ᑲᓇᑕᒥ ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎᓄᑦ ᐱᓕᕆᐊᒃᓴᖅ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᑦ

ᑲᓇᑕᒥ ᓄᓇᕗᒻᒥ ᐃᓪᓗᓕᕆᓂᕐᒧᑦ ᐃᑲᔫᑎᓄᑦ ᐱᓕᕆᐊᒃᓴᖅ

ᑲᓇᑕᒥ−ᓄᓇᕗᒻᒥ ᐃᒡᓗᓕᕆᓂᕐᒧᑦ ᐃᑲᔫᓯᐊᑦ (CHB) ᐱᓕᕆᐊᒃᓴᑦ, ᐊᐅᓚᑕᐅᓪᓗᑎᒃ ᐃᓄᓕᕆᔨᒃᑯᓐᓄᑦ, ᐊᑐᐃᓐᓇᐅᑎᑦᑎᓲᖑᕗᑦ ᑮᓇᐅᔭᑎᒍᑦ ᐃᑲᔫᑎᒃᓴᐅᓚᐅᑲᖕᓂᐊᖅᑐᓂᒃ ᐃᓄᖕᓄᑦ ᐅᕝᕙᓘᓐᓃᑦ ᐃᓚᒌᓄᑦ ᓇᖕᒥᓂᕆᔭᐅᔪᓂᒃ ᐃᒡᓗᓂᒃ ᐊᑐᖅᑐᐊᖅᑐᓂᒃ. ᐊᑐᐃᓐᓇᐅᑎᑦᑎᓲᑦ ᐃᑲᔪᕈᑕᐅᔪᓐᓇᖅᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᓇᖕᒥᓂᕆᔭᐅᔪᓂ ᓂᐅᕕᐊᒃᓴᓂ ᐊᑕᐅᓯᐅᔪᒧᑦ, ᒪᒃᑯᒃᑐᓄᑦ, ᐅᕝᕙᓘᓐᓃᑦ ᐃᓚᒌᓄᑦ ᐃᒡᓗᖃᑎᑦᑎᒍᑕᐅᓗᑎᑦ ᐊᒃᓱᕈᕐᓇᓪᓚᕆᒃᑐᒃᑰᖅᓯᒪᓂᖏᓐᓂᑦ.

ᑖᓐᓇ ᐱᓕᕆᐊᖅ ᐊᑭᓖᓲᖑᕗᖅ ᐊᔾᔨᒌᙱᓐᓂᐅᔪᒥᒃ 24% ᐃᒡᓗᒥᐅᖃᑎᒌᑦ ᑮᓇᐅᔭᓕᐊᖏᓐᓂᒃ ᐊᒻᒪ ᐃᒡᓗᒧᑦ ᐊᑐᖅᑐᐊᕈᑎᒧᑦ ᑭᓯᐊᓂ ᐃᒡᓗᒥᐅᖃᑎᒌᑦ ᐃᒡᓗᒋᔭᐅᖏᓐᓇᓕᕈᓐᓇᕐᓗᑎᒃ. ᐃᒡᓗᒧᑦ ᐊᑐᖅᑐᐊᕈᑎᓕᒫᑦ ᐊᑭᓕᖅᑕᐅᔪᐃᓐᓇᐅᔾᔮᙱᑦᑐᑦ ᐃᑲᔫᑎᒃᑯᑦ, ᐱᓇᔪᒃᑐᓪᓗ ᑲᒪᒋᔭᒃᓴᖃᕐᓗᑎᒃ ᐆᒻᒪᖅᑯᑎᓄᑦ.

ᐱᓇᔪᒃᑐᑦ ᑮᓇᐅᔭᓕᐅᕆᐊᖃᖅᐳᑦ, ᓇᖕᒥᓂᕆᔭᐅᔪᒥᒃ ᐊᑐᖅᑐᐊᕐᓗᑎᒃ ᐊᒻᒪ ᐊᓯᖏᓐᓂᒃ ᐃᒡᓗᒧᑦ ᐃᑲᔫᓯᐊᖅᐸᙱᓪᓗᑎᒃ, ᓲᕐᓗ ᐃᒡᓗᓕᕆᔨᒃᑯᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦ ᐃᒡᓗᖁᑎᖏᓐᓂᒃ. ᐊᖏᖅᑕᐅᕙᒌᖅᓯᒪᔪᑦ ᐃᓚᐅᔪᓐᓇᕐᓂᕐᒧᑦ ᐱᓕᕆᐊᒧᑦ ᐊᑐᐃᓐᓇᕈᖅᑎᑕᐅᔪᓐᓇᖅᐳᑦ, ᑭᓯᐊᓂ ᐱᓇᔪᒃᑐᑦ ᑲᒪᒋᔭᒃᓴᖃᖅᐳᑦ ᐃᒡᓗᑖᖅᑐᕆᐊᖃᖅᖢᑎᒃ ᓇᖕᒥᓂᖅ ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑎᒥᓂᒃ.

ᓇᖕᒥᓂᖅ ᑐᓐᓂᖅᑯᑎᖃᕐᓂᕐᒧᑦ, ᓄᓇᕗᒻᒥ ᓄᓇᑖᖃᑕᐅᓯᒪᔪᑦ ᓯᕗᓪᓕᐅᔾᔭᐅᓂᐊᖅᑐᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑲᓇᑕᒥ-ᓄᓇᕗᒻᒥ ᐃᒡᓗᓕᕆᓂᕐᒧᑦ ᐃᑲᔫᑎᓄᑦ ᐱᓕᕆᐊᒧᑦ ᐊᒻᒪᓗ ᐃᑲᔪᖅᑕᐅᓂᕐᒧᑦ ᐱᓇᓱᐊᕐᓂᕐᒧᑦ, ᖃᐅᔨᒋᐊᕐᕕᒋᓗᒍ ᐲᐱᓕ ᖄᐱᒃ ᐅᕗᖓ pqappik2@gov.nu.ca ᐅᕝᕙᓘᓐᓃᑦ ᐅᖃᓗᒡᓗᑎᑦ 867-975-5261-ᒧᑦ.

ᑖᓐᓇ ᐱᓕᕆᐊᖅ ᐊᔪᕐᓇᙱᑎᑕᐅᕗᖅ ᑮᓇᐅᔭᖃᖅᑎᑕᐅᓂᒃᑯᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᐊᖅᑯᑎᖃᖅᑐᑎᒃ ᑲᓇᑕᒥ ᐃᓪᓗᓕᕆᔨᕐᔪᐊᑯᓐᓂᑦ.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᑦ:

ᐋᓐᑐᓂ ᑳᓂ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
ACanny@gov.nu.ca