ᐅᖃᓚᐅᑎᓯᐅᑏᑦ

You are here

ᐱᔪᓐᓇᐅᑎᓕᒃ ᐃᓗᐊᖅᓴᐃᔨ

ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑕᖓ: 
10-01-235-170AS
ᖃᓄᐃᑦᑑᓂᖓ ᐃᖅᑲᓇᐃᔮᖅ: 
ᑮᓇᐅᔾᔭᒃᓴᓇᔭᖅᑐᖅ: 
$88,212.00−ᓂᒃ ᐊᕐᕌᒍᒧᑦ, 42−ᓄᑦ ᐃᑲᕐᕋᓄᑦ/ᐱᓇᓱᐊᕈᓯᕐᒥ
ᐅᑭᐅᖅᑕᖅᑐᒥ ᐃᓚᒋᐊᕈᑎᖓ: 
$15,016.00

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᓯᓂᐊᖏᒃᑲᓗᐊᕐᒪᖔᖅᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᖓᔪᖅ ᐆᒃᑐᕈᒪᔪᓕᒫᓄᑦ.

ᐅᖃᕐᕕᖃᖅᐸᒡᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᓂᕐᒧᑦ ᐅᐃᕆᓯᒪᔾᔪᑕᐅᓕᖅᐸᒃᑐᓄᓪᓗ ᐃᓂᒧᑦ ᑲᒪᔨᒋᔭᐅᔪᒧᑦ, ᐱᔪᓐᓇᐅᑎᓕᒃ ᐃᓗᐊᖅᓴᐃᔨ ᐃᓚᒋᔭᐅᕗᖅ ᖃᓄᕈᓘᔭᖅ ᐱᓕᖃᑎᒌᒃᑐᓂᒃ ᐱᓕᕆᐊᓕᓂᒃ ᐱᓕᕆᖃᑎᖃᖅᖢᑎᒃ ᓇᓗᓇᐃᔭᖅᓯᒪᔪᓂᒃ ᐃᓗᐊᖅᓴᐃᔨᓂᒃ, ᓘᒃᑖᓂᒃ, ᐱᓕᕆᖃᑎᒌᒃᐸᒃᑐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓪᓚᕆᖕᓄᑦ ᐊᓯᖏᓐᓄᓪᓗ ᐃᓚᒋᔭᐅᔪᓄᑦ ᐱᓕᕆᖃᑎᒌᓂ ᐱᑎᑦᑎᓂᐊᕐᓗᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐱᓕᕆᕝᕕᒋᔭᐅᕙᒃᑐᓄᑦ ᐱᑕᖃᓪᓚᑦᑖᖅᑐᓄᑦ ᑕᐃᒪᐃᑐᐃᓐᓇᕆᐊᓕᖕᓄᓪᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᒋᔭᐅᔪᓄᑦ ᐊᔾᔨᒌᙱᑦᑐᓂ ᐊᑐᖅᑕᐅᕙᒃᑐᓂ. ᐱᔪᓐᓇᐅᑎᓖᑦ ᐋᓐᓂᐊᓯᐅᑎᑦ ᑲᒪᒋᔭᒃᓴᖃᖅᐳᑦ ᐱᑎᑦᑎᕙᖕᓂᕐᒥᒃ ᐱᐅᔪᒥᒃ ᐃᓗᐊᖅᓴᐃᓂᕐᒧᑦ ᑲᒪᒋᔭᖃᖅᐸᖕᓂᕐᒥᒃ ᐱᓕᕆᔪᓐᓇᕐᕕᒋᔭᒥᓂ ᓇᓗᓇᐃᔭᖅᓯᒪᔪᑎᑐᑦ ᐱᓕᕆᔨᓪᓚᕆᐅᓂᕐᒧᑦ ᐱᔪᓐᓇᐅᑎᑖᖅᑎᑦᑎᕙᖕᓂᕐᒧᑦ ᑎᒥᒋᔭᐅᔪᒥᑦ ᓄᓇᕗᓪᓗ ᒐᕙᒪᒃᑯᖏᓐᓂᑦ. ᐱᔪᓐᓇᐅᑎᓕᒃ ᐋᓐᓂᐊᓯᐅᑎ ᐸᕐᓇᐃᕙᒃᖢᓂ ᐱᓕᕆᕙᒃᖢᓂᓗ ᐋᓐᓂᐊᕕᓕᐊᖅᓯᒪᔪᓂᒃ ᖃᐅᔨᓴᖅᐸᒃᖢᓂᓗ ᐋᓐᓂᐊᕕᓕᐊᖅᓯᒪᔪᑦ ᖃᓄᐃᓕᕐᓂᖏᓐᓂᒃ; ᒪᓕᒃᖢᓂ ᒪᓕᒋᐊᓕᖕᓂᒃ ᐱᓕᕆᐊᓂᒃ ᒪᓕᒃᖢᓂ ᐊᑐᖅᑕᐅᕙᒃᑐᓂᒃ ᓄᓇᕗᑦ ᒐᕙᒪᒃᑯᓐᓄᑦ ᑐᕌᕆᔭᖃᖅᖢᑎᒃ ᐱᓯᒪᒃᑲᓐᓂᓕᕐᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐋᓐᓂᐊᕕᓕᐊᖅᓯᒪᔪᑦ ᖃᓄᐃᙱᑦᑎᐊᕈᓯᖏᓐᓂᒃ.    ᐊᒻᒪᓗᒃᑲᓐᓂᖅᑕᐅᖅ, ᐱᔪᓐᓇᐅᑎᓕᒃ ᐋᓐᓂᐊᓯᐅᑎ ᑕᐅᑐᒃᐸᒃᐳᖅ, ᖃᐅᔨᓴᖅᓯᕙᒃᐳᖅ, ᓇᐅᑦᑎᖅᓱᖅᓯᕙᕐᒃᐳᖅ, ᑎᑎᕋᖅᓯᕙᓪᓕᐊᕙᒃᐳᕐᓗ ᑕᒪᐃᓐᓂᒃ ᖃᐅᔨᔭᒥᓂᒃ ᑲᒪᒋᔭᖃᕐᓂᕐᒥᒡᓗ ᒪᓕᒃᖢᓂ ᓄᓇᕗᑦ ᒐᕙᒪᖓᑕ ᑎᑎᕋᖅᓯᒪᓕᖅᑎᑦᑎᓂᕐᒧᑦ ᐊᑐᖅᑕᐅᕙᒃᑐᓂᑐᓂᒃ ᒪᓕᒃᑕᐅᕙᒃᑐᓂᒡᓗ.

ᐊᑐᖅᖢᑎᒃ ᖃᐅᔨᔾᔪᑕᐅᔪᓐᓇᖅᑐᓂᒃ ᑐᙵᕕᓕᖕᓂᒃ ᐊᑐᖅᑕᐅᕙᒃᑐᓂᒃ; ᐱᔪᓐᓇᐅᑎᓖᑦ ᐋᓐᓂᐊᓯᐅᑏᑦ ᐱᑎᑦᑎᕙᒃᐳᑦ ᐊᔪᙱᓐᓂᖃᑦᑎᐊᕐᓂᒃᑯᑦ ᐃᓗᐊᖅᓴᐃᓂᕐᒥᒃ ᑲᒪᒋᔭᖃᕐᓂᕐᒥᒃ ᑕᐃᒪᐃᓕᐅᕐᓂᕐᒥᓂᓗ ᑲᔪᓯᑎᑦᑎᓪᓗᑎᒃ ᐱᓕᕆᔨᓪᓚᕆᐅᓂᕐᒧᑦ ᓵᑕᐅᓕᕈᓐᓇᖅᐸᖕᓂᕐᒥᒃ. ᐱᔪᓐᓇᐅᑎᓕᒃ ᐋᓐᓂᐊᓯᐅᑎ ᑲᒪᓲᖑᕗᖅ ᐋᓐᓂᐊᕕᓕᐊᖅᓯᒪᔪᓂᒃ ᓇᓗᓇᐃᖅᑕᐅᓯᒪᔪᓂᒃ ᐋᓐᓂᐊᕈᑕᐅᔪᑦ ᐊᒃᓱᕈᕐᓇᕈᑕᐅᓲᓂᒃ ᐊᒻᒪ ᓇᓚᐅᑦᑖᒐᕐᓂᖅᑐᓂᒃ ᖃᓄᐃᓕᖓᓕᕈᑕᐅᓲᓂᒃ. ᐋᓐᓂᐊᕐᓂᕆᔭᐅᔪᖅ ᖃᓄᖕᓗ ᐊᔪᕐᓇᖅᓯᕙᓪᓕᐊᑎᒋᓂᖓ ᑲᒪᒋᔭᐅᓂᐅᑉ ᐊᖏᒡᓕᕙᓪᓕᐊᑎᓪᓗᒍ, ᑖᓐᓇ ᐱᔪᓐᓇᐅᑎᓕᒃ ᐋᓐᓂᐊᓯᐅᑎ (ᑲᒪᒋᔭᐅᓪᓗᓂ ᓇᓗᓇᐃᔭᖅᓯᒪᔪᒥᑦ ᐃᓗᐊᖅᓴᐃᔨᒥᑦ) ᐱᑎᑦᑎᕙᒃᐳᖅ ᐃᓗᐊᓴᐃᖔᓕᕐᓂᕐᒥᒃ, ᐱᔪᓐᓇᕐᕕᒋᔭᒥᑎᒍᑦ ᓇᓗᓇᐃᔭᖅᓯᒪᔪᑎᒍᑦ ᐅᑯᓇᓂ, ᐱᔪᓐᓇᐅᑎᓖᑦ ᐋᓐᓂᐊᓯᐅᑏᑦ ᐱᖁᔭᖏᓐᓂ, ᐃᓚᓕᐅᑎᓯᒪᔪᓂ ᒪᓕᒋᐊᖃᖅᐸᒃᑐᓂ ᐊᔪᙱᓐᓂᖃᕐᓂᕐᒧᓪᓗ ᑎᑎᕋᖅᓯᒪᔪᓂᒃ ᑕᒪᒃᑯᓄᖓ ᐱᔪᓐᓇᐅᑎᓕᖕᓄᑦ ᐋᓐᓂᐊᓯᐅᑎᓄᑦ. ᑖᔅᓱᒪ ᐱᔪᓐᓇᐅᑎᓕᐅᑉ ᐋᓐᓂᐊᓯᐅᑎᐅᑉ ᐋᖅᑭᒃᓯᒪᓕᖅᑎᑕᖏᑦ ᖃᓄᐃᓕᐅᖁᓯᒪᔭᖏᓪᓗ ᐊᒃᑐᖅᓯᓯᑲᐅᑎᒋᕙᒃᐳᑦ ᑲᔪᓯᑎᑕᐅᓂᖏᓐᓄᑦ ᐱᔨᑦᑎᕋᕐᓂᕆᔭᐅᕙᒃᑐᑦ ᐱᓕᕆᕝᕕᒋᔭᐅᕙᒃᑐᓄᑦ.

ᖃᐅᔨᒪᔭᕆᐊᓕᖏᑦ, ᐊᔪᙱᑦᑕᕆᐊᓕᖏᑦ, ᐊᒻᒪ ᐱᔪᓐᓇᕆᐊᓕᖏᑦ ᑖᔅᓱᒥᖓ ᐃᖅᑲᓇᐃᔮᖃᕐᓂᐊᕐᓗᓂ ᐊᔪᕈᓐᓃᖅᑕᐅᕙᒃᐳᑦ ᐱᔪᓐᓇᐅᑎᑖᖅᓯᒪᓗᓂ ᐋᓐᓂᐊᓯᐅᖅᑎᐅᓂᕐᒧᑦ ᐱᔭᕇᕈᓯᐊᕐᒥᒃ ᐃᓕᓴᕆᔭᐅᓯᒪᔪᒥᒃ ᐃᓕᓐᓂᐊᕐᕕᖕᒥ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᕐᓂᕐᒥᒃ.  ᐊᔪᓪᓗᐊᙱᓚᑎᑦ ᓇᓗᓇᐃᔭᕆᐊᒃᓴᖅ ᐱᔪᓐᓴᐅᑎᑖᕆᐊᒃᓴᕐᓗ ᐱᔪᓐᓇᐅᑎᖃᕐᓗᑎᑦ ᐋᓐᓂᐊᓯᐅᑎᒋᔭᐅᓂᐊᕐᓗᑎᑦ ᓄᓇᕗᒻᒥ. ᒫᓐᓇᓯᐅᑎᒥᒃ ᐆᒻᒪᑎᓕᕆᓂᕐᒧᑦ ᐆᒪᑎᑦᑎᓇᓱᖕᓂᕐᒧᑦ ᐃᑲᔪᖅᑐᐃᔪᓐᓴᕐᓂᖅ ᐊᕐᕌᒍᑕᒫᓪᓗ ᓇᓗᓇᐃᒃᑯᑕᖅᑖᒃᑲᓐᓂᖅᐸᖕᓂᖅ ᐱᒻᒪᕆᐊᓘᕗᖅ.

ᒫᓐᓇᓯᐅᑎᓂᒃ ᐃᖅᓇᐃᔭᕐᕕᖕᒥ ᖁᐊᖅᓵᕐᓇᖅᑐᓄᑦ ᐱᖁᑎᓄᑦ ᑐᓴᐅᒪᓂᕐᒧᑦ ᐊᑐᖅᑕᐅᕙᒃᑐᕐᒧᑦ ᐊᔪᕈᓐᓃᖅᓴᖅᓯᒪᓂᖅ (ᐅᕝᕙᓘᓐᓃᑦ ᐱᔪᒪᓂᖃᕐᓂᖅ ᐱᔭᕇᖅᓯᓂᐊᕐᓗᓂ 6 ᑕᖅᑮᑦ ᐃᓗᐊᓂ ᐃᖅᑲᓇᐃᔭᖅᑎᑕᐅᓕᓚᐅᕐᓂᕐᒥᓂᑦ) ᐱᔭᐅᓯᒪᔭᕆᐊᖃᖅᐳᖅ. ᒫᓐᓇᓕᓴᕐᒥᒃ ᑲᐱᓯᔪᓐᓇᕐᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᓗᓂ (ᐅᕝᕙᓘᓐᓃᑦ ᐊᓂᒍᐃᔪᒪᑦᑎᐊᕐᓗᓂ ᑕᖅᑭᒥ 1−ᒥ ᓴᓇᓯᒋᐊᓚᐅᖅᑎᓪᓗᒍ) ᐊᒻᒪ ᐱᔭᐅᓯᒪᔭᕆᐊᖃᕆᕗᖅ. ᐱᓯᒪᓗᓂ ᐊᑕᐅᓯᕐᒥᒃ ᐊᑕᐅᓯᐅᙱᑦᑐᒥᒡᓘᓐᓃᑦ ᐅᑯᓂᖓ ᐱᔪᒥᒋᔭᐅᓪᓗᑎᒃ ᑭᓯᐊᓂᓗ ᐱᔭᐅᓯᒪᔭᕆᐊᖃᙱᖦᖢᑎᒃ ᓯᕗᓪᓕᕐᒥᒃ ᐃᖅᑲᓇᐃᔭᖅᑎᑕᐅᓕᕈᓂ:  ᐋᓐᓂᖅᑎᕆᔪᖃᙱᓪᓗᓂ  ᐊᒃᓱᕈᕐᓇᖅᑐᒥᒃ ᐱᓕᕆᐊᖃᖔᓕᕐᓂᕐᒧᑦ, ᐊᒃᓱᕈᕐᓇᖅᑐᒧᑦ ᖃᓄᐃᓐᓂᕆᔭᐅᔪᒧᑦ ᐃᓱᒫᓘᖕᓇᖅᑐᒧᑦ ᐅᖃᕐᕕᐅᓂᖅ, ᐃᓕᖅᑯᓯᖃᑎᒌᙱᑦᑐᓂ ᐊᔪᕈᓐᓃᖅᓴᕐᕕᖃᕐᓂᖅ, ᐊᒻᒪᓗ/ᐅᕝᕙᓘᓐᓃᑦ ᑐᓄᒃᑯᑦ ᕿᑎᒃᑯᑦ ᐃᓕᙵᒃᑕᐃᓕᒪᑎᑦᑎᓂᕐᒧᑦ ᐱᓕᕆᐊᖑᕙᒃᑐᖅ.

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.  ᑐᓴᐅᒪᑎᑦᑎᔪᓐᓇᖅᐸᑦᓄᓇᕗᒻᒥ ᐅᖃᐅᓯᖅᑕᕆᔭᐅᔪᓂᒃ ᐊᑕᐅᓯᐅᖏᑐᒥᒃ ᐃᑲᔫᑎᖃᑦᑎᐊᕋᔭᖅᐳᖅ. ᖃᐅᔨᒪᓗᓂ ᐃᓄᐃᑦ ᐅᖃᐅᓯᖓᓂᒃ, ᓄᓇᓕᖕᓂᑦ, ᐱᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐱᕚᓪᓕᕈᑕᐅᒐᔭᖅᐳᖅ. 

ᐊᔪᙱᑦᑐᑦ ᐊᑎᓕᐅᖅᑕᐅᑐᐃᓐᓇᕆᐊᖃᖅᐳᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒋᐊᖃᓕᕐᓂᖅᐸᑦ ᓇᐅᑦᑎᐅᒪᔪᒃᓴᓂᒃ.

 

ᐱᓇᔪᒍᒪᒍᕕᑦ ᐃᖅᑲᓇᐃᔮᒃᓴᒧᑦ, ᓇᒃᓯᐅᑎᓗᒍ ᐃᕐᙲᓐᓈᖅᑕᐅᒃᑯᑦ ᑎᑎᖅᑲᖃᕐᓗᓂᓗ ᐃᖅᑲᓇᐃᔭᖅᑖᕋᓲᑏᑦ ᐅᕗᖓ nunavutnurses@gov.nu.ca.. ᐃᓚᓕᐅᑎᓗᒍ ᓇᓗᓇᐃᒃᑯᑕᖓᑕ ᓈᓴᐅᑎᖓ ᐱᔾᔪᑎᒋᔭᖓᓄᑦ ᑎᑎᕋᖅᓯᒪᓂᖓᓄᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕕᒃᐱᑦ.

  • ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᖕᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᒡᓗ ᓄᓇᕗᒻᒥᐅᑦ ᐱᔭᕆᐊᖃᖅᑕᖏᓐᓂᒃ. ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖃᑕᐅᓂᐊᕐᓗᑎᒃ ᒪᓕᓪᓗᒍ ᓄᓇᕗᒻᒥ ᓯᕗᓪᓕᐅᔾᔭᐅᔪᒪᔪᑦ ᐃᖅᑲᓇᐃᔮᖅᑖᕐᓂᕐᒧᑦ ᐊᑐᐊᒐᕐᒥ.
  • ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᖏᓐᓂᒃ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᕈᑕᐅᙱᑐᐃᓐᓇᕆᐊᖃᖅᑐᑦ ᐆᒃᑐᕐᓂᕆᔭᖏᑦ ᐃᓱᒪᒋᔭᐅᒃᑲᓐᓂᕐᓗᑎᒡᓗ.
  • ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᑦᑕ ᐱᔪᒥᓴᐅᑎᖓᓂᑦ ᑐᓂᓯᔭᕆᐊᓕᒃ ᐅᖃᐅᓯᖅ ᓇᓕᐊᑐᐃᓐᓇᖅ ᐊᑐᕐᓗᒍ ᐃᓕᓴᕆᔭᐅᓯᒪᔪᓂᑦ.
  • ᐃᖅᑲᓇᐃᔭᕈᓐᓇᖅᑐᓂᒃ ᓴᖅᑭᑦᓯᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᓐᓄᑦᑕᐅᔭᕆᐊᓕᓐᓄᑦ.
  • ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ.
  • ᐆᑦᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.
Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ