ᐃᒃᓯᕙᐅᑕᖅ, ᓴᓇᕝᕕᖕᒥ ᐱᓕᒻᒪᒃᓴᕐᓂᕐᒧᑦ (ᓴᕐᑭᔭᑎᑕᐅᑲᓐᓂᖅᑐᖅ)

ᐅᓇ ᐃᖅᑲᓇᐃᔮᒃᓴᖅ ᑭᒃᑯᑐᐃᓐᓇᓄᑦ ᐱᓇᔪᒍᒪᔪᓄᑦ ᒪᑐᐃᖓᔪᖅ.

ᑐᓴᐅᒪᑎᑦᑎᕙᒡᓗᓂ ᓯᓚᑦᑐᖅᓴᕐᕕᐅᑉ ᐊᖓᔪᖄᖏᓐᓄᑦ; ᐃᒃᓯᕙᐅᑕᖅ, ᓴᓇᕝᕕᖕᒥ ᐱᓕᒻᒪᒃᓴᕐᓂᕐᒧᑦ ᑲᒪᒋᔭᒃᓴᖃᕐᓂᐊᖅᑐᖅ ᐸᕐᓇᒃᑕᐅᒋᐊᓕᖕᓂᒃ, ᖃᓄᐃᓕᐅᖁᔨᕙᒡᓗᓂ, ᐊᐅᓚᑦᑎᕙᒡᓗᓂ, ᐱᓕᕆᑎᑦᑎᕙᒡᓗᓂ, ᐊᐅᓚᑦᑎᕙᒡᓗᓂ ᖃᐅᔨᓴᖅᐸᒡᓗᓂᓗ ᑕᒪᐃᓐᓂᒃ ᓴᓇᕝᕕᖕᒥ ᐱᓕᒻᒪᒃᓴᖅᑕᐅᔭᕆᐊᓕᖕᓂᒃ ᓇᓂᕈᓘᔭᖅ ᓄᓇᕗᒻᒥ. ᑖᒃᑯᐊ ᐃᓚᖃᖅᐳᑦ ᑕᒪᐃᓐᓂᒃ ᓴᓇᑐᓕᖅᓴᕐᕕᖕᒥ, ᓲᕐᓗ ᐊᐅᓚᑦᑎᔨᓂᒃ, ᐅᐊᔭᓕᕆᔨᓂᒃ, ᓂᖅᖠᐅᖅᑎᓂᒃ, ᐊᓯᖏᓐᓂᒡᓗ. ᐊᒻᒪ ᓱᓕ ᓴᓇᕝᕕᐊᓗᖕᒥ ᐱᓕᒻᒪᒃᓴᖅᑐᑦ ᓴᓇᔨᓪᓚᕆᖕᓄᑦ ᐃᖅᑲᓇᐃᔮᒃᓴᑦ.

ᐃᒃᓯᕙᐅᑕᖅ ᖃᓄᖅᑑᕈᑎᓂᒃ ᑲᒪᒋᔭᖃᓪᓗᐊᑕᕐᓂᐊᖅᐳᖅ ᓄᑖᓂᒃ ᐱᓕᕆᖃᑎᒌᓂᒃ ᓴᓇᕝᕕᖕᓂ (ᓲᕐᓗ ᐅᔭᕋᖕᓂᐊᕐᕕᖕᒥ) ᓯᕗᓕᖅᑎᐅᔪᓐᓇᕐᓗᓂᓗ ᐊᐅᓚᑦᑎᓂᕐᒥᒃ ᓄᓇᓕᖕᓂ−ᑐᙵᕕᓕᖕᓂᒃ ᐃᓕᓐᓂᐊᒐᒃᓴᓂᒃ ᐊᒻᒪ ᐱᓕᕆᐊᒃᓴᓂᒃ.

ᐃᒃᓯᕙᐅᑕᖅ ᐱᓕᕆᖃᑎᖃᖃᑦᑕᕐᓂᐊᖅᐳᖅ ᓴᓇᕝᕕᐊᓗᖕᓂ ᑲᑐᔾᔨᖃᑎᒌᓂᒃ ᐊᒻᒪ ᓇᖕᒥᓂᖃᕐᕕᐅᔪᓂᒃ ᓴᖅᑭᓪᓗᒋᑦ ᐱᓕᒻᒪᒃᓴᕆᐊᖃᖅᑕᖏᑦ ᐃᓱᒪᓕᐅᕆᕙᒡᓗᓂᓗᓗ ᖃᓄᖅ ᐃᑲᔪᖅᓱᖅᑕᐅᔭᕆᐊᖃᕐᒪᖔᑦ ᓄᓇᕗᒻᒥ ᓯᓚᑦᑐᖅᓴᕐᕕᖕᒥ. ᑖᒃᑯᐊ ᐊᖏᖃᑎᒌᒍᑎᑦ ᐃᓚᐅᕝᕕᒋᓪᓗᒋᑦ ᕿᓚᒻᒥᐅᔪᒃᑯᑦᑦ ᐊᑯᓂᐅᔪᒃᑯᓪᓘᓐᓃᑦ ᐱᓕᒻᒪᒃᓴᖅᑕᐅᔪᑦ ᒪᓕᒡᓗᒋᑦ ᐊᒻᒪ ᐊᖏᖅᑕᐅᓯᒪᔪᑦ.

ᐃᒪᓐᓇᐅᒐᔪᒃᐳᖅ, ᑖᓐᓇ ᐃᖅᑲᓇᐃᔮᖅᑖᖅᑐᖅ ᓯᓚᑦᑐᖅᓴᕐᕕᒡᔪᐊᒥ ᐊᓂᒍᐃᔾᔪᑎᖃᖅᓯᒪᓂᐊᖅᐳᖅ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᔨᓪᓚᕆᐅᓂᕐᒧᑦ ᓇᓗᓇᐃᖅᑕᐅᓯᒪᓗᓂ ᐃᖅᑲᓇᐃᔭᖅᑎᕈᖅᓴᓂᕐᒧᑦ ᐱᓕᕆᔾᔪᑎᓄᓪᓘᓐᓃᑦ ᐊᒃᑐᐊᓂᓕᖕᒥᒃ ᐱᓕᕆᓂᕆᔭᐅᕙᒃᑐᒥ. ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐊᒃᑐᐊᓂᓕᖕᓂᒃ ᓴᓈᖅᑖᕈᓐᓇᖅᓯᓂᕐᒧᑦ ᐅᕝᕙᓘᓐᓃᑦ ᐱᓕᕆᔾᔪᑎᓄᑦ ᓂᕈᐊᕆᔭᐅᓂᖅᓴᐅᕗᖅ.  ᐅᓄᙱᓛᖃᕐᓗᒍ ᐅᑭᐅᓄᑦ ᐱᖓᓱᓄᑦ ᐅᑯᓇᓂ ᐃᓕᓐᓂᐊᖅᑐᓕᕆᔪᓂᒃ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ; ᖃᐅᔨᒪᓗᓂ ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᐱᓕᕆᐊᒃᓴᓂᒃ ᖃᐅᔨᓴᕈᓰᑦ; ᐅᓄᙱᓛᖃᕐᓗᒍ ᐅᑭᐅᖕᓄᑦ ᒪᕐᕉᖕᓄᑦ ᐊᐅᓚᑦᑎᔨᐅᓂᑰᓗᓂ ᐃᖅᑲᓇᐃᔭᖅᑎᓄᑦ (ᐱᓕᕆᕝᕕᖕᒥ) ᖃᐅᔨᓴᖅᑐᓂᒃ ᐊᒻᒪ ᐱᓕᕆᐊᖏᓐᓂᒃ ᐊᐅᓚᑦᑎᔪᓐᓇᕐᓗᓂ; ᐱᓕᕆᖃᑦᑕᖅᓯᒪᓂᑰᓗᓂ ᐱᕙᒌᔭᕐᓂᕐᒥᒃ ᐊᐅᓚᑦᑎᓂᕐᒥᒡᓗ ᐊᖏᔪᓂᒃ ᑮᓇᐅᔭᖁᑎᒋᔭᐅᔪᓂᒃ.  ᐱᓕᕆᔨᒻᒪᕆᐅᓗᓂ ᐃᓕᓴᐃᔨᐅᓂᕐᒧᑦ ᐊᔪᙱᔾᔪᑎᓂᒃ ᐊᑑᑎᖃᑦᑎᐊᕋᔭᖅᑐᑦ.

ᐊᔾᔨᑲᓴᖏᓐᓂᑦ ᐱᓕᕆᖃᑦᑕᖅᓯᒪᓗᓂ ᐃᓚᒋᖃᓯᐅᑎᔪᓂᑦ ᐃᓕᓐᓂᐊᖅᓯᒪᓂᑯᑦ ᐊᒻᒪ ᐃᖅᑲᓇᐃᔭᓕᒪᓂᑰᒃᐸᑕ ᐃᓱᒪᒃᓴᖅᓯᐅᕈᑕᐅᔪᓐᓇᕐᒥᔪᑦ.

ᑖᔅᓱᒥᖓ ᐃᖅᑲᓇᐃᔮᒃᓴᒧᑦ ᐆᒃᑐᕈᒪᒍᕕᑦ, ᐃᕐᖐᓐᓇᖅᑕᐅᒃᑯᑦ ᐊᐅᓪᓚᖅᑎᓪᓗᒍ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᓇᓗᓇᐃᖅᓯᒪᔪᑦ ᑎᑎᕋᖅᑕᐃᓪᓗ ᐅᑯᓄᖓ NAC.HR@gov.nu.ca. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑖ ᐱᔾᔪᑎᒋᔭᖓᓄᑦ ᑎᑎᕋᕐᕕᐅᔪᓐᓇᖅᑐᒥ ᐃᕐᖐᓐᓈᖅᑕᐅᒃᑯᑦ.

• ᓄᓇᕗᑦ ᒐᕙᒪᒃᑯᑦ ᐱᓕᕆᓇᓱᓪᓚᕆᖕᒪᑕ ᓴᖅᑭᑦᑎᓇᓱᒃᖢᑎᒃ ᑭᒡᒐᖅᑐᐃᓂᖅᓴᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᓂᖅᓴᐅᔪᒪᓪᓗᑎᒃ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑖᕋᓱᖕᓂᕐᒧᑦ ᐊᑐᐊᒐᖅ ᒪᓕᒡᓗᒍ.
• ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᓕᔭᙱᒃᑲᓗᐊᕐᒪᖔᑕ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᓕᖅᑎᑕᐅᓪᓚᑦᑖᔾᔮᙱᑦᑐᑦ ᐆᒃᑐᖅᑐᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᓪᓗ.
• ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᑐᓂᓯᔭᕆᐊᓕᑦ ᐅᖃᐅᓯᖅ ᓇᓕᐊᑐᐃᓐᓇᖅ ᐃᓕᓴᕆᔭᐅᓯᒪᔪᖅ ᐊᑐᕐᓗᒍ.
• ᐃᖅᑲᓇᐃᔭᕈᓐᓇᑐᓂᑦ ᓯᕗᓂᒃᓴᒥ ᓴᖅᑭᑎᑕᐅᔪᖃᑐᐃᓐᓇᕆᐊᓕᒃ.
• ᐃᖅᑲᓇᐃᔮᒃᓴᑦ ᓇᓗᓇᐃᔭᖅᓯᒪᔪᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᕿᕕᒃᑯᓪᓘᓐᓃᑦ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.