ᐅᖃᓚᐅᑎᓯᐅᑏᑦ

You are here

ᐱᓇᓱᐊᓕᕆᑦ ᔮᓄᐊᕆ 2018 ᐃᓕᓐᓂᐊᒐᒃᓴᒧᑦ ᐱᕙᒌᔭᖅᐸᓪᓕᐊᓂᖅ ᐃᖅᑲᓇᐃᔭᖕᓂᖕᒧᑦ ᐃᓕᓐᓂᐊᕐᓂᖕᒧᓪᓗ ᐱᓕᕆᐊᒃᓴᒧᑦ

ᐊᒃᑐᐸ 30, 2017

ᑭᒃᑯᓕᒫᓄᑦ ᑐᓴᒐᒃᓴᖅ

ᐱᓇᓱᐊᓕᕆᑦ ᔮᓄᐊᕆ 2018 ᐃᓕᓐᓂᐊᒐᒃᓴᒧᑦ ᐱᕙᒌᔭᖅᐸᓪᓕᐊᓂᖅ ᐃᖅᑲᓇᐃᔭᖕᓂᖕᒧᑦ ᐃᓕᓐᓂᐊᕐᓂᖕᒧᓪᓗ ᐱᓕᕆᐊᒃᓴᒧᑦ

ᐊᔪᕈᓐᓃᕈᒪᕕᑦ ᐊᑑᑎᖃᕋᔭᖅᑐᓂᑦ ᐃᖅᑲᓇᐃᔮᒃᓴᖅᓯᐊᖕᓂᖕᒧᑦ?

ᑕᒪᓐᓇ "ᐱᕙᒌᔭᖅᐸᓪᓕᐊᓂᖅ ᐃᖅᑲᓇᐃᔭᖕᓂᖕᒧᑦ ᐃᓕᓐᓂᐊᕐᓂᖕᒧᓪᓗ" ᐱᓕᕆᐊᒃᓴᐅᓛᖕᒪᑕ ᐊᐅᓱᐃᑦᑐᒥᑦ, ᖃᐅᓱᐃᑦᑐᒥᑦ, ᑎᑭᕋᕐᔪᐊᒥᑦ, ᑕᓗᕐᔪᐊᓂᑦ, ᐊᕐᕕᐊᓂᑦ ᓇᐅᔮᓂᓪᓗ ᔮᓄᐊᕆ 15−ᒥᑦ ᐊᐃᕆᓕ 20, 2018−ᒧᑦ.

ᑖᓐᓇ ᐱᓇᓱᐊᕈᓯᓄᑦ 14-ᓄᑦ ᐃᓕᓐᓂᐊᕐᑎᑦᑎᔾᔪᑕᐅᕗᖅ ᐊᔪᕈᓐᓃᒐᒃᓴᓂᑦ, ᖃᕆᑕᐅᔭᓂ, ᓇᖕᒥᓂᖅ ᑎᑎᖅᑭᕆᓂᐅᖕᓂᖕᒥᑦ ᐃᖅᑲᓇᐃᔭᖕᓂᖕᒧᑦ ᐱᕙᒌᔭᖕᓂᖕᒥᑦ. ᐱᓇᓱᐊᕈᓰᖕᓄᑦ ᒪᕐᕉᖕᓄ, ᐊᔪᕆᖅᓱᖅᑕᐅᕙᓪᓕᐊᓗᓂ ᐃᖅᑲᓇᐃᔭᖕᓂᖕᒥᑦ ᐃᓚᖃᖅᑐᖅ.

ᑭᓇᑐᐃᓐᓇᖅ ᐃᓚᐅᔪᖅ ᑕᒡᕙᓂ:

  • ᐊᔪᕈᓐᓃᕐᓗᓂ/ᐊᔪᕈᓐᓃᖅᐹᓪᓕᒃᑲᓐᓂᕐᓗᓂ ᐃᖅᑲᓇᐃᔭᖕᓂᖕᒧᑦ.
  • ᑕᑯᓇᕐᓗᓂ ᓇᖕᒥᓂᖅ ᐃᖅᑲᓇᐃᔭᖕᓂᖕᒧᓪᓗ ᐱᓇᓱᐊᖅᑕᖏᓐᓂᑦ, ᓇᓗᓇᐃᔭᐃᓗᓂᓗ ᐃᓕᓐᓂᐊᒐᒃᓴᓂ ᐃᖅᑲᓇᐃᔮᒃᓴᓂᒡᓗ.
  • ᓄᑖᙳᕆᐊᕐᓗᓂᐅᒃ ᐃᖅᑲᓇᐃᔮᒃᓴᖅᓯᐅᕈᑎᓂ ᑎᑎᖅᑲᓕᐅᖕᓂᖕᒥᓪᓗ, ᐱᓕᒻᒪᒃᓴᕐᓗᑎᒡᓗ ᐊᐱᖅᓱᖅᑕᐅᓂᖕᒧᑦ ᐃᖅᑲᓇᐃᔮᒃᓴᒧᑦ.
  • ᓄᓇᕗᒻᒥᑦ ᐃᖅᑲᓇᐃᔮᒃᓴᓂᑦ ᐃᓕᑦᑎᒃᑲᓐᓂᕐᓗᓂ.

ᐃᑲᔫᓯᐊᖅᐸᒃᑯᕕᑦ/ᓂᖃᐃᓲᓯᐊᖅᐸᒃᑯᕕᑦ ᓇᓕᐊᓐᓃᓪᓗᑎᓪᓗ ᓄᓇᓕᖕᓂᑦ ᐱᓇᔪᒍᒪᓗᑎᒡᓗ ᐆᒥᖓ, ᐅᖃᓪᓚᒍᓐᓇᖅᐳᑎᑦ ᐃᑲᔫᓯᐊᖅᑐᓕᕆᔨᔅᓯᓐᓄᑦ ᑐᑭᓯᕚᓪᓕᕐᓂᐊᕐᓗᑎᑦ. ᐃᓚᐅᔪᑦ ᐅᐸᖃᑦᑕᑦᑎᐊᖅᑐᑦ ᐅᐸᒍᓯᐊᖕᓂᐊᖅᑐᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑭᐅᕋ ᕙᓐᑕᓐ ᐴᒪᓐᒧᑦ ᐅᖄᓚᓗᑎᑦ ᐅᕗᖓ 867-975-5244 ᐃᕐᖐᓐᓇᒃᑰᕈᑎᒃᑯᓪᓘᓐᓃᑦ KVBoomen@gov.nu.ca.

###

ᑐᓴᒐᒃᓴᓄᑦ ᖃᐅᔨᒋᐊᕐᕕᒃᓴᖅ:

ᔭᐃᑦ ᐆᐃᓐ
ᑐᓴᐅᒪᔪᓕᕆᔨᒻᒪᕆᒃ ᐃᓄᓕᕆᔨᒃᑯᑦ
867-975-5207
JOwen@gov.nu.ca