ᐅᖃᓚᐅᑎᓯᐅᑏᑦ

You are here

ᐊᕐᕌᒍᑕᒫᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑕᐅᔪᒃᓴᐃᑦ ᓂᖃᐃᓱᖅᑎᐅᕙᒃᑐᓄᑦ

ᕕᕝᕗᐊᓕ 16, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐊᕐᕌᒍᑕᒫᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑕᐅᔪᒃᓴᐃᑦ ᓂᖃᐃᓱᖅᑎᐅᕙᒃᑐᓄᑦ

ᓂᖃᐃᓱᖅᐸᒃᑯᕕᑦ, ᐃᓐᑲᒻᑖᒃᓯᓕᕆᔾᔪᑏᑦ ᑎᑎᕋᕆᐊᖃᖅᐸᐃᑦ ᐊᐅᓪᓚᖅᑎᓪᓗᒍᓗ ᓇᓗᙱᑦᑎᐊᕈᒪᒍᕕᑦ ᐱᕚᓪᓕᕈᑎᒃᓴᕐᓂᒃ ᐱᑐᐃᓐᓇᕆᐊᓕᖕᓂᒃ ᐱᒐᓗᐊᕐᒪᖔᖅᐱᑦ, ᓲᕐᓗ ᓄᑕᕋᖅᓯᐅᑎᑖᕆᕙᒃᑕᑎᑦ, ᐱᑎᑕᐅᓪᓚᕆᒐᔭᖅᑐᖅ ᑮᓇᐅᔭᓕᐅᕐᓂᕐᒧᑦ ᐃᑲᔫᓯᐊᖑᕙᒃᑐᒥᒃ ᐃᓐᓇᐃᑦ ᖄᒃᑲᓐᓂᐊᒍᑦ ᐱᑎᑕᐅᔾᔪᑎᒋᕙᒃᑕᖓᓄᑦ ᐊᒻᒪᓗ ᐱᖁᑎᓄᑦ ᐱᔨᑦᑎᕋᕐᓂᕆᔭᐅᔪᓄᓪᓗ ᑖᒃᓰᔮᖅᑎᑦᑎᓂᖅ.

ᓂᖃᐃᓱᖅᐸᖕᓂᕐᒧᒃ ᐱᕚᓪᓕᕈᑕᐅᕙᒃᑐᑦ ᐋᒃᑳᖅᑕᐅᓕᑐᐃᓐᓇᕆᐊᖃᖅᐳᑦ 2017−ᒧᑦ ᐃᓐᑲᒻᑖᒃᓯᓕᕆᔾᔪᑎᑎᑦ ᐱᓕᕆᐊᖑᙱᑉᐸᑕ ᐊᐅᓪᓚᖅᑎᑕᐅᓚᐅᙱᑉᐸᑕᓗ ᐅᕝᕙᓘᓐᓃᑦ ᐊᑐᙱᒃᑯᕕᒃ ᐋᖅᑭᒃᑕᐅᓯᒪᕙᒌᖅᑐᓂᒃ ᑕᖅᑭᑕᒫᑦ ᐃᓂᒃᓴᕆᖃᑦᑕᖅᑕᕐᓂᒃ ᓂᖃᐅᓱᖅᑐᓕᕆᓂᕐᒧᑦ ᐱᓕᕆᔨᒋᔭᐅᔪᒧᑦ.

ᐋᖅᑭᒃᓯᒪᓕᖅᑎᑦᑎᔪᒪᓂᕐᒧᑦ ᓯᕗᓪᓕᖅᐹᒥᒃ ᑲᔪᓰᓇᖅᑐᒥᒡᓗ ᐊᔪᖅᑎᑕᐅᓇᔭᙱᓐᓂᕐᒥᒃ ᓂᖃᐃᓱᖅᐸᖕᓂᕐᒧᑦ ᐱᕚᓪᓕᕈᑕᐅᕙᒃᑐᓂᒃ, ᐃᒪᐃᑦᑕᕆᐊᖃᖅᐳᑎᑦ:

1. ᑎᑎᕋᖅᓯᓗᑎᑦ ᐃᓐᑲᒻᑖᒃᓯᓕᕆᓂᕐᒧᑦ ᑎᑎᕋᕆᐊᖃᖅᐸᒃᑐᒥᒃ ᐄᐳᕈ 30, 2018 ᑎᑭᓚᐅᙱᓐᓂᖓᓂ;
2. ᐱᑎᑦᑎᓗᑎᑦ ᐊᔾᔨᖓᓂᒃ 2017−ᒧᑦ ᐃᓐᑲᒻᑖᒃᓯᓕᕆᓂᕐᒧᑦ ᑎᑎᕋᖅᑕᐅᓯᒪᔪᒥᒃ (ᐃᒡᓗᒥᐅᑕᐅᖃᑎᒌᓂ ᐊᖓᔪᖅᑳᕆᔭᐅᔪᖅ ᐊᐃᑉᐸᖓᓗ) ᓂᖃᐃᓱᖅᑐᓕᕆᔨᒧᐊᕐᓗᒍᓗ ᐃᓂᒃᓴᒥ ᐅᐸᕕᒃᓴᕆᓕᕐᒥᔭᕐᓂ;
3. ᐅᖃᐅᓯᖃᕐᓗᑎᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᕐᕕᐅᓂᑯᖕᓂᒃ ᐱᓚᐅᖅᑕᕐᓂᒃ, ᓲᕐᓗ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑦᑎᕝᕕᐅᓃᑦ;
4. ᐅᐸᒍᑎᖃᑦᑕᕐᓗᑎᑦ ᐋᖅᑭᒃᑕᐅᓯᒪᕙᒌᖅᑐᓄᑦ ᑕᖅᑭᑕᒫᑦ ᐃᓂᒃᓴᕆᕙᒃᑕᕐᓗᓄᑦ, ᐱᓚᐅᕋᓗᐊᕈᕕᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑦᑎᕝᕕᐅᓂᕐᒥᒃ. ᐊᑐᙱᒃᑯᕕᑦ ᐋᖅᑭᒃᑕᐅᓯᒪᕙᒌᖅᑐᒥᒃ ᐃᓂᒃᓴᓕᐅᖅᑕᐅᓯᒪᓂᕐᓂᒃ ᐊᔪᖅᑎᑕᐅᓕᑐᐃᓐᓇᕆᐊᖃᖅᐳᑎᑦ ᓂᖃᐃᓱᕐᓂᕐᒧᑦ ᐱᕚᓪᓕᕈᑕᐅᕙᒃᑐᓂᒃ.

ᖃᐅᔨᒋᐊᕐᕕᒋᓗᒍ ᓄᓇᔅᓯᓐᓂ ᓂᖃᐃᓱᖅᑐᓕᕆᓂᕐᒧᑦ ᐱᓕᕆᔨᒋᔭᐃᑦ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᑎᑎᕋᖅᓯᓂᐊᕐᓗᑎᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑦᑎᕝᕕᐅᕙᖕᓂᕐᒥᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ

ᑐᕆᓯ ᕗᑦ
ᑐᓴᒐᒃᓴᓕᕆᔨᓄᑦ
ᖃᐅᔨᒪᔨᑕᖅ ᐃᓄᓕᕆᔨᒃᑯᑦ
(867) 975-5207
TWood@gov.nu.ca