ᐅᖃᓚᐅᑎᓯᐅᑏᑦ

You are here

ᐅᓪᓗᒥ ᐊᑐᓕᖅᑐᓄᑦ ᑕᐃᒎᓰᑦ

ᑖᓐᓇ ᐃᓕᓐᓂᐊᕋᔅᓴᖅ ᓴᓇᒪᓂᖃᖅᑐᖅ ᐃᑲᔪᕈᑕᐅᓗᓂ ᐃᓕᓐᓂᐊᖅᑎᓄᑦ ᐅᖃᐅᓯᕐᓂᑦ ᐊᔾᔨᒌᙱᑦᑐᑦ ᑲᑎᖅᓱᐃᓯᒪᓂᐊᙱᒻᒪᑕ − ᐃᒫᒃ ᖃᓪᓗᓈᑐᑦ ᐅᖃᐅᓯᕐᓂᑦ ᐃᓚᓯᓗᑎᑦ ᐃᓄᒃᑐᑦ ᐅᖃᓕᒪᑎᓪᓗᒋᑦ ᐅᕙᓗ ᑎᑎᕋᖅᑎᓪᓗᒋᑦ. ᐃᖅᑲᓇᐃᔭᕐᕕᒻᒥᑦ, ᐊᖏᕐᕋᒥᑦ ᓄᓇᓕᒻᒥᓪᓗ, ᑕᒪᓐᓇ ᐊᑐᖅᑕᐅᖃᑦᑕᓕᖅᓯᒪᒻᒪᑦ ᖃᓪᓗᓈᑐᑦ ᑕᐃᒎᓯᖏᓐᓂᑦ ᑖᒃᑯᐊᓘᓐᓃᑦ ᐊᑑᑎᖃᑦᑎᐊᖅᑐᒥᑦ, ᐊᒻᒪᓗ ᐃᓚᖓᒍᑦ ᐱᐅᓂᖅᓴᒻᒪᕆᒻᒥᒃ, ᐃᓄᒃᑐᑦ ᐅᖃᐅᓯᖅᑕᖃᕋᓗᐊᖅᑎᓪᓗᒍ ᐊᑐᕈᓐᓇᖅᑕᖓᓐᓂᒃ. ᐃᓕᓐᓂᐊᖅᑏᑦ ᖃᐅᔨᓴᕈᑎᖃᕐᓂᐊᖅᑐᑦ ᐊᒻᒪᓗ ᐃᖅᑲᐅᒪᓂᖃᖃᑦᑕᕐᓗᑎᑦ ᐅᓪᓗᑕᒫᑦ ᐃᓄᒃᑐᑦ ᐅᖃᓕᒪᓂᖃᖃᑦᑕᑎᓪᓗᒋᑦ ᐊᒻᒪᓗᑦᑕᐅᖅ ᐃᓕᓐᓂᐊᕐᓗᑯᑎᑦ ᓄᑖᓂᑦ ᑕᐃᒎᓯᓂᒃ ᐱᔾᔪᑎᖃᖅᑐᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐊᒻᒪᓗ ᖃᕆᓴᐅᔭᓕᕆᓂᕐᒧᑦ. ᐃᓕᓐᓂᐊᕈᑎᖏᑎᒍᑦ ᕿᒥᕐᕈᓂᐊᖅᑐᑦ ᐊᔅᓱᕈᕐᓇᕈᑕᐅᔪᓂᑦ ᑕᐅᒎᓯᓕᐅᕐᓂᕐᒧᑦ ᐊᒻᒪᓗ ᓄᑖᓂᒃ ᓴᖅᑭᐊᑎᕆᓂᕐᒥᑦ ᑕᐃᒎᓯᓕᕆᓂᑦ ᑖᓐᓇ ᑐᕌᒐᕆᓗᒍ ᐃᓄᒃᑐᑦ ᐅᖃᐅᓯ ᐊᑐᖅᑕᐅᔪᓐᓇᑦᑎᐊᖁᓪᓗᒍ ᐃᖅᑲᓇᐃᔭᕐᕕᓐᓂᑦ.  

ᐃᓕᓐᓂᐊᒐᔅᓴᖅ ᐊᑐᐃᓐᓇᐅᑎᑕᐅᔪᖅ ᐱᓇᓱᐊᕈᓰᑦ ᑎᓴᒪᑦ ᐅᖓᑖᓄᓪᓗ ᐊᑯᓂᐅᑎᒋᔪᒥᑦ ᖃᕋᓴᐅᔭᑎᒍᑦ ᐃᓕᓐᓂᐊᕈᑎᐅᓗᓂ. ᓂᕆᐅᒋᔭᐅᔪᖅ ᐱᓕᕆᐊᔅᓴᐃᑦ ᐃᑲᕐᕋᑦ 20-25ᒧᑦ ᐊᑯᓂᐅᑎᒋᔪᒥᑦ ᐱᓇᓱᐊᕈᓯᐅᑉ ᐃᓗᓂᐊ, ᐃᓚᒋᓪᓗᒍᓗ ᐅᓪᓗᐃᑦ ᐃᓕᓐᓂᐊᕐᓇᐃᑦ ᐋᖅᑭᓱᕐᓗᒋᑦ ᐊᒻᒪᓗ ᐃᒻᒥᓂᒃ ᑲᒪᒋᓗᒋᑦ ᐱᓕᕆᐊᔅᓴᐃᑦ.. ᐃᓕᓂᐊᖅᑎᑦᑎᓂᖃᓕᖅᑎᓪᓗᒋᑦ ᐃᓄᑦᑑᖓᔪᐃᓐᓇᐅᓛᖅᑐᖅ.

ᖃᐅᔨᒪᔭᕆᐊᓕᒃ: ᑖᓐᓇ ᐃᓕᓐᓂᐊᒐᒃᓴᖅ ᐱᕈᕐᕕᒃᑯᑦ ᐃᓕᓐᓂᐊᖅᑎᑦᑎᓂᖓᑕ ᐃᓚᒋᖃᓯᐅᑎᔭᖓ 10ᓄᑦ ᑕᖅᑭᓄᑦ ᐃᓕᓴᕆᔭᐅᔾᔪᑎᑖᖅᑎᑦᑎᓂᕐᒧᑦ ᐃᓕᓐᓂᐊᕈᑎᖓᓐᓂᒃ "ᕿᒪᑦᑐᕕᒃ: ᐃᓕᓐᓂᐊᕐᓗᑎᑦ ᐃᓄᒃᑑᕈᓐᓇᖅᓯᑦᑎᐊᕐᓂᕐᒥᑦ ᐊᔪᕈᓐᓃᖅᑎᑕᐅᓗᑎᑦ ᐃᖅᑲᓇᐃᔭᕐᕕᒻᒥᑦ" ᐃᓕᓐᓂᐊᖅᑎᑦᑎᓗᑎᑦ ᑲᑐᔾᔨᖃᑎᒋᓗᒋᑦ ᑖᒃᑯᐊ ᕕᒃᑑᕆᐊ ᓯᓚᑦᑐᖅᓴᕐᕕᔾᔪᐊᖓᓗ. ᑕᒪᓐᓇ ᐱᓪᓗᒍ, ᐃᓕᓐᓂᐊᖃᑕᐅᔪᑦ ᑕᑕᑎᕆᔭᕆᐊᖃᒃᑲᓐᓂᕐᓂᐊᖅᑐᑦ ᐊᑎᓕᐅᕐᕕᒻᒥᑦ ᕕᒃᑑᕆᐊ ᓯᓚᑦᑐᖅᓴᕐᕕᔾᔪᐊᖓᓐᓃᖔᖓᔪᒥᑦ. ᐃᓕᓐᓂᐊᖃᑕᐅᔪᑦ ᐃᓕᓐᓂᐊᕈᑎᒋᔭᐅᔪᓕᒫᓄᑦ ᐱᖃᑕᐅᙱᑲᓗᐊᖅᐸᑕ ᖃᓄᐃᙱᑦᑐᖅ ᐊᒻᒪᓗ ᐃᓕᓐᓂᐊᖃᑕᐅᔪᓐᓇᖅᑐᖅ ᐊᑕᐅᓯᕐᒥᑦ ᐅᕙᓗ ᐊᑕᐅᓯᓗᐊᖅᑐᒥᑦ ᐅᓪᓗᐃᑦ ᐃᓚᐃᓐᓇᖓᓐᓂᒃ ᐃᓕᓐᓂᐊᖅᑎᐅᖃᑕᐅᓗᑎᑦ.

ᐱᒋᐊᕐᕕᖓ: 
ᒫᑦᓯ 08, 2021
ᐃᓱᓕᕝᕕᖓ: 
ᐄᐳᕈ 02, 2021
ᓇᓂ: 
ᖃᕆᑕᐅᔭᒃᑯᑦ ᐃᓕᓐᓂᐊᕐᓂᖅ
ᓄᓇᓕᒃ: 
ᓄᓇᕘᓕᒫᒥ
ᓇᒦᓐᓂᖓ ᐊᕕᖅᑐᖅᓯᒪᔪᓂᑦ: 
Iqaluit
ᐊᑎᓕᐅᖅᑕᐅᖃᑕᐅᓂᕐᒧ ᑦ ᐃᓱᓕᕝᕕᖓ:: 
ᕕᕝᕗᐊᓕ 18, 2021
ᑐᕌᕈᑏᑦ ᐃᕐᖐᓐᓈᖅᑕᐅᒃᑯᑦ: 

ᐱᓇᓱᒍᑎ ᑎᑎᕋᕝᕕᒋᔭᕆᐊᓕᒃ

ᐱᔭᕇᖅᓯᒪᔪᑦ ᐱᓇᔫᑎᒧᑦ ᑎᑎᕋᕐᕕᒃᓴᑦ ᐴᖅᑲᖅᑕᐅᔭᕆᐊᓖᑦ ᖃᕋᓴᐅᔭᕐᒧᑦ, ᑎᑎᕋᙳᖅᑎᑕᐅᓗᓂ ᐊᑎᓕᐅᖅᑕᐅᓗᓂᓗ ᐃᖅᑲᓇᐃᔭᖅᑎᒧᑦ ᐃᖅᑲᓇᐃᔭᖅᑎᐅᓪᓗ ᑲᒪᔨᖓᓄᑦ. ᐃᓚᐅᖃᑕᐅᓇᓱᒍᑎᓕᒫᑦ ᐊᖏᖅᑕᐅᓲᑦ ᓯᕗᓪᓕᐅᔪᓄᑦ−ᖃᐃᔪᓄᑦ, ᓯᕗᓪᓕᐅᔪᓄᑦ ᐱᔨᑦᑎᕋᖅᑕᐅᓗᑎᒃ.