄᑦ ᐊᑭᓕᒐᒃᓴᐃᑦ

ᑕᑕᑎᕆᐊᓖᑦ

ᐱᔪᓐᓇᖅᑐᑦ

ᓄᓇᕗᒦᑦᑐᓄᑦ ᐱᓕᕆᕝᕕᐅᔪᑦ ᐱᔪᓐᓇᖅᑐᑦ ᐃᒪᐃᑉᐸᑕ:

• ᐱᒋᐊᓕᓵᖅᑎᓪᓗᒋᑦ ᓄᑖᒥᒃ ᐱᓯᓂᓯᒥᒃ;
• 18-ᓂᒃ ᐅᑭᐅᖃᖅᑐᑦ ᐅᖓᑖᓂᓘᓐᓃᑦ ᓇᓕᑐᐃᓐᓇᖅ ᑲᓇᑕᒥᐅᑕᐅᓗᓂ ᓄᓇᖃᐃᓐᓇᖅᑐᒥᒡᓘᓐᓂᑦ;
• ᐱᓚᐅᖅᓯᒪᖖᒋᑦᑐᖅ ᓇᖕᒥᓂᖅ ᐃᖅᑲᓇᐃᔭᕐᓂᕐᒧᑦ ᐱᕕᒃᓴᕐᒥ ᑭᖑᓂᕐᒥ;
• ᐱᑕᖃᓕᖅᑎᑦᑎᖕᒥᔪᑦ ᐊᑐᕈᓐᓇᖅᑐᓂᒃ ᐱᓯᓂᓯᒧᑦ ᐸᕐᓇᐅᑎᒥᒃ ᐱᓕᕆᖃᑎᖃᕐᓗᑎᒃ ᐱᔪᓐᓇᖅᑐᓄᑦ ᓄᓇᕗᒻᒥ ᐱᓯᓂᓯᖑᕐᐸᓪᓕᐊᓇᓱᖕᓂᕐᒧᑦ ᐱᓕᕆᖃᑎᖃᕐᓂᕐᒥ;
• ᐱᓯᒪᔪᒥᒃ ᐊᑐᖅᑐᒥᒃ ᐱᓯᓂᓯᒧᑦ ᓚᐃᓴᓐᓯᒥᒃ;
• ᐱᑎᑦᑎᓗᓂ ᓇᓗᓇᐃᖅᓯᒪᔪᒥᒃ ᑎᑎᖅᑲᒥᒃ ᐱᔪᓐᓇᖃᑕᐅᔪᒥᑦ ᐱᓯᓂᓯᖖᒍᕋᓱᒃᑐᒧᑦ ᐱᓕᕆᔨᒧᑦ.

ᖃᓄᖅ ᐊᑐᖃᑦᑕᕐᒪᖔᑦ

ᐱᔨᑦᑎᕋᖅᑕᐅᔪᑦ ᐱᔪᒪᔪᑦ ᓄᓇᕗᒻᒥ ᐱᓕᕆᔨᐅᔪᓂᑦ ᐊᔭᐅᕆᔨᒃᑯᓐᓂ ᐱᐊᓂᒃᓯᔭᕆᐊᓖᑦ ᐃᖅᑲᓇᐃᔭᕐᓂᕐᒧᑦ ᐃᑲᔪᖅᑕᐅᓂᕐᒥᒃ ᑐᒃᓯᕋᐅᑎᒥᒃ ᑕᐃᑲᖖᒐᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᑎᑎᕋᖅᑎᖓᓄᑦ ᐊᒻᒪᓗ ᐱᑎᑦᑎᓗᓂ ᑕᒪᒃᑮᒥᑦ ᐱᔭᕇᖅᓯᒪᔪᒥᑦ ᐱᓯᓂᓯᒧᑦ ᐸᕐᓇᐅᑎᒥᒃ ᑕᐃᑲᖖᒐᑦ ᓄᓇᓕᖕᓂ ᐱᙳᓂᓯᑖᕋᓱᖕᓂᕐᒧᑦ ᐱᓕᕆᖃᑎᒋᔭᖓᓂ ᐊᒻᒪᓗ ᓄᓇᕗᒻᒥ ᐱᓯᓂᓯᖃᕐᓂᕐᒧᑦ ᓚᐃᓴᓐᓯᒥᒃ ᐱᔪᓐᓇᖅᑐᖅ ᑐᒃᓯᕋᕐᓂᕐᒥᒃ ᑕᐃᑯᖓ ᓄᓇᕗᒻᒥ ᐱᓕᕆᕝᕕᐅᔪᒥ ᐊᔭᐅᕆᔨᒃᑯᓐᓂ. ᓄᓇᓕᖕᓂ ᐱᕚᓪᓕᕋᓱᖕᓂᕐᒧᑦ ᑎᑎᕋᖅᑎ ᖃᐅᔨᓂᐊᖅᑐᖅ ᐱᔨᑦᑎᕋᖅᑕᐅᔪᖅ ᐱᔪᓐᓇᕐᒪᖔᑦ ᐊᑐᕐᓗᒍ ᓴᖅᑭᑕᐅᓯᒪᔪᖅ ᐱᓕᕆᐊᒃᓴᒧᑦ ᖃᓄᐃᓕᖓᓂᕐᒥ.

ᐱᔨᑦᑎᕋᖅᑕᐅᔪᑦ ᐃᖅᑲᓇᐃᔭᕐᓂᐊᖅᑐᑦ ᓴᖅᑭᑕᐅᕙᓪᓕᐊᓂᒃᑯᑦ ᐱᓯᓂᓯᒧᑦ ᐸᕐᓇᐅᑎᑎᒍᑦ ᓄᑖᒧᑦ ᐱᓯᓂᓯᖃᕐᓂᕐᒧᑦ ᐊᑕᐅᓯᖖᒍᖅᑎᑦᑎᕆᓂᕐᒥᒃ ᐊᔪᖖᒋᓐᓂᖓᓄᑦ ᐱᓯᓂᓯᑖᕋᓱᖕᓂᕐᒧᑦ ᐱᓕᕆᖃᑎᒋᔭᖓᓄᑦ. ᖃᓄᑎᒋᐅᓂᖓ ᑖᔅᓱᒧᖓ ᐊᑐᖅᑕᐅᔪᒃᓴᒧᑦ ᐊᔾᔨᒌᖃᑦᑕᖖᒋᑦᑐᑦ ᐊᒻᒪᓗ ᐱᓇᓱᐊᕈᓯᑦ ᐅᓄᖖᒋᑦᑐᓄᑦ ᐊᕐᕌᒍᓄᓪᓘᓐᓃᑦ ᐅᓄᖖᒋᑦᑐᓄᑦ ᑎᑭᑐᐃᓐᓇᕆᐊᓕᒃ ᓴᖅᑭᑕᐅᓂᐊᒃᓴᖓ. ᐱᔭᕇᖅᓯᐊᓂᒃᐸᑦ ᐱᓯᓂᓯᒧᑦ ᐸᕐᓇᐃᓂᕐᒥᑦ, ᐱᔨᑦᑎᕋᖅᑕᐅᔪᖅ ᑎᒍᓯᓗᓂ ᓄᓇᕗᒻᒥ ᐱᓯᓂᓯᖃᕐᓂᕐᒧᑦ ᓚᐃᓴᓐᓯᒥᑦ.

ᑖᒃᑯᐊᒃ ᒪᕐᕉᒃ ᑎᑎᖅᑳᒃ ᐱᔭᕇᖅᐸᑎᒃ, ᓄᓇᕗᒻᒥ ᐱᓕᕆᕝᕕᐅᔪᓂ ᐊᔭᐅᕆᔩᑦ ᑐᒃᓯᕋᐅᑎ ᑐᓂᔭᐅᔪᓐᓇᖅᑐᖅ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᑎᑎᕋᖅᑎᖓᓄᑦ (CDO) ᐱᐊᓂᒃᓯᒪᔭᕆᐊᖃᕐᖢᓂᓗ 12 ᑕᖅᑮᑦ ᐱᓚᐅᖅᑎᓪᓗᒍ ᐱᓯᓂᓯᒧᑦ ᐸᕐᓇᐅᑎᒧᑦ ᐊᖏᖅᑕᐅᓇᓱᖕᓂᕐᒧᑦ.

ᑐᒃᓯᕋᐅᑎ ᐊᖏᖅᑕᐅᒃᐸᑦ, $5,000 ᑐᓂᔭᐅᓗᓂ ᐱᔨᑦᑎᕋᖅᑕᐅᔪᒧᑦ ᐊᕕᒃᓯᒪᓗᓂ ᒪᕐᕈᐃᕐᓗᓂ ᐃᓕᔭᐅᓗᓂ. ᐱᓕᕆᐊᒃᓴᒧᑦ ᖃᓄᐃᓕᖓᓂᖓᓄᑦ ᐱᔭᕇᖅᐸᑦ, ᓯᕗᓪᓕᖅ ᐊᑭᓕᐅᑎ $2,500 ᓇᒃᓯᐅᑎᔭᐅᓗᓂ ᑮᓇᐅᔭᒃᑯᕕᖕᒧᑦ ᐃᓕᔭᐅᓗᓂ ᐱᔪᓐᓇᖅᑐᒧᑦ ᐱᔨᑦᑎᕋᖅᑕᐅᔪᒧᑦ. ᐱᔨᑦᑎᕋᖅᑕᐅᔪᖅ ᑲᒪᒋᔭᖃᕆᐊᓕᒃ ᑕᒪᐃᓐᓄᑦ ᐱᔪᓐᓇᖅᑐᓄᑦ ᐊᑭᓕᕆᐊᓕᖕᓄᑦ (ᓲᕐᓗ. ᐱᓯᒪᐃᓐᓇᕐᓗᒋᑦ ᓇᓕᖅᑲᐃᑦ) ᐊᑭᖓᓄᑦ 180 ᐅᓪᓗᓄᑦ (ᐊᕐᕕᓂᓖᑦ ᑕᖅᑮᑦ). ᐃᖅᑲᓇᐃᔭᕈᓐᓇᖅᓯᑎᑦᑎᓇᓱᖕᓂᕐᒧᑦ ᑎᑎᕋᖅᑎ ᓇᓗᓇᐃᕐᓗᓂ ᖃᔅᓯᐅᓂᖏᓐᓂᒃ ᐋᖅᑭᒃᓱᕐᓗᓂᒋᓪᓗ ᑎᑎᕋᖅᓯᒪᔪᑦ/ᐊᑭᓕᒐᒃᓴᓕᐊᑦ, ᖃᐅᔨᓗᓂᓗ ᑐᓂᔭᐅᓂᕆᔭᕆᐊᖃᖅᑕᖓᓂᑦ ᑭᖑᓪᓕᕐᒥ ᐊᑭᓕᐅᑎᒥᑦ $2,500. ᐱᔨᑦᑎᕋᖅᑕᐅᔪᖅ ᐊᓱᐃᓛᒃ 180 ᐅᓪᓗᓂᒃ ᐅᑕᖅᑭᓕᕐᓗᓂ ᐱᓇᓱᖕᓂᕐᒧᑦ ᑮᓇᐅᔭᓂᑦ.

ᐊᑭᓕᕆᐊᓖᑦ ᑖᔅᓱᒧᖔᖓᔪᑦ ᑮᓇᐅᔭᒧᑦ ᐊᔾᔨᒋᔭᕆᐊᖃᖅᑕᖓ ᑐᒃᓯᕋᐅᑎᒦᑦᑑᑉ ᑮᓇᐅᔭᓂᒃ ᐅᖃᖅᓯᒪᔪᖅ ᓇᐅᒃᑯᑦ ᐱᔭᕆᐊᖃᕐᓂᖓᓂ. ᐱᔨᑦᑎᕋᖅᑕᐅᔪᖅ ᐱᕕᖃᖅᑐᖅ ᐊᑕᐅᓯᕐᒥᒃ ᐊᕐᕌᒍᒥ ᑐᒃᓯᕋᐅᑎᖓ ᐊᖏᖅᑕᐅᓇᓱᒡᓗᓂ ᑐᓂᓯᖁᓪᓗᒍ ᑕᒪᐃᓐᓂᒃ ᐊᑭᓕᕆᐊᓕᖕᓂᒃ.

ᐱᔪᓐᓇᐅᑎᖃᖅᑐᓄᑦ ᐊᑭᓕᕆᐊᓖᑦ

ᐊᑖᓃᑦᑐᑦ ᐱᔪᓐᓇᐅᑎᖃᖅᑐᓄᑦ ᐊᑭᓕᕆᐊᓖᑦ ᓄᓇᕗᒻᒥ ᐱᓕᕆᕝᕕᐅᔪᓂ ᐊᔭᐅᕆᔨᓄᑦ ᐱᓕᕆᐊᒃᓴᒥ:

• ᓚᐃᓴᓐᓯᖃᖅᑐᓄᑦ ᓄᑕᖅᑲᓂᒃ ᑲᒪᒋᔭᐅᑎᑦᑎᓂᕐᒧᑦ ᐊᑮᑦ ᓄᑕᖅᑲᓄᑦ ᑐᖔᓃᑦᑐᓄᑦ ᐅᑭᐅᓕᖕᓄᑦ ᐊᕐᕕᓂᓕᒃᒥ;
• ᓱᓇᒃᑯᑖᓄᑦ ᐊᑭᓕᕆᐊᓕᖕᓄᑦ ᐃᓚᐅᓪᓗᓂ ᐅᖃᓘᑎ ᐱᓯᓂᓯᒧᑦ;
• ᐱᓯᓂᓯᒧᑦ ᐃᒡᓗᒧᑦ ᐊᑭᓕᕆᐊᓕᒃ ᐊᑐᖅᑐᐊᕐᓂᕐᒧᓪᓘᓐᓃᑦ ᐊᑭᓕᕆᐊᓖᑦ;
• ᐅᖅᓱᐊᓗᖕᒧᑦ ᐊᑭᓕᕆᐊᓖᑦ ᓄᓇᓯᐅᑎᒧᑦ ᐱᓯᓂᓯᖓᓅᖓᔪᒧᑦ;
• ᐊᐅᓪᓚᕐᓂᕐᒧᑦ ᐊᑮᑦ ᐅᐸᒋᐊᖃᕐᓗᓂ ᐱᓕᒻᒪᒃᓴᔭᕐᑐᕐᓂᕐᒧᑦ ᐱᓯᓂᓯᒧᑦ;
• ᐃᓕᓐᓂᐊᓚᐅᑲᖕᓂᕐᒧᑦ ᐊᑮᑦ ᐱᓯᓂᓯᒨᖓᑐᐊᖅᐸᑦ;
• ᓂᐅᕕᕐᓂᖅ ᐊᔾᔨᐅᖖᒋᑦᑐᒥᒃ ᓱᓇᑐᐃᓐᓇᕐᒥᒃ ᐱᓯᓂᓯᒧᑦ;
• ᐊᓯᖏᑦ ᑖᔅᓱᒧᖔᖓᔪᑦ ᐊᑭᓕᕆᐊᓖᑦ ᐱᔪᓐᓇᑐᐃᓐᓇᕆᐊᓕᑦ.

ᑐᒃᓯᕋᐅᑎ ᑕᑕᑎᕆᐊᓕᒃ
 

 Back to Top