ᐅᖃᓚᐅᑎᓯᐅᑏᑦ

You are here

ᐃᑲᔪᖅᑕᐅᕝᕕᖕᒥ ᑎᒍᔭᐅᓯᒪᔪᓂᒃ ᑲᒪᔨ (ᐋᖅᑭᒋᐊᖅᑐᖅ)

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
05-506680
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$78,493.00−ᓂᒃ ᐊᕐᕌᒍᒧᑦ, 42 ᐃᑲᕐᕋᓄᑦ/ᐱᓇᓱᐊᕈᓯᕐᒥᑦ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016
ᒪᑐᕝᕕᒃᓴᖓ: 
ᐅᓪᓗᑐᐃᓐᓇᖅ/ᑕᓪᓕᕐᒥᖅ, ᐊᒃᑐᐸ 1, 2021 - 11:59pm

ᐊᑕᐅᓯᐅᖏᑦᑐᑦ ᐃᖅᑲᓇᐃᔮᒃᓴᑦ

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᙱᑲᓗᐊᕐᒪᖔᑦ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᓇ ᐃᖅᑲᓇᐃᔭᕋᓱᒃᑐᓕᒫᓄᑦ ᒪᒃᐱᖓᔪᖅ.

ᒪᓕᒐᓕᕆᔨᒃᑯᑦ - ᐃᑲᔪᖅᑕᐅᕕᓕᕆᔩᑦ ᓯᕗᒃᑲᑕᖅᑐᑦ ᐱᕋᔭᒃᐸᑦᑐᓄᑦ ᐃᖅᑲᖅᑐᐃᕕᓕᕆᓂᕐᒥᑦ ᓴᐳᒻᒥᑎᓪᓗᑎ ᓄᓇᓕᖕᓂ ᑎᒍᔭᐅᒪᔪᓄᑦ ᐊᐅᓚᑕᐅᓂᖏᓐᓄᓪᓗ. ᐊᕕᒃᓯᒪᓂᖓᓂᑦ ᐊᐅᓚᑦᑎᔨᐅᔪᑦ ᑎᒍᔭᐅᓯᒪᓂᖅ (ᐃᓐᓇᖅ) / ᒪᓕᒐᖅᑎᒍᑦ ᐱᓯᒪᑦᓯᓂᖅ ᐱᑦᑎᐊᖅᑕᐅᓚᐅᓐᖏᓐᓂᖓᓄᑦ ᐊᒻᒪᓗ ᐃᑲᔪᖃᑦᑕᕐᓗᓂ ᑎᒍᔭᐅᒪᔪᑦ ᐱᐅᓂᖅᓴᑯᑦ ᐱᐅᓯᖃᖁᓪᓗᒋᑦ ᐊᒻᒪᓗ ᐱᖅᑯᓯᖃᕐᓗᑎᒡᓗ.

ᑐᑭᒧᐊᖅᑎᒋᓗᒍ ᐃᑲᔪᖅᑕᐅᕕᒻᒥᑦ ᐊᖓᔪᖅᑳᖅ ᑖᒃᑯᐊ ᐃᖅᑲᓇᐃᔮᒃᓴᖅ ᐱᓕᕆᐊᖃᖅᑐᖅ ᐋᖅᑭᐅᒪᑎᑦᑎᓂᕐᒥᑦ ᐊᑦᑕᓇᐃᖅᓯᒪᓂᖏᓐᓂᒃ ᐊᒻᒪ ᑖᒃᑯᐊ ᐊᑦᑕᕐᓇᖅᑐᒦᖁᓇᒋᑦ ᑎᒍᔭᐅᓚᔪᑦ ᓇᓗᓇᐃᖅᑕᐅᓯᒪᔪᒥᑦ ᒪᓕᒃᖢᑎᑦ ᒪᓕᓪᓗᒋᑦ ᐱᓕᕆᕕᒻᒧ/ᐊᕕᑦᑐᖅᓯᒪᔪᖅ/ᐅᑕᖅᑭᕕᐅᑉ ᐊᑐᐊᒐᖏᑦ, ᒪᓕᑦᑕᐅᔭᕆᐊᓖᑦ ᐊᒻᒪ ᐊᑐᐊᒐᐃᑦ. ᐊᑦᑕᕐᓇᖅᑐᒦᑎᑦᑕᐃᓕᓂᖅ ᑲᔪᓯᑎᑕᐅᔪᖅ ᕿᑭᖅᑖᓗᑉ ᐊᓄᓪᓚᓰᕕᖓᓂᑦ; ᑭᓯᐊᓂ, ᑖᑯᐊ ᑲᒪᒋᔭᐅᔭᕆᐊᓖᑦ ᐃᓛᓐᓂᒃᑯᑦ ᐅᖓᕙᕆᐊᖅᑕᐅᔭᕆᐊᖃᖃᑦᑕᕐᒪᑕ ᕿᑭᖅᑖᓗᒻᒥ ᐊᓄᓪᓚᓰᕕᐅᑉ ᓯᓚᑖᓂᑦ ᐃᒡᓗᐊᓗᐃᑦ ᐃᓂᒋᔭᐅᔪᑦ ᐊᓄᓪᓚᒃᓯᖅᑐᖅ/ᑎᒍᔭᐅᒪᔪᖅ ᐱᓕᕆᐊᔅᓴᖏᓐᓄᑦ, ᐃᖅᑲᖅᑐᐃᕕᒃᑯᑦ, ᐋᓐᓂᐊᕕᓕᐊᕆᐊᖃᕐᓂᒃᑯᑦ, ᓅᑎᑕᐅᓂᖏᓐᓄᑦ, ᐊᒻᒪᓗᐊᓯᖏᓐᓄᑦ ᐊᑐᕆᐊᓕᓐᓄᑦ, ᑖᑯᐊ ᐊᓄᓪᓚᒃᓯᖅᑐᖅ/ᑎᒍᔭᐅᒪᔪᖅ ᖃᓂᒋᔮᓂᖏᓐᓇᕆᐊᓖᑦ ᐃᓄᒋᐊᑐᒃᑯᕕᒻᒧᑦ. ᐃᖅᑲᓇᐃᔭᖅᑎ ᓇᐅᑦᑎᖅᓱᕐᓗᓂ, ᖃᐅᔨᓴᖃᑦᑕᕐᓗᓂ ᐊᒻᒪ ᑕᑯᓇᖃᑦᑕᕐᓗᒍ ᐃᓅᑦ ᖃᓄᐃᓐᓂᕆᔭᖓᓐᓂᑦ, ᐊᒻᒪ ᑐᑭᑖᕆᐊᖃᕐᓗᓂ ᐅᓗᕆᐊᓇᖅᑐᖃᙱᒃᑲᓗᐊᕐᒪᖔᖅ ᐊᒻᒪ ᐋᖅᑭᒋᐊᕈᑎᔅᓴᓂᑦ ᖃᓄᐃᓐᓂᐅᔪᑦ ᐱᓪᓗᒍ ᐱᓕᕆᔾᔪᓯᖏᓐᓂᑦ ᐊᑐᐊᕐᓗᓂ, ᐱᓕᕆᔾᔪᓯᖏᓪᓗ ᐊᑐᖅᑕᐅᖃᑦᑕᖅᑐᓪᓗ ᑕᒪᑯᓂᖓ ᐱᓕᕆᐊᖃᕐᓂᕐᒥᑦ. ᐃᖅᑲᓇᐃᔭᖅᑎ ᓇᓗᓇᐃᖅᓯᔪᓐᓇᕆᐊᓕᒃ ᐊᒻᒪ ᐊᑐᖅᑕᐅᑦᑎᐊᕋᓗᐊᕐᒪᖓᑕ ᐊᑦᑕᓇᐃᖅᓯᒪᓂᖅ, ᐊᒻᒪ/ᐅᕝᕙᓘᓐᓃᑦ ᑐᐊᕕᕐᓇᖅᑐᓕᕆᔾᔪᑏᑦ ᐱᑕᖃᕆᐊᓖᑦ ᐊᒻᒪ ᐃᖅᑲᓇᐃᔭᕈᓐᓇᑎᐊᕐᓗᓂ ᓂᙵᐅᒪᑎᑦᑎᓇᓱᐊᕈᓐᓃᕈᓐᓇᕐᓗᓂ ᓂᖓᐅᒪᔪᓂᑦ.

ᖃᐅᔨᒪᓂᖏᑦ, ᐊᔪᙱᓐᓂᖏᑦ, ᐱᔪᓐᓇᖅᑕᖏᓐᓪᓗ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᓯᒪᔪᓐᓇᖃᑦᑕᖅᑐᑦ ᐃᓕᓐᓂᐊᕈᑎᖏᓐᓂᑦ ᐱᔭᕇᖅᓯᓯᒪᓗᓂ (ᖁᕝᕙᓯᖕᓂᓕᒻᒥᑦ 12) ᐅᕙᓗ ᐊᔾᔨᐸᓗᖓᓂᑦ (ᐃᓐᓇᕐᓄᑦ ᐃᓕᓐᓂᐊᕌᓂᒍᒪᔪᓄᑦ ᐃᓕᓐᓂᐊᒃᑲᓐᓂᕈᓐᓇᐅᑦ, ᐃᓕᓐᓂᐊᕌᓂᒃᓯᒪᖏᓪᓗᓂ ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕌᓂᖕᓂᕐᒧᑦ ᓇᓗᓇᐃᒃᑯᑕᖅᑖᕆᔭᐅᕙᒃᑐᖅ, ᐊᓯᖏᑎᒍᓪᓗ.) ᐊᒻᒪ ᐅᑭᐅᕐᒥᑦ ᐊᑕᐅᓯᕐᒥᑦ ᐃᖅᑲᓇᐃᔮᕆᓯᒪᓗᒍ ᐃᑲᔪᖅᑕᐅᕕᒻᒥᑦ ᐊᒻᒪ ᐃᓄᓕᕆᓂᕐᒥᑦ ᐊᔾᔨᐸᓗᖏᓐᓂᑦ ᐊᒻᒪ ᑖᒃᑯᓂᖓ ᐃᓕᓐᓂᐊᖅᓯᒪᓗᓂ ᐋᓐᓂᖅᑐᓕᕆᓂᕐᒥᑦ ᐊᒻᒪ ᐊᓂᖅᓵᖅᑎᑦᑎᓇᓱᓐᓂᕐᒧᑦ ᐃᓕᓴᕆᔭᐅᔾᔪᑎᓂᑦ. ᐃᖅᑲᓇᐃᔭᖅᑎ ᐊᖁᑦᑐᖅᓯᐅᑎᖃᕆᐊᖃᕐᒥᔪᑦ ᓇᓗᓇᒃᑯᑕᓕᒻᒥᑦ 5 ᐱᑖᕈᓐᓇᕐᓗᓂᓗ ᐃᖅᑲᓇᐃᔭᓕᕋᑖᖅᑎᓪᓗᒍ ᖃᐅᔨᓴᖅᑕᐅᓂᖓᓃᑎᓪᓗᒍ.

ᑐᓴᐅᒪᖃᑦᑕᐅᑎᔪᓐᓇᑦᑎᐊᕆᐊᓕᒃ ᐅᖃᐅᓯᒃᑯᑦ ᑎᑎᖅᑲᖅᑎᒍᓪᓗ ᑖᔅᓱᒥᖓ ᐃᖅᑲᓇᐃᔮᒥᑦ ᑖᒃᑯᐊᓗ ᐃᖅᑲᓇᐃᔮᔅᓴᖅᑖᕋᓱᐊᖅᑐᑦ ᖃᕆᓴᐅᔭᓕᕆᔪᓐᓇᕆᐊᓖᑦ ᒪᑯᓂᖓ ᑎᑎᖅᑲᓕᐅᕈᑎᒥᑦ, ᐃᕐᖐᓈᖅᑕᐅᑎᖓᓂᑦ ᐊᒻᒪ ᐃᓂᒋᔭᖏᓐᓂᑦ ᐋᖅᑭᔅᓱᐃᓯᒪᔪᓐᓇᓂᕐᒥᑦ ᑎᑎᖅᑲᖁᖏᑦᑕ.

ᑖᑯᐊ ᐃᖅᑲᓇᐃᔮᑦᓴᑦ ᐃᖃᕐᕋᖏᑦ ᐊᔾᔨᒌᖏᑦᑐ ᐅᓐᓄᐊᖅᓯᐅᖃᑦᑕᕐᓗᑎᑦ ᐅᓪᓗᒃᑯᓪᓗ ᐊᓯᔾᔨᖅᑕᖃᑦᑕᖅᑐᑦ ᐊᒻᒪ ᐃᖅᑲᓇᐃᔭᖅᑏᑦ ᐊᓯᐊᓂᑦ ᐱᓕᕆᐊᔅᓴᓂᑦᑕᐅᔪᓐᓇᖅᑐᑦ ᕿᑭᖅᑖᓗᒻᒥᑦ ᐃᑲᔪᖅᑕᐅᕕᖓᓐᓂᑦ. 

ᐃᓕᓐᓂᐊᖅᓯᒪᓂᖓ, ᖃᐅᔨᒪᓂᖓ, ᐱᓕᕆᔪᓐᓇᕐᓂᖓ ᐊᒻᒪ ᐊᔪᖏᓐᓂᖓ ᑲᑎᓪᓗᒋᑦ ᐃᓕᓐᓂᐊᓚᕆᒃᓯᒪᔪᑐᑦ ᐊᒻᒪ ᐃᖅᑲᓇᐃᔭᓚᐅᖅᓯᒪᓂᖓ ᐃᓱᒪᒋᔭᐅᑐᐃᓐᓇᕆᐊᓕᒃ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥᑦ ᐅᑯᐊᖑᕗᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ. ᐅᖃᕈᓐᓇᑦᑎᐊᕐᓂᖅ ᐊᑕᐅᓯᕐᒥᒃ ᐅᖓᑖᓂᓘᓐᓃᑦ ᑖᒃᑯᓇᓂ ᐅᖃᐅᓯᖅᑕᕐᓂᒃ ᐊᑲᐅᑦᑎᐊᕋᔭᖅᑐᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᓐᓂᑦ, ᐱᖅᑯᑐᖃᕐᒥᑦ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ.

ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓴᖅᑮᑐᐃᓐᓇᕆᐊᓖᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.

ᑭᖑᓂᑦᑎᓐᓂ ᖃᐅᔨᒪᔭᐅᓚᐅᖅᓯᒪᔪᖅ ᕿᑭᖅᑖᓗᖕᒥ ᐃᑲᔪᖅᑕᐅᕝᕕᒃ

 

ᑕᔅᓱᒥᖓ ᐃᖅᑲᓇᐃᔮᒃᓴᒥᑦ ᐆᒃᑐᕈᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᑦ ᐃᖅᑲᓇᐃᔮᒧᑦ ᐱᔪᒥᓴᐅᑎᑦ ᓇᒃᓯᐅᑎᓗᒍ ᐅᑯᓄᖓ GNHR@gov.nu.ca. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑎᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒃᖢᒍ.
  • ᐃᓚᖏᑦ ᐃᖅᑲᓇᐃᔮᒃᓴᑦ ᖃᐅᔨᓴᖅᑕᐅᔭᕆᐊᓖᑦ ᐱᕋᔭᓚᐅᖅᓯᒪᙱᒃᑲᓗᐊᒪᖔᑦ ᑎᑎᖅᑲᖁᑎᒥᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᙱᑎᑕᐅᑐᐃᓐᓇᕆᐊᓖᑦ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᒧᑦ ᐅᓂᒃᑳᖅᓯᒪᔪᑦ ᐱᔭᒃᓴᐅᔪᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.
Contact: 
Expiry Options: 
ᒪᑐᕕᒃᓴᖓᑕ ᐅᓪᓗᖓ