ᐅᖃᓚᐅᑎᓯᐅᑏᑦ

You are here

ᓂᖃᐃᓱᖅᐸᖕᓂᕐᒧᑦ ᑲᔪᓂᕆᔭᐅᕙᒃᑐᑦ

ᔭᓐᓄᐊᓕ 07, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂᑦ

ᓂᖃᐃᓱᖅᐸᖕᓂᕐᒧᑦ ᑲᔪᓂᕆᔭᐅᕙᒃᑐᑦ

ᓂᖃᐃᓱᖅᑐᓕᕆᓂᖅ ᐅᑎᕐᓂᐊᓕᖅᐳᖅ ᐊᑐᖅᑕᐅᕙᒃᑐᑐᖃᕐᓄᑦ, ᐊᑕᖐᓗᓂ ᖃᐅᔨᓴᖅᓯᕙᖕᓂᕐᓄᑦ, ᑕᕝᕙᒻᒪᕆᐅᓂᕋᐃᔪᓐᓇᕐᓂᕐᓄᓪᓗ ᑲᔪᓯᓂᐅᕙᒃᑐᓄᑦ ᔭᓄᐊᕆᒥ, ᑕᒪᐃᓐᓂ ᓄᓇᓕᖕᓂ ᑭᑭᑕᐅᓗᑎᒃ ᐊᕐᕕᐊᕐᒥᐅᑦ ᑎᑭᕋᕐᔪᐊᕐᒥᐅᓪᓗ.

ᐅᐸᒡᕕᒃᓴᓕᐅᕐᓂᖅ ᐊᑐᖅᑕᐅᔭᕆᐊᖃᕐᐳᖅ. ᖃᐅᔨᒋᐊᕐᓗᒍ ᓂᖃᐃᓱᖅᑐᓕᕆᔨ ᐅᐸᒡᕕᒃᓴᓕᐅᕈᒪᓗᑎᑦ ᐅᐸᒡᕕᒃᓴᖄᓂᖏᒃᑯᕕᑦ. ᖃᐅᔨᒪᔭᕆᐊᖃᕐᐳᑎᑦ ᖃᐅᔨᓴᖅᑕᐅᕙᒌᕆᐊᖃᕋᕕᑦ ᐅᖃᓘᑎᒃᑯᑦ ᐅᕝᕙᓘᓐᓃᑦ ᐅᐸᒡᓗᒋᑦ.

ᑎᑎᕋᖅᓯᒪᖏᑉᐸᑦ ᐅᐸᒡᕕᒃᓴᐃᑦ ᐊᒻᒪᓗ ᐅᖃᓘᑎᒧᐊᕈᓐᓇᖏᒃᑯᕕᑦ, ᖃᐅᔨᒋᐊᖁᔨᕗᒍᑦ ᓂᖃᐅᓱᕐᕕᒃ ᐊᒻᒪᓗ ᐊᑐᐃᓐᓇᐅᑎᑕᐅᓗᑎᒃ ᐅᐸᒡᕕᒃᓴᒥᑦ. ᐱᔾᔪᑎᒋᓪᓗᒍ ᓄᕙᒡᔪᐊᕐᓇᖅ−19 ᐊᑕᐅᓯᕐᒥᑐᐊᕐᒥᒃ ᐃᓄᖕᒥᒃ ᐅᐸᒃᑐᖃᕈᓐᓇᖅᐳᖅ ᐊᑕᐅᓯᐅᑦᑕᕐᓗᑎᒃ ᓂᖃᐃᓱᕐᕕᖕᒧᑦ.

ᐱᒻᒪᕆᐅᕗᖅ ᐊᑐᐃᓐᓇᐅᑎᑦᑎᓗᓂ ᑐᓴᐅᒪᑎᑦᑎᔾᔪᑎᓂ ᑮᓇᐅᔭᖅᑖᕈᑎᒋᔭᓕᒫᑎᑦ. ᐱᖃᕆᐊᖃᕐᐳᑎᑦ ᐊᐅᑦᑕᔫᓂ ᓇᓗᓇᐃᒃᑯᑎᒥᑦ, ᑮᓇᐅᔭᓕᐊᕆᓚᐅᖅᑕᕕᑦ ᓇᓗᓇᐃᒃᑯᑕᖏᑦ, ᑮᓇᐅᔭᖃᕐᕖᑦ ᓇᓗᓇᐃᒃᑯᑕᖏᑦ ᐊᒻᒪᓗ ᑲᓇᑕᒥᑦ ᑮᓇᐅᔭᓕᕆᔨᒃᑯᓐᓂᖔᖅᑐᓂ ᓇᓗᓇᐃᒃᑯᑕᓂᑦ. ᓇᒃᓴᕐᓗᒋᑦ 2018 ᐅᕝᕙᓘᓐᓃᑦ 2019−ᒥᑦ ᑮᓇᐅᔾᔭᒃᓴᓂᑦ ᐲᔭᖅᑕᐅᔪᑦ ᒐᕙᒪᒃᑯᓐᓂᑦ ᐅᑎᖅᑐᒃᓴᑦ ᐊᑐᐃᓐᓇᐅᑎᓪᓗᒋᑦ ᖃᕋᓴᐅᔭᒃᑯᑦ ᐃᓯᖅᑕᐅᔪᓐᓇᕐᓂᐊᕐᒪᑦ ᑲᓇᑕᒥᑦ ᐃᓐᑲᒻᑖᒃᓯᓕᕆᔨᒃᑯᓐᓂ ᐱᖃᕐᕕᒋᔭᕐᓂᒃ. ᓂᖃᐃᓱᖅᑐᓕᕆᔨᒧᑦ ᐃᑲᔪᖅᑕᐅᔪᓐᓇᖅᐸᖕᓃᑦ ᑲᔪᓯᔪᓐᓇᔾᔮᙱᑦᑐᖅ ᑎᑎᖃᖁᑎᖃᙱᒃᑯᕕᑦ ᑕᒪᐃᓐᓂᒃ ᑎᑎᖅᑲᖁᑎᒋᔭᐅᔭᕆᐊᓕᖕᓂᒃ.

ᑎᓕᐅᕆᕗᒍᑦ ᖃᐅᔨᒋᐊᖁᔨᕗᒍᑦ ᑲᓇᑕᒥᑦ ᐅᑎᖅᑐᒃᓴᓕᕆᔨᒃᑯᑦ ᓇᓗᓇᐃᖅᓯᓗᑎᒃ ᐱᔪᓐᓇᐅᑎᓂᑦ ᑲᓇᑕᒥᑦ ᐃᑲᔫᑎᒃᓴᓄᑦ ᑮᓇᐅᔭᒃᓴᓂᑦ (CRB). ᑲᓇᑕᒥᑦ ᐃᑲᔫᑎᒃᓴᓄᑦ ᑮᓇᐅᔭᒃᓴᓂᑦ ᐱᔪᓐᓇᐅᑎᑖᖅᓯᒪᔪᑦ ᐃᓗᓕᖏᑦ ᐊᔾᔨᒌᖏᕈᓘᔭᖅᐳᖅ, ᐊᒻᒪᓗ ᓂᖃᐃᓱᖃᑦᑕᕐᓂᕈᕕᑦ ᑕᕿᓄᑦ 12−ᓄᑦ, ᐱᔪᓐᓇᖅᐳᑎᑦ. ᑲᓇᑕᒥᑦ ᐃᓐᑲᒻᑖᒃᓯᓕᕆᔨᒃᑯᑦ ᐱᔪᓐᓇᕐᒪᖔᖅᐱᑦ ᓇᓗᓇᐃᔭᐃᕙᒃᑐᑦ.

ᐃᑲᔪᖃᑦᑕᐅᑎᓚᐅᖅᑕ ᑕᒪᑦᑕ ᐊᑐᓂᑦ ᖁᐊᖅᓵᕐᓇᖅᑐᒦᙱᓪᓗᑕ. ᐳᐃᒍᖅᑕᐃᓕᒋᑦ ᐊᑐᕐᓂᐊᕆᐊᒃᓴᖅ ᐃᓅᖃᑎᖕᓂᒃ ᐅᖓᓯᒃᓴᖅᐸᖕᓂᕐᒥᒃ, ᑲᔪᓯᑎᑦᑎᕙᖕᓂᕐᒥᒃ ᖁᐊᖅᓵᕐᓇᙱᑦᑐᒥᒃ ᐅᖓᓯᒋᔭᖃᕐᓂᕐᒥᒃ 2 ᒦᑕᓂᒃ, ᐃᕿᑦᑎᑦᑕᐃᓕᒋᑦ, ᑕᓯᐅᖃᑦᑖᖅᓯᑦᑕᐃᓕᒋᑦ, ᑯᓂᒃᓯᑦᑕᐃᓕᒋᓪᓘᓐᓃᑦ. ᒪᑐᐊᕐᒥᑦ ᐊᑐᕐᓗᓯ ᐊᒻᒪ ᐊᒡᒐᑎᑦ ᐅᐊᓴᖃᑦᑕᐃᓐᓇᕐᓗᒋᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᓯ ᐊᖅᐱᒃ
ᑐᓴᒐᒃᓴᓕᕆᔨᒻᒪᕆᒃ
ᐃᓄᓕᕆᔨᒃᑯᑦ
867-975-5207
LAqpik@gov.nu.ca