ᐅᖃᓚᐅᑎᓯᐅᑏᑦ

You are here

ᓄᓇᓕᓐᓂ ᐋᓐᓂᐊᓯᐅᑎ

ᓄᓇᓕᒃ: 
ᐃᒃᐱᐊᕐᔪᒃᒥ
ᐊᐅᓱᐃᑦᑐᖅ-ᒥ
ᑭᒻᒥᕈᒻᒥᑦ
ᖃᐅᓱᐃᑦᑐᒥᑦ
ᓴᓂᕋᔭᒥ
ᓇᓗᓇᐃᒃᑯᑕᖓ: 
10-02-200-100JA
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$99,743.00
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$19,122.00 - $34,455.00

ᐃᓪᓗᖃᖅᑎᑕᐅᓂᖅ: ᐃᖅᑲᓇᐃᔭᖅᑎᐅᓂᕐᒧᑦ ᐃᑲᔪᖅᑕᐅᓗᓂ ᐃᓪᓗᖃᖅᑎᑕᐅᔪᖅ ᐊᑐᐃᓐᓇᖅᑕᖃᖅᐸᑦ; ᑭᓯᐊᓂ, ᐃᓪᓗᒥᐅᖃᑎᒌᑐᐃᓐᓇᕆᐊᓖᑦ ᑭᒻᒥᕈᑦᒥ, ᖃᐅᓱᐃᑦᑐᖅᒥ, ᓴᓂᕋᔭᒃᒥ, ᐃᒃᐱᐊᕐᔪᒃᒥ ᐊᒻᒪᓗ ᐊᐅᓱᐃᑦᑐᖅᒥ.

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᓯᓂᐊᖏᒃᑲᓗᐊᕐᒪᖔᖅᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᓄᓇᓕᓐᓂ ᐋᓐᓂᐊᓯᐅᑎ (CHN) ᐃᑲᔪᖃᑦᑕᖅᑐᖅ ᐋᓐᓂᐊᕕᓕᐊᖅᑐᓂᑦ, ᐃᓄᐃᑦ ᐃᒻᒥᑰᕐᓗᑎᓪᓘᓐᓃᑦ, ᐃᓚᒌᖑᓗᑎᓪᓘᓐᓃᑦ, ᓴᖅᑭᔮᖅᑎᑦᑎᓂᕐᒥᑦ, ᓴᐳᒻᒥᓂᕐᒥᑦ ᐊᒻᒪᓗ ᐅᑎᖅᑎᑦᑎᓂᕐᒥᑦ ᑎᒥᒃᑯᑦ ᖃᓄᐃᙱᑦᑎᐊᕐᓂᕐᒨᖓᔪᓂᑦ, ᐃᓕᓐᓂᐊᖅᑎᓪᓗᒋᑦ ᒪᑯᐊ ᒥᔅᓵᓄᑦ, ᓄᖅᑲᖓᑎᑦᑎᓂᕐᒥᑦ ᐊᒻᒪ ᐱᓗᐊᕈᓐᓃᖅᑎᑦᑎᓂᕐᒥᑦ ᐋᓐᓂᐊᖅᑖᖃᑦᑕᕐᓂᕐᒧᑦ, ᑎᒥᒃᑯᑦ ᐊᔪᕈᑎᖃᕐᓂᕐᒧᑦ ᐊᒻᒪᓗ ᑐᖁᔾᔪᑕᐅᔪᓐᓇᖅᑐᓂᓪᓗ. ᓄᓇᓕᓐᓂᑦ ᐋᓐᓂᐊᓯᐅᖅᑎ ᐊᑕᖐᑦᑎᐊᖅᑐᓂᑦ ᓄᓇᓕᖕᓂᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᔨᑦᑎᖅᑎᐅᔪᖅ ᐱᖃᑎᒋᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓕᕆᔨᐅᔪᑦ ᑕᒪᑐᒥᖓᑦᑕᐅᖅ ᑲᒪᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᐅᓯᕚᓪᓕᖅᑎᑦᑎᓇᓱᖕᓂᕐᒥᑦ ᐊᒻᒪ ᐊᔪᕈᓐᓃᖅᐸᓪᓕᐊᑎᑦᑎᓂᕐᒥᑦ ᐋᓐᓂᐊᖅᑐᓂᒃ "ᓱᖏᐅᓴᕐᓗᓂᒋᑦ, ᑭᐅᕙᒡᓗᓂᒋᑦ ᐅᕝᕙᓘᓐᓃᑦ ᐊᐅᓚᑉᐸᒡᓗᓂᒋᑦ, ᐃᓅᓯᕐᒥ ᐊᒃᓱᕈᕐᓇᖅᑐᑦ ᐊᒻᒪ ᐊᓯᔾᔨᖅᐸᓪᓕᐊᔪᑦ".

ᖃᐅᔨᒪᓂᖃᕆᐊᓕᒃ, ᐊᔪᙱᓐᓂᖃᕆᐊᓕᒃ, ᐱᔪᓐᓇᕐᓂᖃᕆᐊᓕᒃ ᑕᔅᓱᒧᖓ ᐃᖃᓇᐃᔭᒧᑦ ᐱᔭᐅᔪᓐᓇᖅᑐᖅ ᐱᔭᕆᕈᓯᐊᖃᕆᐊᓕᒃ ᓯᕗᓪᓕᕐᒥᑦ ᐊᓐᓂᐊᓯᐅᖅᑎᐅᓂᕐᒧᑦ ᐅᕝᕙᓗᓐᓂᑦ ᐱᔭᕆᕈᓯᐊᖃᕆᐊᓕᒃ ᐊᓐᓂᐊᓯᐅᖅᑎᐅᓂᕐᒧᑦ ᐊᒻᒪᓗ ᐊᕐᕌᒍᓐᓄᒃ ᒪᕐᕉᓐᓄᒃ (2) ᐋᓐᓂᐊᓯᐅᖅᑎᐅᖃᑦᑕᖅᓯᒪᓗᓂ ᓄᓇᓕᓐᓂ ᐋᓐᓂᐊᓯᐅᖅᑎᐅᓂᕐᒧᑦ, ᐊᓯᖏᓐᓂᓪᓗ ᓇᓕᒧᓱᑦᑐᓂᑦ ᐊᑦᑐᐊᓂᖃᖅᑐᓂᓪᓘᓐᓃᑦ ᐱᓕᕆᖃᑦᑕᖅᓯᒪᓂᖅ ᓲᕐᓗ ᐱᓕᕆᖃᑦᑕᖅᓯᒪᓂᑰᓗᓂ ᐊᑐᖅᑕᐅᕙᑦᑐᓂ ᐃᓕᓐᓂᐊᕐᓂᕐᒧᑦ, ᐋᓐᓂᐊᖅᑐᓕᕆᔨᒃᑯᓐᓄᓗ ᑲᓇᑕᒥ ᐋᓐᓂᐊᕐᕕᒻᒥ ᐊᔪᙱᑕᖃᕐᓂᕐᒧᑦ ᐃᓕᓐᓂᐊᕐᓂᖅ ᐃᓱᒪᒋᔭᐅᓂᐊᖅᑐᖅ.  ᐃᖅᑲᓇᐃᔮᖅᑖᕋᓱᐊᖅᑐᑦ ᐃᓕᓐᓂᐊᕐᕇᖅᓯᒪᔪᑦ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐋᓐᓂᐊᓯᐅᖅᑎᑦᓴᐅᓂᕐᒧᑦ ᓯᕗᓂᖓᒍᑦ ᑕᖅᑮᑦ ᐱᖓᓲᔪᖅᑐᑦ ᐊᖏᖅᑕᐅᓯᒪᔪᓪᓗ ᐋᓐᓂᐊᓯᐅᖅᑎᓄᑦ ᓄᓇᓕᓐᓂᑦ ᐱᔭᕇᖅᓯᓂᕐᒧᑦ ᐃᓱᒪᒋᔭᐅᓂᐊᖅᑐᖅ ᐃᖅᑲᓇᐃᔮᕐᓄᑦ ᓇᓗᓇᐃᖅᑕᐅᓯᒪᔪᑦ ᐃᓚᒋᑦᓱᒍ ᐱᓕᕆᐊᒧᑦ.  ᓄᓇᓕᓐᓂ ᐋᓐᓂᐊᓯᐅᑎ ᐊᓂᖅᓵᖅᑎᑦᑎᓇᓱᖕᓂᕐᒧᑦ ᐃᓕᓐᓂᐊᖅᓯᒪᓗᓂ ᐊᒻᒪᓗ ᐊᕐᕌᒍᓕᒫᒨᖓᔪᓂᑦ ᐃᓕᓴᕆᔭᐅᔾᔪᑎᑖᖃᑦᑕᕐᓗᓂ. ᐃᖅᑲᓇᐃᔮᖅᑖᕋᓱᐊᖅᑐᑦ ᐊᑎᖃᖃᑕᐅᔪᓐᓇᕆᐊᓖᑦ ᐱᒋᐊᙱᓐᓂᖏᓐᓂᑦ ᐋᓐᓂᐊᓯᐅᖅᑎᒃᑯᑦ ᑲᑐᔾᔨᖃᑎᒌᒃᑯᖏᓐᓄᑦ ᓄᓇᑦᓯᐊᕐᒥ ᓄᓇᕗᒻᒥᓗ (RNANT/NU) ᐊᕐᕌᒍᑕᒫᖅ ᐃᓕᓴᕆᔭᐅᔾᔪᑎᑖᖃᑦᑕᕐᓂᐊᕐᓗᑎᑦ.

ᐱᓯᒪᑦᓯᓂᖅ ᐊᑕᐅᓯᕐᒥ ᐅᖓᑖᓄᓪᓘᓐᓃᑦ ᐅᑯᓇᖓᑦ ᐃᖅᑲᓇᐃᔮᖅᑖᕆᑕᐅᑎᓪᓗᒍ, ᐊᒥᐊᒃᑯᖓ (ᐱᖁᔭᐅᓯᒪᓂᖓ ᒪᓕᓪᓗᒍ) ᐱᐊᓂᒃᓯᓗᓂ ᓯᕗᓪᓕᖅᐹᖅ ᑕᖅᑮᑦ 12 ᐃᓗᐊᓂ ᐃᖅᑲᓇᐃᖅᑎᐅᓯᒪᓕᖅᑎᓪᓗᒍ ᐊᒻᒪᓗ ᐊᐃᑉᐸᖓᓂᒃ ᐱᔭᕆᐊᖃᖅᑕᖓ ᐃᓕᓴᕆᔭᐅᔾᔪᑎᑖᕐᓗᓂ: ᓄᓇᕗᒻᒥ ᑲᐴᕆᓂᕐᒧᑦ ᐃᓕᑕᕆᔭᐅᔾᔪᑎ, ᖁᐊᖅᓵᕐᓇᖅᑐᒃᑰᖅᑐᓂᒃ ᐃᓅᓕᓴᐃᓂᖅ, ᓯᕗᕙᖅᓯᒪᔪᒥᒃ ᐆᒻᒪᓯᑦᑐᓕᕆᒍᓐᓇᕐᓂᖅ, ᐃᕐᓂᐊᓂᒃ ᐆᒻᒪᐃᒍᓐᓇᕐᓂᖅ, ᓇᔾᔨᐊᓂᒃ ᖃᐅᔨᕐᓴᓂᖅ, ENPC ᐅᕝᕙᓗ PALS, NRP, ALARM/ESW/FHS, ᐋᓐᓂᖅᑎᕆᓂᖅᑕᖃᓐᖏᑦᑐᒥ ᖁᐊᖅᓵᕐᓇᖅᑐᒃᑰᖅᑐᓂᒃ ᐃᑲᔪᕐᓂᒃ ASIST ᐅᕝᕙᓗ ᐃᓱᒪᒃᑯᑦ ᐋᓐᓂᐊᖅᑐᓕᕆᓂᖅ, ᑰᑦᓯᖅᒥ ᖃᐅᔨᓴᕈᓐᓇᕐᓂᖅ, ᐃᓂᕐᓱᑦᑐᓕᕆᓂᖅ ᐃᕐᓂᓱᑦᓰᒍᓐᓴᕐᓗᓂᓗ ᓇᔾᔨᔪᓂᒃ ᐃᓕᓐᓂᐊᖅᓯᒪᑦᓯᐊᕐᓗᓂ, ᐊᑦᓱᕈᐊᓪᓚᑦᓯᒪᔪᓂ ᐊᐅᓚᑦᑎᔪᓐᓇᕐᓂᖃᕐᓗᓂ.

ᐊᔾᔨᖏᓪᓗ ᐊᒻᒪᓗ ᑲᑎᓪᓗᒋᑦ ᐃᓕᓐᓂᐊᖅᓯᒪᓂᖓ, ᐱᓕᕆᔪᓐᓇᕐᓂᖓᓗ ᐃᓱᒪᒋᔭᐅᑐᐃᓐᓇᕆᐊᓕᑦ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ. ᑐᓴᐅᒪᑎᑦᑎᔪᓐᓇᖅᐸᑦ ᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᙱᑦᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᓕᖕᓂ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐃᑲᔫᑎᖃᑦᑎᐊᕋᔭᖅᐳᖅ.

ᐅᓪᓗᓕᒫᖅᐸᒃᑐᓄᑦ, ᐃᖅᑲᓇᐃᔭᐃᓐᓴᕐᓂᐊᓕᖅᑐᓄᑦ ᐋᓐᓂᐊᓯᐅᑎᓄᑦ, ᐃᖅᑲᓇᐃᔭᖅᑎᑕᐅᓕᕐᓂᕐᒧᑦ ᖄᒃᑲᓐᓂᐊᒍᑦ ᐱᔭᐅᕙᒃᑐᑦ ᐅᑯᐊᖑᕗᑦ: $5,000.00-ᓂᒃ ᐅᓪᓗᐊᓂ ᐱᒋᐊᕐᕕᖓᓂ, $5,000.00−ᓂᒃ 18−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ, $10,000.00−ᓂᒡᓗ 30−ᓂᒃ ᑕᖅᑭᓂᒃ ᐃᖅᑲᓇᐃᔭᖅᓯᒪᓕᕈᑎᒃ. ᐃᓚᓕᐅᔾᔭᐅᓯᒪᒃᑲᓐᓂᖅᑐᑦ ᐱᔭᐅᒃᑲᓐᓂᖅᐸᒃᑐᑦ ᐃᓚᖃᖅᐳᑦ $9,000.00−ᓂᒃ - 16,350.00 (ᓇᓗᓇᐃᖅᑕᐅᓯᒪᔪᖅ ᐋᖅᑭᑦᓯᒪᓂᖓ ᐊᑐᓂ ᓄᓇᓕᓐᓂ) ᐊᕐᕌᒍᑕᒫᑦ ᐱᓕᕆᓯᒋᐊᖅᑳᖅᐸᖕᓂᕐᒧᑦ ᐱᑎᑕᐅᒃᑲᓐᓂᖅᐸᒃᑐᒥᒃ, ᐊᒻᒪᓗ $375.00−ᑲᓐᓂᕐᓂᒃ ᑕᖅᑭᑕᒫᑦ ᑕᐃᑲᓃᙱᓐᓇᕐᓂᕐᒧᑦ ᐱᔭᐅᒃᑲᓐᓂᖅᐸᒃᑐᓂᒃ ᑲᑎᑦᓱᒋᑦ $4,500.00−ᖑᓪᓗᑎᒃ ᐊᕐᕌᒍᑕᒫᑦ.

ᐊᔪᙱᑦᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

 

ᐃᖅᑲᓇᐃᔮᒃᓴᒧᑦ ᐱᓇᔪᒪᖃᑕᐅᔪᒪᒍᕕᑦ, ᐃᕐᖐᓐᓈᖅᑕᐅᒃᑯᑦ ᓇᒃᓯᐅᑎᒍᒃ ᑎᑎᖅᑲᓕᐊᑦ ᐃᖅᑲᓇᐃᔮᖅᓯᐅᕈᑏᓪᓗ ᐅᕗᖓ Health_Baf_HR@gov.nu.ca ᓇᓗᓇᐃᒃᑯᑕᖓᑕ ᓈᓴᐅᑖ ᑎᑎᕋᖃᓯᐅᑎᓗᒍ ᐃᕐᙱᓐᓈᖅᑕᐅᒃᑯᑦ ᓇᒃᓯᐅᑎᓕᕈᕕᐅᒃ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᒪᓕᒃᖢᒍ ᓄᓇᕗᒻᒥ ᓯᕗᓪᓕᐅᔾᔭᐅᔪᒪᔪᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᕐᒥ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᙱᑎᑕᐅᑐᐃᓐᓇᕆᐊᓖᑦ ᐆᒃᑐᕈᒪᔪᓂ ᐃᓱᒪᒋᔭᐅᒃᑲᓐᓂᕐᓗᑎᒡᓗ. 
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐊᔪᙱᑎᑕᐅᔪᓐᓇᕐᓂᕐᒧᑦ ᓇᓗᓇᐃᖅᓯᒪᔪᑦ ᓴᖅᑭᑕᐅᑐᐃᓐᓇᕆᐊᓕᑦ ᐃᓐᓄᒃᓯᒪᙱᑦᑐᑦ ᓯᕗᓂᒃᓴᒥ ᐃᓐᓄᒍᓐᓇᖁᓪᓗᒋᑦ.
  • ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ.
  • ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᖃᐅᔨᒋᐊᕐᕕᐅᔪᑑᓂᐊᖅᑐᑦ.

 

ᑎᑎᕋᕐᕕᒋᓗᒍ:    ᐋᓐᓇᐊᖃᕐᓇᖏᑦᑐᓕᕆᔨᒃᑯᑦ, ᓄᓇᕗᑦ ᒐᕙᒪᖓᓂ
ᐸᓐᓂᖅᑑᖅ, ᓄᓇᕗᑦ X0A 0R0 ᐅᖃᓘᑖ:
www.gov.nu.ca/public-jobs & www.nunavutnurses.ca/
ᐃᕐᙲᓐᓈᖅᑕᐅᒃᑯᑦ: JKuluguqtuq1@gov.nu.ca
ᓱᒃᑲᑦᑐᒃᑯᑦ: 867 473 2657
ᐅᖄᓚᐅᑎᖓ: 867-473-2628

Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ