ᐅᖃᓚᐅᑎᓯᐅᑏᑦ

You are here

ᐃᓱᒻᒥᖅᑐᐃᔨ ᒪᓕᒐᓕᕆᔨ, ᐃᖅᑲᖅᑐᐃᕕᒻᒥᑦ ᐊᐅᓚᑦᓯᓂᐅᔪᓂᑦ

Groups: 
ᒪᓕᒐᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
Casual
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᖖᒋᓚᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓄᑦ
ᑮᓐᓇᐅᔭᒃᓵᖓ: 
ᓄᓇᕗᒻᒥᐅᑦ ᒪᓕᒐᓕᕆᔨᖁᑎᖓᑕ ᐊᑭᓕᖅᓱᖅᑕᐅᓂᖏᓐᓃᒃᐸᒃᑐᖅ
ᑐᓴᕆᐊᕐᕕᒃᓴᖅ: 
$15,016 ᐊᕐᕌᒍᒧᑦ
ᐃᒡᓗᒃᓴᖅᑕᖃᙱᑦᑐᖅ ᐃᖅᑲᓇᐃᔭᓕᕐᓂᐊᖅᑐᒧᑦ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ

ᑖᕙᓂ ᐃᖅᑲᓇᐃᖅᔭᑎ ᐅᑉᐱᕆᔭᐅᔪᓐᓇᕆᐊᓕᒃ ᐊᒻᒪ ᐱᕋᔭᓐᓂᑰᒻᒪᖔᖅ ᖃᐅᔨᓴᖅᑕᐅᒋᐊᓕᒃ.

ᐅᓇ ᐃᖅᑲᓇᐃᔮᒃᓴᖅ ᐱᓇᔪᒃᑕᐅᔪᓐᓇᖅᑐᖅ ᑭᒃᑯᓕᒫᓄᑦ.

ᐅᓂᒃᑳᕐᕕᖃᖅᐸᒡᓗᓂ ᑐᑭᒧᐊᖅᑎᑦᑎᔨᒋᔭᐅᔪᒧᑦ ᐃᖅᑲᖅᑐᐃᕕᓕᕆᓂᕐᒥ, ᐃᓱᒻᒥᖅᑐᐃᔨ ᒪᓕᒐᓕᕆᔩᑦ ᐃᖅᑲᖅᑐᐃᕕᖕᒥᑦ ᐊᐅᓚᑦᓯᓂᐅᔪᓂᑦ (ELOCA−ᑯᓐᓂᑦ) ᐱᓕᕆᐊᖃᖅᐸᒃᐳᖅ ᐅᖃᐅᔾᔪᐃᔨᐅᓪᓗᓂ ᑐᑭᒧᐊᖅᑎᑦᑎᔨᒧᑦ, ᑎᑎᕋᖅᑎᒋᔭᐅᔪᒧᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᓂ, ᑎᑎᕋᖅᑎᒧᑦ ᐃᖅᑲᖅᑐᐃᕕᓕᕆᔪᓂ, ᐃᖅᑲᖅᑐᐃᔪᓂ ᐸᓖᓯᒋᔭᐅᔪᒥᑦ ᖁᑦᑎᒃᑐᒦᓐᓂᖅᓴᒧᓪᓗ ᐃᖅᑲᖅᑐᐃᔨᒧᑦ. ᑖᓐᓇ ELOCA−ᒋᔭᐅᔪᖅ ᐱᓕᕆᐊᖃᖅᐸᒃᐳᖅ ᐃᓂᒋᔭᐅᔪᒥ ᒪᓕᒐᓕᕆᔨᐅᓪᓗᓂ ᐱᓕᕆᕙᒃᖢᓂ ᒪᓕᒐᑎᒍᑦ ᖃᐅᔨᓴᖅᓯᓂᕐᒥᒃ ᑎᑎᕋᖅᐸᒃᖢᓂ ᑐᑭᓯᐅᒪᖃᑦᑕᐅᑎᓂᕐᓂᒃ ᐱᖁᔭᕐᓄᑦ ᐋᖅᑭᒃᓱᐃᕙᒃᖢᓂᓗ ᐊᑐᐊᒐᕐᓂᒃ ᐃᓱᒪᒋᔭᒃᓴᓄᑦ ᐊᒃᑐᐊᓂᓕᖕᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐊᐅᓚᑦᑎᓂᐅᕙᒃᑐᓂᒃ ᐊᐅᓚᑦᑎᕝᕕᖃᖅᐸᖕᓂᕐᒥᒡᓗ ᐃᖅᑲᖅᑐᐃᕕᓕᕆᓂᕐᒥᒃ ᖃᓄᑐᐃᓐᓇᖅ.

ᐃᓱᒻᒥᖅᑐᐃᔨ ᒪᓕᒐᓕᕆᔨ ᐃᖅᑲᖅᑐᐃᕕᒻᒥᑦ ᐊᐅᓚᑦᓯᓂᐅᔪᓂᑦ ᕿᒥᕐᕈᔨᐅᔪᖅ ᐃᓘᓐᓇᖏᓐᓂᑦ ᑎᑎᖅᑲᖁᑎᖏᓐᓂᑦ ᓄᓇᕗᒻᒥᑦ ᐃᖅᑲᖅᑐᐃᔨᒃᑯᑦ ᓇᓗᓇᐃᖅᓯᓂᕐᒥᑦ ᒪᓕᑦᓯᐊᕋᓗᐊᕐᒪᖔᑕ ᒪᓕᒐᖏᓐᓂᑦ ᐃᖅᑲᖅᑐᐃᔨᒃᑯᑦ ᐊᑐᖅᑕᐅᖃᑦᑕᖅᑐᓂᓪᓗ ᒪᓕᒋᐊᓕᓐᓂᑦ. ᐃᖅᑲᓇᐃᔮᖅᑖᖅᑐᖅ ᐊᑐᐃᓐᓇᐅᑎᑦᓯᓂᐊᖅᑐᖅ ᒪᓕᒐᕐᒥᑦ ᐃᓱᒪᒋᔭᖏᓐᓂᑦ, ᐃᓕᓐᓂᐊᑎᑦᓯᓂᕐᒥᑦ ᐃᑲᔪᖅᑐᖅᓂᕐᒥᓪᓗ ᐃᓅᖃᑎᒌᑦ ᑎᑎᕋᕐᕕᖓᓂᑦ ᐃᖅᑲᖅᑐᐃᕕᒻᒥᓪᓗ ᐸᓖᓯᒃᑯᑦ ᐊᓪᓚᕝᕕᖓᓂᑦ. ᐊᑐᐃᓐᓇᐅᑎᑦᓯᓂᕐᒥᑦ ᐃᓕᓐᓂᐊᖅᓯᓐᓈᕐᓗᓂ ᐱᓕᕆᔪᓐᓇᖅᓯᕙᓪᓕᐊᓂᕐᒥᑦ ᐃᑲᔪᖅᑐᕐᓂᒥᓪᓗ ᐃᓅᖃᑎᒌᑦ ᑎᑎᕋᕐᕕᖓᓂᑦ, ᐃᓱᒻᒥᖅᑐᐃᔨ ᒪᓕᒐᓕᕆᔨ ᐃᖅᑲᖅᑐᐃᕕᒻᒥᑦ ᐊᐅᓚᑦᓯᓂᐅᔪᓂᑦ ᑲᒪᒋᔭᖃᕆᐊᖃᖅᒥᔪᖅ ᕿᒥᕐᕈᓂᕐᒥᑦ ᑎᑎᕋᖅᓯᒪᔪᐃᑦ ᓴᓇᔭᐅᓂᖏᓐᓂᑦ ᑎᑎᖅᑭᕆᕕᒻᒥᑦ ᓇᓗᓇᐃᖅᓯᓂᕐᒥᓪᓗ ᑐᖅᑯᖅᓯᕖᑦ ᓴᖅᑭᖅᑕᐅᕙᓪᓕᐊᒐᓗᐊᕐᒪᖔᑕ ᒪᓕᑦᓯᐊᕋᓗᐊᕐᒪᖔᑕ, ᓈᒻᒪᑦᑐᒃᑯᑦ ᐋᖅᑭᑦᓯᒪᑦᓯᐊᖅᑐᓂᓪᓗ ᐱᔪᒪᓂᖏᓐᓂᑦ ᐃᖅᑲᖅᑐᐃᔨᒃᑯᓐᓄᑦ ᐱᓯᒪᑦᓯᓂᕐᒥᓪᓗ ᓈᒻᒪᑦᑐᓂᑦ ᐃᖅᑲᖅᑐᐃᕕᒻᒥᑦ ᑎᑎᖅᑲᖁᑎᓂᑦ.

ᖃᐅᔨᒪᓂᖃᑦᓯᐊᕐᓗᓂ ᐃᖅᑲᖅᑐᐃᕕᒃᑰᕐᓂᕐᒥᑦ ᐱᔾᔪᑎᓕᓐᓂᑦ ᒪᓕᒐᖏᓐᓂᑦ ᐃᖅᑲᖅᑐᐃᕕᒃᑯᑦ ᒪᓕᒐᖏᓐᓂᓪᓗ ᐃᖅᑲᖅᑐᐃᔨᒃᑯᑦ ᐊᔪᐃᓐᓇᕐᑎᖏᓐᓂᑦ ᐱᔭᕆᐊᖃᕐᒥᔪᖅ ᑲᔪᓯᓂᖃᑦᓯᐊᓚᖓᓗᓂ ᑖᑦᓱᒪᖓᑦ ᐃᖅᑲᓇᐃᔮᒥᑦ. ᐃᖅᑲᓇᐃᔮᖅᑖᖅᑐᖅ ᖃᐅᔨᒪᓂᖃᕆᐊᓕᒃ ᐱᕋᔭᓐᓂᕐᒧᑦ ᐃᓚᒌᓄᓪᓗ ᒪᓕᒐᕐᓂᑦ. ᓴᙱᔪᒃᑯᑦ ᖃᐅᔨᓴᕈᓐᓇᕐᓂᖅᑎᑎᕋᕈᓐᓇᕐᓂᖅ ᖃᐅᔨᓴᖅᓯᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓂᒃ ᐱᔭᐅᓯᒪᔪᖃᕆᐊᖃᖅᐳᖅ , ᐊᒻᒪᓗᑦᑕᐅᖅ ᐋᖅᑭᓱᐃᔪᓐᓇᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᒥᒃ. ᐅᖃᖃᑎᖃᕈᓐᓇᑦᓯᐊᕐᓗᓂ ᐃᓅᖃᑎᖃᕈᓐᓇᑦᓯᐊᕐᓗᓂᓗ ᐱᔭᕆᐊᖃᕐᒥᔪᖅ ᑲᔪᓯᓂᖃᑦᓯᐊᕐᓂᒥᑦ ᑖᑦᓱᒪᖓᑦ ᐃᖅᑲᓇᐃᔮᒥᑦ.

ᖃᐅᔨᒪᓂᕆᔭᐅᔪᖅ, ᐊᔪᕈᓐᓃᖅᑕᐅᓯᒪᔪᑦ ᐊᔪᙱᓐᓂᕆᔭᐅᔪᓪᓗ ᐱᔭᐅᓯᒪᔭᕆᐊᓖᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᐅᓯᒪᓕᖅᐸᒃᐳᑦ ᑭᒃᑯᑐᐃᓐᓇᓄᑦ ᒪᓕᒐᕐᒧᑦ ᐊᔪᙱᓐᓂᖅᑖᕐᓗᓂ ᐃᓕᓴᕆᔭᐅᓯᒪᔪᒥᑦ ᑲᓇᑕᒥᐅᓄᑦ ᓯᓚᑦᑐᖅᓴᕐᕕᒡᔪᐊᒥᑦ ᐃᓚᒋᔭᐅᓗᓂᓗ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓂᓄᓇᕗᒻᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓚᒋᔭᐅᓗᓂ ᐃᓚᓕᐅᑎᓯᒪᑦᑎᐊᕐᓗᓂ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥᓘᓐᓃᑦ ᐊᕕᒃᓯᒪᓂᕐᒥ ᐱᖁᔭᓕᕆᔨᐅᓗᓂ. ᑖᓐᓇ ᐃᓂᑖᖅᑎᑕᐅᔪᖅ ᐃᓚᒋᔭᐅᙱᑉᐸᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓂ ᓄᓇᕗᒻᒧᑦ, ᐊᔪᙱᑦᑕᕆᐊᖃᖅᐳᖅ ᐃᓚᒋᔭᐅᓕᕈᓐᓇᕐᓂᕐᒥᒃ ᓈᒻᒪᒃᑐᒃᑯᑦ ᐱᕕᒃᓴᒃᑯᑦ. ᐊᒻᒪᑦᑕᐅᖅ ᐱᔭᐅᓯᒪᔭᕆᐊᓕᒃ ᑕᓪᓕᒪᓂᒃ ᐊᕐᕌᒍᓂᒃ ᑎᓕᔭᐅᓯᒪᓕᕐᓗᓂ ᒪᓕᒐᓕᕆᔨᐅᔪᓐᓇᕐᓗᓂ ᓄᓇᕗᒻᒥ ᐃᓚᖃᕐᓗᓂ ᒥᑭᓐᓂᖅᐹᖃᕐᓗᓂ ᐱᖓᓱᓂᒃ ᐊᕐᕌᒍᓂᒃ ᑭᒃᑯᑐᐃᓐᓇᓄᑦ ᐱᖁᔭᓕᕆᓂᕐᒧᑦ ᐱᓕᕆᖃᑦᑕᖅᓯᒪᓂᑰᓗᓂ. ᐱᓕᕆᖃᑦᑕᖅᓯᒪᓂᑰᓂᖅ ᐱᔭᐅᓯᒪᓂᑰᓗᓂ ᐊᓯᐊᓂ ᐃᓂᒥ ᐱᔪᓐᓇᕐᓂᖃᕐᕕᒋᔭᐅᔪᒥ ᖃᐅᔨᓴᖅᑕᐅᑐᐃᓐᓇᕆᐊᖃᖅᐳᖅ ᓇᓕᒧᓐᓂᕋᖅᑕᐅᓗᓂ.

ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓ, ᖃᐅᔨᒪᓂᖓ ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᑲᑎᓪᓗᒋᑦ ᐃᓕᓐᓂᐊᖅᓯᒪᓪᓚᕆᒃᑐᑐᑦ ᐊᒻᒪ ᐱᓕᕆᓯᒪᓪᓚᕆᒃᑐᑐᑦ ᐊᔾᔨᒋᔭᐅᓂᖏᓐᓂᒃ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐅᖃᕈᓐᓇᖅᐸᑦ ᐊᑕᐅᓯᐅᙱᑦᑐᒥᒃ ᓄᓇᕗᒻᒥ ᐅᖃᐅᓯᖅᑕᕆᔭᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᓂᖃᕐᓗᓂ ᒪᓕᒐᕐᓂᑦ ᑲᓇᑕᒥ ᓄᓇᕗᒥᓪᓗ; ᐱᕋᔭᓐᓂᕐᒧᑦ ᐃᓚᒌᓄᓪᓗ ᒪᓕᒐᕐᒥᑦ; ᐃᓄᐃᑦ ᐊᒻᒪᓗ/ᐅᕝᕙᓘᓐᓃᑦ ᐅᑭᐅᖅᑕᖅᑐᒥᑦ ᐃᓅᖃᑎᒌᓐᓂᕐᒥᑦ ᒪᓕᒐᓕᕆᓂᕐᒧᓪᓗ ᐱᔾᔪᑕᐅᔪᓂᑦ; ᐊᒻᒪᓗ/ᐅᕝᕙᓘᓐᓃᑦ ᐃᖅᑲᖅᑐᐃᕕᒻᒥᑦ ᐊᑐᐊᒐᕐᓂᑦ ᐊᐅᓚᔾᔪᑎᓂᓪᓗ ᐃᓱᒪᒋᔭᐅᓂᐊᖅᑐᖅ ᐊᑲᐅᓇᔭᖅᑐᖅ. 

ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂᑦ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐃᑲᔫᑎᖃᑦᑎᐊᕋᔭᕐᒥᔪᖅ.

ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance