ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᖅᑎᑦᑎᔪᓐᓇᕐᓂᖅ: ᐱᕙᓪᓕᐊᓂᖅ ᑲᑎᙵᔪᓂ ᐅᖃᖃᑎᒌᒍᑕᐅᔪᓂᒃ − ᖃᕆᑕᐅᔭᒃᑯᑦ ᐱᓕᕆᖃᑎᒌᑦ

ᐃᓕᓐᓂᐊᕋᑦᓴᐃᑦ ᖃᓄᐃᓕᖓᓂᖓ

ᐃᓕᓐᓂᐊᖅᑎᑦᑎᔪᓐᓇᕐᓂᖅ: ᐱᕙᓪᓕᐊᓂᖅ ᑲᑎᙵᔪᓂ ᐅᖃᖃᑎᒌᒍᑕᐅᔪᓂᒃ ᐃᓕᓴᐃᔪᖅ ᐃᓚᐅᖃᑕᐅᔪᓂᒃ ᖃᓄᖅ ᐃᓕᓴᐃᔪᓐᓇᕐᒪᖔᑦ ᑐᕌᒐᕐᒨᖓᔪᓂᒃ ᑲᑎᒪᓂᕐᓂ ᐅᖃᖃᑎᒌᒍᑎᓂᒃᓗ ᐸᕐᓇᐃᓂᒃᑯᑦ, ᐱᓕᕆᖃᑎᒌᖕᓂᒃᑯᑦ, ᐊᒻᒪ ᐊᖏᖃᑎᒌᖕᓂᒃᑯᑦ. ᐃᓕᓐᓂᐊᕈᑎ ᐃᓕᓴᐃᔪᖅ ᑲᑎᒪᓂᕐᓂ ᐊᐅᓚᑦᑎᓂᕐᓂ ᐊᑐᕈᓯᕐᓂᒃ (ᖃᔅᓯᒧᐊᕐᓂᖓᓄᑦ ᒪᓕᖕᓂᖅ, ᑕᑯᓇᒃᑲᓐᓂᕐᓂᖅ ᐊᖏᕈᑕᐅᔪᒥᒃ ᑲᑎᒪᔾᔪᑎᒃᓴᓂᒃ, ᐱᓯᒪᓂᕐᓗ ᑐᑭᓯᓇᖅᑐᒥᒃ ᐅᓂᒃᑳᒥᒃ). ᐃᓕᓴᐃᖕᒥᔪᖅ ᐃᓚᐅᔪᓂᒃ ᖃᓄᖅ ᑐᑭᒧᐊᖅᑎᑦᑕᕆᐊᒃᓴᖅ ᑲᑎᙵᔪᓂ ᐅᖃᖃᑎᒌᒍᑎᓂᒃ ᐊᑐᕐᓂᒃᑯᑦ ᓈᓚᑦᑎᐊᕐᓂᕐᓂ ᐊᔪᙱᓪᓗᓂ ᐅᖃᐅᓯᕆᔭᐅᓯᒪᔪᓂᒃ ᐅᖃᐅᓯᖃᒃᑲᓐᓂᕐᓂᖅ, ᓯᕗᓕᖅᓯᓂᖅ ᐅᖃᖃᑎᒌᒍᑎᓂᒃ, ᓇᓕᒧᒌᒃᑎᑦᑎᓂᕐᓗ ᑲᑎᙵᔪᓂ ᐃᓚᐅᔪᓂᒃ. ᐃᓚᐅᑎᑦᑎᑎᐊᓐᓂᖅ ᐃᓕᓐᓂᐊᕈᑎᒥᒃ ᐃᓱᖃᕐᕕᖃᖅᑐᖅ ᓈᓴᐅᑎᖓᓂᒃ ᐃᓕᑦᑎᒃᑲᓐᓂᖁᓪᓗᒋᑦ ᐃᓕᓐᓂᐊᕐᕕᐊᕈᓯᕐᒥᒃᓗ ᐃᓚᐅᓂᕐᓂ. 

ᐃᓕᓐᓂᐊᕐᓂᕐᒧᑦ ᑐᕌᒐᕆᔭᐅᔪᑦ

  • ᑐᑭᓯᐅᒪᓂᖅ ᐊᔾᔨᒌᖏᓐᓂᖏᓐᓂ ᐃᓕᓴᐃᔪᖅ ᐊᒻᒪ ᐱᓕᒻᒪᒃᓴᐃᔪᖅ ᐃᖅᑲᓇᐃᔮᖏᓐᓂ
  • ᑐᑭᓯᐅᒪᓂᖅ ᐃᓕᓐᓂᐊᖅᑎᑦᑎᓂᕐᒧᑦ ᐱᕙᓪᓕᐊᔾᔪᑎᖏᓐᓂ: ᐃᓕᓴᐃᓚᐅᙱᑎᓪᓗᒋᑦ, ᐃᓕᓴᐃᑎᓪᓗᒋᑦ, ᐱᔭᕇᖅᑎᓪᓗᒋᓪᓗ
  • ᐃᓕᓴᖅᓯᓂᖅ ᐱᒻᒪᕆᐅᓂᖓᓂᒃ ᐊᔾᔨᒌᖏᑦᑐᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐃᓕᓐᓂᐊᕐᓂᕐᓂᒃᓗ ᐃᓕᖅᑯᓯᖏᓐᓂ
  • ᐱᕙᓪᓕᐊᑎᑦᑎᓂᖅ ᐊᑐᕈᓯᕐᓂᒃ ᐱᖁᓪᓗᒍ ᑐᑭᖃᑦᑎᐊᖅᑐᓂᒃ ᐊᐃᑦᑑᑎᖃᕐᓂᖅ ᐊᑐᕐᓗᓂ
  • ᐃᓕᓐᓂᐊᕐᓂᖅ ᖃᓄᖅ ᐊᑐᕈᓐᓇᕐᒪᖔᑦ ᐅᖃᐅᓯᐅᔪᓂᒃ ᐊᑐᕈᓯᕐᓂᒃ
  • ᐃᓕᓴᖅᓯᓂᖅ ᐊᑐᖅᑕᐅᒐᔪᒃᑐᓂ ᐃᓕᓴᐃᓂᕐᒧᑦ ᐊᒃᓱᕈᕐᓇᖅᑐᓂᒃ ᐊᑐᕈᓯᕐᓂᒃᓗ ᐊᓂᒎᑎᖁᓪᓗᒋᑦ
  • ᐃᓕᑦᑎᓗᓂ ᐃᓕᓴᐃᓂᐅᒐᔪᒃᑐᑐᑦ ᐊᔪᕈᓐᓃᕐᓂᕐᒥᒃ ᖃᓄᐃᓕᐅᕈᑕᐅᔪᒪᔪᓪᓗ ᐃᑲᔪᕐᓗᓂᑎᑦ ᐃᓕᓴᐃᔨᑦᑎᐊᕙᐅᔪᓐᓇᖅᓯᓂᕐᒥᒃ
  • ᐱᓗᓂ ᐊᑑᑎᖃᑦᑎᐊᖅᑐᓂᒃ ᑲᑎᒪᓂᕐᓂ ᐊᐅᓚᑦᑎᓂᕐᒥᒃ ᐊᑐᕈᓯᕐᓂᒃ ᐃᑲᔪᕐᓗᓂ ᐱᔭᕇᕐᓗᒋᑦ ᑲᑐᔾᔨᖃᑎᒌᖕᓂᕐᒧᑦ ᑐᕌᒐᖏᓐᓂ
  • ᐊᒡᒐᑎᑦ ᐊᑐᕐᓗᒋᑦ ᐊᔪᕈᓐᓃᖅᓴᕐᓂᖅ ᐃᓕᓴᐃᓂᕐᒧᑦ ᑕᕝᕙᙵᑦᑕᐃᓐᓇᕐᓗ ᐃᒪᓐᓇᐅᖁᔭᐅᔪᓂᑦ
  • ᓴᙱᒃᑎᒋᐊᕐᓗᒍ ᐱᔪᓐᓇᕐᓃᑦ ᖁᓱᙱᓐᓂᕐᒥᒃ ᑲᑎᒍᑎᓗᒋᑦ ᐱᓕᕆᖃᑎᒌᑦ ᐃᓕᓴᐃᔨᑦ ᐋᖅᑭᒃᓯᓇᓲᑎᓪᓗ
  • ᑐᑭᓯᓗᒋᑦ ᑐᓴᖅᑕᐅᑎᓪᓗᒋᓪᓗ ᖃᓄᐃᓕᐅᕈᑕᐅᔪᒪᔪᑦ ᐃᑲᔪᕐᓗᓂ ᐱᐅᓯᒋᐊᕐᓗᒍ ᐃᖅᑲᓇᐃᔭᖅᑎᐅᑦᑎᐊᕈᓐᓇᕐᓂᖅ ᑐᓴᐅᒪᔪᓕᕆᓂᕐᓗ
  • ᑖᓐᓇ ᐃᓕᓐᓂᐊᕐᓂᖅ ᐊᐅᓚᑕᐅᓂᐊᖅᑐᖅ ᒥᒧᐊᕆᐅᓪ ᓯᓚᑦᑐᖅᓴᕐᕕᔾᔪᐊᖅᒥ ᐃᓕᓐᓂᐊᑎᑦᓯᔨᒧᑦ ᐅᕙᖓ ᐱᓕᕆᕝᕕᖓᓂᑦ ᓇᒻᒥᓂᖃᕐᕕᓐᓂ ᐊᓪᓚᕝᕕᓕᕆᓂᕐᒧᑦ.

ᐱᒻᒪᕆᐅᔪᖅ ᑐᓴᖅᑕᐅᔭᕆᐊᖃᖅᑐᑦ:  

  • ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᔪᑦ ᑖᔅᓱᒧᖓ ᐃᓕᓐᓂᐊᖃᑕᐅᔪᒪᑐᐊᖅᐸᑕ, ᑭᓯᐊᓂ ᒪᓂᒪᑎᑕᐅᓂᐊᖅᐳᖅ ᑐᙵᕕᖃᖅᑎᑕᐅᓗᓂ ᐅᕗᖓ, ᕿᑎᕐᒥᐅᑦ ᖃᐅᔨᓴᑎᖓᑦᑎᒍᑦ 9-ᒥᑦ ᐅᓪᓛᒃᑯᑦ 4:30−ᒧᓄ ᐅᓐᓄᒃᓴᒃᑯᑦ.
  • ᒪᕐᕉᖕᓄ ᐅᓪᓘᖕᓄ ᐃᓕᓐᓂᐊᒐᒃᓴᐅᔪᖅ ᐊᑐᖅᑎᑕᐅᓗᓂ ᓄᕕᐱᕆ 24 ᐊᒻᒪ 29.
ᐱᒋᐊᕐᕕᖓ: 
ᓄᕕᐱᕆ 24, 2021
ᐃᓱᓕᕝᕕᖓ: 
ᓄᕕᐱᕆ 29, 2021
ᓇᓂ: 
MS Teams
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᕿᑎᕐᒥᐅᑦ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
Grant Corey
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᓄᕕᐱᕆ 23, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.