ᐅᖃᓚᐅᑎᓯᐅᑏᑦ

You are here

ᓴᓇᔨᒻᒪᕆᒃ ᐅᕐᓱᐊᓗᑦᑐᖅᑐᓂᑦ ᐊᐅᓚᔾᔪᑎᓂᑦ

Groups: 
ᖁᓪᓕᖅ ᐆᒻᒪᖁᑎᓕᕆᔨᖏᑦᑕ ᑎᒥᖁᑖ
ᓄᓇᓕᒃ: 
ᐃᖃᓗᒃ`ᑐᑦᑎᐊᖅᒥ
ᓇᓗᓇᐃᒃᑯᑖ: 
QEC-17-033
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᕗᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓂ
ᑮᓐᓇᐅᔭᒃᓵᖓ: 
$90,292.80 - $108,763.20ᐊᕐᕌᓕᒫᒧᑦᐊᒻᒪ
ᑐᓴᕆᐊᕐᕕᒃᓴᖅ: 
$19,716 ᐊᕐᕌᒍᓕᒫᒧᑦ.
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ

ᖁᕕᐊᒋᔭᖃᕈᕕᑦ ᖃᓄᖅᑑᓂᕐᒥᑦ ᐋᖅᑭᐅᒪᑦᑎᐊᖏᑦᑐᓄᑦ ᐊᐅᓚᐅᑎᓄᑦ ᐋᖅᑭᒍᑎᔅᓴᒥᑦ ᐊᒻᒪ ᐊᓯᖏᓐᓄᑦ ᐱᔭᕐᓂᖏᑦᑐᓄᑦ ᓴᓇᒋᐊᓕᓐᓄᑦ, ᐊᒻᒪ ᐱᔪᓐᓇᑦᑎᐊᕈᕕᑦ ᓇᒻᒥᓂᖅ ᐊᐅᓚᑦᑎᓂᕐᒥᑦ ᐃᖏᕐᕋᓂᕆᔭᖓᓂᒃ ᐃᖅᑲᓇᐃᔭᖅᑎᓪᓗᑎᑦ, ᑖᓐᓇ ᐃᖅᑲᓇᐃᔮᔅᓴᖅ ᐃᓪᓕᓐᓄᑦ ᑐᕌᖓᔪᖅ.

ᓴᓇᔨᓄᑦ ᐊᐅᓚᑦᑎᔨᒥᑦ ᐊᖏᔪᖅᑳᖃᕐᓗᓂ, ᐃᖅᑲᓇᐃᔭᕋᔭᖅᑐᑎᑦ ᓴᓇᔨᒻᒪᕇᓐᓄᑦ ᐱᓕᕆᐊᕆᔭᐅᕙᑦᑐᓂᑦ ᑲᒪᖃᑦᑕᕐᓗᑎᑦ ᐊᐅᓚᑎᓂᑦ ᐅᕐᓱᐊᓗᒻᒨᖅᑐᓂᑦ ᐊᒻᒪ ᓱᓇᒃᑯᑖᖏᓐᓂᑦ ᐊᓯᖏᓐᓂᑦ ᑕᐃᒪᐃᑦᑐᓄᑦ ᑐᕌᖓᔪᓄᑦ, ᒥᓪᓗᐊᕈᑎᓂᑦ, ᐳᓪᓚᔅᓴᐅᑎᓂᑦ, ᓂᓪᓕᖅᑎᕈᑎᖏᓐᓂᑦ, ᐆᓇᕐᓂᖓᓄᑦ ᖃᒥᒋᐊᕈᑎ, ᐅᕐᓱᖅᑎᕈᑎᒨᖅᑐᑦ, ᐅᕐᓱᐊᓘᒻᒨᖅᑐᑦ, ᓂᓪᓕᑦᑎᕈᑏᑦ, ᐃᖏᕐᕋᔾᔪᑏᑦ ᐊᒻᒪ ᐊᓯᖏᑦ ᐊᐅᓚᐅᑏᑦ ᓱᓇᒃᑯᑖᑦ. ᐊᐅᓚᐅᓯᕆᔨᐅᓗᑎᑦ ᐅᕐᓱᐊᓗᑦᑐᖅᑐᓂᑦ, ᓄᑭᓪᓚᐅᓯᕆᔨᒻᒪᕆᓐᓂᒃ ᐊᒻᒪ ᓄᑭᓪᓚᐅᑎᓅᖅᑐᓂᑦ ᖃᕆᓴᐅᔭᓕᕆᔨᓂᑦ ᐱᓕᕆᖃᑎᖃᖃᑦᑕᕋᔭᖅᑐᑎᑦ ᐋᖅᑭᑦᑎᐊᖅᓯᒪᓐᖏᑦᑐᓂᑦ ᓱᕋᔅᓯᒪᔪᓂᑦ ᓴᓇᖃᑎᒋᓗᒋᑦ, ᐊᐅᓚᐃᓐᓇᖃᑦᑕᕐᓗᑎᓪᓗ, ᑎᒻᒥᓲᕋᓛᕐᓗᒃᑯᑦ, ᓄᓇᓕᓐᓄᑦ ᐅᖓᓯᑦᑐᓄᑦ ᐊᐅᓚᐅᑎᖃᕐᕕᖏᓐᓂᑦ ᖃᐅᔨᓴᕆᐊᖃᑦᑕᕐᓗᑎᑦ, ᐋᖅᑭᔅᓱᐃᖃᑦᑕᕐᓗᑎᓪᓗ ᓴᓇᒪᓂᖏᓐᓂᒃ ᐋᖅᑭᐅᒪᐃᓐᓇᑎᑦᑎᓂᕐᒥᑦ, ᐃᓪᓕᕆᒋᐊᓖᑦ ᐊᒻᒪ ᓴᓇᒋᐊᓖᑦ ᑲᒪᒋᓗᒋᑦ.

ᑖᓐᓇ ᐃᖅᑲᓇᐃᔮᖅ ᐊᓯᔾᔨᑕᓐᖏᑦᑐᖅ. ᐅᓪᓗᓕᒫᖃᑦᑕᕋᔭᑦᑐᖅ ᓄᓇᓕᒻᒥᑦ ᓇᓪᓕᐊᓐᓂᑐᐃᓐᓇ ᐃᓕᔭᐅᓯᒪᕕᒋᔭᖓᓐᓂᒃ.

ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:

ᐊᐅᓚᐅᑏᑦ ᐅᕐᓱᐊᓗᒨᖅᑐᑦ ᓴᓇᓗᒋᑦ ᓱᕋᔅᓯᒪᔪᑦ, ᐊᐅᓚᐅᑏᑦ ᐊᔾᔨᒌᓐᖏᑦᑐᑦ ᐊᖏᓂᖏᑦ ᐊᒻᒪ ᑖᒃᑯᓇᓐᖓᑦ ᐊᑕᔪᑦ ᓯᓚᑎᐊᓂ;
ᐃᑲᔪᕐᓗᒋᑦ ᐊᓯᔾᔨᖅᓯᒋᐊᖃᖅᑎᓪᓗᒋᑦ ᑭᖑᕙᓐᖏᑦᑐᒥᑦ ᐊᒻᒪ ᐱᑦᑎᐊᖅᓯᒪᔪᒥᑦ;
ᖃᐅᔨᓴᕈᑎᒋᓯᔭᖏᓐᓂᒃ ᓈᒻᒪᖅᑯᑦᑎᓯᒪᑦᑎᐊᕐᓗᒋᑦ ᐅᓂᒃᑳᓕᐅᕈᓐᓇᓗᓂ ᓱᓇᒃᑯᑖᖏᓐᓂᒃ ᐊᐅᓚᐅᑎᐊᓗᓐᓂᓪᓗ.
ᐋᖅᑭᒋᐊᓕᓐᓂᑦ ᐋᖅᑭᔅᓯᓇᓱᖃᑎᖃᖃᑦᑕᕐᓗᓂ ᐅᖄᓚᐅᑎᒃᑯᑦ ᓴᓇᒋᐊᓕᓐᓂᑦ;
ᐋᖅᑭᒍᑎᔅᓴᓂᑦ ᐊᑐᐃᓐᓇᐅᑎᑦᑎᖃᑦᑕᕐᓗᓂ ᐊᒻᓚ/ᐅᕙᓗ ᐱᓕᕆᔾᔪᑎᓂᑦ ᐃᑯᐃᒪᐃᓐᓇᕈᓐᓇᖁᓪᓗᒍ ᓱᒃᑲᑦᑐᒻᒥᑦ ᖃᓄᖅᑑᖃᑦᑕᕐᓗᓂ, ᐊᒻᒪ ᓇᒻᒥᓂᖃᖃᑕᐅᔪᓂᑦ ᑐᓯᕋᖃᑎᖃᖃᑦᑕᕐᓗᓂ ᕿᓂᖅᑎᓪᓗᒋᑦ ᐋᖅᑭᔅᓯᒪᐃᓐᓇᕈᑎᔅᓴᓂᑦ.
ᐃᑲᔪᖃᑦᑕᕐᓗᓂ ᐃᓪᓗᐃᑦ ᐅᖅᑰᓴᐅᑎᖏᓐᓂᑦ ᓴᓇᕐᓂᒥᑦ, ᐋᖅᑭᐅᒪᐃᓐᓇᑎᑦᑎᓂᕐᒥᑦ ᐊᓄᕆᒨᖅᑐᓂᑦ ᐆᒻᒪᖅᑯᑎᓕᓐᓂᑦ;
ᐊᐅᓚᖃᑦᑕᕐᓗᓂ ᐊᒻᒪ ᐊᓯᖏᓐᓂᑦ ᐅᓂᒃᑳᓕᐅᕈᓐᓇᕐᓗᓂ, ᐊᒻᒪ ᓴᓇᔭᖏᓐᓂᒃ ᖃᓄᐃᔅᓯᒪᔪᓂᑦ ᐅᓂᒃᑳᓕᐅᖏᓐᓇᖃᑦᑕᕐᓗᓂ;
ᐊᑐᐃᓐᓇᕈᖅᓴᐃᖃᑦᑕᕐᓗᓂ ᐃᓚᔅᓴᖅᑖᕆᔭᕆᐊᓕᓐᓂᑦ ᐊᒻᒪ ᐊᓯᔾᔨᖅᓱᕆᐊᓖᑦ ᑭᓱᑐᐃᓐᓇᐃᑦ ᓇᓪᓕᐅᒃᑯᒫᔅᓴᖏᓐᓂᓪᓗ ᐊᑐᓂ ᓄᓇᓕᓐᓄᑦ ᐱᔾᔪᑎᖃᑦᑕᕐᓗᒋᑦ;
ᐃᖅᑲᓇᐃᔭᖅᓯᒪᓕᖅᑕᖏᓐᓂᑦ ᐃᑲᕐᕋᓂᑦ ᖃᐅᔨᒪᑎᑦᑎᖃᑦᑕᕐᓗᓂ ᐊᒻᒪ ᐊᐅᓪᓚᖅᑐᒥᓂᐅᑉᐸᑦ ᖃᐅᔨᒪᑎᑦᑎᖃᑦᑕᕐᓗᓂ ᐊᓯᔾᔨᖅᓯᒋᐊᖅᑐᓯᒪᓐᓂᕈᓂ;
ᐋᖅᑭᔅᓯᒪᓂᖏᓐᓂᒃ ᕿᒥᕐᕈᖃᑦᑕᕐᓗᓂ ᐊᒻᒪ ᓱᓇᒃᑯᑖᖏᑕ ᐋᖅᑭᐅᒪᓂᖏᓐᓂᒃ ᐱᖁᑎᖏᑕ ᓴᓇᔨᖏᓐᓂᒃ ᐱᓕᕆᕝᕕᖏᓐᓂᑦ ᐱᖃᑎᖃᕐᓗᓂ ᐱᓕᕆᐊᔅᓴᓕᒫᖏᑦ ᒪᓕᒐᖅᑎᒍᑦ ᒪᓕᑦᑎᐊᕋᓗᐊᕐᒪᖔᑕ ᐊᒻᒪ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑯᐊᐳᕇᓴᖓᓐᓂᒃ ᐊᑐᖅᑕᐅᔭᕆᐊᖃᑦᑎᑕᐅᔪᑦ ᒪᓕᓪᓗᒋᑦ.

ᐊᔪᓐᖏᓐᓂᖃᕆᐊᓕᒃ ᒪᑯᓂᖓ:

ᐱᔭᕇᓯᒪᓗᓂ ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᖅᓯᒪᓗᒍ ᐃᖅᑲᓇᐃᔮᓂ;
ᒐᕙᒪᐃᑦ ᐊᕕᑦᑐᖅᓯᒪᔪᑦ ᓇᓪᓕᐊᓐᓂᑐᐃᓐᓇ ᓴᓇᔨᒻᒪᕆᐅᓂᕐᒧᑦ ᓚᐃᓴᖃᕐᓗᓂ;
ᐊᕐᕌᒍᓂ ᑕᓪᓕᒪᐸᓗᓐᓂᑦ ᐃᖅᑲᓇᐃᔮᕆᓯᒪᒋᐊᓕᒃ ᑕᒪᒃᑯᓂᖓ ᐱᓕᕆᐊᖃᖅᓯᒪᓗᓂ ᐊᔾᔨᓪᓗᐊᒋᓐᖏᒃᑲᓗᐊᕈᓂᖏᑦ (ᐊᐅᓚᐅᑏᑦ, ᓄᓇᓯᐅᑎᑯᑖᑦ ᐊᐅᓚᐅᑎᖏᑦ ᐅᕐᓱᐊᓗᒻᒨᖅᑐᑦ, ᐅᕙᓗ ᐅᒥᐊᕐᔪᐊᓐᓂᑦ);
ᑐᑭᓯᔪᓐᓇᕐᓗᓂ ᖃᓄᐃᒻᒪᖔᑕ ᐊᐅᓚᑏᑦ ᓴᓇᔭᕆᐊᓖᑦ ᐊᒻᒪ ᐋᖅᑭᔾᔪᑎᔅᓴᖏᓐᓂᒃ ᖃᐅᔨᒪᔪᓐᓇᕐᓗᓂ;
ᑎᑎᖅᑐᒐᖅᓯᒪᔪᓂᑦ ᑐᑭᓕᐅᕆᔪᓐᓇᕐᓗᓂ, ᓇᓗᓇᐃᔭᖅᓯᒪᔪᓂᑦ ᑎᑎᖅᑲᓂᑦ ᑐᑭᓯᔪᓐᓇᕐᓗᓂ, ᐊᒻᒪ ᑭᓲᓂᖏᓐᓂᒃ ᐊᐅᓚᐅᑏᑦ ᐅᕙᓗ ᓱᓇᒃᑯᑖᑦ ᐊᓯᖏᑦ ᐊᐅᓚᐅᓯᕆᔪᖅᓯᐅᑏᑦ, ᐱᖃᓯᐅᑎᓪᓗᒋᑦ ᓴᓇᓯᒪᔪᑦ ᒪᓕᒐᖏᓐᓂᒃ ᐊᒻᒪ ᐃᓚᔅᓴᐃᑦ ᐅᖃᓕᒫᒐᖏᓐᓂᒃ. 
ᐅᖃᖃᑎᖃᕈᓐᓇᑦᑎᐊᕐᓗᓂ, ᐅᖃᐅᓯᒃᑯᑦ ᑎᑎᖅᑲᒃᑯᓪᓗ, ᐊᒻᒪ ᐅᐊᑦᑎᔭᐅᓐᖏᒃᑲᓗᐊᕈᓂ ᐃᖅᑲᓇᐃᔮᒥᓂᒃ ᑲᒪᔪᓐᓇᑦᑎᐊᕐᓗᓂ;
ᑐᑭᓯᓯᒪᓗᒋᑦ ᓄᑭᓪᓚᐅᑎᓄᑦ ᐆᒻᒪᖅᑯᑏᑦ ᐊᒻᒪ ᑕᒪᒃᑯᓂᖓ ᖃᓄᑐᐃᓐᓇᖅ ᐊᑐᕆᐊᓖᑦ ᓱᓇᒃᑯᑖᑦ;
ᓄᓇᕗᑦ ᐃᓗᐊᓂ ᐊᖁᑦᑐᖅᓯᐅᑎᖃᕐᓗᓂ 5; ᐊᒻᒪ
ᓄᓇᒃᑰᕈᑎᓄᑦ ᓇᓪᓕᐅᒃᑯᒫᓂᑦ ᑲᒪᔪᓐᓇᕐᓗᓂ ᒪᓕᒋᐊᓖᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑯᐊᐳᕇᓴᒃᑯᖏᓐᓂᑦ ᐋᖅᑭᑦᑕᐅᓯᒪᔪᓂᑦ.

ᑮᓇᐅᔾᔭᔅᓴᑎᑦᑎᔪᓐᓇᖅᑐᒍᑦ ᐊᑭᑦᑐᕋᐅᑎᔪᓐᓇᕐᓗᑕᓗ ᐱᒋᐊᕐᕕᒋᓗ $90,292.80 - $108,763.20ᐊᕐᕌᓕᒫᒧᑦᐊᒻᒪ ᖄᒃᑯᓐᓂᐊᒍᑦ ᐊᑭᓕᐅᑕᐅᔪᓐᓇᖅᑐᓂᑦ ᓈᕆᓯᒪᔪᑦ ᑭᓱᑐᐃᓐᓇᓄᑦ ᑐᕌᖓᔪᑦᐊᒻᒪ ᐅᑭᐅᖅᑕᖅᑐᕐᒥᐅᑕᐅᔾᔪᓯᐊᔅᓴᑦ $19,716 ᐊᕐᕌᒍᓕᒫᒧᑦ. ᑖᓐᓇ ᐃᖅᑲᓇᐅᔮᖅ ᐃᓪᓗᖃᖅᑎᑕᔪᓐᓇᖏᑦᑐᖅ ᐃᑲᔪᖅᓲᑎᓕᒻᒥᒃ ᐃᒡᓗᔅᓴᖃᖅᑐᖅ ᐃᖅᑲᓇᐃᔮᖅ ᐃᓂᖓ

ᐱᔪᓐᓇᖅᑐᓂᑦ ᐊᑎᖕᓂᑦ ᑲᑎᕐᓱᐃᓂᐊᖅᑐᑦ ᓯᕗᓂᒃᓴᑦᑎᓐᓂᑦ ᐃᓐᓄᒃᓯᒪᔪᖃᕈᓐᓃᖅᐸᑦ.

ᓄᓇᕗᒻᒥᑦ ᓄᓇᑖᕈᑎᒧᑦ ᐊᖏᖃᑎᒌᒍᑎᒥᑦ ᐊᑎᖃᖃᑕᐅᔪᑦ ᓯᕗᓪᓕᐅᔾᔭᐅᓂᐊᖅᑐᑦ.

ᑎᑎᕋᕐᓗᑎᑦ ᐱᓇᓱᐊᕈᓐᓇᖅᑐᑎᑦ ᐅᕗᖓ: hr@qec.nu.ca

ᑎᑎᖅᑲᓂᐊᕐᕕᒃᑯᓪᓘᓐᓃᑦ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴ, ᑎᑎᖅᑲᒃᑯᕕᒃ 250 ᐃᖃᓗᐃᑦ, ᓄᓇᕗᑦ X0A 0H0

ᑖᔅᓱᒧᖓ ᐃᖅᑲᓇᐃᔮᔅᓴᒧᑦ ᐱᓇᓱᐊᖅᑐᓕᒫᑦ ᖁᔭᒋᕙᕗᑦ, ᑭᓯᐊᓂ, ᑕᐃᒃᑯᐊ ᓂᕈᐊᖅᑕᐅᔪᑦ ᖃᐅᔨᒃᑲᖅᑕᐅᓂᐊᖅᑐᑦ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ