ᐅᖃᓚᐅᑎᓯᐅᑏᑦ

You are here

ᔩᓂ ᐃᖅᓴᕐᓗᐊᖅ

ᒥᓂᔅᑕ ᒪᓕᒐᓕᕆᔨᒃᑯᓐᓄᑦ

ᔩᓂ ᕼᐊᑲᐅᙵᖅ ᐃᕼᐊᓗᐊᖅ ᓂᕈᐊᕐᓇᐅᑎᓪᓗᒍ ᓂᕈᐊᖅᑕᐅᓚᐅᖅᑐᖅ ᐊᑦᑑᕝᕙ 30, 2017, ᑭᒡᒐᖅᑐᐃᓗᓂ ᓂᕈᐊᖅᑕᐅᕝᕕᖓᓐᓂᑦ ᐃᖃᓗᒃᑑᑦᑎᐊᕐᒥᑦ ᑕᓪᓕᒪᒋᓕᐅᖅᑕᖓᓐᓂᑦ ᒪᓕᒐᓕᐅᕐᕕᒃ ᓄᓇᕗᒻᒥ ᓂᕈᐊᖅᑕᐅᔪᓂᑦ.

ᐃᕼᐊᓗᐊᖅ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 17, 2017−ᒥᑦ, ᑲᑎᒪᑎᓪᓗᒋᑦ ᓄᓇᕗᒻᒥ ᓯᕗᓕᖅᑎᔅᓴᐅᔪᓂᑦ ᓂᕈᐊᕐᓂᖃᖅᑎᓪᓗᒋᑦ. ᒥᓂᔅᑕ ᐃᕼᐊᓗᐊᖅ ᐊᖏᖅᑎᑕᐅᓚᐅᖅᑐᖅ ᒪᓕᒐᓕᐅᕐᕕᖕᒧᑦ ᓄᕕᐱᕆ 21, 2017-ᒥᑦ. ᒫᓐᓇ ᒥᓂᔅᑕᒋᔭᐅᔪᖅ ᒪᓕᒐᓕᕆᔨᒃᑯᑦ ᐱᓕᕆᕝᕕᖓᓐᓂᑦ, ᒥᓂᔅᑕ ᐊᕙᑎᓕᕆᔨᒃᑯᓐᓂᑦ, ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯ ᑎᒥᖁᑖᓂᑦ, ᒥᓂᔅᑕ ᑲᒪᒋᔭᓕᒃ ᓂᕈᐊᖅᑐᓕᕆᓂᕐᒧᑦ, ᒥᓂᔅᑕ ᑲᒪᒋᔭᓕᒃ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑭᒡᒐᖅᑐᐃᔩᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᐃᖅᑲᓇᐃᔭᖅᑎᓄᑦ.

ᐃᕼᐊᓗᐊᖅ ᐃᓅᓚᐅᖅᓯᒪᔪᖅ CAM-1 ᒥᐊᓕᒐᒃᑯᑦ ᐅᓇᑕᖅᑐᔅᓴᖃᕐᕕᖓᓐᓂᑦ ᕿᑭᖅᑕᕐᔪᐊᕐᒥᑦ.

ᐃᕼᐊᓗᐊᖅ ᐃᖅᑲᓇᐃᔮᖃᖃᑦᑕᖅᓯᒪᔪᖅ ᐊᔾᔨᒌᙱᑦᑐᓂᑦ ᐱᓕᕆᔨᒻᒪᕆᐅᖃᑦᑕᖅᓯᒪᓗᓂ ᓄᓇᑦᓯᐊᖅ ᒐᕙᒪᒃᑯᖏᓐᓂᑦ, ᐃᖃᓗᑦᑑᑦᑎᐊᖅ ᕼᐋᒻᒪᓚᒃᑯᖏᓐᓂ, ᓄᓇᕗᑦ ᓯᓚᑦᑐᓴᕐᕕᒻᒥᑦ, ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ. ᓂᕈᐊᖅᑕᓚᐅᖅᑎᓐᓇᒍ ᓱᓕ, ᐃᕼᐊᓗᐊᖅ ᐃᖅᑲᓇᐃᔮᖃᓚᐅᖅᑐᖅ ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨᐅᓪᓗᓂ ᓄᓇᕗᒻᒥ ᐊᑦᑐᐃᓂᐊᕐᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ.

ᐃᕼᐊᓗᐊᖅ ᐃᖃᓗᒃᑑᑦᑎᐊᕐᒥᑦ ᒪᐃᔭᒋᔭᐅᓚᐅᖅᑐᖅ ᐱᒋᐊᖅᑐᒍ ᐊᕐᕌᒍᖓᓐᓂᑦ 2011 ᒪᓕᒐᓕᐅᕐᕕᒻᒧᑦ ᓂᕈᐊᖅᑕᐅᓇᓱᓐᓂᖓᓄᑦ ᑭᓪᓕᖃᖅᑐᒍ. ᑖᒃᑯᓄᖓ ᐊᖓᔪᖅᑳᕆᔭᐅᓯᒪᒻᒥᔪᖅ ᓄᓇᕗᒻᒥ ᓄᓇᓕᓐᓂ ᒐᕙᒪᐅᔪᓄᑦ ᑲᑐᔾᔨᖃᑎᒌᖏᓐᓄᑦ.

ᐃᕼᐊᓗᐊᖅ ᐊᑭᓕᖅᓱᑕᐅᒐᓂ ᐱᓕᕆᖃᑦᑕᐅᖃᑦᑕᖅᓯᒪᔪᖅ ᐃᑲᔪᖅᑎᐅᓪᓗᓂ ᓄᓇᖓᓐᓂᑦ ᐊᕐᕌᒍᑕᒫᖅ ᐊᑐᖅᑕᐅᖃᑦᑕᖅᑐᒥᑦ ᐅᒥᒻᒪᒃ ᕿᑎᓐᓂᖅ. ᐱᓕᕆᐊᖃᖃᑦᑕᖅᓯᒪᒻᒥᔪᖅ ᓯᕗᓕᖅᑎᒋᔭᐅᓪᓗᓂ ᐊᔾᔨᒌᙱᑦᑐᓂᑦ ᐱᓕᕆᐊᖑᕙᓪᓕᐊᔪᓂᑦ ᐋᓐᓂᐊᖅᑖᖅᑕᐃᓕᒪᓂᒧᑦ. ᐃᕼᐊᓗᐊᖅ ᐃᓕᓴᕆᔭᐅᔾᔪᑎᑖᖅᑐᓄᑦ ᐃᓚᒋᔭᐅᖃᑕᐅᓯᒪᔪᖅ ᑯᐃᓐ ᐃᓕᓴᐱ II ᑕᐃᒪᓐ ᔫᐱᓖ ᐅᔭᒥᒥᑦ.

ᐃᕼᐊᓗᐊᖅ ᖁᕕᐊᒋᔭᓕᒃ ᒪᑯᓂᖓ ᒥᖅᓱᓂᕐᒥ, ᓄᕕᖅᓴᕐᓂᕐᒥᑦ, ᒥᖅᓱᒐᕐᓂᖅ ᐊᓪᓚᓂᕐᒥᑦ, ᐱᓱᕋᔮᓐᓂᕐᒥᓪᓗ ᐊᒻᒪ ᐊᐅᓪᓛᖅᓯᒪᓂᕐᒥᓪᓗ.

ᐃᕼᐊᓗᐊᖅ ᐊᓈᓇᐅᒋᔭᐅᔪᖅ ᐱᖓᓱᓄᑦ ᕿᑐᕐᖓᒥᓄᑦ: ᑳᓪᕕᓐ, ᒍᕆᒃ ᐊᒻᒪ ᑲᓂᑦ. ᐊᐃᑉᐸᖓ ᐳᕆᓐᑦ ᕘᑎ.

 

ᒪᓕᒐᓕᐅᕐᕕᒃ ᐊᓪᓚᕝᕕᖓ:
ᐅᖄᓚᐅᑦ: (867) 975-5028
ᓱᑲᑦᑐᒃᑯᑦ: (867) 975-5128
ᐃᕐᖐᓐᓈᖅᑕᐅᑦ: jehaloak@gov.nu.ca