ᐅᖃᓚᐅᑎᓯᐅᑏᑦ

You are here

ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ


ᒪᓕᒐᓕᐅᖅᑎ ᖁᐊᓴ ᑯᓱᒐᖅ ᓂᕈᐊᖅᑕᐅᓚᐅᖅᐳᖅ ᓂᕈᐊᕐᓇᐅᑎᓪᓗᒍ ᐅᑐᐱᕆ 30, 2017-ᒥ, ᑭᒡᒐᖅᑐᖅᑎᐅᓂᐊᖅᖢᓂ ᑲᖏᕐᖠᓂᖅ ᓂᒋᐊᓄᑦ ᑕᓪᓕᒪᖓᓐᓂ ᒪᓕᒐᓕᐅᕐᕕᖕᒥᑦ ᓄᓇᕗᒻᒥ.

ᑯᓱᒐᖅ ᓂᕈᐊᖅᑕᐅᓚᐅᖅᐳᖅ ᐱᔨᑦᑎᕐᓗᓂ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017−ᒥᑦ, ᑲᑎᒪᑎᓪᓗᒋᑦ ᓄᓇᕗᒻᒥ ᓯᕗᓕᖅᑎᔅᓴᐅᔪᓂᑦ ᓂᕈᐊᕐᓂᖃᖅᑎᓪᓗᒋᑦ. ᒥᓂᔅᑕ ᑯᓱᒐᖅ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒧᑦ ᓄᕕᐱᕆ 21, 2017-ᒥᑦ. ᐱᔨᑦᑎᕐᖢᓂ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᐊᒻᒪ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ.

ᑯᓱᒐᖅ ᐱᔨᑦᑎᕋᓵᓚᐅᖅᑐᖅ ᐱᖓᔪᖓᓐᓂ ᒪᓕᒐᓕᐅᕐᕕᖕᒥ, ᑕᐃᑲᓂ ᖃᔅᓯᑲᓪᓚᖕᓂᒃ ᐃᖅᑲᓇᐃᔮᖃᕐᖢᓂ, ᐃᓚᐅᓪᓗᓂ ᒐᕙᒪᖃᕐᕕᖕᒥ ᓯᕗᓕᐅᖅᑎ, ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓄᑦ ᐊᒻᒪ ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ  ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᓐᓄᑦ.

ᑯᓱᒐᖅ ᑲᒪᒋᔭᖃᖅᓯᒪᔪᖅ ᖃᔅᓯᑲᓪᓚᖕᓄᑦ ᒐᕙᒪᒃᑯᑦ ᑎᑎᕋᕐᕕᖏᓐᓂ, ᐃᓚᐅᓪᓗᓂ ᐱᔨᑦᑎᕐᓂᖅ ᑲᑎᙵᙱᑦᑐᓂ ᐱᖓᓱᓂᒃ ᐃᖅᑲᓇᐃᔮᓂᑦ ᐃᓱᓕᕝᕕᒃᓴᖃᖅᑐᓂᑦ ᒪᐃᔭ ᑲᖏᕐᖠᓂᕐᒧᑦ. ᐃᖅᑲᓇᐃᔮᖃᖅᑎᓪᓗᒍ, ᑯᓱᒐᖅ ᐃᖅᑲᓇᐃᔭᖅᑎᐅᓯᒪᖕᒥᔪᖅ ᑐᑭᒧᐊᒃᑎᑦᑎᔨᒻᒪᕆᒃ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᖏᖏᓐᓄᑦ ᐊᒻᒪᓗ ᐊᐅᓚᑦᑎᔨᒻᒪᕆᒃ ᓄᓇᕗᒻᒥ ᐃᓕᓐᓂᐊᕐᓂᐅᔪᕐᒧᑦ ᑲᑎᒪᔨᕋᓛᖏᓐᓄᑦ.

ᐱᓕᕆᓗᐊᙱᑦᑕᕌᖓᒥ ᑲᑎᒪᔨᐅᕝᕕᒋᖃᖅᑕᖏᓐᓂ ᓇᓂᔪᓐᓇᒐᔪᒃᑕᑦ ᕿᔪᓕᕆᕝᕕᖓᓂ ᓴᓇᕈᓘᔭᖅᑐᖅ ᐃᕐᖑᑕᖏᓐᓄᑦ. ᑯᓱᒐᖅ ᐊᑖᑕᒋᔭᐅᔪᖅ ᐱᖓᓱᓄᑦ ᐸᓂᖏᓐᓄᑦ, ᑳᓐᑎᔅ ᐊᒋᐊᖅ, ᓄᐊᑏ ᐊᒻᒪ ᑎᐅᕆ ᐊᒃᐸᓕᐊᐱᒃ, ᐱᕈᖅᓴᔭᖏᑦ ᐱᖃᑎᒋᓪᓗᒍ ᓄᓕᐊᖓ ᓵᓪᓕ.