ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᐃᓄᓕᕆᔨᒃᑯᓂᑦ ᓄᑖᙳᕆᐊᖅᑎᑕᐅᔪᑦ

ᔫᓂ 04, 2020

ᐃᓄᓕᕆᔨᒃᑯᑦ ᐱᓕᕆᕕᖓ - ᔫᓂ 4, 2020

ᒥᓂᔅᑕ ᐃᓄᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ

ᐅᓪᓛᑯᑦ,

ᐃᓚᒋᔭᐅᓪᓗᓂ ᑲᓇᑕᐅᑉ ᒐᕙᒪᖓᑕ ᑭᐅᓂᕆᔭᖓᓄᑦ ᓄᕙᒡᔪᐊᕐᓇᖅ 19-ᒧᑦ ᓄᓇᕐᔪᐊᓕᒫᒦᓕᖅᑐᒧᑦ ᖃᓂᒪᓐᓇᒧᑦ, ᐃᓐᓇᐃᑦ ᐱᕙᒃᑐᑦ ᐃᓐᓇᖅᓯᐅᑎᑖᕆᔭᐅᕙᒃᑐᓂᒡᓘᓐᓃᑦ ᐅᕝᕙᓘᓐᓃᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᐱᓂᐊᖅᐳᑦ ᐊᑕᐅᓯᐊᖅᑕᐅᔪᒥᒃ ᑖᒃᓰᔭᕆᐊᖃᙱᑦᑐᒥᒃ ᐊᑭᓕᖅᑕᐅᓂᕐᒥᒃ. 

ᑕᒪᒃᑯᐊ ᐃᓐᓇᐃᑦ ᐊᔪᖅᑎᑕᐅᙱᑦᑐᑦ ᐃᓐᓇᖅᓯᐅᑎᑖᕈᓐᓇᕐᓂᕐᒥᒃ ᐱᑎᑕᐅᓂᐊᖅᑐᑦ ᖄᒃᑲᓐᓂᐊᒍᑦ $300−ᑲᓐᓂᕐᓂᒃ, ᑕᐃᒃᑯᐊᓗ ᐃᓐᓇᐃᑦ ᐊᔪᖅᑎᑕᐅᙱᑦᑐᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᐱᑎᑕᐅᓂᐊᖅᐳᑦ $200−ᑲᓐᓂᕐᓂᒃ. 

ᑖᓐᓇ ᐊᑭᓕᐅᑕᐅᓂᐊᖅᑐᖅ ᒪᓂᒪᓂᐊᖅᐳᖅ ᐃᓄᖕᓄ ᐊᔪᖅᑎᑕᐅᕙᒌᙱᑦᑐᓄᑦ ᐱᔪᓐᓇᕐᓂᕐᒥᒃ ᐃᓐᓇᖅᓯᐅᑎᑖᖅᐸᖕᓂᕐᒥᒃ ᐅᕝᕙᓘᓐᓃᑦ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐅᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ ᔫᓂ 2020−ᐅᓕᖅᐸᑦ. ᑕᒪᒃᑯᐊ ᐊᑭᓕᐅᑕᐅᓂᐊᖅᑐᑦ ᐱᓕᕆᕝᕕᐅᙱᒃᑲᓗᐊᕐᓗᑎᒃ ᐃᓕᔭᐅᓂᐊᖅᐳᑦ.

ᓄᓇᕗᑦ ᒐᕙᒪᖓ ᐱᓕᕆᐊᖃᓪᓚᕆᒍᒪᕗᖅ ᖃᐅᔨᒪᑦᑎᐊᕈᒪᓪᓗᑎᒃ ᐃᓐᓇᖅᐳᑦ ᐱᑎᑕᐅᑦᑎᐊᖃᑦᑕᕋᓗᐊᕐᒪᖔᑕ. ᑕᐃᒪᐃᓐᓂᖓᓄᓪᓗ, ᖁᕕᐊᓱᒃᐳᖓ ᐅᖃᕈᓇᕋᒪ ᓄᓇᕗᑦ ᒐᕙᒪᖓ ᐱᒋᐊᖅᑎᑦᑎᓯᒪᓂᖏᓐᓂᒃ ᑭᑭᑦᑎᓂᕐᒧᑦ ᒪᓕᒋᐊᓕᖕᒥᒃ ᑕᒪᑐᒧᖓ ᐊᑕᐅᓯᐊᖅᑕᐅᓗᓂ ᐊᑭᓕᐅᑕᐅᓂᐊᖅᑐᒧᑦ ᐅᓄᖅᓯᒋᐊᕈᑎᒧᑦ ᐃᓐᓇᖅᓯᐅᑎᑖᕆᔭᐅᕙᒃᑐᓄᑦ ᐊᒻᒪᓗ ᑐᓂᔭᐅᓪᓚᕆᖕᓂᐊᖅᑐᒥᒃ ᑮᓇᐅᔭᓕᐊᕐᓂᕐᒧᑦ ᐊᑭᓕᐅᑕᐅᒃᑲᓐᓂᖅᐸᒃᑐᒥᒃ. ᑕᒪᓐᓇ ᐱᑎᑦᑎᓂᐊᖅᐳᖅ ᐅᓄᓛᖑᔪᓐᓇᖅᑐᓂᒃ ᐱᔭᐅᔪᓐᓇᖅᑐᓂᑦ ᑲᓇᑕᐅᑉ ᒐᕙᒪᖓᓂᑦ ᓄᓇᕗᓪᓗ ᒐᕙᒪᖓᓂᑦ ᐃᓐᓇᕐᓄᑦ ᓂᖃᐃᓱᖅᐸᒃᑐᓄᑦ ᐊᒃᑐᖅᑕᐅᓴᕋᐃᑦᑐᓄᑦ ᑮᓇᐅᔭᖃᑦᑎᐊᙱᑦᑐᓄᓪᓗ.

ᖁᔭᓐᓇᒦᒃ.

 


ᐃᓄᓕᕆᔨᒃᑯᑦ ᐱᓕᕆᕕᖓ - ᒪᐃ 06, 2020

ᐋᓐᓂᖅᓯᕆᓂᕐᒦᒃᑯᕕᑦ ᖃᐅᔨᒪᔭᖃᕈᕕᓪᓘᓐᓃᑦ ᐋᓐᓂᖅᓯᕆᓂᕐᒦᑦᑐᒥᒃ ᐱᔨᑦᑎᕈᑎᓂᒃ ᐃᑲᔪᖅᑐᖅᑕᐅᓂᕐᒧᓪᓗ, ᐃᑲᔪᖅᑕᐅᔪᓐᓇᖅᐳᑎᑦ.

ᐅᖃᖃᑎᖃᕈᓐᓇᖏᒃᑯᕕᑦ ᓄᓇᓕᖕᓂ ᐃᓄᓕᕆᔨᒧᑦ, ᐃᓄᓕᕆᔨᒃᑯᓐᓄᑦ ᐅᖄᓚᒋᑦ ᐅᕗᖓ 1-855-522-5201 ᐃᑲᔪᖅᑕᐅᔪᒪᔾᔪᑎᓐᓄᑦ. ᑐᑭᓯᒋᐊᕈᑎᒃᑲᓐᓂᕐᓂᑦ ᑕᑯᔪᓐᓇᖅᐳᑎᑦᖁᓪᓖᒃᑯᑦ ᓄᓇᕗᒻᒥ ᐊᕐᓇᐃᑦ ᑲᑎᒪᔨᖏᒃᑯᑦ ᕙᐃᔅᐳᖓᓂ.

ᐃᑲᔪᖅᑐᖅᑕᐅᔭᕆᐊᖃᕈᕕᑦ, ᓇᓖᕌᒐᒃᓴᖃᖅᐳᑎᑦ. ᐃᑲᔪᖅᑕᐅᓇᓱᒋᑦ ᐅᖄᓚᕝᕕᒋᓗᒋᓪᓗ ᓇᓕᐊᑐᐃᓐᓇᖅ ᐅᑯᓄᖓ:

ᓄᓇᕗᒻᒥ ᐱᕋᔭᒃᑕᐅᔪᕕᓂᕐᓄᑦ ᐱᔨᑦᑎᕋᐅᑏᑦ

1-866-456-5216

ᐃᓚᒌᓄᑦ ᐱᓂᕐᓗᖃᑦᑕᐅᑎᑦᑕᐃᓕᒪᓂᕐᒧᑦ ᐱᖁᔭᖅ, ᐅᖄᓚᐅᑖ

1-844-534-1038

ᓄᓇᕗᒻᒥ ᑲᒪᑦᑎᐊᖅᑐᑦ ᐅᖄᓚᐅᑎᖓ

1-800-265-3333
(24 ᐃᑲᕐᕋᓂ ᐅᓪᓗᓕᒫᖅ, ᐱᓇᓱᐊᕈᓯᓕᒫᖅ ᐅᓪᓗᐃᑦ 7)

ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖄᓚᐅᑦ

1-800-668-6868

ᐃᓵᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ

1-866-804-2782

ᐃᒥᐊᓗᒻᒧᑦ ᓄᖅᑲᕋᓱᐊᕐᓂᖅ

1-888-616-4011

ᐱᖁᔭᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ
−ᒪᓕᒐᕐᓄᑦ ᑐᑭᓯᒋᐊᕐᕕᒃ/ᒪᓕᒐᓕᕆᔨᒧᑦ ᐊᑐᖁᔨᔾᔪᑏᑦ:

1-888-990-4665

ᑐᑭᓯᒋᐊᕐᕕᒃ − ᖃᓄᐃᖏᑦᑎᐊᕐᓂᕐᒧᑦ (ᐃᖃᓗᐃᑦ):

1-867-979-2400

 


ᐃᓄᓕᕆᔨᒃᑯᑦ ᐱᓕᕆᕕᖓ - ᐄᐳᕈ 30, 2020

ᑕᒪᕐᒥᑦᑎᐊᖅ ᐃᓄᓕᕆᔨᒃᑯᑦ ᐱᓕᕆᐊᕆᕙᒃᑕᖏᑦ ᐱᔨᑦᑎᕋᕐᓂᕆᕙᒃᑕᖏᓪᓗ ᑲᔪᓯᑎᑕᐅᕗᑦ ᐅᖄᓚᐅᑎᒃᑯᑦ−ᑕᒪᕐᒥᑦᑎᐊᖅ ᐊᑐᓪᓚᕆᒃᑕᐅᔭᕆᐊᓖᑦ ᐱᔨᑦᑎᕋᕐᓃᑦ (ᓲᕐᓗ ᑐᐊᕕᕐᓇᖅᑐᒃᑯᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᓄᑕᖅᑲᓄᑦ, ᒪᒃᑯᒃᑐᓄᑦ, ᐊᕐᓇᓄᑦ, ᐊᖏᕐᕋᖃᙱᑦᑐᓄᑦ, ᐃᓐᓇᕐᓄᓪᓗ ᑎᒥᒍᑦ ᐊᔪᕈᑎᖃᖅᑐᓄᑦ ᒪᓂᒪᕗᑦ 24/7) ᓱᓕ ᐊᑐᖅᑕᐅᔪᓐᓇᖃᑦᑕᖅᐳᑦ.  ᖃᐅᔨᒋᐊᕐᕕᒋᓗᒍ ᐅᓇ, 867-899-1886, 24/7.


ᐃᓄᓕᕆᔨᒃᑯᑦ ᐱᓕᕆᕕᖓ - ᐄᐳᕈ 22, 2020

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑕᖅᐸᒃᑐᓄᑦ ᐃᓕᓐᓂᐊᖅᑎᓄᑦ:

ᐱᓕᕆᐊᕆᔭᐃᑦ ᐊᔪᕈᓐᓃᖅᓴᕐᓂᕐᒧᑦ ᑭᓯᐊᓂ ᑲᔪᓰᓐᓇᖅᐸᑦ ᒪᐃᒧᑦ ᑎᑭᓪᓗᒍ, ᑕᒪᓐᓇ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᑮᓇᐅᔭᖃᖅᑎᑕᐅᓂᖅ ᐃᓱᓕᓛᖅᑐᖅ ᐊᐃᕆᓕ 30, 2020−ᒥ. ᑭᖑᓪᓕᖅᐹᖅ ᐃᓕᖕᓄᑦ ᐊᑭᓕᐅᑕᐅᔪᖅ ᑮᓇᐅᔭᒃᑯᕕᖕᓄᐊᖅᑕᐅᑲᐅᑎᒋᓚᐅᖅᐳᖅᐊᐃᕆᓕ 15, 2020−ᒥ.

ᑕᐃᒪᐃᓐᓂᖓᓄᓪᓗ, ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᒃᑯᑦ ᑎᑎᕋᕐᕕᖓᑦ ᐃᓕᖕᓂᒃ ᐊᖏᕐᕋᕐᓄ ᐅᑎᖁᔨᓇᔭᖅᐳᑦ.

ᒪᐃ 1, 2020−ᖑᕋᓱᖕᓂᖓᓂ ᐱᕕᒃᓴᖃᖅᐳᑎᑦ ᖃᖓᑦᑕᐅᑎᒋᓂᐊᖅᑕᐃᑦ ᐋᖅᑭᒃᓱᐃᓂᐊᕐᓗᒍ. ᑖᓐᓇ ᐅᓪᓗ ᐊᓂᒍᖅᐸᑦ, ᐅᖃᕈᓐᓇᙱᑉᐳᒍᑦ ᑖᒃᑯᐊ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᐊᑭᓖᔪᓐᓇᓛᕐᓂᖏᓐᓂᒃ ᐊᖏᕐᕋᐅᔾᔪᑎᒋᓂᐊᖅᑕᕐᓂᒃ.

ᐊᖏᕐᕋᕐᓄᑦ ᖃᖓᑕᐅᑎᒋᓂᐊᖅᑕᐃᑦ ᐋᖅᑭᒃᓱᕈᓐᓇᖅᐸᐃᑦ ᐅᑯᑎᒎᓇᖅ, Top of the World Travel ᖃᕆᑕᐅᔭᒃᑯᑦ ᐅᕗᖓ ᑎᑎᕋᕐᓗᑎᑦ, cindy@topoftheworldtravel.com

ᐃᒪᓐᓇ ᐅᔾᔨᕆᔭᖃᑦᑎᐊᕐᓂᐊᖅᐳᑎᑦ, ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐊᑐᐊᒐᖓ ᒪᓕᒃᖢᖑ, ᖃᖓᑕᓂᕆᓂᐊᖅᑕᐃᑦ ᐊᑐᙱᒃᑯᕕᐅᒃ, ᓇᖕᒥᓂᖅ ᐊᑭᓖᔭᕆᐊᖃᕐᓂᐊᖅᑐᑎᑦ ᐃᓕᖕᓂᒃ ᖃᖓᑕᓂᕆᓂᐊᖅᑕᕐᓂᒃ. ᑕᐃᒪᐃᓐᓂᖓᓄᓪᓗ, ᖃᐃᔨᒪᑦᑎᐊᕐᓂᐊᖅᐳᑎᒃ ᑐᑭᓯᐅᒪᑦᑎᐊᕐᓂᕐᓂᒃ ᖃᖓᑕᓂᐊᕐᓂᕐᒧᑦ ᐊᑐᕆᐊᖃᕐᓂᐊᖅᑕᕐᓂᑦ ᓇᒧᙵᐅᕙᓪᓕᐊᓂᕐᓂ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓕᕆᔨᒃᑯᑦ ᓇᒃᓯᐅᔾᔨᓂᐊᕐᒥᔪᑦ ᑐᓴᖅᑕᐅᔪᒃᓴᒃᑲᓐᓂᕐᓂᒃ ᐱᓇᓱᐊᕈᓯᐅᓂᐊᖅᑐᒥ, ᓇᑭᑦ ᑮᓇᐅᔭᖃᖅᑎᑕᐅᔪᖃᕈᓐᓇᕐᒪᖔᑦ ᓂᕆᖃᑦᑕᕆᐊᖃᕐᓂᕐᒧᑦ ᐊᑭᓕᖅᓱᕆᐊᖃᖅᐸᒃᑐᓄᑦ, ᐊᐃᕆᓕ 30, 2020 ᐊᓂᒍᐊᓪᓚᓚᐅᖅᑎᓪᓗᒍ.

 


ᐃᓄᓕᕆᔨᒃᑯᑦ ᐱᓕᕆᕕᖓ - ᐄᐳᕈ 06, 2020

ᓂᖃᐃᓱᕐᓂᕐᒧᑦ ᐱᔨᑦᑎᕋᕐᓃᑦ ᓄᓇᕗᒻᒥᓕᒫᖅ

  • ᒫᑦᓯ 23, 2020-ᐅᓚᐅᕐᓂᖓᓂᑦ, ᐃᓄᓕᕆᔨᒃᑯᑦ ᐱᓕᕆᐊᖃᖃᑦᑕᖅᐳᑦ ᓂᖃᐃᓱᕆᐊᖅᓯᒪᔪᓂᒃ ᐅᖄᓚᐅᑎᒃᑯᑦ.
  • ᐄᐳᕈᒥ ᓂᖃᐃᓱᕈᑕᐅᔪᑦ ᐋᖅᑭᒃᑕᐅᓂᐊᖅᐳᑦ ᐊᑐᖅᑐᖃᕐᓗᓂ ᒫᑦᓯᒧᑦ ᓂᖃᐃᓱᓚᐅᕐᓂᕐᒧᑦ ᐃᑲᔪᖅᑕᐅᓚᐅᕐᓂᕐᒧᑦ ᖃᐅᔨᓴᖅᑕᐅᓯᒪᔪᓂᒃ ᒪᓕᒃᑐᖃᕐᓗᓂ.

ᐄᐳᕈᒧᑦ ᑮᓇᐅᔭᒃᓴᖅᑖᖑᔪᒃᓴᑦ ᑎᑎᕋᖅᓯᒪᓕᖅᑎᑕᐅᓯᒪᓕᖅᐳᑦ, ᐃᓂᒃᓴᓕᐅᖅᑕᐅᓯᒪᓕᖅᖢᑎᒡᓗ ᑕᐃᒃᑯᐊ ᐱᔭᕆᐊᓖᑦ ᑖᒃᑯᓂᖓ ᐱᓂᐊᕐᓗᑎᒃ. ᐃᓂᒃᓴᓕᐅᖅᑕᐅᓯᒪᔪᑦ ᐋᖅᑭᒃᓱᖅᑕᐅᓯᒪᕗᑦ ᐊᑕᐅᓯᑐᐊᑦᑎᐊᕐᒥᒃ ᑎᑎᕋᕐᕕᒦᑦᑐᖃᖃᑦᑕᕐᓂᐊᖅᖢᓂ ᑕᐅᑯᙵᖅᐸᓪᓕᐊᔪᓂᑦ.


ᐃᓄᓕᕆᔨᒃᑯᑦ ᐱᓕᕆᕕᖓ - ᒫᑦᓯ 30, 2020

ᑕᒫᓂᐅᙱᑦᑐᖅ ᐃᓕᓐᓂᐊᖅᑏᑦ ᐅᑎᕈᒪᔪᑦ ᐊᖏᕐᕋᒥᓄᑦ ᓄᓇᕗᒻᒥ ᐱᒋᐊᖅᓯᒪᓕᖅᐳᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᕐᒥᓂᒃ ᐆᑐᕚᒥ (31 ᐃᓕᓐᓂᐊᖅᑏᑦ) ᐅᐃᓂᐹᒡᒥᓗ (15 ᐃᓕᓐᓂᐊᖅᑏᑦ).

ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:

  • ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ: ᑕᒪᕐᒥᑦᑎᐊᖅ ᐃᓕᓐᓂᐊᖅᑏᑦ ᑮᓇᐅᔭᖃᖅᑎᑕᐅᓂᖏᑦ ᐅᖓᕙᕆᐊᖅᑕᐅᓂᐊᖅᐳᑦ ᐄᐳᕈ ᐃᓱᓕᓐᓇᓱᖕᓂᖓᓄᑦ.

 ᐋᖅᑭᒋᐊᖅᑕᐅᔪᑦ ᐱᔨᑦᑎᕋᕈᑕᐅᕙᒃᑐᑦ:

  • ᓵᑕᒃᑰᖅᑎᑦᑎᓂᖅ ᕿᑎᕐᒥᐅᓄᑦ ᓄᓇᓕᖕᓄᑦ ᐃᖃᓗᖕᓂᑦ ᐊᐅᓪᓚᓚᐅᖅᐳᑦ ᓯᕙᑖᕐᕕᖕᒥ ᑕᒪᐃᓐᓄ ᑕᒫᓂ ᐅᑭᐅᖅᑕᖅᑐᒥ ᐃᓕᓐᓂᐊᖅᑎᓄᑦ. ᑕᐃᓐᓇ ᓵᑕ ᒥᓚᐅᖅᐳᖅ ᑕᒪᐃᓐᓄᑦ ᓄᓇᓕᖕᓄᑦ ᑐᕌᕐᕕᐅᔪᓄᑦ.
  • ᓇᓕᐊᑐᐃᓐᓇᖅ ᐃᓕᓐᓂᐊᖅᑏᑦ ᓇᓗᓇᐃᔭᓚᐅᙱᑦᑐᑦ ᐅᑎᕆᐊᖃᕐᓂᕐᒥᓂᒃ ᐊᖏᕐᕋᒥᓄᑦ ᐊᖏᕐᕋᐅᔭᕆᐊᖃᖅᖢᑎᒡᓗ, ᐊᑐᕆᐊᖃᕐᓂᐊᓕᖅᐳᑦ ᐋᖅᑭᒃᑕᐅᓯᒪᕙᒌᖅᑐᑎᒍᑦ ᖃᖓᑕᓂᕆᔭᐅᕙᒃᑐᑎᒍᑦ ᐊᑐᕐᓗᑎᒃ ᐱᑕᖃᖅᐸᒌᖅᑐᓂᒃ ᒪᓕᒋᐊᓕᖕᓂᒃ ᑲᔪᓯᔾᔪᑕᐅᔪᓂᒡᓘᓐᒡᓂᑦ, ᓲᕐᓗ ᐃᒪᓐᓇ, 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓗᑎᒃ ᔭᓗᓇᐃᕝ−ᑎᒍᑦ ᐱᑕᖃᙱᑉᐸᑦ ᐊᑐᓯᑲᐅᑎᒋᔪᓐᓇᖅᑕᖓᓂᒃ ᖃᖓᑕᓂᕐᒥᒃ ᐊᖏᕐᕋᒥᓄᑦ. 

ᐃᓄᓕᕆᔨᒃᑯᑦ ᐱᓕᕆᕕᖓ - ᒫᑦᓯ 24, 2020

  • ᓄᓇᕗᒻᒥ ᐃᓕᓐᓂᐊᖅᑏᑦ ᐅᑎᕈᒪᒍᑎᒃ ᓄᓇᕗᒻᒧᑦ ᑎᑭᒍᓐᓇᖅᑐᐃᑦ ᓄᖅᑲᖓᑎᑕᐅᑎᓪᓗᒋᑦ ᐅᓪᓗᓂᒃ 14-ᓂᒃ ᓇᒻᒥᓂᖅ ᐊᓂᑦᑕᐃᓕᓯᒪᑎᒋᐊᓖᑦ ᓇᓪᓕᐊᓐᓂ ᒪᕐᕉᓐᓂ ᖃᓪᓗᓈᓂ ᑲᓇᑕᒥ. ᖃᐅᔨᒋᐊᕆᑦ ᖃᓄᐃᓕᐅᕆᐊᖃᕐᒪᖔᖅᐱᑦ ᐅᕗᖓ fans@gov.nu.ca

ᐃᓄᓕᕆᔨᒃᑯᑦ ᐱᓕᕆᕕᖓ - ᒫᑦᓯ 23, 2020

ᒥᓂᔅᑕᐅᑉ ᑐᒡᓕᐊ ᐃᓄᓕᕆᔨᒃᑯᓐᓄᑦ ᓄᑖᙳᕆᐊᖅᑎᑦᑎᔪᖅ ᐱᔾᔪᑎᖃᖅᖢᓂ ᐃᓕᓐᓂᐊᑏᑦ ᓄᓇᕗᒻᒧᑦ ᐅᑎᕋᔭᕐᓂᖏᓐᓂᒃ:

ᐃᓄᓕᕆᔨᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᓕᓐᓂᐊᕐᓂᓕᕆᔨᒃᑯᑦ, ᐊᒻᒪᓗ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐱᓕᕆᖃᑎᒌᒃᓯᒪᕗᑦ ᓇᓗᙱᑦᑎᐊᕈᒪᓪᓗᑎᒃ ᖁᐊᖅᓵᕐᓇᙱᑦᑐᒃᑯᑦ ᐃᓕᓐᓂᐊᖅᑏᑦ ᓄᓇᕗᒻᒥᓕᒫᖅ ᐅᑎᕋᓗᐊᕐᒪᖔᑕ ᖃᓪᓗᓈᑦ−ᓄᓇᖓᓐᓂ ᑐᙵᕕᓕᖕᓂᑦ ᐃᓕᓐᓂᐊᕆᐊᖅᑐᕐᕕᒋᓯᒪᔭᒥᓂᑦ ᐊᖏᕐᕋᕆᔭᒥᓄᑦ. 

ᑕᐃᒃᑯᐊ ᐃᓕᓐᓂᐊᖅᑏᖅ ᒫᓐᓇ ᐊᖏᕐᕋᐅᔪᒪᔪᑦ, ᐅᐸᒃᑕᐅᔭᕆᐊᖃᙱᑦᑐᒦᓯᑲᐅᑎᒋᔭᕆᐊᖃᖅᐳᑦ ᑕᒪᒃᑯᓇᓂ ᐊᐅᓪᓚᕐᕕᒋᓯᒪᔭᒥᓂ, 14−ᓄᑦ ᐅᓪᓗᓄᑦ ᐋᖅᑭᒃᑕᐅᓯᒪᕙᒌᖅᑐᒧᑦ ᓵᑕᖅᑕᐅᓯᒪᔪᒧᑦ ᖃᑕᓲᒧᑦ ᓄᓇᕗᓕᐊᖅᑐᒧᐊᕈᓐᓇᓚᐅᙱᓐᓂᕐᒥᓂ.  ᒪᕉᒃ ᐱᓕᕆᕕᒋᔭᐅᓂᐊᖅᑑᒃ ᐃᓕᓐᓂᐊᖅᑎᓄᑦ ᐋᑐᕚᒥᐅᓂᐊᖅᐳᖅ ᐅᐃᓂᐹᒡᒥᓗ. ᑭᕙᓪᓕᕐᒥᐅᑦ ᕿᑎᕐᒥᐅᓪᓗ ᐃᓕᓐᓂᐊᖅᑏᑦ ᑲᑎᑉᐸᓪᓕᐊᓂᐊᖅᐳᑦ ᐅᐃᓂᐹᒡᒥ ᐱᒋᐊᕐᓂᐊᕋᒥᒃ 14−ᓄᑦ ᐅᓪᓗᓄᑦ ᐊᑐᕆᐊᖃᖅᑕᒥᓂᒃ, ᑭᖑᓪᓕᖅᐹᖅ ᐃᓕᓐᓂᐊᖅᑎ ᑕᐅᑯᙵᖅᑕᐅᕌᓂᑐᐊᖅᐸᑦ. ᕿᑭᖅᑕᓂ ᓄᓇᓖᑦ ᐃᓕᖅᓂᐊᖅᑏᑦ ᑲᑎᑉᐸᓪᓕᐊᓂᐊᖅᐳᑦ ᐋᑐᕚᒥ ᐃᓂᒋᔭᐅᓂᐊᖅᑐᒥ, ᐊᒻᒪᑦᑕᐅᖅ, ᑭᖑᓪᓕᖅᐹᖅ ᐃᓕᓐᓂᐊᖅᑎ ᑎᑭᑐᐊᖅᐸᑦ ᑕᐃᑯᖓ ᐃᓂᒧᑦ, 14−ᓄᑦ ᐅᓪᓗᓄᑦ ᐊᑐᕆᐊᖃᖅᑕᒥᓂᒃ ᐊᑐᓯᒋᐊᕐᓂᐊᖅᐳᑦ. ᓵᑕᒥᒃ ᑖᒃᑯᓇᙵᑦ ᓄᓇᓖᖕᓂᑦ ᐊᑐᓂᑦ ᐅᑎᖅᑎᑦᑎᔪᖃᕐᓂᐊᖅᐳᖅ ᓄᓇᕗᒻᒧᑦ ᐃᓕᓐᓂᐊᖅᑎᓂᒃ.

ᐅᐸᒃᑕᐅᑦᑕᐃᓕᒪᓂᕐᒥᓂ ᐋᑐᕚᒥ ᐅᐃᓂᐹᒡᒥᓗ, ᐃᓕᓐᓂᐊᑏᑦ ᐊᑐᖅᑎᑕᐅᖃᑦᑕᕈᓐᓇᕐᓂᐊᖅᐳᑦ ᐃᓕᓐᓂᐊᖅᑕᒥᓄᑦ ᐱᐊᓂᒃᓯᔾᔪᑎᒃᓴᖏᓐᓂᒃ, ᐊᑐᖅᓯᖃᑦᑕᕈᓐᓇᕐᓂᐊᖅᖢᑎᒃ ᐋᓐᓂᐊᓯᐅᑎᓂᒃ ᐱᓕᕆᔨᓪᓚᕆᖕᓂᒃ, ᑖᒃᑯᐊᓗ ᖃᐅᔨᓴᕐᓂᐊᖅᖢᑎᒃ ᖃᓄᐃᙱᑦᑎᐊᕈᓐᓇᕐᓂᖏᑦ ᑲᒪᒋᔭᐅᑦᑎᐊᕋᓗᐊᕐᒪᖔᑕ.  (ᐱᓕᕆᖃᑎᒌᒃᑐᖃᕐᓂᐊᕆᕗᖅᑕᐅᖅ ᐱᓕᕆᐊᒃᓴᖃᖅᑎᑕᐅᓗᑎᒃ ᓇᐅᑦᑎᖅᓱᖅᓯᓂᕐᒥᒃ ᐱᓕᕆᕝᕕᖃᕐᓂᕐᒥᒡᓗ ᐃᓱᒪᒋᔭᒃᓴᓂᒃ ᓴᖅᑭᑦᑐᓂᒃ ᑕᒫᙵᑦ  ᐊᐅᓚᓂᕆᔭᐅᔪᒥᑦ)

ᑐᓴᖅᑎᑦᑎᓂᖅ ᐃᓕᓐᓂᐊᖅᑎᓄᑦ: ᐊᖏᕐᕋᕈᒪᑐᐊᕈᔅᓯ ᐊᔪᕐᓇᕈᓐᓃᑐᐊᖅᐸᑦ, ᐱᖁᑎᔅᓯᓐᓂᒃ ᐴᖅᑲᐃᓯᒪᓂᐊᖅᐳᓯ ᐱᑐᐃᓐᓇᕆᐊᖃᖅᓯᒪᓗᓯᓗ ᓇᓕᐊᖕᓄᑐᐃᓐᓇᖅ ᑲᑎᕝᕕᐅᓂᐊᖅᑑᖕᓄᑦ. ᐃᓱᓕᖅᑕᖅᑐᓂᒃ ᐱᖁᑎᓂᒃ ᓇᒃᓴᖅᑐᖃᕈᓐᓇᕐᓂᐊᖅᐳᖅ ᑕᒪᐃᖕᓄᑦ ᐊᑭᓕᖅᑕᐅᕙᒃᑐᑎᒍᑦ ᖃᖓᑕᓲᑎᒍᑦ, ᑕᐃᔅᓱᒧᖓᓗ ᑭᖑᓪᓕᖅᐹᒧᑦ ᓵᑕᖅᑕᐅᓯᒪᔪᒧᑦ ᖃᖓᑕᓂᐅᓂᐊᖅᑐᒧᑦ.

ᑕᒪᒃᑯᓄᖓ ᐱᑐᐃᓐᓇᐅᙱᑦᑐᓂᒃ ᐱᔭᕆᐊᓕᖕᓄᑦ ᐊᑐᕆᐊᓕᖕᓄᓪᓘᓐᓃᑦ, ᓇᓗᓇᐃᖅᑕᐅᓪᓗᐊᖅᐳᑦ ᖃᖓᑕᖃᑎᒋᔭᖓᓄᑦ ᐃᓕᖕᓄᑦ ᖃᐅᔨᑎᑦᑎᔪᒧᑦ.

ᑕᐃᒃᑯᓄᖓᓗ ᑕᐃᑲᓃᖏᓐᓇᕈᒪᔪᓄᑦ ᐱᔭᕇᖅᓯᔪᒪᓗᑎᒃ ᐃᓕᓐᓂᐊᕐᓂᕆᔭᒥᓂᒃ ᑕᐃᑲᓂ, ᑭᓯᐊᓂ ᐊᖏᕐᕋᐅᔪᒪᓂᐊᕐᓗᑎᒃ ᐱᔭᕇᕈᑎᒃ, FANS−ᑯᑦ ᑕᒪᓐᓇ ᑲᒪᒋᓂᐊᖅᑕᖓᑦ ᑭᓯᐊᓂ ᓯᕗᓪᓕᖅᐹᓂᒃ ᒪᓂᒪᔪᓂᒃ ᖔᖅᑭᒃᓯᔪᖃᕈᓐᓇᓕᖅᐸᑦ ᐊᖏᕐᕋᐅᓂᐊᕐᓗᓂ.

ᑐᑭᓯᐅᒪᕗᖓ ᐃᒪᓐᓇ, ᐊᓯᖏᓐᓄᑦ ᐅᑎᖅᑐᓄᑦ ᓄᓇᕗᒻᒧᑦ, ᐱᑕᖃᖅᐳᖅ ᐊᑐᕆᐊᖃᕋᔭᖅᑕᖏᓐᓂᒃ. ᐊᐅᓪᓚᕈᑎᒃᓴᓂᒃ ᐱᓂᐊᕐᓗᓂ, FANS−ᒧᑦ ᐊᑐᖅᑕᐅᒐᔪᒃᐸᒃᑐᖅ ᑲᔪᓯᓇᔭᖅᐳᖅ.

ᖃᕆᑕᐅᔭᒃᑯᑦ ᑎᑎᖅᑲᓂᒃ ᐅᓪᓗᒥ ᐃᓕᓐᓂᐊᖅᑎᓄᑦ ᐊᐅᓪᓚᖅᑎᑦᑎᔪᖃᕐᓂᐊᖅᑐᖅ ᐊᐱᕆᔭᐅᓗᑎᒃ ᐱᑎᑦᑎᖁᔭᐅᓗᑎᒃ   FANS−ᑯᓐᓂᑦ ᐱᔭᐅᔭᕆᐊᓕᖕᓂᒃ ᑐᓴᖅᑕᐅᔪᒃᓴᖁᑎᖕᓂᒃ, ᐱᑎᓪᓗᒋᓪᓗ ᐱᔪᒪᔭᖏᓐᓂᒃ.



ᐃᓄᓕᕆᔨᒃᑯᑦ ᐱᓕᕆᕕᖓ - ᒫᑦᓯ 20, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᓄᓇᓕᖕᓂ ᐃᓄᓕᕆᔩᑦ "ᑐᐊᕕᕐᓇᖅᑐᓄᑦ ᐅᑕᖅᑭᑎᑕᐅᕗᑦ" ᒫᓐᐅᔪᒃᑯᑦ. ᑭᓇᑐᐃᓐᓇᑦᑎᐊᖅ ᐅᖃᖃᑎᖃᕆᐊᓕᒃ ᓄᓇᓕᒥᖕᓂ ᐃᓄᓕᕆᔨᒧᑦ, ᐊᑐᓪᓗᐊᖅᐳᖅ ᐃᑲᕐᕋᐃᑦ ᐊᑐᐊᓂᒃᓯᒪᓕᖅᑎᓪᓗᒋᑦ ᐃᖅᑲᓇᐃᔭᕐᓇᒧᑦ ᖃᐅᔨᒋᐊᕐᕕᐅᕙᒃᑐᒧᑦ ᐅᖄᓚᐅᒻᒧᑦ ᓄᓇᓕᒋᔭᒥᓄᑦ.
  • ᐃᓄᓕᕆᔨᒃᑯᑦ ᐊᐱᕆᕗᑦ ᑕᒪᐃᓐᓂᑦᑎᐊᖅ, ᓂᖃᐃᓱᕆᐊᖅᐸᒃᑐᓕᒫᓂᒃ, ᐃᖅᑲᓇᐃᔮᕆᔭᐅᔪᒪᔪᓂᒃ ᐱᕙᓪᓕᐊᑎᑦᑎᓂᖅ ᐃᓚᒌᓂᓗ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᒋᔭᐅᕙᒃᑐᑦ ᖃᐃᑦᑕᐃᓕᒪᑦᑎᐊᕐᓗᑎᒃ ᑎᑎᕋᕐᕕᑎᓐᓄᑦ ᐃᓂᒃᓴᓕᐅᖅᓯᒪᙱᓪᓗᑎᒃ.
    • ᐱᓕᕆᕝᕕᒋᔭᐅᕙᒃᑐᓕᒫᑦᑎᐊᑦ ᐅᖄᓚᓪᓗᐊᖅᐳᑦ ᐋᖅᑭᒃᓯᓗᑎᓪᓗ ᐃᓂᒃᓴᒥᒃ ᓇᒧᙵᖅᐸᐅᓇᔭᕐᓂᖓᓂᒃ ᐅᓪᓗᐊᓂᓪᓗ, ᑕᐃᒪᐃᒃᑯᑎᒃ ᐃᓱᓕᑦᑕᖅᑎᑦᑎᓇᔭᕐᒪᑕ ᐃᓄᒋᐊᒃᓯᔭᑦᑐᓂᒃ ᑕᒪᒃᑯᓇᓂ ᐅᑕᖅᑭᕕᒋᕙᒃᑕᑦᑎᓐᓂ.
  • ᓂᖃᐃᓱᖅᐸᒃᑐᑦ, ᐊᖏᕐᕋᕆᔭᐅᔪᒥ ᓂᐊᖁᕆᔭᐅᓗᑎᒃ, ᑎᓕᐅᖅᑕᐅᕗᑦ ᖃᐃᖃᑦᑕᖁᔭᐅᓪᓗᑎᒃ ᐃᓂᒃᓴᓕᐅᖅᑕᐅᓯᒪᓂᕐᒥᓄᑦ ᐃᓄᑑᐊᑦᑎᐊᖑᓗᑎᒃ, ᐊᐱᕆᕙᑦᑎᒋᑦ ᓇᒃᓴᖃᑦᑕᖁᙱᑦᑎᐊᖅᖢᑎᑦ ᐊᓯᖕᓂᒃ (ᐊᐃᑉᐸᕐᓂᒃ ᕿᑐᕐᙵᕐᓂᒡᓘᓐᓃᑦ).
    • ᓇᓕᐊᑐᐃᓐᓇᑦᑎᐊᖅ ᐋᓐᓂᐊᕕᓕᐊᖅᓯᒪᔪᖅ ᖃᓂᒪᓐᓂᕈᓂ ᐅᕙᓗ ᐊᐅᓪᓚᖅᓯᒪᑉᐸᑦ (ᓲᕐᓗ ᐋᓐᓂᐊᓂᕐᒧᑦ ᓄᖅᑲᖓᑉᐸᑦ ᐅᕙᓗ ᐃᓅᓕᓴᖅᑕᐅᑉᐸᑦ) ᐅᖄᓚᓪᓗᐊᖅᐳᖅ ᓂᖃᐃᓱᖅᑐᓕᕆᔨᒥᓄᑦ, ᑕᐃᒪᐃᑉᐸ, ᑖᓐᓇ ᓂᖃᐃᓱᖅᑐᓕᕆᔨ ᐋᖅᑭᖅᓱᐃᓕᕈᓐᓇᖅᐳᖅ ᓂᖃᐃᓲᑎᑖᕆᔭᐃᑦ ᓂᐅᕕᕐᕕᖕᒧᐊᕈᓐᓇᕐᓗᒍ (ᕕᖕᓄᐊᕈᓐᓇᕐᓗᒍ) ᐅᕝᕙᓘᓐᓂᑦ ᐃᓚᒋᔭᐅᔪᒧᑦ ᖃᑕᙳᑎᒋᐅᔪᒧᑦ ᐊᐃᔭᐅᑎᓪᓗᒍ.
       


ᐃᓄᓕᕆᔨᒃᑯᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 19, 2020

ᓄᓇᕗᑦ ᒐᕙᒪᖓ ᐱᓕᕆᐊᖃᖅᐸᓪᓕᐊᕗᖅ ᕿᒫᕝᕕᖕᓄᑦ ᓱᓴᐃᐊᑎᒋᔭᐅᔪᓂᒃ ᐊᔪᖅᑎᑦᑎᔪᒪᙱᓐᓂᕐᒥᓄᑦ ᐅᖓᕙᕆᐊᖅᑕᐅᔪᓂᒃ ᐃᑲᕐᕋᓂᒃ ᐊᒻᒪᓗᑦᑕᐅᖅ ᐊᑐᖅᓯᓗᑎᒃ ᐃᓂᒃᓴᒃᑲᓐᓂᐊᔪᓐᓇᖅᑐᓂᒃ ᐊᔪᖅᑎᑦᑎᔪᒪᙱᓐᓂᕐᒥᓄᑦ ᑕᒪᑐᒥᖓ ᐃᓅᖃᑎᒌᓂ ᖃᓂᒌᒃᑎᑦᑎᓗᐊᖅᑕᐃᓕᒪᓂᕐᓂᒧᒃ. ᐱᖓᓱᐃᓐᓇᕐᓂᒃ ᕿᒫᕝᕕᒃᑕᖃᖅᐳᖅ ᓄᓇᕗᒻᒥ, ᒫᓐᓇᓗ ᑖᒃᑯᐊ ᒪᑐᓯᒪᕙᒃᖢᑎᒃ ᐅᓪᓗᒃᑯᑦ.

ᐅᖃᐅᓯᐅᒃᐸᑦ ᑭᓯᐊᓂ, ᐱᓕᕆᕝᕕᖕᒥ ᐱᔨᑦᑎᕋᐅᑎᑦ ᐊᒥᐊᒃᑯᑐᐊᖑᓕᖅᑐᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᖅᐳᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑎᑦᑎᑲᑕᒃᑐᑦ. 

FANS−ᑯᑦ ALTs−ᑯᓪᓗ

  • ᐃᓕᓐᓂᐊᖅᑏᑦ ᐃᓕᓐᓂᐊᕐᕕᖕᒥᓃᓪᓗᐊᖅᐳᑦ ᐃᓂᒥᓂ, ᑭᓯᐊᓂ  ᑕᒪᓐᓇ ᐃᓕᓐᓂᐊᕐᓂᕆᔭᖓ ᐃᓱᓕᓪᓚᕆᒃᐸᑦ.  ᒫᓐᓇᓄᑦ ᑎᑭᖦᖢᒍ, ᐃᓕᓐᓂᐊᕐᓃᑦ ᐊᔪᓕᖅᑎᑕᐅᓚᐅᑲᒃᓯᒪᕗᑦ, ᓄᖅᑲᖅᑎᑕᐅᙱᖦᖢᑎᒃ.
  • ᐃᓕᓐᓂᐊᖅᑏᑦ ᐊᖏᕐᕋᖏᑦ ᒪᑐᐃᙶᖏᓐᓇᖅᐳᑦ, ᐃᓕᓐᓂᐊᖅᑏᓪᓗ ᐱᔪᓐᓇᖅᑎᑕᐅᓪᓗᑎᒃ ᐃᓕᓐᓂᐊᕕᖏᑕ ᐊᖏᕐᕋᕆᑎᑉᐸᒃᑕᖏ ᓂᓐᓂᐊᖅᖢᑎᒃ  ᐄᐳᕈ ᐃᓱᓕᓐᓇᓱᖕᓂᖓᓄᑦ. ᐃᓕᓐᓂᐊᕐᕖᑦᑕᐅᖅ ᑲᔪᓯᑎᑦᑎᕗᑦ ᓂᕆᑎᑦᑎᕙᖕᓂᕐᒧᑦ ᐱᔨᑦᑎᕋᕐᓂᕆᕙᒃᑕᒥᓂᒃ.
  • ᖃᐅᔨᒪᑦᑎᐊᕈᒪᓂᕐᒧᑦ ᑮᓇᐅᔭᑎᒍᑦ ᐊᒃᓱᕈᓐᓇᖅᑐᖅᓯᐅᖅᑐᖃᙱᓐᓂᖓᓂᒃ ᑕᒪᒃᑯᓄᖓ ᑕᒫᓂᕐᒥᐅᑕᐅᙱᑦᑐᓄᑦ ᐃᓕᓐᓂᐊᖅᑎᓄᑦ, ᑕᐃᒃᑯᐊ ᑮᓇᐅᔭᖅᑖᖅᐸᒃᑐᑦ FANS−ᑯᓐᓂᑦ ALTS−ᑯᓐᓂᓘᓐᓃᑦ ᐱᖃᑦᑕᐃᓐᓇᕐᓂᐊᖅᐳᑦ ᑮᓇᐅᔭᓂᒃ ᑕᐃᒪᙵᓕᒫᖅ ᐊᖏᕐᕋᕆᔭᒥᓂᑦ ᐊᐅᓪᓚᖅᓯᒪᑐᐊᕈᑎᒃ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

  • ᑕᒪᕐᒥᑦᑎᐊᖅ ᓂᖃᐃᓱᖅᐸᒃᑐᑦ, ᐃᖅᑲᓇᐃᔮᖃᕐᓂᕐᒧᑦ ᐱᕙᓪᓕᐊᓃᑦ ᐃᓚᒌᓄᓪᓗ ᖃᓄᐃᙱᑦᑎᐊᖅᑎᑦᑎᓂᕐᒧᑦ ᐱᓕᕆᕝᕕᐅᕙᒃᑐᑦ ᐊᐱᕆᔭᐅᕗᑦ ᐅᖄᓚᖃᑦᑕᖁᔭᐅᓪᓗᑎᒃ ᐋᖅᑭᒃᓯᓂᐊᕐᓗᑎᒃ ᐃᓂᒃᓴᓕᐅᕐᓂᕐᒥᒃ, ᐃᒪᐃᙱᖔᕐᓗᑎᒃ, ᑎᑎᕋᕐᕕᑦᑎᓐᓄᙵᐅᙱᓪᓗᑎᒃ: 
    • ᑕᒪᕐᒥᑦᑎᐊᖅ ᐃᓗᐊᖅᓴᖅᑕᐅᔭᖅᑐᖅᓯᒪᔪᑦ ᐅᖄᓪᓚᓪᓗᐊᖅᐳᑦ ᐋᖅᑭᒃᓯᓗᑎᒡᓗ ᐃᓂᒃᓴᒧᑦ ᐱᕕᒃᓴᒥᒃ ᐅᓪᓗᐊᓂᒡᓗ ᐃᓱᓕᑦᑕᖅᑎᑦᑎᔪᒪᓂᕐᒧᑦ ᐃᓄᒋᐊᒃᑐᓂᒃ ᑲᑎᓐᓂᐅᓇᔭᖅᑐᓂᒃ ᐅᑕᖅᑭᕕᑦᑎᓐᓂ.