ᐸᐃᕆᕕᖕᒧᑦ ᐃᑲᔫᓯᐊᑦ (DS)

ᐸᐃᕆᕕᖕᒥᑦ ᐃᑲᔪᖅᑕᐅᔾᔪᑎ ᐊᑐᐃᓐᓇᐅᔪᑦ ᑮᓇᐅᔭᖅᑎᒍᑦ ᐃᑲᔪᖅᑐᐃᓂᕐᒥᑦ ᑮᓇᐅᔾᔮᒃᓴᓗᐊᙱᑦᑐᓄᑦ ᐃᓚᒌᓄᑦ ᓄᓇᕗᒻᒥᐅᓄᑦ ᐃᑲᔪᕐᓂᕐᒥᑦ ᓄᑕᖅᑲᓄᑦ ᐸᖅᑭᔭᐅᓂᖏᓐᓄᑦ ᐊᑭᑐᓗᐊᙱᑦᑐᒥᑦ ᐃᓕᓐᓂᐊᕋᓱᒃᑎᓪᓗᒋᑦ ᐱᓕᒻᒪᒃᓴᕐᓂᕐᒧᓪᓘᓐᓃᑦ ᐱᕕᖃᕐᓂᐅᔪᒥᑦ ᐊᖏᕐᕋᐅᑉ ᓯᓚᑖᓂᑦ. 

ᑭᓇ ᐃᓚᐅᔪᓐᓇᖅᐸ?

ᑐᒃᓯᕋᖅᑐᑦ ᓄᓇᕗᒥᐅᑕᐅᔭᕆᐊᓖᑦ ᐊᕐᕌᒍᖃᕆᐊᖃᖅᖢᑎᒃ 18−ᓂᒃ ᐅᖓᑖᓂᓪᓘᓐᓃᑦ ᕿᑐᕐᙵᖃᕐᓗᓂ ᐊᕐᕌᒍᓕᖕᓂᑦ 12-ᓂᒃ ᑐᖔᓂᓪᓗᓐᓃᑦ. ᑕᐃᒃᑯᐊ ᐱᓇᔪᒃᑐᑦ ᐃᑲᖅᑕᐅᔾᔪᑎᒥᒃ ᐃᖅᑲᓇᐃᔭᕆᐊᖃᖅᑐᑦ ᐅᕝᕙᓘᓐᓃᑦ ᐃᓚᓕᐅᔾᔭᐅᓯᒪᔭᕆᐊᓖᑦ ᐱᓕᒻᒪᒃᓴᕐᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᓪᓘᓐᓃᑦ ᐱᓕᕆᐊᒃᓴᓂᑦ.

ᖃᓄᖅ ᐱᓇᓱᐊᕐᕕᔅᓴᐅᒻᒪᖔᑦ:

ᓄᓇᓕᔅᓯᓐᓂ ᓂᖃᐃᓱᖅᑐᓕᕆᔨ ᐱᑎᑦᑐᓐᓇᖅᑖᑎᑦ ᐸᐃᕆᕕᖕᒥ ᐃᑲᔪᖅᑕᐅᔾᔪᑎ ᐱᓇᔫᑎᒥᒃ.

ᑕᑕᙱᒐᒃᓴᑦ ᐊᑐᐃᓐᓇᐅᖕᒥᔪᑦ ᓄᓇᓕᖕᓂ ᐱᔪᓐᓇᐅᑎᓕᖕᓂ ᐸᐃᕆᕝᕕᖕᓂ. ᐅᑯᐊ ᓇᓗᓇᐃᖅᓯᔾᔪᑕᐅᔭᕆᐊᓖᑦ ᐱᓕᕆᐊᒃᓴᒥ ᐃᓚᐅᔪᓐᓇᕐᓂᕐᒧᑦ:

ᐊᑎᖓ ᐅᑭᐅᖏᓪᓗ ᐊᑐᓂ ᓄᑕᖅᑲᓄᑦ ᐃᑲᖅᑕᐅᔾᔪᑎᖃᕆᐊᖃᖅᑐᓄᑦ.
ᖃᔅᓯᐅᓂᖏᑦ ᐃᑲᕐᕋᑦ ᑲᒪᒋᔭᐅᔭᕆᐊᖃᕐᒪᖔᑦ.
ᐸᐃᕆᕝᕕᖕᒥ ᐊᑭᓕᖅᓱᖅᑕᐅᓂᖏᑦ (ᐊᑎᓕᐅᖅᑕᐅᓯᒪᓗᓂ ᐸᐃᕆᕝᕕᓕᕆᔨᒥᑦ).
ᓇᓗᓇᐃᔭᐃᔾᔪᑎᒥᒃ ᐃᖅᑲᓇᐃᔮᖃᕐᓂᕐᒧᑦ.
ᓇᓗᓇᐃᔭᐃᔾᔪᑎᒥᒃ ᐃᓕᓐᓂᐊᕐᓂᖓᓂᒃ ᐱᓕᒻᒪᒃᓴᕐᓂᖓᓂᒡᓘᓐᓃᑦ (ᐊᑎᓕᐅᖅᑕᐅᓯᒪᓗᓂ ᐃᓕᓴᐃᔨᒥᑦ).
ᓇᓗᓇᐃᔭᐃᔾᔪᑎᒥᒃ ᖃᑕᙳᑎᒌᑦ ᑮᓇᐅᔭᓕᐊᕆᔭᖏᓐᓂᒃ (ᓲᕐᓗ ᐊᑭᓕᐅᑎᑦ ᓇᓕᖅᑲᖏᑦ/ᐃᖅᑲᓇᐃᔭᕐᕕᒋᔭᐅᑉ ᑎᑎᕋᖅᓯᒪᓂᖏᓐᓂᒃ).
ᓇᓗᓇᐃᔭᐃᔾᔪᑎᒥᒃ ᐊᑭᓕᖅᓱᕆᐊᓕᖕᓂᒃ (ᓲᕐᓗ ᐃᒡᓗᒧᑦ ᐊᑭᓕᐅᑏᑦ/ᐃᒡᓗᖁᑎᑖᕋᓱᖕᓂᕐᒧᑦ ᐊᑭᓕᒃᓴᓂᒃ, ᐃᒡᓗᒧᑦ ᐊᑐᖅᑕᐅᕙᒃᑐᓄᑦ ᐊᑭᖏᓐᓂᒃ).

ᑕᒪᓐᓇ ᐊᑭᒃᖠᒋᐊᕈᑦ ᐊᑐᐃᓐᓇᐅᔪᖅ ᐱᔪᓐᓇᐅᑎᑎᒎᖓᙱᑦᑐᓂ ᓄᑕᖅᑲᓄᑦ ᐸᖅᑭᔭᐅᓂᖏᓐᓄᑦ ᐊᑐᖅᑕᐅᔪᓐᓇᕐᒥᔪᓂᒃ ᐊᓂᒍᐃᔪᓂᒃ ᒪᓕᒃᑕᐅᕙᒃᑐᑦ ᖃᐅᔨᓴᖅᑕᐅᓂᖏᓐᓂᒃ.

ᐃᑲᔪᖅᑕᐅᔪᒪᓗᓂ ᑐᑭᓯᒋᐊᕈᒪᓗᓂᓘᓐᓃᑦ, ᖃᐅᔨᒋᐊᕐᕕᒋᓗᒋᑦ ᓂᖃᐃᓱᕐᕕᖕᓄᑦ ᓄᓇᓄᑦ ᐊᕕᒃᑐᖅᓯᒪᔪᓄᑦ ᐊᖓᔪᖅᑳᖃᕐᕖᑦ:

ᕿᑭᖅᑕᓂ:

1-800-567-1514 (867) 473-2615

ᑭᕙᓪᓕᖅ:

1-800-953-8516 (867) 645-5040

ᕿᑎᕐᒥᐅᑦ:

1-800-661-0845 (867) 983-4032

ᐃᑲᔪᖅᑕᐅᔪᒪᓂᕐᒧᑦ ᐱᓇᔪᒃᒍᑎᒧᑦ ᓂᖃᐃᓱᕐᓂᕐᒥᑦ ᖃᐅᔨᒋᐊᕐᓗᒍ ᓄᓇᓕᔅᓯᓐᓂ ᓂᖃᐃᓱᖅᑐᓕᕆᔨ.