ᐅᖃᓚᐅᑎᓯᐅᑏᑦ

You are here

ᐊᕐᓇᐃᑦ ᓯᕗᓕᖅᑎᑦ ᑲᑎᒪᕐᔪᐊᓛᖅᑐᑦ: ᐊᕐᓇᐃᑦ ᑐᓪᓕᓂᖏᑦ

ᔫᓂ 28, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐊᕐᓇᐃᑦ ᓯᕗᓕᖅᑎᑦ ᑲᑎᒪᕐᔪᐊᓛᖅᑐᑦ: ᐊᕐᓇᐃᑦ ᑐᓪᓕᓂᖏᑦ

ᐃᓄᓕᕆᔨᒃᑯᑦ ᐊᓕᐊᓇᐃᒍᓱᒃᐳᑦ ᑐᓴᖅᑎᑦᑎᔪᓐᓇᕐᒪᑕ ᐊᕐᓇᐃᑦ ᑐᓪᓕᓂᖏᑦ, ᓯᕗᓕᖅᑎᓄᑦ ᑲᑎᒪᕐᔪᐊᓛᕐᓂᖏᓐᓂᒃ ᑲᖏᖅᖠᓂᕐᒥ, ᐋᒡᒌᓯ 23-ᒥ 26-ᒧᑦ, 2021-ᒥ.

ᐊᐅᓚᑕᐅᓗᓂ ᐱᓕᒻᒪᒃᕼᐊᕐᓂᕐᒧᑦ, ᑲᑎᒪᕐᔪᐊᕐᓂᐊᖅᑐᑦ ᑐᕌᒐᖃᓛᖅᐳᑦ ᐱᔪᓐᓇᕐᓂᖃᖅᑎᑦᑎᔪᒪᓗᑎᒃ ᓄᓇᕗᒻᒥ ᐊᕐᓇᓂᒃ ᓂᕕᐊᖅᓵᓂᒡᓗ ᖃᐅᔨᒪᓂᖃᖃᑕᐅᔪᓂᒃ ᐃᓄᐃᑦ ᖃᐅᔨᒪᓂᑐᖃᖏᓐᓂᒃ, ᐊᔪᙱᑕᖏᓐᓂᒃ, ᐱᓕᕆᔾᔪᓯᖏᓐᓂᒡᓗ ᓯᕗᓕᖅᑎᐅᑎᓪᓗᒋᑦ. ᐅᖃᖃᑎᒌᒍᑕᐅᔪᑦ ᑐᑭᒧᐊᒍᑕᐅᕙᒃᖢᑎᒃ, ᐃᓕᓐᓂᐊᖅᓯᓐᓈᑦ ᑲᑎᒪᓃᑦ, ᓄᓇᒧᑦ ᐊᐅᓪᓛᖅᓯᒪᓃᑦ, ᐅᓂᒃᑳᖅᑐᐊᑦ, ᐃᓚᐅᔪᑦ ᐱᕕᖃᖃᑕᐅᓂᐊᖅᐳᑦ ᑐᓴᖅᑎᑦᑎᕙᒡᓗᑎᒃ, ᐃᓕᓐᓂᐊᕐᓗᑎᒃ, ᐃᑲᔪᖅᓱᐃᓗᑎᒃ, ᐊᒻᒪ ᐱᔪᓐᓇᕐᓂᖃᖅᑎᑦᑎᓗᑎᒃ ᐃᑲᔪᖅᑎᒌᒡᓗᑎᒃ. ᐊᑕᖏᕐᓗᒍ, ᑲᑎᒪᕐᔪᐊᕐᓇᖅ ᑐᕌᒐᖃᕐᓂᐊᖅᐳᖅ ᐱᕚᓪᓕᕐᑎᓪᓗᒋᑦ ᐊᕐᓇᐃᑦ ᐃᑲᔪᕐᓗᒋᑦ ᐊᔪᕈᓐᓃᕐᐹᓪᓕᕐᑎᓪᓗᒋᑦ ᐃᓅᓯᕆᔭᖏᓐᓂᑦ ᓄᓇᕘᓕᒫᒥ.

ᐊᑕᐅᓯᖅ ᐃᓚᐅᔪᖅ ᓂᕈᐊᖅᑕᐅᓂᐊᖅᐳᖅ ᑕᒪᐃᓐᓂᒃ ᓄᓇᓕᖕᓂ ᓄᓇᕗᒻᒥ. ᑐᔪᕐᒥᔾᔪᑏᑦ, ᓂᕆᔾᔪᑏᑦ ᐊᒻᒪ ᖃᖓᑦᑕᐅᑎᓄᑦ ᐊᑭᖏᑦ ᐊᑭᓕᖅᑕᐅᓂᐊᖅᑐᑦ. ᑲᑎᒪᕐᔪᐊᓛᖅᑐᑦ ᑲᑎᒪᕐᔪᐊᕆᐊᖅᑐᖅᑐᑦ ᐅᐸᒍᑎᓯᒪᓗᑎᒃ ᒪᓕᖕᓂᐊᖅᐳᓪᓗ ᓄᕙᒡᔪᐊᕐᓇᖅ-19−ᒧᑦ ᑐᑭᒧᐊᒍᑎᓂᒃ ᑭᒡᓕᖃᖅᑎᑕᐅᖃᑦᑕᕐᓂᐊᖅᐳᓪᓗ.

ᐊᑎᖓ Arnait Tulliningit, ᐅᕝᕙᓘᓐᓃᑦ ᐃᓄᐃᑦ ᑐᓪᓕᓂᖏᑦ, ᐱᔾᔪᑎᖃᖅᐳᖅ ᐊᕐᓇᐃᑦ ᑐᓪᓕᓂᖏᓐᓂᒃ, ᐊᔾᔨᐸᓗᒋᔭᐅᓪᓗᓂ ᐊᕐᓇᐃᑦ ᓇᒧᙵᐅᕙᓪᓕᐊᓂᖏᓐᓄᑦ ᑲᑎᒪᕐᔪᐊᖃᑕᐅᔪᓄᑦ. ᑲᑎᒪᕐᔪᐊᖃᑕᐅᓂᐊᖅᑐᑦ ᐱᓕᕆᓂᐊᖅᐳᑦ ᓴᖅᑭᑦᑎᓇᓱᒡᓗᑎᒃ ᐱᓕᕆᐊᖑᐃᓐᓇᕈᓐᓇᖅᑐᓂᒃ, ᐱᕚᓪᓕᖅᑎᓪᓗᒋᑦ ᐃᓄᖕᓄᑦ, ᒪᑭᒪᔾᔪᑎᓄᑦ ᐊᒻᒪ ᒐᕙᒪᓕᕆᓂᕐᒧᑦ ᐱᕕᒃᓴᕆᔭᐅᔪᓐᓇᖅᑐᓄᑦ, ᑐᙵᕕᖓᓪᓗ ᐋᖅᑭᒃᑕᐅᓗᓂ ᐃᓄᖕᓄᑦ ᐊᓯᔾᔨᖅᑐᓄᑦ ᐊᒻᒪ ᐊᕐᓇᐃᑦ/ᐊᖑᑏᓪᓗ ᓇᓕᒧᒌᒃᑎᑕᐅᒋᐊᖃᕐᓂᖏᑦ ᓄᓇᕗᒻᒥ.

ᑖᒃᑯᐊ ᑲᑎᒪᕐᔪᐊᖅᑐᑦ ᑮᓇᐅᔭᖃᖅᑎᑕᐅᔪᑦ ᐅᑯᑎᒎᓇ ᐊᕐᓇᐃᑦ ᑭᓇᐅᓂᕐᒧᓪᓗ ᓇᓕᒧᑎᑕᐅᓂᖏᑦ ᑲᓇᑕᒥᐅᓄᑦ ᐊᕐᓇᓄᑦ ᐱᓕᕆᐊᖅᑎᒍᑦ.

ᑐᑭᓯᒋᐊᖃᒃᑲᓐᓂᕈᕕᑦ ᐊᑎᓕᐅᖅᑕᐅᔪᒪᒍᕕᓪᓘᓐᓃᑦ, ᐃᕐᖐᓐᓇᖅᑕᐅᒃᑯᑦ ᑎᑎᕋᕆᑦ ᒪᐃᓇ ᑭᒍᑦᑕᕐᒧ ᐅᕗᖓ 867-975-5212 ᐅᕝᕙᓘᓐᓃᑦ MKiguktak1@gov.nu.ca ᐅᕝᕙᓘᓐᓃᑦ ᓴᐃᕌ ᐸᐃᓐ−ᒧᑦ ᐅᕗᖓ SPayne@gov.nu.ca.

###

ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃᐅᔪᓐᓇᖅᑐᖅ:

ᔫᑎ ᑑᑐᓪ ᐊᕙ
ᑐᑭᒧᒃᑎᑦᑎᔨ ᐊᑐᐊᒐᓕᕆᓂᕐᒧᑦ ᐱᕙᒌᔭᕐᓂᕐᓗ
ᐃᓄᓕᕆᔨᒃᑯᑦ
867-975-5250
jdurdle-awa@gov.nu.ca