ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᖃᓄᐃᓐᓂᐅᖃᑦᑕᖅᓯᒪᔪᑦ ᐊᒻᒪᓗ ᐊᐅᓚᑦᑎᓂᖅ − Adobe Connect

ᑭᓪᓕᓯᓂᐊᖅᑕᐅᓯᒪᔪᓂᑦ ᓄᓇᕗᒻᒥ ᖃᓄᐃᓐᓂᐅᖃᑦᑕᖅᓯᒪᔪᓂᑦ ᐱᒻᒪᕆᐅᓯᒪᔪᑦ, ᑖᓐᓇ ᐃᓕᓐᓂᐊᕐᓂᖅ ᐱᒋᐊᕐᕕᖓ ᓄᓇᕗᒻᒥ ᐊᐅᓚᑦᑎᕝᕕᖃᕐᓂᕐᒥᑦ ᐊᒻᒪᓗ ᐃᓕᖅᑯᓯᕆᔭᐅᔪᒥᑦ, ᐱᔾᔪᑎᒋᓪᓗᐊᑕᖃᕐᓗᓂ ᐊᑐᖅᑕᐅᓪᓚᕆᓪᓗᓂ ᑖᓐᓇ ᓄᓇᕗᒻᒥ ᐊᖏᕈᑏᑦ (NLCA). ᑖᓐᓇ ᐃᓕᓐᓂᐊᖅᑕᐅᔪᓐᓇᖅᑐᖅ ᑕᒪᐃᓐᓄᒃ ᓄᓇᕗᑦ ᒐᕙᒪᒃᑯᖏᓐᓂᑦ ᐃᖅᑲᓇᐃᔭᖅᑎᓕᒫᓄᑦ, ᐃᓕᓐᓂᐊᖃᑕᐅᔪᓂᑦ ᑐᑭᓯᐅᒪᑎᑦᑎᑦᑎᐊᓕᒃᑲᓐᓂᕈᑕᐅᒻᒪᑦ ᓄᓇᕗᑦ ᒐᕙᒪᖓᑕ ᐋᖅᑭᓱᖅᓯᒪᓂᕆᔭᖓᓐᓂᑦ, ᐊᒻᒪᓗᑦᑕᐅᖅ ᐊᐅᓚᓂᕆᕙᑦᑕᖏᑦ ᐱᓕᕆᕝᕕᐅᔪᑦ ᑲᒪᒋᔭᔅᓴᖏᑕᓗ ᑲᑎᒪᔩᑦ ᐊᔾᔨᒌᙱᑦᑐᑦ, ᑎᒥᖁᑎᒋᔭᐅᔪᑦ ᐊᒻᒪᓗ ᑲᑐᔾᔨᖃᑎᒌᖑᔪᑦ ᓴᖅᑭᖅᑎᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᖓᒍᑦ. ᖃᕆᓴᐅᔭᒃᑯᑦ ᐃᑭᐊᖅᑭᕕᖓᒎᖓᔪᑦ ᐃᓚᖃᖅᑐᑦ ᐊᔪᕆᖅᓲᔾᔨᓯᒪᔪᓂᑦ ᖃᕆᓴᐅᔭᒃᑯᑦ ᖃᓄᐃᓕᐅᕆᐊᖃᕐᒪᖔᖅ, ᑎᑎᖅᑲᖃᕐᓗᑎᑦ, ᓂᐱᓕᐅᖅᓯᒪᔪᓂᑦ, ᑕᑯᒃᓴᐅᓗᑎᑦ ᐊᒻᒪᓗ ᐱᓕᕆᔾᔪᑎᖓ, ᑖᒃᑯᓂᖓ ᐃᓕᓐᓂᐊᖅᑐᓂᑦ ᐱᔭᕆᐊᑭᑦᑐᒥᑦ ᐊᑐᕈᓐᓇᕐᓂᐊᕐᒪᑕ ᓇᒻᒥᓂᖅ ᐊᑲᐅᒋᔭᕐᒥᓂᒃ ᐃᖏᕐᕋᓂᖃᕐᓗᑎᑦ ᑖᒃᑯᐊ ᐱᕕᖃᖅᑎᑕᐅᓗᑎᑦ ᑕᑯᔅᓴᐅᑦᑕᐅᑎᒋᔪᓂᑦ ᐅᖃᖃᑎᖃᕈᓐᓇᕐᓗᑎᑦ, ᐃᑭᐊᖅᑭᕕᒃᑰᖓᔪᑦ ᑲᑎᕝᕖᑦ ᐊᒻᒪᓗ ᐅᖃᖃᑎᒌᕝᕕᐅᔪᓂᑦ. ᐊᒥᓲᒻᒪᑕ ᐃᓗᓕᖏᑦ ᐊᑐᖅᑕᐅᔪᓐᓇᖅᑐᑦ ᐃᓚᒋᔭᐅᒻᒥᔪᖅ ᐃᓕᓐᓂᐊᖅᑕᐅᔪᖅ ᐊᔾᔨᐅᖏᔾᔪᑎᒋᔭᖓ ᑖᔅᓱᒪ ᐱᖃᑕᐅᒻᒪᑕ ᐃᓄᐃᑦ ᓄᓇᕗᒻᒥ ᐋᖅᑭᔅᓱᐃᖃᑕᐅᖃᑦᑕᖅᓯᒪᔪᑦ. ᖃᐃᖁᔭᐅᖃᑕᐅᓯᒪᔪᓂᑦ ᐅᖃᕆᐊᖅᑐᖃᑕᐅᓯᒪᔪᑦ ᐃᓚᖃᖅᓯᒪᔪᑦ ᔮᓐ ᐊᒪᕈᐊᓕᒻᒥᑦ, ᑕᒑᖅ ᑰᓕ, ᐸᐅᓗᓯ ᖁᐊᓴ, ᐊᒻᒪᓗ ᓴᐃᒪᓐ ᐊᕙ ᓯᕗᓂᐊᒍᑦ. 

ᐃᓕᓐᓂᐊᖃᑕᐅᔪᑦ ᐃᒪᐃᓐᓂᐊᖅᐳᑦ:

  • ᕿᒥᕐᕈᔭᐅᓗᑎᑦ ᐊᖏᔫᑏᑦ ᑎᑭᐅᑎᔭᐅᔪᓐᓇᖃᑦᑕᖅᓯᒪᔪᑦ ᑐᕌᒐᕆᔭᐅᔪᑦ ᓄᓇᕗᒻᒥ ᐊᑐᖅᑕᐅᖅᓯᒪᔪᑦ ᑎᑭᕌᓄᑦ ᑎᑭᐅᑎᔭᐅᓯᒪᓚᐅᖅᑎᓐᓇᒋᑦᓱᓕ ᐱᒋᐊᕐᓗᓂ ᐅᓪᓗᒥᒻᒧᑦ;
  • ᕿᒥᕐᕈᔭᐅᓗᑎᑦ ᒫᓐᓇ ᐊᑐᖅᑕᐅᓪᓗᐊᑕᖅᑐᑦ ᑭᓲᓂᖏᑦ ᐊᒻᒪᓗ ᓯᕗᓂᒃᓴᑎᓐᓂᑦ ᖃᓄᐃᑦᑑᓛᕐᒪᖔᑕ ᐃᖏᕐᕋᑎᑦᑎᓯᒪᔾᔪᑕᐅᔪᑦ ᑮᓇᐅᔭᓕᕆᓂᕐᒧᓪᓗ ᐱᕙᓪᓕᐊᓂᐅᔪᖅ ᓄᓇᕗᒻᒥ;
  • ᑐᑭᓯᐅᒪᓂᖅᑖᕐᓗᑎᑦ ᓇᑭᑦ ᐱᒋᐊᓕᖅᓯᒪᒻᒪᖔᑕ, ᐱᓕᕆᐊᔅᓴᓪᓚᕆᐅᓯᒪᔪᑦ, ᐊᒻᒪᓗ ᐊᑦᑐᐃᓂᕆᓯᒪᔭᖓ ᑖᔅᓱᒪ ᓄᓇᕗᒻᒥ ᐊᖏᕈᑏᑦ (ᑕᐃᔭᐅᖃᑦᑕᐅᓚᐅᖅᑐᖅ
  • ᓄᓇᑖᕈᑎᒧᑦ ᐊᖏᕈᑎ (NLCA));
  •  ᕿᒥᕐᕈᓗᒋᑦ ᐱᓕᕆᐊᔅᓴᖏᑦ ᓄᓇᕗᑦ ᑐᙵᕕᒃᑯᑦ, ᐊᕕᒃᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᑕ, ᐊᒻᒪᓗ ᓄᓇᕗᒻᒥ
  • ᑭᒃᑯᑐᐃᓐᓇᕐᓄᑦ ᑐᕌᒃᑐᑦ ᒐᕙᒪᐅᔪᑦ; ᑐᑭᓯᓗᒋᑦ ᐱᓕᕆᐊᔅᓴᖏᑦ ᑲᑎᒪᔩᑦ ᑲᒪᔨᐅᓪᓗᐊᑕᖃᑦᑕᖅᑐᑦ ᐊᒻᒪᓗ ᑎᒥᙳᖅᑎᑕᐅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓂᑦ, ᐊᒻᒪᓗ ᖃᓄᖅ ᐊᑦᑐᐊᓂᖃᕐᒪᖔᑦᑕ ᑖᒃᑯᐊ ᓵᑕᐅᔪᓐᓇᕐᓂᖏᓪᓗ ᓄᓇᕗᑦ ᒐᕙᒪᒃᑯᖏᓐᓄᑦ;
  •  ᑐᑭᓯᔭᐅᓗᑎᑦ ᐱᔾᔪᑕᐅᓕᖅᓯᒪᔪᑦ ᑖᔅᓱᒪ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᐱᖁᔭᖅ ᓄᓇᕗᑦ ᒐᕙᒪᒃᑯᖏᓐᓄᑦ ᑐ (GN) ᐊᒻᒪᓗ ᓇᒻᒥᓂᖃᖅᑎᓄᑦ;
  •  ᕿᒥᕐᕈᓗᒋᑦ ᐊᑐᖅᑕᐅᖃᑦᑕᖅᓯᒪᔪᑦ ᐊᔾᔨᒌᙱᑦᑐᑦ ᐱᕙᓪᓕᐊᓂᕆᓯᒪᔭᖏᑦ ᓇᒻᒥᓂᖅᓱᕐᓂᕐᒥᑦ ᐱᔪᓐᓇᐅᑎᑖᖅᐸᓪᓕᐊᓂᐅᔪᖅ ᐱᓪᓗᒍ ᑲᓇᑕᐅᑉ ᒐᕙᒪᒃᑯᖏᓐᓂᑦ ᓄᓇᕗᒻᒧ ᑐᓂᔭᐅᕙᓪᓕᐊᔪᑦ
  • ᑖᓐᓇ ᐃᓕᓐᓂᐊᕐᓂᖅ ᐱᓇᓱᐊᕈᓯᕐᓄᑦ ᐱᖓᓱᓄᑦ ᐃᓕᓐᓂᐊᖅᑕᐅᒐᔭᖅᑐᖅ ᒪᕐᕈᐊᖅᑎᓪᓗᑎᑦ 90−ᒥᓂᑦᓯᓂᑦ ᐊᑯᓂᐅᑎᒋᔪᒥᑦ ᐊᕕᒃᑐᖅᓯᒪᔪᓂᑦ ᐱᓇᓱᐊᕈᓯᕐᒥ ᐊᑕᐅᓯᕐᒥᑦ ᐅᑯᓇᓂ ᐃᑲᕐᕋᖏᓐᓂᑦ ᐊᕕᑦᑐᖅᓯᒪᔪᓃᑦᑐᓂᑦ ᐃᒪᐃᓕᖓᔪᑦ:

ᐅᑐᑉᐱᕆ 6-7 , ᐅᑐᑉᐱᕆ 13-14, ᐅᑐᑉᐱᕆ 21, 2021:

  • ᕿᑎᕐᒥᐅᓂ − 1:15 ᐅᓐᓄᓴᒃᑯᑦ − 2:45ᒧᑦ ᐅᓐᓄᓴᒃᑯᑦ
  • ᑭᕙᓪᓕᕐᒥ − 2:15 ᐅᓐᓄᓴᒃᑯᑦ − 3:45ᒧᑦ ᐅᓐᓄᓴᒃᑯᑦ
  • ᑲᓇᓐᓂᕐᒥᑦ − 3:15 ᐅᓐᓄᓴᒃᑯᑦ − 4:45ᒧᑦ ᐅᓐᓄᓴᒃᑯᑦ

ᐅᑐᑉᐱᕆ 22, 2021:

  • ᕿᑎᕐᒥᐅᓂᑦ − 8:30 ᐅᓪᓛᒃᑯᑦ – 10:00ᒧᑦ ᐅᓪᓛᒃᑯᑦ
  • ᑭᕙᓪᓕᕐᒥ − 9:30 ᐅᓪᓛᒃᑯᑦ – 11:00ᒧᑦ ᐅᓪᓛᓴᒃᑯᑦ
  • ᑲᓇᓐᓂᕐᒥ − 10:30 ᐅᓪᓛᒃᑯᑦ – 12:00ᒧᑦ ᖁᓛᓂ
ᐱᒋᐊᕐᕕᖓ: 
ᐊᒃᑐᐸ 06, 2021
ᐃᓱᓕᕝᕕᖓ: 
ᐊᒃᑐᐸ 22, 2021
ᓇᓂ: 
Adobe Connect
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᓄᓇᕘᓕᒫᒥ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
ᒍᕌᓐᑦ ᑰᕆ
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᐊᒃᑐᐸ 05, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.