ᐅᖃᓚᐅᑎᓯᐅᑏᑦ

You are here

ᑎᑎᕋᕐᕕᖕᒥ ᐱᓕᕆᔪᓐᓇᖅᓯᓇᓱᐊᕐᓂᕐᒧᑦ ᐃᓕᓐᓂᐊᒐᒃᓴᖅ − MS Teams

ᑎᑎᕋᕐᕕᖕᒥ ᐱᓕᕆᔪᓐᓇᖅᓯᓇᓱᐊᕐᓂᕐᒧᑦ ᐃᓕᓐᓂᐊᒐᒃᓴᖅ ᐃᓕᓐᓂᐊᒐᒃᓴᖅᑕᖃᖅᐳᖅ ᑎᓴᒪᐅᓪᓗᑎᒃ ᖃᓄᖅ ᐃᑲᔪᖅᑐᐃᔪᓐᓇᕐᒪᖔᑕ ᐃᖅᑲᓇᐃᔭᖅᑎᓂᒃ ᖃᐅᔨᓇᓱᒃᐸᒃᑐᓂᒃ ᖃᓄᖅ ᐊᔪᕈᓐᓃᒃᑲᓐᓂᕈᓐᓇᕐᒪᖔᑕ ᐅᑯᓇᓂ ᓇᓕᐊᖕᓂᑐᐃᓐᓇᖅ ᑎᑎᕋᖅᓯᒪᔪᓂᒃ. 

ᐃᓕᓐᓂᐊᖃᑕᐅᔪᒪᓪᓗᑎᒃ ᐊᑎᓕᐅᖅᑕᐅᖃᑕᐅᔪᑦ ᑖᒃᑯᓄᖓ ᐃᓕᓐᓂᐊᖅᑕᐅᔪᒃᓴᓄᑦ ᐊᑎᓕᐅᖅᑕᐅᖃᑕᐅᓯᑲᐅᑎᒋᓂᐊᖅᑐᑦ ᑕᒪᐃᓐᓂᒃ ᑎᓴᒪᓂᒃ ᐃᓕᓐᓂᐊᖅᑕᐅᔪᒃᓴᓂᒃ ᑎᑎᕋᖅᓯᒪᔪᑦ ᐊᑖᓂ, ᐊᒻᒪ ᓄᓇᕗᑦ ᒐᕙᒪᒃᑯᓐᓂ ᐃᓕᑕᕆᔭᐅᔾᔪᑎᑖᕈᑎᒧᑦ ᐊᓂᒍᐃᔪᑦ ᑐᓐᓂᖅᑯᑕᐅᓛᖅᖢᑎᒃ ᑕᐃᒃᑯᓄᖓ ᐊᓂᒍᐃᓚᐅᖅᑐᓄᑦ ᐊᑕᖏᖅᖢᒍ ᑖᒃᑯᓇᙵᑦ ᐃᓕᓐᓂᐊᖅᑕᐅᒋᐊᓕᖕᓂᒃ.

ᐃᖅᑲᓇᐃᔭᖅᑎᓄᑦ ᐃᓚᐃᓐᓇᖏᓐᓂᒃ ᐃᓕᓐᓂᐊᖃᑕᐅᔪᒪᔪᓄᑦ ᑖᒃᑯᓇᙵᑦ ᐃᓕᓐᓂᐊᖅᑕᐅᔪᒃᓴᓂᒃ, ᑐᒃᓯᕋᐅᑎᖏᑦ ᐊᖏᖅᑕᐅᓂᐊᖅᐳᑦ ᐅᑕᖅᑭᔪᓄᓪᓗ ᑎᑎᕋᖅᑕᐅᓂᐊᖅᐳᑦ ᓯᕗᓪᓕᐅᑎᔭᒃᓴᙳᖅᑎᑕᐅᓗᑎᒃ ᐊᑎᓕᐅᖅᑕᐅᖃᑕᐅᓯᒪᔪᑦ ᑕᒪᐃᓐᓄᑦ ᐃᓕᓐᓂᐊᖅᑕᐅᔪᒃᓴᓄᑦ.     ᐅᑕᖅᑭᑎᑕᐅᔪᑦ ᐊᑎᓕᐅᖅᑕᐅᓯᒪᔪᑦ ᖃᐅᔨᑎᑕᐅᓂᐊᖅᐳᑦ ᐃᓕᓐᓂᐊᒐᒃᓴᑦ ᐅᓪᓗᖏᑦ ᖃᒡᓕᒃᑲᓐᓂᖅᐸᑕ ᐃᓂᒃᓴᖅᑕᖃᖅᐸᑦ.   

ᐃᓕᓐᓂᐊᒐᒃᓴᖅ 1: ᑲᑎᒪᔾᔪᑕᐅᔪᓂᒃ ᑎᑎᕋᕈᓐᓇᑦᑎᐊᕐᓂᖅ − ᓯᑎᐱᕆ 16-17, 2021, 1:30-ᒥ 5:00-ᒧᑦ ᐅᓐᓄᒃᓴᒃᑯᑦ ᑲᓇᖕᓇᒥ

ᑖᓐᓇ ᐃᓕᓐᓂᐊᒐᒃᓴᖅ ᐱᑎᑦᑎᕙᒃᐳᖅ ᐊᑐᖅᑕᐅᔪᓐᓇᖅᑐᓂᒃ ᐱᕙᒌᔭᖅᓯᓂᐊᕐᓗᓂ ᑲᑎᒪᓂᕐᒧᑦ ᑲᑎᒪᔾᔪᑕᐅᓂᐊᖅᑐᓂᒃ, ᑎᑎᕋᖅᓯᕙᓪᓕᐊᓂᕐᒥᒡᓗ ᐊᑐᕐᓂᖃᕈᓐᓇᑦᑎᐊᖅᑐᓂᒃ ᑲᑎᒪᔾᔪᑎᓂᒃ. ᐃᓚᐅᔪᑦ ᕿᒥᕐᕈᐊᖅᓯᓂᐊᖅᐳᑦ ᐊᔾᔨᒌᙱᑦᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᓴᖅᑭᑎᑦᑎᓂᐊᕐᓗᓂ ᑲᑎᒪᔾᔪᑎᕕᓂᕐᓂᒃ ᑐᑭᓯᓇᑦᑎᐊᕐᓗᒋᑦ ᑎᑎᕋᖅᓯᒪᑦᑎᐊᕐᓗᒋᓪᓗ. ᑖᓐᓇ ᐃᓕᓐᓂᐊᒐᒃᓴᖅ ᐃᓚᖃᖅᐳᖅ ᑲᑎᒪᔪᖃᓚᐅᙱᓐᓂᖓᓂ ᑲᑎᒪᔪᖄᓂᒃᓯᒪᓕᖅᑎᓪᓗᒍᓗ ᐊᑐᖅᑕᐅᔪᓐᓇᖅᑐᓂᒃ ᑲᑎᒪᔾᔪᑎᓂᒃ ᑎᑎᕋᖅᓯᕙᓪᓕᐊᓂᐊᕐᓗᓂ ᑲᔪᓯᓂᖃᑦᑎᐊᕈᓐᕐᓇᕐᓂᖅᓴᓂᒃ.

ᐃᓚᐅᔪᑦ ᑕᕝᕙᓂ ᐃᓕᓐᓂᐊᒐᒃᓴᒥ ᐃᓕᑦᑎᓂᐊᖅᐳᑦ ᐃᒪᓐᓇ:

  • ᐊᑐᕐᓗᑎᒃ ᐊᑐᖅᑕᐅᕙᒃᑐᒥᒃ ᑲᑎᒪᔾᔪᑎᓂᒃ ᑎᑎᕋᖅᓯᕙᓪᓕᐊᓂᐊᕐᓗᓂ
  • ᐊᑐᕐᓗᑎᒃ ᐊᑐᖅᑕᐅᔪᓐᓇᖅᑐᓂᒃ ᐱᐅᓯᒋᐊᖅᑎᑦᑎᓂᐊᕐᓗᓂ ᓱᒃᑲᓂᖓᓂᒃ ᑕᒻᒪᖅᑕᙱᓐᓂᖏᓐᓂᒡᓗ ᑎᑎᕋᖅᑕᐅᕙᓪᓕᐊᔪᑦ ᑲᑎᒪᔪᖃᕐᓂᖓᓂ
  • ᑐᑭᓕᐅᕐᓗᒋᑦ ᑲᑎᒪᔪᓂᒃ ᑎᑎᕋᖅᑕᐅᓂᑯᑦ ᑲᑎᒪᔾᔪᑎᑦᑎᐊᕙᐅᓕᖅᑎᓪᓗᒋᑦ, ᐊᑐᕐᓗᓂ ᐊᔾᔨᒌᙱᑦᑐᓂᒃ ᑲᑎᒪᔾᔪᑎᓂᒃ ᑎᑎᕋᖅᓯᓂᕐᒧᑦ ᐊᑐᖅᑕᐅᕙᒃᑐᑦ

ᐃᓕᓐᓂᐊᒐᒃᓴᖅ 2: ᐱᓕᕆᐊᓂᒃ ᐊᐅᓚᑦᑎᔨᓂᒃ ᐊᔪᕈᓐᓃᖅᑕᐅᕙᒃᑐᑦ ᑎᑎᕋᕐᕕᓕᕆᓂᕐᒥ ᐊᔪᙱᓐᓂᖃᓪᓚᕆᒃᑐᓄᑦ − ᓯᑎᐱᕆ 21-22, 2021, 9:30-ᒥ 4:30-ᒧᑦ ᐅᓐᓄᒃᓴᒧᑦ ᑲᓇᖕᓇᒥ

ᑎᑎᕋᕐᕕᓕᕆᓂᕐᒧᑦ ᐱᓕᕆᔪᓐᓇᓪᓚᕆᒃᑐᑦ ᐊᐱᕆᔭᐅᒐᔪᒃᐸᒃᐳᑦ ᐱᓕᕆᐊᒃᓴᒥᒃ ᐱᓕᕆᖁᔭᐅᓪᓗᑎᒃ ᐃᓱᐊᓂᑦ ᐃᓱᐊᓄᑦ. ᑕᒪᒃᑯᐊ ᐱᓕᕆᐊᒃᓴᐃᑦ ᐊᔾᔨᒌᙱᓐᓂᖃᕈᓐᓇᖅᐳᑦ ᑲᑎᒪᕐᔪᐊᕐᓂᕐᓂᑦ ᐃᓂᓪᓚᕆᒋᔭᐅᔪᓂᓪᓗ ᐱᕐᔪᐊᓄᑦ ᐱᓕᕆᐊᖑᔪᓄᑦ ᐊᓯᔾᔨᖅᓯᓂᕐᒧᓪᓗ ᐊᐅᓚᑦᑎᔨᒋᔭᐅᔪᓂᒃ. ᑲᔪᓯᓂᖃᑦᑎᐊᕈᒪᒍᑎᒃ ᑕᒪᒃᑯᓄᖓ ᐱᔭᒃᓴᕆᔭᐅᑎᑕᐅᔪᓄᑦ, ᑎᑎᕋᕐᕕᓕᕆᓂᕐᒧᑦ ᐱᓕᕆᔪᓐᓇᓪᓚᕆᒃᑐᑦ ᐊᑐᕆᐊᖃᖅᐳᑦ ᐊᔪᕈᓐᓃᖅᓯᒪᔭᒥᓂᒃ ᐱᓕᕆᐊᖑᔪᓂᒃ ᐊᐅᓚᑦᑎᕝᕕᖃᕐᓂᐊᕐᓗᓂ.

ᐃᓚᐅᔪᑦ ᑕᕝᕙᓂ ᐃᓕᓐᓂᐊᒐᒃᓴᒥ ᐃᓕᑦᑎᓂᐊᖅᐳᑦ ᐃᒪᓐᓇ:

  • ᖁᓱᙱᑦᑎᐊᕐᓗᑎᒃ ᐱᓕᕆᐊᖃᕈᓐᓇᖅᓯᓗᑎᒃ ᐃᓗᓕᖃᐅᑦᑎᐊᖅᑐᓂᒃ ᐱᓕᕆᐊᒃᓴᓂᒃ
  • ᐱᓕᕆᐊᒃᓴᓂᒃ ᓴᖅᑭᑎᑦᑎᓗᑎᒃ ᓈᒻᒪᖅᑯᑦᑎᓗᑎᒃ, ᑮᓇᐅᔭᑎᒍᑦ ᓈᒻᒪᓈᕐᓗᒋᑦ ᐊᖑᒻᒪᑎᓗᑎᒡᓗ ᓂᕆᐅᒋᔭᐅᔪᓄᑦ
  • ᐱᕙᒌᔭᕈᓐᓇᖅᓯᓗᑎᒃ ᓂᕆᐅᓇᙱᑦᑐᓄᑦ, ᐊᐅᓚᑦᑎᔪᓐᓇᖅᓯᓗᑎᒃ ᖁᐊᖅᓵᕐᓇᖅᑐᓂᒃ ᓇᓂᓯᓗᑎᒡᓗ ᐱᕕᒃᓴᓂᒃ ᐃᓚᓯᔪᓐᓇᕐᓂᕐᒥᒃ ᐱᐅᓯᒋᐊᕈᑎᖓᓂᒃ
  • ᐱᓕᕆᖃᑎᒌᓂ ᐆᒻᒪᕆᖕᓂᕆᔭᐅᔪᖅ ᐊᑐᕐᓗᒍ ᓴᓇᓂᐊᕐᓗᑎᒃ ᐱᐅᓂᖅᓴᓂᒃ ᐱᓕᕆᐊᒃᓴᓂᒃ
  • ᑐᔾᔭᕐᓗᒋᑦ ᐱᓕᕆᐊᖑᔪᑦ ᓇᓗᓇᐃᔭᐃᔪᒪᓂᕐᒧᑦ ᐊᔾᔨᒌᙱᓐᓂᕆᔭᖏᓐᓂᒃ, ᐋᖅᑭᒋᐊᑦᑎᐊᕐᓗᒋᓪᓗ ᓈᒻᒪᒃᑐᒃᑯᑦ
  • ᐊᑐᕐᓗᒍ ᐅᖃᐅᓯᖅ ᐱᓕᕆᐊᖑᔪᒥ ᐊᐅᓚᑦᑎᓂᕐᒥ

ᐃᓕᓐᓂᐊᖅᑕᐅᔪᒃᓴᖅ 3: ᐅᓂᒃᑳᓕᐅᕐᓂᖅ − ᓯᑎᐱᕆ 23, 2021-9:30-ᒥ 4:30−ᒧᑦ ᐅᓐᓄᒃᓴᒧᑦ ᑲᓇᖕᓇᒥ

ᐅᓇ ᐃᓕᓐᓂᐊᖅᓯᓐᓈᑦ ᑲᑎᒪᓂᖅ ᐃᑲᔫᑎᒋᓂᐊᖅᐸᓯᐅᒃ ᑎᑎᕋᕈᓐᓇᖅᓯᓗᓯ ᐅᓂᒃᑳᓕᐅᑦᑎᐊᕈᓐᓇᖅᓯᓗᓯ ᐱᐅᔪᓂᒡᓗ ᑐᒃᓯᕋᐅᓯᐅᕈᓐᓇᖅᓯᓗᓯ ᕿᓚᒥᒻᒪᕆᑯᓗᒃ. ᐸᕐᓇᐃᔪᓐᓇᖅᓯᑦᑎᐊᕐᓗᓯ, ᑐᑭᒧᐊᒍᑎᓕᐅᕈᓐᓇᖅᓯᓗᓯ ᑎᑎᕋᕈᓐᓇᖅᓯᑦᑎᐊᕐᓗᓯ, ᐋᖅᑭᑦᑎᐊᖅᓯᒪᓗᑎᒃ ᒪᓕᑦᑎᐊᕐᓗᑎᒡᓗ, ᐃᑲᔫᑎᒃᓴᖅᑕᖃᕐᓗᓂᓗ ᐱᕚᓪᓕᕈᑎᒃᓴᓂᒃ ᐊᒃᑐᖅᑕᐅᔾᔪᓯᕐᓄᑦ ᐊᒻᒪ ᑎᓕᐅᕈᑎᒋᔪᓐᓇᖅᓯᑦᑎᐊᕐᓗᒋᑦ. ᐃᓕᓐᓂᐊᒐᒃᓴᖅ ᐱᓕᕆᐊᕆᑲᐅᑎᒋᔭᒃᓴᐅᔪᖅ ᖁᕕᐊᓇᖅᖢᓂᓗ, ᐱᕕᒃᓴᖅᑕᖃᑦᑎᐊᖅᖢᓂᓗ ᐊᔪᕈᓐᓃᖅᓴᖅᑕᐅᒋᐊᖃᖅᐸᑕ ᐊᔪᕈᓐᓃᖅᓴᖅᑕᐅᔪᓐᓇᖅᖢᑎᒃ ᐊᔪᕈᓐᓃᖅᑕᐅᕚᓪᓕᕐᓗᑎᒡᓗ. ᓇᒃᓴᕈᓐᓇᖅᑐᓯ ᐆᒃᑑᑎᒃᓴᓂᒃ ᐱᓕᕆᐊᕆᔭᔅᓯᓐᓂᒃ ᐃᓕᓴᐃᔨᒧᑦ ᖃᐅᔨᓴᖅᑕᐅᔪᒃᓴᓂᒃ.

ᑕᒪᑐᒪ ᐊᔪᕈᓐᓃᖅᓴᒐᒃᓴᐅᑉ ᐃᓱᐊᓂ, ᐃᓚᐅᔪᑦ ᐃᓕᓯᒪᓕᕐᓂᐊᖅᐳᑦ ᐃᒪᓐᓇ:

  • ᐸᕐᓇᐃᔪᓐᓇᖅᓯᓗᓯ ᑐᒃᓯᕋᐅᑎᔅᓯᓐᓂᒃ ᐅᓂᒃᑳᔅᓯᓐᓂᒡᓗ ᑐᑭᓯᓇᕐᓗᑎᒃ ᐊᒻᒪ ᐃᓱᒪᒃᓴᖅᓯᐅᖅᓯᒪᑦᑎᐊᕐᓗᑎᒃ
  • ᓇᓗᓇᐃᖅᓯᔪᓐᓇᖅᓯᓗᓯ ᐅᖃᓕᒫᖅᑎᐅᑉ ᐱᔭᕆᐊᖃᖅᑕᖏᓐᓂᒃ ᐱᓕᕆᐊᒃᑯᒥᒋᔭᖏᓐᓂᒡᓗ
  • ᑎᑎᕋᕈᓐᓇᖅᓯᑦᑎᐊᕐᓗᓯ ᓈᒻᒪᒃᓯᓕᖅᑎᓪᓗᒋᑦ ᐅᖃᓕᒫᖅᑎᓄᑦ ᓈᒻᒪᒋᔭᐅᔪᓂᒃ
  • ᑎᑎᕋᕈᓐᓇᖅᓯᑦᑎᐊᕐᓗᓯ, ᒪᓕᑦᑎᐊᖅᑐᓂᒃ ᐊᒃᑐᐃᑦᑎᐊᖅᑐᓂᒡᓗ
  • ᐱᕚᓪᓕᖅᑎᓪᓗᒍ ᐱᔪᓐᓇᕐᓂᕆᔭᐃᑦ ᐊᒻᒪ ᑎᓕᐅᕆᔪᓐᓇᕐᓂᕆᔭᐃᑦ
  • ᐋᖅᑭᒃᓯᔪᓐᓇᖅᓯᓗᓯ ᑎᑎᕋᑦᑎᐊᖅᓯᒪᔪᓂᒃ ᑐᑭᓯᓇᑦᑎᐊᖅᑐᓂᒡᓗ

ᐃᓕᓐᓂᐊᒐᒃᓴᖅ 4; ᐊᒡᓚᕝᕕᓕᕆᓂᕐᒧᑦ ᐊᑐᖅᑕᐅᔾᔪᓯᖏᑦ − ᓯᑎᐱᕆ 28, 2021, 9:30-ᒥ 4:30-ᒧᑦ ᐅᓐᓄᒃᓴᒧᑦ ᑲᓇᖕᓇᒥ 

ᐊᑑᑎᖃᑦᑎᐊᖅᑐᑦ ᐊᒡᓚᕝᕕᓕᕆᓂᕐᒧᑦ ᑲᔪᓯᓂᕆᔭᐅᕙᒃᑐᑦ ᐱᒻᒪᕆᐊᓘᕗᑦ ᑲᔪᓯᓂᖃᑦᑎᐊᕈᓐᓇᕐᓂᖏᓐᓄᑦ ᑕᒪᕐᒥᑦᑎᐊᖅ ᑲᑐᔾᔨᖃᑎᒌᑦ. ᐃᓕᓐᓂᐊᖃᑕᐅᔪᑦ ᐊᔪᕈᓐᓃᕐᓂᐊᖅᐳᑦ ᖃᓄᖅ ᐊᒡᓚᒡᕕᓕᕆᓂᕐᒧᑦ ᑲᔪᓯᓂᕆᔭᐅᕙᒃᑐᒧᑦ ᑐᖅᑯᖅᓯᓯᒪᕝᕕᒃ ᑕᑯᑎᑦᑎᔪᓐᓇᕐᓂᖓᓂᒃ ᐱᓕᕆᔨᓪᓚᕆᐅᔪᓐᓇᕐᓂᕐᒥᒃ ᑲᔪᓯᓂᖃᑦᑎᐊᕈᓐᓇᕐᓂᖓᓕᒡᓗ ᑎᑎᕋᕐᕕᓕᕆᓂᐊᕐᓗᓂ. ᑎᑎᕋᕐᕕᓕᕆᓂᕐᒧᑦ ᖃᓄᐃᓕᐅᖅᑕᐅᔪᒪᔪᑦ  ᑲᔪᓯᓂᕆᔭᐅᕙᒃᑐᓪᓗ ᐱᒻᒪᕆᐅᓘᓪᓗᑎᒃ ᐊᑕᓂᕆᔭᐅᓂᖏᓐᓂᒃ ᑲᑐᔾᔨᖃᑎᒌᒃᑯᑦ ᑕᐅᑐᖅᑰᖅᑕᖏᓐᓂᒃ ᐊᒻᒪᓗ ᖃᐅᑕᒫᑦ ᐊᐅᓚᓂᕆᕙᒃᑕᖏᓐᓂ.

ᐃᓚᐅᔪᑦ ᑕᕝᕙᓂ ᐃᓕᓐᓂᐊᒐᒃᓴᒥ ᐃᓕᑦᑎᓂᐊᖅᐳᑦ ᐃᒪᓐᓇ:

  • ᐋᖅᑭᓱᐃᓗᑎᒃ ᑐᖅᑯᖅᓯᓯᒪᕝᕕᖕᒥᒃ ᖃᐅᔨᒋᐊᖃᐅᖅᑐᕐᕕᒋᔪᓐᓇᖅᑕᒥᓂᒃ ᐊᑐᓕᕈᓐᓇᖅᑕᒥᓂᒡᓗ
  • ᐋᖅᑭᒃᑐᓱᐃᓗᑎᒃ ᐱᓕᕆᔾᔪᓰᓂᒃ
  • ᐱᕙᒌᔭᐃᓗᑎᒃ ᓇᓗᓇᐃᖅᐸᓪᓕᐊᔭᕆᐊᓕᖕᓂᒃ
  • ᑲᑎᑦᑎᓗᑎᒃ ᓈᒻᒪᒃᑐᓂᒃ ᐱᓕᕆᔾᔪᑎᓂᒃ

ᑐᓴᒐᒃᓴᖅ ᐱᒻᒪᕆᐅᔪᖅ: 

ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᓕᒫᑦ ᑐᙵᓱᒃᑎᑕᐅᕗᑦ ᑖᒃᑯᓄᖓ ᐃᓕᓐᓂᐊᒐᒃᓴᓄᑦ ᐊᑎᓕᐅᖅᑕᐅᖃᑕᐅᔪᓐᓇᖅᑐᑦ (ᐃᓕᓐᓂᐊᕋᔭᖅᑐᑦ ᖃᔅᓰᓐᓇᐅᒋᐊᖃᖦᖤᖅᐳᑦ ᐃᓂᒃᓴᖃᑐᐊᖅᐸᑦ), ᑭᓯᐊᓂ ᐃᓕᓐᓂᐊᒐᒃᓴᑦ ᑐᙵᕕᖃᕐᓂᐊᖅᑐᑦ ᖃᐅᔨᓴᐅᒻᒥᒃ ᑲᓇᖕᓇᕐᒥᒃ.  ᐃᓕᓐᓂᐊᖃᑕᐅᔪᑦ ᐱᐊᓂᖁᔭᐅᒐᓗᐊᖅᐳᑦ ᐃᓕᓐᓂᐊᖅᑕᒥᓂᒃ ᐊᑕᖏᕐᓗᒎᒐᓗᐊᖅ ᒪᓕᒃᑕᐅᕙᒡᓗᓂᓗ ᖃᐅᔨᓴᐅᑦ ᐋᖅᑭᒃᑕᐅᓯᒪᔪᖅ ᐃᓕᓐᓂᐊᕐᓂᐊᖅᑎᓪᓗᒋᑦ. 

 

ᐱᒋᐊᕐᕕᖓ: 
ᓯᑎᐱᕆ 16, 2021
ᐃᓱᓕᕝᕕᖓ: 
ᓯᑎᐱᕆ 28, 2021
ᓇᓂ: 
MS Teams
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
ᕿᑭᖅᑖᓗᒃ
ᑐᑭᓯᒋᐊᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ: 
ᐲᑕ ᐊᐅᑐᑦ
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᓯᑎᐱᕆ 15, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.