ᐅᖃᓚᐅᑎᓯᐅᑏᑦ
LogoHome

You are here

ᐊᐅᓚᑦᑎᔨ, ᐊᐅᓚᐅᓯᕆᔨ

Groups: 
ᖁᓪᓕᖅ ᐆᒻᒪᖁᑎᓕᕆᔨᖏᑦᑕ ᑎᒥᖁᑖ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
QEC-18-070
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᖖᒋᓚᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓄᑦ
ᑮᓐᓇᐅᔭᒃᓵᖓ: 
$137,611−ᒥ $155,786-ᒧ
ᑐᓴᕆᐊᕐᕕᒃᓴᖅ: 
$15,016−ᒥ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ

 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓂᕐᒥ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᓂᐅᕕᖅᐸᒃᑐᓄᑦ ᓄᓇᕗᒻᒥᑦ.  ᓇᖕᒥᓂᒋᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖂᓴᐅᑎᓂᒡᓗ ᓄᓇᕗᒻᒥᑦ.   ᐊᔾᔨᒌᖕᓂᖏᑦ ᐊᓯᖏᓐᓄᖅ ᐆᒻᒪᖁᑎᓕᕆᓂᖅ ᑲᓇᑕᒥᑦ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᖏᑦᑐᓂ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖓᓄᑦ ᓄᓇᕗᓕᒫᒥᑦ ᓄᓇᓕᖏᓐᓂᑦ.  ᑲᑎᙵᔾᔪᙱᖃᖏᖢᑎᒡᓗ 25−ᓂᑦ ᓄᓇᓕᐅᔪᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ−18-070 ᐊᐅᓚᑦᑎᔨ, ᐊᐅᓚᐅᓯᕆᔨ

ᐃᖃᓗᐃᑦ ᓯᓚᑖᓃᖦᖢᓂ, ᐊᒻᒪ ᐊᐅᓚᐅᓯᕆᔨᑦ ᑐᑭᒧᐊᒃᑎᑦᑎᔨᖓᓄᑦ ᑐᓴᖅᑎᑦᑎᕙᒡᓗᓂ, ᑖᔅᓱᒥᖓ ᐃᖅᑲᓇᐃᔮᓕᒃ ᐊᐅᓚᑦᑎᖃᑦᑕᕐᓂᐊᖅᐳᖅ ᐊᐅᓚᐅᓯᕆᔨᓕᒫᑦ ᐱᓕᕆᕝᕕᖓᓂ ᐅᑯᓂᖓᓗ ᐊᐅᓚᑦᑎᕙᒡᓗᓂ ᐊᑭᑐᔫᑎᓂᑦ ᐱᓕᕆᐊᒃᓴᓂᑦ, ᐊᐅᓚᔾᔪᑎᓄᑦ ᐃᑲᔪᖅᑐᐃᔾᔪᑎᓂᑦ, ᐊᐅᓚᐅᑎᓕᕆᔾᔪᑎᓂᑦ ᖃᐅᔨᓴᖅᐸᒡᓗᓂ ᐊᒻᒪ ᐋᖅᑭᒃᓱᖅᑕᐅᓯᒪᔪᓂ ᐱᓕᕆᖃᑦᑕᕐᓗᓂ.  ᑖᓐᓇ ᐃᖃᓇᐃᔮᒃᓴᖅ ᑲᒪᒋᔭᖃᖅᑐᖅ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒥᒃ, ᑮᓇᐅᔭᑦ ᐊᑐᖅᑐᒃᓴᓂ, ᐱᕙᓪᓕᐊᑎᑦᑎᓂᕐᒥᓗ ᐃᓕᔭᐅᕙᓪᓕᐊᔭᕆᐊᖃᕐᒥᔪᐃᓪᓗ ᐊᐅᓚᐅᑎᓕᕆᓂᕐᒥ ᒪᓕᒃᑕᐅᒋᐊᖃᖅᑐᑦ ᖃᐅᔨᓴᖅᑐᓕᕆᓂᙶᖅᑐᓂᒃ ᐊᑐᖅᑎᑦᑎᔪᓐᓇᖅᑐᓂ.  ᐊᐅᓚᑦᑎᔨᐅ ᐱᕚᓪᓕᖅᑎᑦᑐᓐᓇᖅᑕᖏᑦ ᑐᕌᕆᔭᖃᖅᑐᖅ ᓴᓇᔭᐅᓂᖓ ᑲᔪᓯᑦᑎᑦᑐᓐᓇᕐᓂᖓᓗ ᐊᐅᓚᐅᑎᖃᕐᕕᖏᑦ 25 ᓄᓇᓕᐅᔪᓂ ᐅᖅᓱᐊᓗᑐᐃᓐᓇᕐᒧᑦ ᐊᐅᓚᔪᓐᓇᐅᑏᑦ.

ᐱᓕᕆᐊᒃᓴᐃᑦ ᑲᒪᒋᔭᒃᓴᖏᓪᓗ:

  • ᐊᐅᓚᑦᑎᓂᖅ ᐊᐅᓚᐅᑎᖃᕐᕕᖏᑦ ᑏᓱᓪ ᐅᖅᓱᐊᓗᓕᖕᒧᑦ ᐊᐅᓚᐅᑎᕐᔪᐊᑦ ᖁᕝᕙᓯᓕᖕᓂᖃᖅᑐᖅ 20MW−ᒥᑦ ᐱᖃᓯᐅᑎᓗᒋᑦ, ᐊᐅᓚᐅᑏᑦ, ᓂᒡᓚᒋᐊᕈᑏᑦ/ᐅᖂᓴᐅᑏᑦ, ᐅᖅᓱᐊᓗᖕᓄᓪᓗ ᐊᑐᖃᑦᑕᖅᑐᑦ, ᐊᓯᖏᓪᓗ.
  • ᓇᓗᓇᐃᖅᓯᖃᑦᑕᕐᓗᓂ ᐊᐅᓚᐅᓯᕆᔨᓄᑦ ᐱᓕᕆᐊᒃᓴᓕᒫᑦ, ᐱᓕᕆᐊᖑᑎᑕᐅᔪᑦ ᐊᒻᒪ ᑲᔪᓯᑎᑕᐅᔪᑦ ᒪᓕᑦᑎᐊᕆᐊᖃᕐᓂᖏᓐᓂᒃ ᐊᑐᐊᒐᖏᓐᓂᒃ ᑎᑭᑕᐅᓇᓱᐊᖅᑐᓂᒡᓗ
  • ᐱᓕᕆᖃᑦᑕᕐᓂᕐᒥᒃ ᓴᓇᓯᒪᓂᖓᓂ, ᐊᐅᓚᑦᑎᓂᕐᒥᒃ, ᐃᓕᐅᖅᑲᖅᑕᐅᓂᖓᓂᒃ ᐊᒻᒪᓘᓐᓃᑦ ᓴᓇᔭᐅᔭᕆᐊᖃᖅᑐᓕᕆᓂᕐᒥᒃ ᐊᐅᓚᐅᑎᑦ ᐱᖁᑎᖏᓐᓂᒃ
  • ᐃᑲᔪᖃᑦᑕᕐᓂᖅ ᐆᒻᒪᖅᑯᑎᓄᓪᓗ ᐋᖅᑭᒃᓯᒪᓂᒃᓴᖏᓐᓄᑦ ᕿᒥᕐᕈᓃᑦ ᐅᐊᔭᓕᕆᔾᔪᑎᓄᑦ ᐊᐅᓚᓂᕐᓄᓪᓗ ᐱᓕᕆᐊᒃᓴᓄᑦ.
  • ᑎᑎᕋᖅᐸᒡᓗᓂ ᐱᓕᕆᓂᒃᑯᑦ ᖃᓄᐃᓕᖓᓇᔭᕐᓂᖏᓐᓂᒃ ᐱᓕᕆᔾᔪᑎᓄᑦ (ᐊᐅᓚᐅᑎᑦ, ᐆᓇᕐᓂᖓᓂᖓᑕ ᐊᐅᓚᓂᖓ, ᐊᓄᕆᑦᑎᐅᑖ, HVAC ᐊᐅᓚᓂᖓ) ᐊᑐᖅᑕᐅᖃᑦᑕᕐᓂᐊᖅᑐᑦ ᓂᐅᕕᖅᑕᐅᓗᑎᒃ
  • ᐊᐅᓚᑦᑎᓂᕐᒥᒃ ᓂᐅᕕᐊᕆᔭᐅᖃᑦᑕᕆᐊᓕᖕᓂᒃ ᐊᑐᖅᑕᐅᓗᑎᑦ ᐊᐅᓚᑦᑎᓂᕐᒥᒃ ᓈᒻᒪᓈᖅᑐᒃᑯᑦ ᑐᓐᓂᖅᑯᑎᖃᕐᓂᕐᒥᒃ RFP-ᓂᒃ/RFT−ᓂᒃ/RFI−ᓂᒃ
  • ᐋᖅᑭᒃᓱᐃᕙᓪᓕᐊᕙᒡᓗᓂ, ᑲᒪᒋᔭᖃᖅᐸᒡᓗᓂ ᐊᐅᓚᑦᑎᕙᒡᓗᓂᓗ ᓴᖅᑭᑕᐅᔪᓂ ᑐᑭᓯᑎᑕᐅᕚᓪᓕᕈᑎᓄᑦ ᐱᓕᕆᖃᑎᒌᓂᒃ ᐱᔨᑦᑎᕋᕈᑕᐅᕙᒃᑐᑦ ᓈᒻᒪᓈᖅᓯᒪᒐᓗᐊᕐᒪᖔᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐊᑭᓕᖅᓱᐃᔪᓄᓪᓗ, ᐃᓚᒋᓗᒋᑦ ᑲᔪᖏᖅᓴᐃᓂᖅ ᐃᓄᐃᑦ ᐃᖅᑲᓇᐃᔭᖅᑎᖁᑎᖏᓐᓂᒃ ᐱᓕᕆᔨᓪᓚᑦᑖᑐᑦ ᐱᕈᖅᐸᓪᓕᐊᒐᓗᐊᕐᒪᖔᑦ.

ᐅᑯᐊ ᐊᔪᙱᑕᕆᐊᖃᕐᒥᔭᖏᑦ:

  • ᖃᐅᔨᓴᖅᑎᐅᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐊᐅᓚᐅᓯᕆᔨᓄᑦ.
  • ᐊᕐᕌᒍᓂᑦ ᖁᓕᓂᑦ ᑭᒡᓕᖃᕐᓗᒍ ᐊᑭᑐᔫᑎᓂᑦ ᐱᓕᕆᐊᒃᓴᓂᑦ ᐊᐅᓚᑦᑎᖃᑦᑕᖅᓯᒪᓗᓂ, ᐊᒻᒪᓗ ᐊᕐᕌᒍᓂᑦ ᑎᓴᒪᓂᑦ ᑲᒪᔨᐅᖃᑦᑕᖅᓯᒪᓗᓂ ᐊᒻᒪ ᐱᕚᓪᓕᖅᑎᑦᑎᕙᒡᓗᓂ ᐃᖅᑲᓇᐃᔭᖅᑎᓂᒃ.
  • ᑎᑎᕋᖅᑕᐅᓯᒪᓗᓂ ᐊᐅᓚᑦᑎᔨᒻᒪᕆᐅᓂᖓᓂᒃ ᐊᒻᒪ ᓄᓇᕗᒻᒥ ᑲᑐᔾᔨᖃᑎᒌᑦ ᐊᐅᓚᑦᓯᔨᒻᒪᕆᐅᓂᕐᒧᑦ ᓄᓇᒥᓪᓗ ᖃᐅᔨᓴᖅᑎᓄᑦ ᐃᓚᒋᔭᐅᓕᕈᓐᓇᕐᓂᖓᓂᒃ.
  • ᐃᓕᓴᖅᓯᐅᒪᓗᓂ ᐅᖅᓱᐊᓗᖕᓄᑦ ᐊᐅᓚᐅᑎᖃᖅᑐᓕᕆᓂᕐᒥᒃ ᐊᑯᓐᓂᓕᖕᓂᒃ 500 kW ᐊᒻᒪ 20 MW.

ᐱᖁᑎᑦ

  • ᐱᓕᕆᐊᒃᓴᓕᕆᔨᓂᑦ ᐱᓕᒻᒪᒃᓴᖅᑎᑦᑎᓂᖅ ᐊᒻᒪ/ᐅᕝᕙᓘᓐᓃᑦ ᓇᓗᓇᐃᒃᑯᑕᖃᕐᓗᓂ.
  • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ.
  • ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.

ᐊᔾᔨᖏᓪᓗ ᐊᒻᒪ ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐃᖅᑲᓇᐃᔭᖃᑦᑕᖅᓯᒪᓂᖏᓪᓗ ᐃᓱᒪᒋᔭᐅᓂᐊᖅᑐᑦ.

ᑮᓇᐅᔾᔭᒃᓴᑦᑎᐊᕋᔭᖅᑐᖅ $137,611−ᒥ $155,786-ᒧ, ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $15,016−ᒥ ᐊᕐᕌᒍᒧᑦ, ᐃᑲᔫᓯᐊᖅᑖᖅᐸᒡᓗᓂ ᐃᒡᓗᒃᓴᖓᓄᓪᓗ ᐃᑲᔪᖅᑕᐅᔾᔪᑎᖃᕐᓗᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.

ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.

ᐃᕐᙲᓐᓈᖅᑕᐅᒃᑯᑦ ᐱᓇᔪᒍᓐᓇᖅᑐᑦ ᐅᕗᖓ careers@qec.nu.ca ᑎᑎᖅᑲᒃᑯᕕᒃᑯᓪᓘᓐᓃᑦ: Human Resources, Qulliq Energy Corporation, P.O. Box 420, Baker Lake, NU X0C 0A0

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᐃᓐᓇᕐᓂᐊᖅᑐᖅ ᐃᓂᑖᕆᔭᐅᓇᓱᖕᓂᖓᓂᒃ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.

ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.

 

ᑐᓴᕆᐊᕐᕕᒃᓴᖅ: 
ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑎᖓᑦ (QEC)

ᐃᖃᓇᐃᔭᖅᑎᑖᖅᑎᑦᑎᔨ ᐊᒻᒪ ᐃᖃᓇᐃᔭᖅᑎᒃᓴᖅᓯᐅᕐᓂᕐᒧᑦ ᐱᓕᕆᔨ
ᐃᖅᑲᓇᐃᔭᖅᑐᓕᕆᓂᕐᒧᑦ
ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑎᖓᑦ
ᑎᑎᖅᑲᒃᑯᕕᖓ 420
ᖃᒪᓂᑦᑐᐊᖅ, ᓄᓇᕗᑦ  X0C 0A0
ᐃᙲᓇᐅᑦ: careers@qec.nu.ca