ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᑎᓕᐅᖅᐳᑦ ᓄᑖᒥᒃ ᑲᑐᔾᔨᖃᑎᒌᑦᓱᑎᒃ ᐊᖏᖃᑎᒌᒍᑎᒥᒃ

ᐊᒐᓯ 08, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓴᖅᑭᖅᑕᐅᑦᓴᐅᑎᒋᒋᐊᓕᒃ:

ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᑎᓕᐅᖅᐳᑦ ᓄᑖᒥᒃ ᑲᑐᔾᔨᖃᑎᒌᑦᓱᑎᒃ ᐊᖏᖃᑎᒌᒍᑎᒥᒃ

ᐃᖃᓄᐃᑦ, ᓄᓇᕗᑦ (ᐊᒐᓯ 8, 2022) − ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᐃᖅᑲᓇᐃᔭᖅᑏᑦᑦ ᑲᑐᔾᔨᖃᑎᒌᖏᑦ (NEU) ᐊᑎᓕᐅᖅᐳᑦ ᓄᑖᒥᒃ ᐊᖏᖃᑎᒌᒍᑕᐅᔪᒥ ᐅᓪᓗᒥ.

ᐱᖓᓲᔪᖅᑐᓄᑦ ᐊᖏᕈᑎ ᐊᑐᐃᓐᓇᐅᑎᑦᓯᔪᖅ ᑲᑎᓪᓗᒋᑦ ᑮᓇᐅᔾᔭᑦᓵᖏᑎᒍᑦ ᐊᑭᖅᑐᕆᐊᖅᑕᐅᔪᑦ 9 ᐳᓴᓐᑎᒥ (9.31 ᐳᓴᓐᑎᒥ ᑲᑎᑕᐅᕙᓪᓕᐊᔪᖅ). ᐊᖏᕈᑎ ᐃᓚᖃᕐᒥᔪᖅ ᐅᓄᖅᓯᑎᑦᓯᓂᕐᒧᑦ ᓄᓇᕗᒻᒥ ᐅᑭᐅᖅᑕᖅᑐᒥ ᐃᓚᒋᐊᕈᑎᖓ (NNA), ᐊᑕᐅᑦᓯᒃᑯᑦ ᐊᑭᓕᐅᑕᐅᔪ, ᐃᑲᔫᑎᖃᕐᓂᖅᓴᐅᓕᕐᓗᑎᒃ, ᐱᐅᒋᐊᖅᓯᒪᔪᓪᓗ ᓄᖅᑲᖓᓂᐊᕐᓗᓂ.

“ᐱᒻᒪᕆᐅᒋᔭᕗᑦ ᐃᖅᑲᓇᐃᔭᖅᑎᖁᑎᕗᑦ ᐱᒻᒪᕆᐅᔪᓂᓪᓗ ᐃᖅᑲᓇᐃᔮᖃᖃᑦᑕᕐᒪᑕ,” ᐅᖃᖅᑐᖅ ᒥᓂᔅᑕ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᒪᓕᒐᓕᐅᖅᑎ ᒫᒡᒍᓛ ᓇᑲᓱᒃ. “ᐅᖓᑖᓄᑦ ᐊᕐᕌᒎᒃ ᒪᕐᕉᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓱᖏᐅᑎᑦᓴᐅᑎᒋᓯᒪᔪᑦ ᐊᒥᓱᓄᑦ ᖃᓂᒻᒪᓐᓇᐅᔪᕐᒥ ᓇᓗᓇᐃᖅᓯᓂᕐᒧᓪᓗ ᐱᔨᑦᓯᕋᕐᓂᕐᒧᑦ ᐊᑐᐃᓐᓇᐅᑎᑦᓯᓂᕐᒧᑦ ᓄᓇᕗᒻᒥᐅᓄᑦ. "ᑖᓐᓇ ᐊᖏᖃᑎᒌᒍᑎ ᓴᖅᑭᑎᑦᑎᕗᖅ ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᓪᓚᑦᑖᕐᓂᖏᓐᓂᒃ ᐃᖅᑲᓇᐃᔭᖅᑎᖏᓐᓄᑦ. ᐊᖏᖃᑎᒌᒍᑎ ᐃᑲᔪᕐᓂᐊᖅᑐᖅ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᐋᖅᑭᑦᓱᑦᑎᐊᖅᑕᐅᓯᒪᓗᑎᒃ, ᐃᖅᑲᓇᐃᔭᖅᑎᖃᑦᑎᓯᐊᖅᓱᑎᒃ ᐃᑲᔪᖅᓱᖅᑕᐅᓗᑎᓪᓗ ᓯᕗᓪᓕᐅᔾᔨᓂᕐᒧᑦ ᑲᑐᔾᔨᓗᑕ ᐱᓕᕆᐊᑦᓴᕐᓂᑦ.

ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖅ ᑭᒡᒐᖅᑐᐃᔪᖅ ᐅᖓᑖᓂᑦ 4,000 ᐅᓪᓗᓕᒫᒧᑦ ᐃᖅᑲᓇᐃᔮᕐᓂᑦ ᐃᓚᒋᓪᓗᒍ, ᑭᓯᐊᓂ ᑭᓪᓕᖃᖅᑎᑕᐅᖏᑦᑐᖅ, ᐃᓄᓕᕆᔩᑦ, ᐋᓐᓂᐊᖃᕐᓇᙱᑦᑐᓕᕆᔨᓂᑦ ᐱᓕᕆᔨᒻᒪᕆᓐᓄᓪᓗ ᐃᑲᔪᖅᑎᓂᑦ, ᑎᒍᔭᐅᒪᔪᓕᕆᔩᑦ, ᐆᒻᒪᔪᖅᓂᐊᖅᑏᑦ, ᖃᕆᑕᐅᔭᓕᕆᔩᑦ ᐃᑲᔪᖅᑐᐃᔨᓂᓪᓗ ᐃᖅᑲᓇᐃᔭᖅᑎᓂᑦ. ᓄᑖᑉ ᐊᖏᖃᑎᒌᒍᑎᐅᑉ ᐊᑐᖅᓯᒪᔪᖅ ᐆᑦᑑᕝᕙ 1, 2018-ᒥ ᓯᑦᑎᒻᕙ 30, 2024-ᒧᓄ.

“ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᖏᑦ ᓂᕆᐅᒋᔭᖃᖅᐳᑦ ᐃᖅᑲᓇᐃᔭᖃᑎᖃᕐᓂᕐᒧᑦ ᒐᕙᒪᒃᑯᓐᓂᑦ ᓄᓇᕗᒻᒥ ᓇᓗᓇᐃᖅᓯᓂᕐᒧᑦ ᓄᑖᖅ ᐃᖅᑲᓇᐃᔭᖅᑎᓄᑦ ᐊᖏᖃᑎᒌᒍᑎ ᐊᑐᓕᖅᑎᑕᐅᓂᖓ ᐊᔾᔨᒌᑎᑦᓯᓗᓂ, ᓈᒻᒪᑉᐸᑦ ᓇᓕᒧᒌᓪᓗᓂᓪᓗ,” ᐅᖃᖅᑐᖅ ᐊᖓᔪᖅᑳᖅ ᔭᐃᓴᓐ ᕉᑲᓐ.

ᓱᓕᔪᑦ:

  • ᐱᖓᓲᔪᖅᑐᓄᑦ ᐊᖏᕈᑎ ᑲᑎᓪᓗᒋᑦ ᐊᑭᖅᑐᕆᐊᖅᑕᐅᔪᑦ 9 ᐳᓴᓐᑎᒥ ᐅᕝᕙᓘᓐᓃᑦ 9.31 ᐳᓴᓐᑎᒥ ᑲᑎᑕᐅᕙᓪᓕᐊᔪᖅ.
    • ᐆᑦᑑᕝᕙ 1, 2018 − ᔨᐅᕈ ᐳᓴᓐᑎ.
    • ᐆᑦᑑᕝᕙ 1, 2019 − ᐊᑕᐅᓯᖅ ᐳᓴᓐᑎ.
    • ᐆᑦᑑᕝᕙ 1, 2020 − ᐊᑕᐅᓯᖅ ᐊᕝᕙᖓᓗ ᐳᓴᓐᑎ.
    • ᐆᑦᑑᕝᕙ 1, 2021 − ᐊᑕᐅᓯᖅ ᐊᕝᕙᖓᓗ ᐳᓴᓐᑎ.
    • ᐆᑦᑑᕝᕙ 1, 2022 − ᐊᑕᐅᓯᖅ ᐊᕝᕙᖓᓗ ᐳᓴᓐᑎ.
    • ᐆᑦᑑᕝᕙ 1, 2023 − ᐱᖓᓱᑦ ᐊᕝᕙᖓᓗ ᐳᓴᓐᑎ.
  • ᑭᖑᒻᒧᑦ ᐊᑭᓕᐅᑏᑦ ᐃᑲᕐᕋᕐᓄᑦ ᐃᖅᑲᓇᐃᔭᕐᕕᐅᔪᒥᓂᓕᒫᓄᑦ ᐃᖅᑲᓇᐃᔭᖅᑎᓕᒫᓄᑦ ᐃᖅᑲᓇᐃᔭᖅᓯᒪᔪᓄᑦ ᐊᑐᖅᑎᓪᓗᒍ ᐊᖏᕈᑎ.
  • ᐊᑕᐅᑦᓯᒃᑯᑦ ᐊᑭᓕᖅᑕᐅᓗᑎᒃ ᐃᒪᓐᓇ $3500 ᐃᖅᑲᓇᐃᔭᐃᓐᓇᖅᑐᓕᒫᑦ, ᐃᓱᓕᕝᕕᑦᓴᓕᓐᓄᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᓪᓗ ᐃᓗᐊᓂ ᐅᓪᓗᐃᑦ ᐊᑎᓕᐅᖅᑕᐅᓯᒪᓕᖅᑎᓪᓗᒍ ᐊᖏᕈᑎ.
  • ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᓚᒋᐊᕈᑎ (NNA):
    • ᐃᓚᒋᐊᕈᑎ 19-ᓄ ᓄᓇᓕᐅᔪᓄᑦ ᐄᐳᓗ 1, 2022-ᒥ (ᐃᓚᒋᐊᕈᑎ 13.4 ᐳᓴᓐᑎ).
    • ᐊᑕᐅᑦᓯᒃᑯᑦ ᐊᑭᓕᖅᑕᐅᓗᑎᒃ ᐃᒪᓐᓇ $1500, ᐃᓚᒋᓗᒍ $3500 ᐊᑕᐅᑦᓯᒃᑯᑦ ᐊᑭᓕᖅᑕᐅᓂᖅ ᖁᓛᓂᑦ, ᐃᖅᑲᓇᐃᔭᐃᓐᓇᖅᑐᓕᒫᑦ, ᐃᓱᓕᕝᕕᑦᓴᓕᓐᓄᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᓪᓗ ᐃᖅᑲᓇᐃᔭᖅᑎᓄᑦ ᐱᖓᓲᔪᖅᑐᓂᑦ ᓄᓇᓕᓐᓂ ᑕᑯᓂᐊᖅᑐᑦ ᓄᖅᑲᖓᑲᐃᓐᓇᕐᓂᐊᖅᑐᑦ ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᓚᒋᐅᕈᑏᑦ.
  • ᐃᓚᒌᓄᑦ ᐱᓂᕐᓗᑦᑕᐅᓯᒪᔪᓄᑦ ᓄᖅᑲᖓᓂᕐᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐃᖅᑲᓇᐃᔭᖅᑎᓄᑦ, ᐱᕕᖃᖅᑎᑦᓯᓂᕐᒧᑦ ᑕᓪᓕᒪᓄᑦ ᐅᓪᓗᓄᑦ ᐊᑭᓕᖅᑕᐅᓗᓂ ᓄᖅᑲᖓᓂᕐᒧᑦ ᐊᒻᒪᓗ ᑕᓪᓕᒪᓄᑦ ᐅᓪᓗᓄᑦ ᐊᑭᓕᖅᑕᐅᖏᓪᓗᓂ ᓄᖅᑲᖓᓂᕐᒧᑦ.
  • ᐊᖏᓪᓕᒋᐊᖅᑕᐅᔪᖅ ᐃᓱᒪᖅᓲᑕᐅᓗᓂ ᐱᑐᐃᓐᓇᐅᙱᑦᑐᒥᒃ ᓄᖅᑲᖓᓂᕐᒧᑦ ᐅᓪᓗᖓ ᐊᑕᐅᓯᕐᒥᑦ ᒪᕐᕉᓕᕐᓂᐊᖅᑐᖅ ᐊᕐᕌᒍᑕᒫᑦ.
  • ᒪᕐᕉᓐᓄᑦ ᐅᓪᓗᓄᑦ ᐊᑭᓕᖅᑕᐅᓗᓂ ᐊᕐᕌᒍᑕᒫᑦ ᐃᓄᐃᑦ ᐃᓕᖅᑯᓯᓕᕆᓂᕐᒨᖓᔪᓄᑦ. ᑖᓐᓇ ᐃᓇᒌᔪᖅ ᐊᖑᓇᓱᓐᓂᕐᒧᑦ, ᐃᖃᓗᒐᓱᐊᕐᓂᕐᒧᑦ ᓄᖅᑲᖓᓂᖅ.
  • ᐊᖏᓪᓕᒋᐊᖅᑕᐅᔪᖅ ᐊᕐᕌᒍᑕᒫᑦ ᐊᖏᓛᖓ ᑭᒍᑎᓕᕆᔭᐅᓂᕐᒧᑦ ᐃᑲᔫᑎᑦ $1200-ᒥ $2000-ᒧᓄ.
  • ᐊᖏᓪᓕᒋᐊᖅᑕᐅᔪᖅ ᐊᕐᕌᒍᑕᒫᑦ ᐊᖏᓛᖓ ᐃᓱᒪᓕᕆᔭᐅᔪᓐᓇᕐᓂᕐᒧᑦ ᐃᓄᓕᕆᔨᓕᓪᓘᓐᓃᑦ ᐅᕙᖓᑦ $1000-ᒥ $2000-ᒧᓄ.
  • ᓇᓗᓇᐃᒃᑯᑕᖅ ᐋᓐᓂᐊᓂᕐᒧᑦ ᐋᓐᓂᐊᖅᑐᓕᕆᕙᑦᑐᓂᑦ ᐱᔭᕆᐊᖃᖅᑐᖅ ᑭᓯᐊᓂ ᓇᓗᓇᐃᔭᐃᓯᒪᔪᑦ ᐱᔾᔪᑎᖃᑦᓯᐊᖅᐸᓪᓗ.
  • ᐃᓚᒋᐊᖅᓯᒪᔪᒥᒃ ᐊᖓᔪᖅᑳᖑᓕᕐᓂᕐᒧᑦ ᓄᖅᑲᖓᔪᓄᑦ.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᑦ:

ᒫᑎᐅ ᐃᓛᓯᕗᐃᒃᔅ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᒐᕙᒪᖓᑦ
867-975-6292
867-222-8956 (ᐅᖄᓚᐅᑎᕋᓛᖅ)
millaszewicz1@gov.nu.ca

ᔭᐃᒻᔅ ᑲᐃᓗᕐ
ᑐᓴᒐᒃᓴᓕᕆᔨ
ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ
867-979-4209 ᓇᕿᒃᑲᓐᓂᕐᓗᒍ. 207
867-222-2436 ᐅᖄᓚᐅᑎᕋᓛᖓ:
james@neu.ca

Document(s):