ᐅᖃᓚᐅᑎᓯᐅᑏᑦ

You are here

ᐸᕐᓇᒡᓗᒍ ᓯᕗᓂᒃᓴᕗᑦ

ᐅᓇ ᐅᓪᓘᖕᓄᑦ ᒪᕐᕉᖕᓄᑦ ᐸᕐᓇᒡᓗᒍ ᓯᕗᓂᒃᓴᕗᑦ ᐱᓕᕆᖃᑎᒌᖕᓂᐅᓂᐊᖅᑐᖅ ᐃᖅᑲᓇᐃᔭᖅᑎᓄᑦ ᑖᒃᑯᓇᓂ ᐃᖅᑲᓇᐃᔮᒃᓴᓂᒃ ᐱᒋᐊᓵᖅᓯᒪᔪᓄᑦ. ᐅᓇ ᐱᓕᕆᖃᑎᒌᖕᓂᐅᓂᐊᖅᑐᖅ ᐃᓚᐅᕝᕕᐅᔪᓐᓇᑦᑎᐊᖅᑐᖅ ᐊᒻᒪ ᐃᓕᓴᐃᔨᒧᑦ ᐊᐅᓚᑕᐅᑦᑎᐊᖅᖢᓂ. ᐊᑐᐃᓐᓇᕈᖅᑎᑕᐅᓲᖅ ᐃᓚᐅᔪᓄᑦ ᐱᒋᐊᓕᓵᖅᑐᓄᑦ ᐅᕝᕙᓘᓐᓃᑦ ᕿᑎᐊᓃᓕᖅᑐᓄᑦ ᐃᖅᑲᓇᐃᔮᒥᓂᒃ ᖃᐅᔨᒃᑲᓐᓂᕈᒪᔪᓄᓪᓗ ᐃᑦᑐᖅᓯᐅᑎᑖᖑᕙᒃᑐᓂᒃ ᐃᑲᔫᓯᐊᓂᒡᓗ, ᐊᒻᒪᓗ ᑮᓇᐅᔭᓕᕆᓂᕐᒧᑦ ᐸᕐᓇᐃᓂᕐᒥᒃ, ᕿᒻᒪᑯᓄᑦ ᑎᑎᕋᖅᓯᒪᔪᖁᑎᒋᔭᐅᔪᑦ ᐊᒻᒪ ᕿᒻᒪᑯᓄᑦ ᐃᑲᔫᓯᐊᑦ ᐊᒻᒪ ᖃᓄᐃᙱᑦᑎᐊᕐᓗᓂ ᐃᓅᓇᓱᐊᕐᓂᕐᒧᑦ (ᑎᒥᒨᖓᔪᑦ ᐊᒻᒪ ᑎᒥᒧᑦ ᐊᒃᑐᐊᓂᓕᖕᓄᑦ ᐃᓐᓇᐅᓗᐊᓕᕐᓗᓂ ᐃᖅᑲᓇᐃᔮᒧᑦ ᓄᖅᑲᕐᓂᕐᒧᑦ).

ᐅᓇ ᐃᓚᐅᕝᕕᐅᔪᓐᓇᑦᑎᐊᖅᖢᓂ ᐱᓕᕆᖃᑎᒌᒍᓯᖅ ᐊᐅᓚᑕᐅᓲᖑᕗᖅ ᐃᓕᓴᐃᔨᖃᖅᖢᑎᒃ ᐊᑐᐃᓐᓇᕈᖅᑎᑦᑎᕙᒡᓗᑎᒡᓗ ᑐᙵᕕᒃᓴᖏᓐᓂᒃ ᐃᑲᔫᑎᒃᓴᓂᒡᓗ ᑮᓇᐅᔭᑦ ᐱᔭᐅᔾᔭᐃᕐᓗᒋᑦ, ᖃᓄᐃᙱᑦᑎᐊᕐᓗᓂ ᐃᓅᓯᖃᑦᑎᐊᕐᓂᕐᒧᑦ ᐃᑲᔪᕐᓗᒋᓪᓗ ᑖᒃᑯᓄᖓ ᓅᑉᐸᓪᓕᐊᓕᖅᑎᓪᓗᒋᑦ.

ᐱᔾᔪᑎᓪᓗᐊᑕᑦ ᐋᖅᑭᒃᑕᐅᓯᒪᓲᖑᓪᓗᑎᒃ ᓴᖅᑭᑦᑎᓂᐊᖅᑎᓪᓗᒋᑦ ᑐᑭᓯᐊᑦᑎᐊᖅᑐᓂᒃ ᑮᓇᐅᔭᓕᕆᓂᕐᒧᑦ ᐊᒻᒪᓗ ᑐᑭᓯᐊᑦᑎᐊᕐᓗᓂ ᕿᒻᒪᑯᓄᑦ ᑎᑎᕋᖅᓯᒪᔪᖁᑎᒋᔭᐅᔪᑦ ᐊᒻᒪ ᕿᒻᒪᑯᓄᑦ ᐃᑲᔫᓯᐊᓄᑦ ᐸᕐᓇᐃᓂᕐᒧᑦ ᖃᓄᐃᙱᑦᑎᐊᕐᓂᖅᓴᐅᓕᕐᓗᓂᓗ ᐃᓅᓇᓱᐊᕈᑎᑦ.

ᐃᓚᒋᐅᔪᑦ ᐃᒪᐃᓕᐅᕐᓂᐊᖅᐳᑦ:

  • ᑐᑭᓯᐊᑦᑎᐊᓕᕐᓗᑎᒃ ᐃᑦᑐᖅᓯᐅᑎᑖᕆᔭᐅᓲᑦ ᑲᑎᖅᓱᖅᓯᒪᔪᓂᒃ, ᓂᐅᕈᐊᕆᒃᑲᓐᓂᕐᓗᒋᑦ ᐱᔨᑦᑎᕋᐅᑎᑦ, ᐃᓐᓇᐅᓗᐊᓕᕐᓂᕐᒧᑦ ᓄᖅᑲᖓᔾᔪᑎᑦ ᖃᖓᒃᑰᕋᔭᕐᓂᖏᑦ.
  • ᐱᐅᕋᕐᓗᒋᑦ ᖃᐅᔨᒪᔭᐅᑦᐊᑎᕆᐊᓕᑦ ᑮᓇᐅᔭᓕᕆᔾᔪᑎᑦ ᐃᓗᓕᖅᑕᖏᓪᓗ ᓲᕐᓗ ᑖᒃᓯᓕᕆᓂᕐᒧᑦ ᐸᕐᓇᐅᑎᑦ, ᑮᓇᐅᔭᓕᐅᕋᓱᐊᕈᑎᑦ, ᐊᒻᒪ ᓇᓪᓕᐅᒃᑯᒫᑦ.
  • ᑐᑭᓯᐊᑦᑎᐊᕐᓂᖅᓴᐅᓕᕐᓗᒋᑦ ᕿᒻᒪᑯᒋᔭᐅᔪᓄᑦ ᐃᑲᔫᓯᐊᓄᑦ ᐸᕐᓇᐃᓂᕐᒥᒃ: ᕿᒥᕐᕈᓗᒋᑦ ᒪᓕᒐᖅᑎᒎᖓᔪᑦ ᑎᑎᖅᑲᑦ − ᕿᒻᒪᑯᓄᑦ ᑎᑎᕋᖅᓯᒪᔪᖁᑎᒋᔭᐅᔪᓂᒃ ᐊᒻᒪ ᐱᔪᓐᓇᐅᑎᓕᖕᓂᒃ ᒪᓕᒐᖅᑎᒍᑦ ᑎᑎᕋᖅᓯᒪᔪᓂᒃ; ᐊᒻᒪᓗ
  • ᑐᑭᓯᐊᑦᑎᐊᕐᓂᖅᓴᐅᓕᕐᓗᒋᑦ ᖃᓄᐃᙱᑦᑎᐊᕐᓂᖅᓴᒥᒃ ᐃᓅᓯᖃᑦᑎᐊᕐᓂᕐᒧᑦ.

ᑲᑎᒪᔾᔪᑎᒃᓴᑦ ᑕᒪᐃᓐᓄᑦ ᐱᓕᕆᐊᒃᓴᓄᑦ ᐅᑯᐊ ᐱᓕᕆᐊᖑᓪᓗᑎᒃ:

1. ᓇᓪᓕᐅᒃᑯᒫᑦ ᐃᑦᑐᖅᓯᐅᑎᓄᑦ ᐊᒻᒪ ᐃᑲᔫᓯᐊᓄᑦ, ᐅᑯᓂᖓᓗ ᐃᓚᖃᖅᖢᓂ:

  • ᐃᑦᑐᖅᓯᐅᑎᓄᑦ ᐸᕐᓇᐅᑎᓂᒃ.
  • ᑲᑎᖅᓱᖅᑕᐅᔪᑦ ᐊᒻᒪ ᐃᑦᑐᖅᓯᐅᑎᑦ ᑲᑎᖅᓱᖅᑕᐅᒋᐊᓕᑦ.
  • ᐱᔨᑦᑎᕋᐅᑎᑦ ᐊᑐᖅᑕᐅᖔᕈᓐᓇᖅᑐᑦ.
  • ᐃᖅᑲᓇᐃᔭᖅᑎᐅᔪᓐᓃᕐᓂᖅ 50-ᓂᒃ ᐅᑭᐅᖃᓕᕐᓗᓂ ᐅᖓᑖᓄᓪᓘᓐᓃᑦ.
  • ᐃᓐᓇᐅᓕᖅᑎᓪᓗᒋᑦ ᑭᖑᓂᐊᒍᑦ ᐅᑎᖅᑎᑕᐅᔪᒃᓴᑦ ᐃᓅᓯᕐᒧᑦ ᓇᓪᓕᐅᒃᑯᒫᑦ.
  • ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐋᓐᓂᐊᖅᑐᓕᕆᓂᕐᒧᑦ ᓇᓪᓕᐅᒃᑯᒫᑦ; ᐊᒻᒪ
  • ᐃᑦᑐᖅᓯᐅᑎᑖᖅᐸᒃᑐᑦ ᑭᒍᑎᓕᕆᔭᐅᓂᕐᒧᑦ ᐸᕐᓇᐅᑎᑦ.

2. ᑮᓇᐅᔭᓕᕆᓂᕐᒧᑦ ᐸᕐᓇᐅᑎᑦ (ᐅᓪᓗᓕᒫᕐᒧᑦ) ᐅᑯᓂᖓ ᐃᓗᓕᖃᖅᖢᓂ:

  • ᐃᓅᓯᕐᒥ ᐊᑐᑕᐅᓲᑦ
  • ᑮᓇᐅᔭᓕᕆᔾᔪᑎᓄᑦ ᐃᓱᒪᒋᔭᕆᐊᓕᑦ
ᐱᒋᐊᕐᕕᖓ: 
ᓄᕕᐱᕆ 17, 2021
ᐃᓱᓕᕝᕕᖓ: 
ᓄᕕᐱᕆ 18, 2021
ᓇᓂ: 
MS Teams
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᕿᑭᖅᑖᓗᒃ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
ᐲᑕ ᐊᐅᑐᑦ
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᓄᕕᐱᕆ 16, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.