ᐅᖃᓚᐅᑎᓯᐅᑏᑦ

You are here

ᐱᓕᕆᐊᒃᓴᓕᕆᓂᕐᒧᑦ ᐊᖓᔪᖅᑳᖅ

Groups: 
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
14-503880
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$99,743−ᓂᒃ ᐊᕐᕌᒍᓕᒫᒧᑦ 37.5−ᓄᑦ ᐃᑲᕐᕋᓄᑦ/ᐱᓇᓱᐊᕈᓯᕐᒥ
ᑐᓴᕆᐊᕐᕕᒃᓴᖅ: 
$15,016−ᓂᒃ ᐊᕐᕌᒍᓕᒫᒧᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒫᑦᓯ 02, 2018

ᑖᓐᓇ ᐃᓂᒋᔭᐅᓇᔭᖅᑐᖅ ᐅᒃᐱᕆᔭᐅᑦᑎᐊᕐᕕᐅᕙᒡᓗᓂ ᓈᒻᒪᒋᔭᐅᔪᒥᒡᓗ ᐱᕋᔭᒃᓯᒪᓂᑰᓂᕐᒧᑦ ᑎᑎᖅᑲᖁᑎᖃᖅᑐᖃᕐᒪᖔᑦ ᖃᐅᔨᓴᖅᑕᐅᕝᕕᐅᓂᕐᒧᑦ ᐱᔪᖃᕆᐊᖃᖅᐳᖅ.

ᑖᓐᓇ ᐃᖅᑲᓇᐃᔮᒃᓴᖅ ᒪᑐᐃᙶᖅᐳᖅ ᑕᒪᐃᓐᓄᑦ ᐱᓇᔪᒃᑐᓕᒫᓄᑦ.

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᑐᓴᐅᒪᖃᑦᑕᐅᑎᔾᔪᑎᓂᒃ ᐱᓕᕆᐊᒃᓴᑦ, ᑕᕝᕙᓂ ᐃᓂᐅᔪᒥ ᐃᓚᒋᔭᐅᕗᖅ ᑐᓴᐅᒪᖃᑦᑕᐅᑎᔾᔪᑎᓂᒃ ᐊᒻᒪ ᐸᕐᓇᐃᓂᕐᒧᑦ ᐱᓕᕆᕝᕕᖓᓂ (IPS) ᐱᓕᕆᐊᖃᓪᓗᐊᑕᖅᐸᒃᖢᓂ ᐱᕙᓪᓕᐊᑎᑦᑎᓂᕐᒥᒃ ᓄᑖᓂᒃ ᐅᕝᕙᓘᓐᓃᑦ ᐱᐅᓯᒋᐊᖅᑕᐅᓯᒪᔪᓂᒃ ᖃᕋᓴᐅᔭᓕᕆᔾᔪᑎᓂᒃ ᐱᓕᕆᕝᕕᓕᒫᓄᑦ ᓄᓇᕗᑦ ᒐᕙᒪᖓᓐᓄᑦ (GN). ᐱᓕᕆᐊᒃᓴᓕᕆᓂᕐᒧᑦ ᐊᖓᔪᖅᑳᖅ ᓂᕆᐅᒋᔭᐅᒋᕗᖅ ᐱᓕᕆᖃᑎᒌᒃᑎᑦᑎᓂᕐᒥᒃ ᐃᑲᔪᖅᑕᐅᔭᕆᐊᓕᖕᓂ ᐱᓕᕆᕝᕕᖕᒥ ᐊᒻᒪ ᓯᓚᑖᓃᑦᑐᓂᒃ ᐊᖏᖃᑎᒌᒍᑎᒃᑰᖅᓯᒪᔪᓂᒃ ᐱᔭᕆᐊᖃᕌᖓᑦ.

ᐱᓕᕆᐊᒃᓴᑦ ᐃᓚᖃᖅᐳᑦ, ᑭᓯᐊᓂ ᑖᒃᑯᓄᖓᑐᐃᓐᓇᐅᙱᑦᑐᖅ: ᐃᑲᔪᖅᐸᒡᓗᓂ ᐃᑲᔪᖅᑕᐅᔭᕆᐊᓕᖕᓂ ᐱᓕᕆᕝᕕᖕᒥ ᓇᓗᓇᐃᖅᓯᓂᕐᒧᑦ ᐱᔭᐅᔭᕆᐊᖃᖅᑐᓂᒃ ᑐᕌᒐᖃᖅᑐᓄᑦ ᐱᓕᕆᐊᒃᓴᓄᑦ, ᓇᓗᓇᐃᖅᓯᓂᕐᒥᒃ ᐊᑐᖅᑐᒃᓴᓂᒃ ᐊᒻᒪ ᐱᕕᒃᓴᖃᖅᑎᑕᐅᔪᒃᑯᑦ ᐊᒻᒪᓗ ᓴᖅᑭᑦᑎᕙᒡᓗᓂ, ᐱᔪᒥᓇᖅᓴᐅᑎᓕᐅᕐᓗᑎᑦ ᖃᐅᔨᓴᕐᓗᑎᓪᓗ ᑐᒃᓯᕋᐅᑎᓕᐅᖁᔨᓂᕐᒧᑦ; ᐱᕙᒌᔭᐃᕙᒡᓗᑎᑦ ᐱᓕᕆᐊᖑᔪᒧᑦ ᓯᕗᓪᓕᖅᐹᖅᓯᐅᑎᓂᑦ; ᐊᑐᓕᖅᑎᑦᑎᓂᖅ ᑐᓴᐅᒪᔾᔪᑎᒃᓴᓄᑦ ᐸᕐᓇᐅᑎᒥᒃ; ᐱᕙᒌᔭᐃᕙᒡᓗᑎᑦ ᐱᓕᕆᐊᖑᔪᒧᑦ ᐸᕐᓇᐅᑎᒥᒃ ᐊᑐᓕᖅᑎᑦᑎᕙᒡᓗᑎᓪᓗ ᐱᓕᕆᐊᖑᔪᒧᑦ ᐱᓕᕆᖃᑎᒌᒃᑐᓂᒃ; ᐱᒋᐊᖅᑎᑦᑎᕙᒡᓗᑎᑦ ᓇᐅᑦᑎᖅᓱᖅᐸᒡᓗᑎᓪᓗ ᐊᓯᔾᔨᕐᓂᐅᔪᓂᒃ ᖃᓄᖅ ᐊᖏᑎᒋᔪᒥᒃ ᐅᕝᕙᓘᓐᓃᑦ ᐱᕕᒃᓴᖃᖅᑎᒋᔪᒥᒃ; ᐊᐅᓚᑦᑎᕙᒡᓗᓂ ᐃᓕᓐᓂᐊᕈᑕᐅᔭᕆᐊᖃᖅᑐᓂᒃ ᐃᓱᓕᑦᑎᔪᓄᑦ ᐊᑐᖅᑐᐊᖅᑎᓄᑦ ᐊᒻᒪᓗ ᐊᐅᓚᑦᑎᕙᖕᒥᓗᓂ ᑭᖑᓪᓕᖅᐹᒥ ᐊᑎᓕᐅᖅᑕᐅᓂᖏᑦ ᐱᓕᕆᐊᒃᓴᑦ ᐊᒻᒪ ᓇᓗᓇᐃᖅᓯᖃᑦᑕᕐᓗᑎᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᑲᔪᖅᓱᖅᑕᐅᓃᑦ ᐊᑐᖅᑕᐅᒐᓗᐊᕐᒪᖔᑦ.

ᑕᕝᕙᓂ ᐃᓂᐅᔪᒥ ᐱᕙᒌᔭᕈᓐᓇᕐᓂᖃᑦᑎᐊᕆᐊᖃᖅᑐᖅ, ᐊᐅᓚᑦᑎᔪᓐᓇᕐᓗᓂ ᐊᒻᒪ ᑐᓴᐅᒪᖃᑎᒌᒍᓐᓇᕐᓂᖃᑦᑎᐊᕐᓗᓂ ᐊᒻᒪᓗ ᓴᖅᑭᔮᖅᑎᑦᑎᓗᓂ ᐱᓕᕆᔪᓐᓇᑦᑎᐊᕐᓂᕐᒥᓂᒃ ᐱᓕᕆᖃᑎᒌᓂᒃ ᐊᒻᒪ ᐱᓕᕆᐊᒃᓴᓂᒃ ᐃᓚᒌᓂᑦ ᓯᕗᓕᖅᑎᐅᔪᓐᓇᕐᓂᖃᕐᓗᓂ. ᑖᓐᓇ ᓂᕈᐊᖅᑕᐅᔪᖅ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᕈᑎᑖᖅᓯᒪᓗᓂ ᑐᓴᐅᒪᔾᔪᑎᒃᓴᓂᒃ ᐊᐅᓚᑦᑎᓂᕐᒥᒃ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᓴᐅᒪᖃᑦᑕᐅᑎᓂᕐᒥᒃ ᐃᓚᖃᕐᓗᒍ ᐱᖓᓱᓂᒃ (3) ᐊᕐᕌᒍᓂᒃ ᐊᔾᔨᑲᓴᖓᓂ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ ᐱᓕᕆᖃᑦᑕᖅᓯᒪᓂᑰᓗᓂ. ᐊᒻᒪ, ᑖᓐᓇ ᓂᕈᐊᖅᑕᐅᔪᖅ ᐃᓕᓴᕆᔭᐅᔾᔪᑎᑖᖅᓯᒪᔭᕆᐊᓕᒃ ᐱᓕᕆᐊᒃᓴᓄᑦ ᐊᐅᓚᑦᑎᔨᐅᓂᕐᒥᒃ, ᓂᕈᐊᕆᔭᐅᓂᖅᓴᐅᓪᓗᑎᒃ ᐱᓕᕆᐊᒃᓴᓄᑦ ᐊᐅᓚᑦᑎᔩᑦ ᐱᓕᕆᕝᕕᖕᒥ ᑲᓇᑕᒥ (PMI).

ᐊᒻᒪ, ᐅᑯᐊ ᐃᓱᒪᒋᔭᐅᓂᐊᖅᑐᑦ ᐃᑲᔪᕐᓂᖃᕐᓂᕐᒥᒃ ᑖᔅᓱᒧᖓ ᓂᕈᐊᖅᑕᐅᔪᒧᑦ: ᖃᐅᔨᒪᓂᖃᕐᓗᓂ ᐊᑐᖅᑕᐅᕙᒃᑐᓂᒃ ᒪᓕᒐᓕᕆᓂᕐᒧᑦ ᐊᒻᒪ ᐊᑐᐊᒐᓂᒃ ᐊᑐᖅᑕᐅᔪᓐᓇᖅᑐᓂᒃ ᑐᓴᐅᒪᔾᔪᑎᒃᓴᓂᒃ ᐊᐅᓚᑦᑎᓂᕐᒥᒃ ᐊᒻᒪ ᖃᕋᓴᐅᔭᒃᑯᑦ ᑐᓴᐅᒪᖃᑦᑕᐅᑎᓂᕐᒥᒃ (ᐅᓂᒃᑳᓂᒃ ᑐᑭᓯᒋᐊᕈᓐᓇᕐᓂᕐᒧᑦ ᐊᒻᒪᓗ ᑲᙳᓇᖅᑎᑕᐅᔪᓂᒃ ᐱᖁᔭᖅ, ᐃᖅᑲᓇᐃᔭᖅᑎᒃᓴᖅᓯᐅᕐᓂᖅ ᐊᒻᒪ ᑕᒻᒪᖅᑕᖅᓯᒪᔪᖅᓯᐅᕐᓂᖅ ᑲᓇᑕᒥ ᒪᓕᒃᑕᐅᕙᒃᑐᑦ ᐊᒻᒪ ᐊᓯᖏᑦ) ᐊᐅᓚᑦᑎᔾᔪᑏᑦ ᐅᒃᐱᕆᔭᐅᔪᓐᓇᕐᓂᖓᓄᑦ, ᑕᑎᒋᔭᐅᔪᓐᓇᕐᓂᖓᓄᑦ ᐊᒻᒪ ᐊᑦᑕᕐᓇᖅᑐᒦᑦᑐᓐᓇᕐᓂᖓᓄᑦ.

ᐱᓕᕆᖃᑦᑕᕐᓂᑰᓗᓂ ᓄᓇᓕᒡᔪᐊᖑᙱᑦᑐᒥᑦ, ᐅᐸᒐᕐᓂᙱᑦᑐᑦ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᓄᓇᓕᖕᓂ, ᐊᒻᒪᓗ ᐅᖃᓪᓚᒍᓐᓇᕐᓂᖃᑦᑎᐊᕐᓗᓂ ᐃᓄᒃᑎᑐᑦ /ᐃᓄᐃᓐᓇᖅᑐᓐ, ᐃᓱᒪᒋᔭᐅᓂᐊᖅᐳᑦ ᐃᑲᔪᕐᓂᖃᕐᓂᕐᒥᒃ.

ᐅᖃᐅᓯᕆᔭᐅᓪᓗᐊᑕᖅᑐᑦ ᓄᓇᕗᒻᒥ ᐅᑯᐊᖑᕗᑦ ᐃᓄᒃᑎᑐᑦ (ᐃᓄᐃᓐᓇᖅᑐᓐ), ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᓇᓕᒧᒃᓱᖅᑐᑦ ᐃᓚᖃᕐᓗᑎᒃ ᐊᖏᖅᑕᐅᔪᓐᓇᖅᑐᓂᒃ ᑲᑎᓯᒪᔪᓂᒃ ᐃᓕᓐᓂᐊᖅᓯᒪᓂᕐᒥᒃ, ᐱᓕᕆᖃᑦᑕᖅᓯᒪᓂᑰᓂᕐᒥᒃ, ᖃᐅᔨᒪᓂᕐᒥᒃ, ᐊᔪᕈᓐᓃᖅᑕᐅᓯᒪᔪᓂᒃ ᐊᔪᙱᓐᓂᕆᔭᐅᔪᓂᒡᓗ ᐃᓱᒪᒃᓴᖅᓯᐅᕈᑕᐅᑐᐃᓐᓇᕆᐊᓖᑦ.

ᖃᐅᔨᒪᓂᖃᕐᓂᖅ ᐃᓄᐃᑦ ᐅᖃᐅᓯᖏᓐᓂᒃ, ᓄᓇᓕᖕᓂᒃ, ᐃᓕᖅᑯᓯᕆᔭᐅᔪᓂᒃ, ᓄᓇᒥᒃ ᐃᓄᐃᓪᓗ ᖃᐅᔨᒪᔭᑐᖃᖏᓐᓂᒃ ᐱᕚᓪᓕᕈᑕᐅᓯᒪᓂᐊᖅᐳᑦ ᐱᓇᔪᒃᑐᓄᑦ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance