ᐅᖃᓚᐅᑎᓯᐅᑏᑦ

You are here

ᐊᕐᕌᒍᑕᒫᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑕᐅᔪᒃᓴᐃᑦ ᓂᖃᐃᓱᖅᑎᐅᕙᒃᑐᓄᑦ

ᕕᕝᕗᐊᓕ 11, 2019

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐊᕐᕌᒍᑕᒫᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑕᐅᔪᒃᓴᐃᑦ ᓂᖃᐃᓱᖅᑎᐅᕙᒃᑐᓄᑦ

ᓂᖃᐃᓱᖅᐸᒃᑯᕕᑦ, ᐃᓐᑲᒻᑖᒃᓯᓕᕆᔾᔪᑏᑦ ᑎᑎᕋᕆᐊᖃᖅᐸᐃᑦ ᐊᐅᓪᓚᖅᑎᓪᓗᒍᓗ ᓇᓗᙱᑦᑎᐊᕈᒪᒍᕕᑦ ᐱᕚᓪᓕᕈᑎᒃᓴᕐᓂᒃ ᐱᑐᐃᓐᓇᕆᐊᓕᖕᓂᒃ ᐱᒐᓗᐊᕐᒪᖔᖅᐱᑦ, ᓲᕐᓗ ᓄᑕᕋᖅᓯᐅᑎᑖᕆᕙᒃᑕᑎᑦ, ᐱᑎᑕᐅᓪᓚᕆᒐᔭᖅᑐᖅ ᑮᓇᐅᔭᓕᐅᕐᓂᕐᒧᑦ ᐃᑲᔫᓯᐊᖑᕙᒃᑐᒥᒃ ᐃᓐᓇᐃᑦ ᖄᒃᑲᓐᓂᐊᒍᑦ ᐱᑎᑕᐅᔾᔪᑎᒋᕙᒃᑕᖓᓄᑦ ᐊᒻᒪᓗ ᐱᖁᑎᓄᑦ ᐱᔨᑦᑎᕋᕐᓂᕆᔭᐅᔪᓄᓪᓗ ᑖᒃᓰᔮᖅᑎᑦᑎᓂᖅ.

ᓂᖃᐃᓲᑎᑦ ᐃᑲᔪᖅᑕᐅᔾᔪᑏᑦ ᐊᖏᖅᑕᐅᙱᑐᐃᓐᓇᕆᐊᓖᑦ ᐃᓐᑲᒥᑖᒃᓯᓕᐅᙱᒃᑯᕕᑦ 2018−ᓯᐅᑎᓂ ᑮᓇᐅᔾᔭᒃᓵᓂᑦ ᐲᔭᖅᑕᐅᔪᑦ ᒐᕙᒪᒃᑯᓐᓂᑦ, ᐱᔾᔪᑎᖃᖅᓯᒪᓂᕋᙱᒃᑲᓗᐊᕐᓗᓂ.

ᐋᖅᑭᒃᓯᒪᓕᖅᑎᑦᑎᔪᒪᓂᕐᒧᑦ ᓯᕗᓪᓕᖅᐹᒥᒃ ᑲᔪᓰᓇᖅᑐᒥᒡᓗ ᐊᔪᖅᑎᑕᐅᓇᔭᙱᓐᓂᕐᒥᒃ ᓂᖃᐃᓱᖅᐸᖕᓂᕐᒧᑦ ᐱᕚᓪᓕᕈᑕᐅᕙᒃᑐᓂᒃ, ᐃᒪᐃᑦᑕᕆᐊᖃᖅᐳᑎᑦ:

1. ᑎᑎᕋᖅᓯᓗᑎᑦ ᐃᓐᑲᒻᑖᒃᓯᓕᕆᓂᕐᒧᑦ ᑎᑎᕋᕆᐊᖃᖅᐸᒃᑐᒥᒃ ᐊᐃᕐᕆᓕ 30, 2019 ᑎᑭᓚᐅᙱᓐᓂᖓᓂ.
2. ᐱᑎᑦᑎᓗᑎᑦ ᐊᔾᔨᖓᓂᒃ 2018−ᒧᑦ ᐃᓐᑲᒻᑖᒃᓯᓕᕆᓂᕐᒧᑦ ᑎᑎᕋᖅᑕᐅᓯᒪᔪᒥᒃ (ᐃᒡᓗᒥᐅᑕᐅᖃᑎᒌᓂ ᐊᖓᔪᖅᑳᕆᔭᐅᔪᖅ ᐊᐃᑉᐸᖓᓗ) ᓂᖃᐃᓱᖅᑐᓕᕆᔨᒧᐊᕐᓗᒍᓗ ᐃᓂᒃᓴᒥ ᐅᐸᕕᒃᓴᕆᓕᕐᒥᔭᕐᓂ.
3. ᓇᓗᓇᐃᕐᓗᒋᑦ ᖃᓄᐃᑦᑐᑐᐃᓐᓇᐃᑦ ᐃᓐᑲᒻ ᑖᒃᓯᓄᑦ ᐅᑎᕐᑐᒃᓴᑦ ᑮᓇᐅᔾᔭᒃᓵᑎᑐᑦ.
   - ᐃᓐᑲᒻ ᑖᒃᓯᓄᑦ ᐅᑎᕐᑐᑦ ᐃᓱᒪᒋᔭᐅᓲᖑᕗᑦ ᑮᓇᐅᔭᓕᐊᑦ ᓴᓇᓇᒃ.
   - ᐆᒃᑑᑎᒋᓗᒍ, ᐃᓐᑲᒻ ᑖᒃᓯᒧᑦ ᐅᑎᕐᕕᐅᓚᐅᕈᕕᑦ ᒫᔾᔨ 2019−ᒧᑦ, ᐃᓚᓕᐅᔾᔭᐅᓂᐊᖅᑐᖅ ᐊᐃᕐᕆᓕᒧᑦ ᑮᓇᐅᔭᓕᐊᑎᑐᑦ.

ᐅᐸᒍᑎᖃᑦᑕᕐᓗᑎᑦ ᐋᖅᑭᒃᑕᐅᓯᒪᕙᒌᖅᑐᓄᑦ ᑕᖅᑭᑕᒫᑦ ᐃᓂᒃᓴᕆᕙᒃᑕᕐᓄᑦ, ᐱᓚᐅᕋᓗᐊᕈᕕᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑦᑎᕝᕕᐅᓂᕐᒥᒃ. ᐊᑐᙱᒃᑯᕕᑦ ᐋᖅᑭᒃᑕᐅᓯᒪᕙᒌᖅᑐᒥᒃ ᐃᓂᒃᓴᓕᐅᖅᑕᐅᓯᒪᓂᕐᓂᒃ, ᐊᔪᖅᑎᑕᐅᓕᑐᐃᓐᓇᕆᐊᖃᖅᐳᑎᑦ ᓂᖃᐃᓱᕐᓂᕐᒧᑦ ᐱᕚᓪᓕᕈᑕᐅᕙᒃᑐᓂᒃ.

ᖃᐅᔨᒋᐊᕐᕕᒋᓗᒍ ᓄᓇᔅᓯᓐᓂ ᓂᖃᐃᓱᖅᑐᓕᕆᓂᕐᒧᑦ ᐱᓕᕆᔨᒋᔭᐃᑦ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᑎᑎᕋᖅᓯᓂᐊᕐᓗᑎᑦ ᐃᓐᑲᒻᑖᒃᓯᓕᕆᓂᕐᒧᑦ ᐅᑎᖅᑎᑦᑎᕝᕕᐅᕙᖕᓂᕐᒥᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕆᓯ ᕗᑦ
ᑐᓴᒐᒃᓴᓕᕆᔨᓄᑦ
ᖃᐅᔨᒪᔨᑕᖅ ᐃᓄᓕᕆᔨᒃᑯᑦ
867-975-5207
TWood@gov.nu.ca