ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᒐᔅᓴᐅᑉ ᑕᐃᔭᐅᓂᖓ: ᖃᕆᓴᐅᔭᕐᓄᑦ ᑐᙵᕖᑦ − ᐃᓄᒃᑎᑐᑦ

***ᐱᒻᒪᕆᐅᔪᖅ: ᑖᓐᓇ ᐃᓕᓐᓂᐊᒐᖅ ᐃᓄᒃᑎᑑᕐᓂᐊᖅᑐᖅ.

ᖃᕆᓴᐅᔭᓕᕆᓪᓗᑎᑦ ᐃᒃᐱᒍᓱᖃᑦᑕᖅᐱᑦ ᓲᕐᓗᓕ ᐅᓇ ᐃᒻᒥᓂᒃ ᐃᖏᕐᕋᔪᓐᓇᖅᖢᓂ ᐱᓕᕆᖁᔭᕐᓂᒃ ᐱᓕᕆᕙᙱᑦᑑᖅᑰᔨᕙ? ᐃᓱᒪᓚᐅᖅᓯᒪᕖᑦ ᓱᒃᑲᓴᕐᓇᕐᓂᖅᓴᒥᒃ, ᐊᔪᕐᓇᙱᓐᓂᖅᓴᒥᒃ ᐱᓕᕆᔾᔪᓯᖃᕆᐊᒃᓴᖓᓂᒃ ᖃᕆᓴᐅᔭᓕᕆᓗᓂ? ᐊᑏ ᐊᑎᓕᐅᖃᑕᐅᓕᕆᑦ ᐱᓇᓱᐊᕈᓯᕐᓄᑦ−ᐱᖓᓱᓄᑦ ᐃᓕᓐᓂᐊᒐᐅᓂᐊᖅᑐᒧᑦ! ᖃᕆᓴᐅᔭᕐᓄᑦ ᑐᙵᕖᑦ ᐃᓕᓐᓂᐊᒐᐅᔪᖅ ᖃᕆᓴᐅᔭᓕᕆᖃᑦᑕᓕᓵᖅᑐᓄᑦ ᓇᕿᑦᑕᕆᐊᓕᖕᓂᒃ ᐃᖢᕐᕆᓕᖅᐹᓪᓕᕈᑎᐅᔪᓐᓇᖅᑐᒥᒃ, ᐱᓕᕆᐊᖃᖃᑦᑕᖅᓯᒪᔪᑐᖃᐃᑦᑕᐅᖅ ᖃᐅᔨᔪᓐᓇᕐᓂᐊᕐᒥᔪᑦ ᕿᓚᒻᒥᐅᓂᖅᓴᖅ ᐱᓕᕆᔾᔪᓯᕐᓂᒃ, ᖃᓄᒃᑲᓐᓂᐅᔪᓐᓇᕐᓂᕋᐃᔪᓂᒃ ᐊᒻᒪᓗ ᖃᐅᔨᒪᓕᕈᑎᒃᓴᑲᓐᓂᕐᓂᒃ ᐃᕝᕕᑦ ᖃᕆᓴᐅᔭᓕᕆᔪᓐᓇᖅᓯᕚᓪᓕᕈᑎᒃᓴᕐᓂᒃ.

ᖃᕆᓴᐅᔭᓄᑦ ᑐᙵᕖᑦ ᐃᓕᓐᓂᐊᒐᖅ ᐃᓚᖃᖅᑐᖅ ᖃᕆᓴᐅᔭᕐᓄᑦ ᐃᔾᔪᐊᒐᒃᓴᒥᒃ ᖃᓄᐃᓕᐅᕐᓂᐊᕐᒪᖔᔅᓯ ᓇᓗᓇᐃᔭᖅᓯᒪᓪᓗᓂ, ᑎᑎᖅᑲᓕᐊᕆᔪᓐᓇᕐᓂᐊᕋᕕᐅᒃ ᐅᕝᕙᓘᓃᑦ ᑐᖅᑯᖅᓯᒪᔪᓐᓇᕐᓂᐊᕋᕕᐅᒃ ᖃᐅᔨᒋᐊᕆᐊᖃᒃᑲᓐᓂᕌᖓᕕᑦ ᑕᑯᒋᐊᕈᓐᓇᖃᑦᑕᕐᓂᐊᕋᕕᐅᒃ ᐃᓕᓐᓂᐊᕌᓂᒃᓯᒪᓕᕈᕕᑦ.

ᐋᖅᑭᒃᑕᐅᓯᒪᔪᑦ

ᐊᕐᕕᓂᓖᕐᓗᓂ ᐃᑭᐊᖅᑭᕕᒃᑯᑦ ᐃᓕᓴᖅᑕᐅᓂᖅ: ᒪᕐᕈᐃᖅᐸᒡᓗᓂ ᐱᓇᓱᐊᕈᓯᕐᒥ − ᐃᑲᕐᕋᖅ ᐊᑕᐅᓯᕐᒥᒃ ᐊᑐᓂ.  ᓇᓕᐊᒃ ᐅᓪᓗᒃᑯᑦ ᐊᒻᒪ ᖃᔅᓯᒧᐊᖅᐸᐅᓂᐊᕐᒪᖔᖅ ᐋᖅᑭᒃᑕᐅᓂᐊᖅᑐᖅ ᐃᓕᓐᓂᐊᖃᑕᐅᔪᐃᑦ ᐊᑐᐃᓐᓇᐅᓂᖏᑦ ᒪᓕᒃᑕᐅᓗᑎᒃ. ᑕᐃᒫᒃ ᐃᓕᓴᐃᔨᒋᔭᕐᓄᑦ ᓵᙵᔭᐅᔪᓐᓇᕐᓂᐊᕋᕕᑦ ᐃᓕᑦᑎᒃᑲᓐᓂᕈᓐᓇᕐᓗᑎᑦ, ᐊᐱᖅᓱᕈᓐᓇᕐᓗᑎᑦ ᐊᒻᒪ ᐃᓕᓐᓂᐊᖃᑎᒋᔭᕐᓂᒃ ᑕᑯᖃᑎᖃᕐᓗᑎᑦ. ᐊᓯᖏᑦ ᐱᓕᕆᐊᕆᔭᕆᐊᖃᖅᑕᑎᑦ ᐃᓕᓐᓂᐊᕐᓂᕐᓅᖓᔪᑦ ᐱᐊᓂᒍᓐᓇᖅᑕᑎᑦ ᖃᖓᑐᐃᓐᓇᖅ.

ᐱᒋᐊᕐᕕᖓ: 
ᕕᕝᕗᐊᓕ 08, 2021
ᐃᓱᓕᕝᕕᖓ: 
ᕕᕝᕗᐊᓕ 26, 2021
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
Iqaluit
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᕕᕝᕗᐊᓕ 03, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.