ᐅᖃᓚᐅᑎᓯᐅᑏᑦ

You are here

ᐱᔪᒪᓂᖃᕐᓂᖅ ᐃᓚᒋᔭᐅᓂᐊᖅᑐᓂᒃ − ᓄᓇᕗᒻᒥ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᖢᑎᒃ ᐸᐃᑉᐹᖅᑖᕋᓱᐊᕐᓂᖅ ᐃᖅᑲᓇᐃᔮᕆᔭᐅᕙᒃᑐᓄᑦ ᐃᓂᒋᔭᐅᕙᒃᑐᓄᓪᓗ ᐃᖅᑲᓇᐃᕐᕕᐅᓪᓗᑎᒃ ᓇᓗᓇᐃᒃᑯᑕᖅᑖᖅᑎᑦᑎᕙᖕᓂᕐᒧᑦ ᑲᑎᒪᔩᑦ

ᔪᓚᐃ 20, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐱᔪᒪᓂᖃᕐᓂᖅ ᐃᓚᒋᔭᐅᓂᐊᖅᑐᓂᒃ − ᓄᓇᕗᒻᒥ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᖢᑎᒃ ᐸᐃᑉᐹᖅᑖᕋᓱᐊᕐᓂᖅ ᐃᖅᑲᓇᐃᔮᕆᔭᐅᕙᒃᑐᓄᑦ ᐃᓂᒋᔭᐅᕙᒃᑐᓄᓪᓗ ᐃᖅᑲᓇᐃᕐᕕᐅᓪᓗᑎᒃ ᓇᓗᓇᐃᒃᑯᑕᖅᑖᖅᑎᑦᑎᕙᖕᓂᕐᒧᑦ ᑲᑎᒪᔩᑦ

ᐃᑲᔪᕈᒪᓇᔭᖅᐲᑦ ᑕᓯᐅᖅᓯᓂᕐᒥᒃ ᓯᕗᓂᒃᓴᖏᓐᓄᑦ ᐃᖅᑲᓇᐃᔮᕆᔭᐅᕙᒃᑐᑦ ᓄᓇᕗᒻᒦ?

ᓄᓇᕗᒻᒥ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᖢᑎᒃ ᐸᐃᑉᐹᖅᑖᕋᓱᐊᕐᓂᒃᒧᑦ (NATOC−ᑯᑦ) ᑲᑎᒪᔨᖏᑦ ᐊᑎᖅᓯᑲᑕᒃᐳᑦ ᐱᓇᔪᒍᑎᒋᔭᐅᔪᓂᒃ ᐃᓂᑖᖅᑎᑕᐅᖁᔭᐅᔪᓂᒡᓗ ᓄᓇᕗᒻᒥᐅᓂᑦ ᐃᓚᒋᔭᐅᓂᐊᕐᓗᑎᒃ ᑲᑎᒪᔨᓄᑦ ᒪᕐᕉᖕᓄᑦ ᐊᕐᕌᒎᖕᓄᑦ ᐃᓂᖃᖅᑎᑕᐅᓗᑎᒃ, ᑕᒪᓐᓇ ᐱᒋᐊᕐᓗᓕ ᐊᐅᒍᔅᑦ 2018−ᒥ.

ᑖᒃᑯᐊ ᑲᑎᒪᔩᑦ ᐅᖃᐅᔾᔪᐃᔨᒋᔭᐅᕙᒃᐳᑦ ᑲᑎᒪᔨᐅᓪᓗᑎᒃ ᐱᑎᑦᑎᕙᒃᖢᑎᒃ ᖃᓄᐃᓕᐅᖅᓯᓂᐊᕐᓂᕐᒧᑦ ᖃᓄᐃᓕᐅᖁᔨᓂᕐᒥᒃ ᖃᓄᐃᓕᐅᖁᔭᐅᓇᔭᖅᑐᓂᒡᓗ ᒥᓂᔅᑕᕆᔭᐅᔪᒧᑦ ᐃᓄᓕᕆᔨᒃᑯᓐᓄᑦ ᐱᔾᔪᑕᐅᔪᓄᑦ ᐊᒃᑐᐊᓂᓕᖕᓄᑦ ᐃᖅᑲᓇᐃᔭᖅᑎᕈᖅᓴᕐᓂᕐᒧᑦ, ᐃᖅᑲᓇᐃᔮᕆᔭᐅᕙᒃᑐᓄᑦ ᐃᓂᒋᔭᐅᕙᒃᑐᓄᓪᓗ ᐃᖅᑲᓇᐃᔭᕐᓂᕐᒧᑦ, ᐱᕙᒃᖢᑎᒡᓗ ᕿᒥᕐᕈᐊᖅᓯᒃᑲᓐᓂᖅᐸᒃᖢᑎᒡᓗ ᐱᓇᔪᒃᑲᓐᓂᕈᑕᐅᔪᓂᒃ ᐅᑯᑎᒎᓇᖅ, ᐃᖅᑲᓇᐃᔭᖅᑎᕈᖅᓴᓂᕐᒧᑦ ᐱᖁᔭᖕᓂ.

ᑲᑎᒪᔨᐅᖃᑕᐅᔪᑦ ᐅᓪᓗᒥᒧᑦ ᐊᖑᒻᒪᑎᔪᓂᒃ ᐊᑐᕈᓐᓇᖅᑐᓂᒃ ᖃᐅᔨᒪᓂᖃᕆᐊᖃᖅᐳᑦ ᐱᓕᐊᖃᓪᓚᑦᑖᖅᓯᒪᓗᑎᒡᓗ ᐃᖅᑲᓇᐃᔮᕆᔭᐅᕙᒃᑐᓂ ᐱᓕᕆᕝᕕᒋᔭᐅᔪᓂᓗ ᐱᕙᓪᓕᐊᑎᑦᑎᓂᕐᓂᒃᓄᓇᕗᒻᒥ,ᐊᒻᒪᓗ/ᐅᕝᕙᓘᓐᓃᑦ ᐱᓕᕆᕙᒡᓗᓂ Journeyman−ᖑᔭᕆᐊᖃᖅᐳᖅ ᓇᓕᐊᓂᑐᐃᓐᓇᖅ ᓄᓇᕗᒻᒧᑦ ᑐᕌᒐᑎᑕᐅᔪᓂᒃ ᐃᖅᑲᓇᐃᔮᕆᔭᐅᕙᒃᑐᓂᒃ, ᐊᕐᕌᒍᐃᑦ ᑕᓪᓕᒪᑦ ᑐᖔᓂᐅᙱᑦᑐᖅ ᐱᓕᕆᖃᑦᑕᕐᓂᑰᓗᓂ ᐱᐊᓪᓚᓚᐅᕐᓗᓂ ᐃᖅᑲᓇᐃᔮᕆᔭᒥᓄᑦ ᓇᓗᓇᐃᒃᑯᑕᕐᒥᒃ.

ᑐᓴᖅᑕᖃᒃᑲᓐᓂᕈᒪᔪᖃᖅᐸᑦ NATOC−ᑯᑦ ᑲᑎᒪᔨᖏᓐᓄᑦ, ᖃᓄᕐᓘᓐᓃᑦ ᑖᒃᑯᓄᖓ ᐃᓚᒋᔭᐅᓕᕈᓐᓇᕐᓂᕐᒥᒃ, ᐅᓇ ᖃᐅᔨᒋᐊᕐᕕᒋᓗᒍ, ᕌᐳᑦ ᑭᓕᑦ, ᑐᑭᒧᐊᖅᑎᑦᑎᔨ, ᐃᖅᑲᓇᐃᔮᕆᔭᐅᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᐅᕙᓂ: RClift@gov.nu.ca

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑐᕆᓯ ᕗᑦ
ᐊᑐᐊᒐᓕᕆᔨ ᐃᓄᓕᕆᔨᒃᑯᑦ
867-975-5207
TWood@gov.nu.ca