ᐅᖃᓚᐅᑎᓯᐅᑏᑦ

You are here

ᐸᕐᓇᐃᓂᖅ ᐃᓐᓇᐅᓗᐊᓕᖅᑐᓄᑦ ᐃᖅᑲᓇᐃᔭᕈᓐᓃᓛᖅᑐᓄᑦ − MS Teams

ᐃᖅᑲᓇᐃᔭᖅᑎᐅᔪᓐᓃᓛᕐᓃᑦ ᐊᑯᓂᒋᖃᑦᑕᖅᐱᐅᒃ ᑭᓯᐊᓂᓗ ᐃᓱᒫᓘᑎᖃᖅᐱᑦ ᑭᐱᙳᓕᓛᕋᓱᒋᓪᓗᑎᑦ ᐱᔭᒃᓴᖃᑦᑎᐊᓛᕋᓱᒋᙱᖦᖢᑎᓪᓗ?

ᐃᖅᑲᓇᐃᔮᖃᐃᓐᓇᓚᐅᖅᖢᑎᑦ ᐅᑭᐅᓄᑦ 30 - 35 ᓇᓗᓕᖅᖢᑎᓪᓘᓐᓃᑦ ᑭᓱᓕᕆᔨᐅᔪᒪᓇᔭᕐᒪᖔᑦ ᐃᖅᑲᓇᐃᔮᖅᐱᑦ ᐊᓯᐊᓂ?

ᐃᓱᒫᓘᑎᖃᖅᐱᑦ ᖃᓄᐃᓕᐅᒐᒃᓴᖅᑕᖃᑦᑎᐊᔾᔮᕋᓱᒋᙱᖦᖢᒍ, ᐊᔾᔨᒋᙱᓪᓗᓂᐅᒃ ᐅᕝᕙᓘᓐᓃᑦ ᑭᒡᓕᖃᔭᓪᓗᑎᒃ ᐃᓄᖕᓄᑦ ᑐᓴᐅᒪᔪᓕᕆᔾᔪᑏᑦ ᐅᕝᕙᓘᓐᓃᑦ ᑐᒃᓯᕋᐅᑕᐅᖃᑦᑕᓕᖅᐸᑕ ᐃᓕᖕᓄᑦ ᐊᖓᔪᖅᑳᕐᓄᑦ ᐅᕝᕙᓘᓐᓃᑦ ᕿᑐᕐᖓᕐᓄᑦ?

ᐃᓱᒪᒃᓴᖅᓯᐅᑦᑎᐊᖅᓯᒪᕕᑦ ᐸᕐᓇᒃᑕᕐᓂᒃ ᑭᓯᐊᓂᓗ ᖃᐅᔨᔪᒪᑦᑎᐊᕐᓗᑎᑦ ᑭᓱᓪᓚᕆᖕᓂᒃ ᐃᓗᓕᖅᑕᖃᖅᐸᒌᕐᒪᖔᑕ?

ᐱᓕᕆᐊᕆᕙᒃᑕᕕᑦ ᐊᓯᐊᓂᒃ ᐱᓕᕆᖃᑦᑕᓛᕈᒪᕕᑦ ᐃᖅᑲᓇᐃᔭᖅᑎᐅᔪᓐᓃᕈᕕᑦ ᖃᕆᑕᐅᔭᓕᕆᖃᑕᐅᔪᒪᖃᑦᑕᕋᔭᖅᑰᖅᐱᑦ ᐃᓱᒪᒋᔭᑎᓪᓗ ᑐᓴᖅᑕᐅᑎᑉᐸᒡᓗᒋᑦ?

ᐱᓕᕆᐊᒃᓴᖅᑖᖅᓯᒪᓕᖅᐱᑦ ᖃᐅᔨᒪᔪᒪᕕᓪᓗ ᐱᓕᕆᐊᒃᓴᑦ ᐊᒻᒪ ᐃᓅᓯᕐᒧᑦ ᐸᕐᓇᐃᓂᖅ ᓇᓕᒧᒌᖕᓂᖏᓐᓂᒃ?

ᑮᓇᐅᔭᑎᒍᑦ ᐱᕙᒌᔭᖅᓯᒪᖃᑦᑕᕐᓂᖅ ᐃᓐᓇᐅᓗᐊᓕᖅᑐᓄᑦ ᐃᖅᑲᓇᐃᔭᖅᑎᐅᔪᓐᓃᖅᑐᓄᑦ ᐱᒻᒪᕆᐅᖕᒪᑦ, ᓴᖅᑭᓪᓗᒋᑦ ᐃᑉᐱᖕᓇᕐᓂᖏᑦ, ᐊᐅᓚᓂᒃᑯᑦ, ᐃᓱᒪᒃᑯᓪᓗ ᐅᔾᔨᕐᓇᕐᓂᖏᑦ ᐃᖅᑲᓇᐃᔮᖃᕐᓂᕐᓂᒃ ᓱᓕ, ᐃᓚᓕᐅᑎᕙᒡᓗᒋᓪᓗ ᓇᓕᒧᒌᒃᑐᓄᑦ ᐸᕐᓇᒃᑕᕐᓄᑦ ᐃᑲᔫᑎᖃᑦᑎᐊᕈᓐᓇᖅᐳᑦ ᐃᓐᓇᐅᓗᐊᓕᖅᑐᓄᑦ ᐃᖅᑲᓇᐃᔭᖅᑎᐅᔪᓐᓃᖅᑐᓄ.

ᐅᓇ ᐅᓪᓗᕐᒧᑦ ᐊᑕᐅᓯᕐᒧᑦ ᐃᓕᓐᓂᐊᒐᒃᓴᖅ ᐱᕙᒌᔭᕈᑎᒋᔪᓐᓇᖅᑕᑦ ᓅᑉᐸᓪᓕᐊᓗᑎᑦ ᐃᖅᑲᓇᐃᔭᖅᑎᐅᔪᓪᓃᕐᓂᕐᒧᑦ ᓴᖅᑭᓪᓗᒋᓪᓗ ᐃᓱᒪᒋᔭᕆᐊᖃᓗᐊᙳᐊᖅᑐᑦ ᐱᓪᓚᕆᒃᖢᑎᒃ ᓴᖅᑭᑉᐸᒃᑐᑦ.

  • ᐱᓕᕆᖃᑎᒌᖕᓂᕐᒥ ᐱᔾᔪᑕᐅᔪᑦ:
  • ᓄᑖᓄᑦ ᖃᓄᐃᑦᑑᓂᖏᑦ ᐃᓐᓇᐅᓕᕐᓂᖓᓄᑦ ᐃᖃᓇᐃᔮᖃᕈᓐᓃᖅᑐᓄᑦ
  • ᐊᐅᓚᑦᑎᓂᖅ ᐊᓯᔾᔨᖅᐸᓪᓕᐊᓂᕐᒧᑦ
  • ᐱᓕᕆᐊᖓᓄᑦ ᓇᓗᓇᐃᔭᐃᕐᓂᖅ
  • ᐃᓅᓯᓕᕆᓂᖅ
  • ᐱᓕᕆᖃᑎᒌᖕᓃᑦ
  • ᐃᓅᓯᕐᓄᑦ ᐱᕙᒌᔭᐅᑦ

ᐃᓕᓐᓂᐊᒐᕐᓴᐅ ᐃᓱᐊᓂ, ᐃᒪᓐᓇᐃᓕᐅᕈᓐᓇᖅᓯᓂᐊᖅᑐᑎᑦ:

  • ᓇᓗᓇᐃᔭᐃᓂᖅ ᑐᑭᓕᐅᕆᔭᑎᑦ ᐃᖃᓇᐃᔭᕈᓐᓃᖅᑐᓄᑦ ᐃᓐᓇᐅᓕᖅᑐᓄᑦ
  • ᑐᑭᓯᐅᒪᑦᑎᐊᕐᓂᖅ ᐊᓯᔾᔨᖅᐸᓪᓕᐊᔪᑦ ᐊᒃᑐᐊᓂᖃᕐᑐᑦ ᐃᓕᖕᓂᑦ ᐊᒻᒪᓗ ᖃᓄᖅ ᐊᐅᓚᑕᐅᑦᑎᐊᕈᓐᓇᕐᒪᖔᑕ
  • ᖃᐅᔨᒋᐊᕐᓗᒋᑦ ᐊᑭᖓ ᒫᓐᓇᐅᔪᖅ ᐃᖃᓇᐃᔭᕐᕕᒋᔭᕐᓂᑦ ᐊᒻᒪᓗ ᖃᐅᔨᓗᒍ ᖃᓄᖅ ᐋᕿᒍᓐᓇᕐᒪᖔᑕ ᐃᖃᓇᐃᔭᕈᓐᓃᕈᕕᑦ
  • ᐊᑐᓕᕐᓗᒋᑦ ᐃᓅᓯᖅᑖᕆᔪᒪᔭᑦ ᓇᓗᓇᐃᔭᐃᓂᖅ ᐱᓕᕆᐊᕆᔪᒪᓇᔭᖅᑕᑎᑦ, ᑐᕌᕆᔪᒪᔭᑎᑦ ᐊᒻᒪᓗ ᐸᕐᓇᐅᑎᒋᔭᑎᑦ
  • ᐊᑐᓕᕐᓗᒋᑦ ᒫᓐᓇᐅᔪᑦ ᖃᓄᐃᓕᐅᖃᑦᑕᖅᑕᑎᑦ ᐊᒻᒪᓗ ᓇᓗᓇᐃᔭᕐᓗᒋᑦ ᐋᕿᒋᐊᕈᒪᔭᑎᑦ ᐋᕿᒃᓱᖅᐸᓪᓕᐊᑦᑎᓪᓗᒋᑦ ᓈᒻᒪᓛᒥᑦ ᐃᖏᕐᕋᓂᕆᔭᐅᔪᒥᑦ
  • ᐃᓕᑦᑎᓗᑎᑦ ᑲᑎᙵᖃᑎᒌᖏᓐᓇᕐᓂᕐᒧᑦ ᓄᓇᓕᖕᓂᑦ ᐊᒻᒪᓗ ᐊᕙᑎᒥᑦ
  • ᖃᐅᔨᓗᒋᑦ ᒫᓐᓇᐅᔪᒥᑦ ᐱᕙᓪᓕᐊᔪᑦ, ᐊᒻᒪᓗ ᐊᑑᑎᖃᕐᐸᑦ ᐅᕝᕙᓘᓐᓃᑦ ᖃᓄᖅ ᐊᑑᑎᖃᕐᒪᖔᑕ ᐱᕙᓪᓕᐊᔪᑦ ᐊᓯᔾᔨᕈᑎᖃᕐᒪᖔᑦ ᐃᖃᓇᐃᔭᕈᓐᓃᕐᓂᕐᓄᑦ ᐊᒻᒪᓗ ᖃᓄᐃᓕᐅᕈᓐᓇᕐᒪᖔᑕ ᐊᐅᓚᑦᑎᓐᓂᕐᒧᑦ ᐊᓯᔾᔨᖅᐸᓪᓕᐊᓂᕐᒧᑦ
  • ᖁᓱᖏᓪᓗᓂ ᐊᒻᒪᓗ ᖁᕕᐊᓲᑎᖃᕐᓗᓂ ᓯᕗᓂᒃᓴᒥᑦ
ᐱᒋᐊᕐᕕᖓ: 
ᕕᕝᕗᐊᓕ 01, 2022
ᐃᓱᓕᕝᕕᖓ: 
ᕕᕝᕗᐊᓕ 01, 2022
ᓇᓂ: 
ᖃᕆᓴᐅᔭᒃᑯᑦ ᐱᓕᕆᖃᑎᒌᑦ
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᕿᑎᕐᒥᐅᑦ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
ᒍᕌᓐᑦ ᑰᕆ
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᔭᓐᓄᐊᓕ 31, 2022
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.