ᐃᖅᑲᓇᐃᔮᒃᓴᑦ ᐱᕕᒃᓴᑦ ᐊᐅᔭᐅᓂᖓᓂ ᐃᓕᓐᓂᐊᖅᑎᓄᑦ

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ
ᐃᖅᑲᓇᐃᔮᒃᓴᑦ ᐱᕕᒃᓴᑦ ᐊᐅᔭᐅᓂᖓᓂ ᐃᓕᓐᓂᐊᖅᑎᓄᑦ

ᓄᓇᕗᒻᒥ ᒐᕙᒪᒃᑯᑦ ᑐᙵᓱᒃᑎᑦᑎᔪᑦᓄᓇᕗᒻᒥ ᐃᓄᖕᓂᑦ ᐊᒻᒪ ᓄᓇᕗᒥᐅᑦ ᐃᓕᓐᓂᐊᖅᑎᓂᑦ ᐊᐅᔭᒃᑯᑦ ᐃᖅᑲᓇᐃᔮᒃᓴᓄᑦ ᐊᓕᐊᓇᐃᑦᑐᓂᒃ ᐆᒃᑐᖁᔭᐅᑦᑎᐊᖅᐳᑦ. ᐅᕙᑦᑎᓐᓄᑦ ᐃᓚᓕᐅᑎᔭᖅᑐᕆᑦ ᓄᓇᕗᒻᒥ ᒐᕙᒪᒃᑯᑦ ᐃᓕᑦᑎᔭᖅᑐᕐᓗᑎᑦ ᓄᑖᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᐱᓗᑎᓪᓗ ᐊᓐᓂᕐᓇᖅᑐᒥᒃ ᐃᖅᑲᓇᐃᔭᕐᓂᕐᒧᑦ ᐱᓕᕆᐊᖃᕐᓂᑰᓕᕐᓂᕐᒥᒃ!

ᑕᒪᓐᓇ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᑕᐅᓂᕐᒧᑦ ᓇᓕᒧᒃᓱᐃᑎᑕᐅᓪᓗᓂ ᐱᓕᕆᐊᖑᕙᒃᑐᖅ ᒪᓂᒪᑎᑕᐅᕙᒃᐳᖅ ᐊᕐᕌᒍᑕᒫᑦ ᐃᓕᓐᓂᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᑎᒃ ᐃᓕᓐᓂᐊᕐᕕᖕᓂᓗ ᐃᓕᓐᓂᐊᕌᓂᒃᓯᒪᓗᑎᒃ ᐃᓕᓐᓂᐊᖅᑎᓄᑦ ᑎᓕᐅᕆᔪᒪᓂᕐᒧᑦ ᑲᔪᓰᓐᓇᖅᑐᒥᒃ ᐃᓕᑦᑎᕙᓪᓕᐊᓂᕐᒥᒃ ᑲᔪᓯᑎᑦᑎᓗᓂᓗ ᐊᔪᕈᓐᓃᖅᑕᐅᕙᒃᑐᓄᑦ ᐃᖅᑲᓇᐃᔭᖅᑎᐅᓂᕐᒧᓪᓗ ᐱᕙᓪᓕᐊᓂᕐᒧᑦ. ᐃᖅᑲᓇᐃᔭᕐᓂᖅ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᑕᐅᓂᕐᒧᑦ ᓇᓕᒧᒃᓱᐃᑎᑕᐅᓪᓗᓂ ᐱᓕᕆᐊᖑᕙᒃᑐᖅ ᑲᔪᓯᑎᑕᐅᕙᒃᐳᖅ ᐄᕈᐳ 1−ᒥᑦ ᓯᑎᐱᕆ 30−ᒧᑦ.

ᐱᓇᔪᒍᑕᐅᔪᑦ ᐊᖏᖅᑕᐅᖃᑦᑕᕐᓂᐊᖅᐳᑦ ᐄᐳᕈ 1−ᓗ ᔪᓚᐃ 14, 2023−ᓗ ᐊᑯᓐᓂᖏᓐᓂ. ᑕᐃᒃᑯᐊ ᐱᓇᔪᒃᓵᓕᓂᖅᓴᐃᑦ ᐱᐅᓂᒃᓴᒥᒃ ᐱᕕᒃᓴᖃᕈᓐᓇᕐᓂᐊᖅᐳᑦ ᐱᓯᒪᓕᕋᔭᕐᓂᕐᒥᒃ ᐃᖅᑲᓇᐃᔭᖅᑎᑕᐅᓂᕐᒥᒃ, ᑕᐃᒪᐃᓐᓂᖓᓄᓪᓗ ᐃᓕᓐᓂᐊᖅᑏᑦ ᑎᓕᐅᖅᑕᐅᕗᑦ ᐱᓇᔪᓯᑲᐅᑎᒋᖁᔭᐅᓪᓗᑎᒃ.

ᐊᔪᖅᑎᑕᐅᙱᓐᓂᕐᒧᑦ ᒪᓕᒃᑕᐅᔭᕆᐊᓕᖕᓄᑦ, ᐱᓇᔪᒡᓗᓂ ᐃᑲᔪᖅᑕᐅᔪᒪᓂᕐᒧᑦ, ᐱᓇᔪᒍᒪᓗᓂᓘᓐᓃᑦ, ᐅᓇ ᑕᑯᔭᑐᕐᓗᒍ, https://www.gov.nu.ca/iu/human-resources/information/aujakkut-ilinniaqtinut-iqkanaijaat,  ᖃᐅᔨᒋᐊᕐᕕᒋᓗᒍᓘᓐᓃᑦ ᖃᐅᔨᒋᐊᕕᒋᔪᓐᓇᖅᑕᐃᑦ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᑎᑎᕋᕐᕕᒋᔭᐅᔪᖅ:

###

ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃᐅᔪᓐᓇᖅᑐᖅ:

ᒥᐅᕆᐅᓪ ᔭᓵᓐᑦ
ᑐᓴᐅᒪᔪᓕᕆᓂᖅ ᐊᒻᒪ ᑎᑎᕋᐅᔭᖅᓯᒪᔪᓂᒃ
ᐃᖅᑲᓇᐃᔭᖅᑐᓕᕆᔨᒃᑯᑦ
867-975-6219
HRCommunications@gov.nu.ca