ᐋᖓᔮᕐᓇᖅᑐᖅ ᐱᕈᖅᑐᕕᓂᖅ

ᓄᓇᕘᑉ ᓱᕐᕋᖕᓇᖅᑑᒃ ᒪᓕᒐᒃᓴᖓ ᐃᓚᖃᖅᐳᑦ ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖓᓂᑦ ᐊᒻᒪᓗ ᓱᕐᕋᖅᓇᖅᑐᓕᕆᓂᖕᒧᑦ ᒪᓕᒐᖏᓐᓂᒃ ᐋᖅᑭᒋᐊᕆᓂᖕᒧᑦ ᐱᖁᔭᖓᓂᒡᓗ.  ᑕᒪᖕᒥᒃ ᑲᔪᓯᑎᑕᐅᓚᐅᖅᐴᒃ ᔫᓐ 13, 2018−ᒥᑦ. (https://www.nunavutlegislation.ca/iu/statutes-of-nunavut/2018).

ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖅ:

ᐊᒥᓱᒐᓚᐃᑦ ᐃᓗᐊᓃᑦᑐᑦ ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖓᓂᑦ ᐊᑐᓕᓛᖅᐳᑦ ᐅᓪᓗᔅᓴᐃᓐᓇᖓᓂᑦ ᒐᕙᒪᑐᖃᖅᑯᑦ ᒪᓕᒐᓕᐊᖓ ᐊᑐᓕᖅᐸᑦ − ᓂᕆᐅᒋᔭᐅᔪᖅ ᐅᑐᐱᕆ 2018−ᒥᑦ.  ᑕᐃᒪᓕ, ᑖᓐᓇ ᐱᖁᔭᖅ ᓄᓇᕗᒻᒥᑦ ᒪᓕᒐᓕᐅᕆᔪᓐᓇᖅᑎᑦᑎᕗᖅ ᐊᑐᕐᑕᐅᓂᖓᓄᑦ ᓴᐊᒻᒪᒃᑎᑕᐅᕙᖕᓂᖓᓄᓪᓗ ᓱᕐᕋᖕᓇᖅᑑᑉ ᓄᓇᕗᒻᒥᐅᓄᑦ ᐅᑭᐅᓖᑦ 19−ᓂᒃ ᐅᖓᑖᓄᓪᓗ.

ᐱᓗᐊᖅᑐᒥᑦ, ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖅ:

• ᓄᓇᕗᒻᒥ ᐃᒥᐊᓗᓕᕆᔨᒃᑯᑦ ᓱᕐᕋᖕᓇᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᓂᐅᕕᐊᒃᓴᖃᕈᓐᓇᖅᐳᑦ ᓱᕐᕋᖕᓇᖅᑐᓂᑦ ᐅᖓᓯᒃᑐᒥᑦ (ᖃᕆᑕᐅᔭᒃᑯᑦ ᐅᖄᓚᐅᑎᒃᑯᓪᓗ), ᓂᐅᕕᕐᕕᖕᓂᑦ, ᑎᑭᓴᐃᕕᐅᓲᓂᒡᓗ
• ᓄᓇᕗᑦ ᒐᕙᒪᒃᑯᖏᓐᓂᑦ ᐊᔪᙱᔾᔪᑎᓕᖕᓂᑦ ᓂᐅᕕᐊᒃᓴᖃᕈᓐᓇᖅᑎᑦᑎᕗᑦ ᓱᕐᕋᖕᓇᖅᑐᓂᑦ, ᐃᓚᐅᓪᓗᑎᒃ ᓂᐅᕕᕐᕖᑦ ᐃᒥᒐᓚᒡᕕᖕᓂᓪᓗ.;
• ᓄᓇᓕᖕᓂᑦ ᑐᓴᕋᓱᖅᑳᕆᐊᓖᑦ ᐅᒃᑯᐃᕐᓯᓚᐅᙱᓐᓂᖏᓐᓂᑦ ᓱᕐᕋᖕᓇᖅᑐᕐᑖᕐᕕᖕᒥᑦ ᐃᒥᒐᓚᒡᕕᖕᒥᓪᓘᓐᓃᑦ;
• ᒪᓕᒐᖏᑦ ᓱᕐᕋᖕᓇᖅᑐᓂᑦ ᐱᕈᕐᓰᔪᓐᓇᕐᕕᖃᖅᐳᑦ, ᑭᓯᐊᓂ ᐅᖃᖅᓯᒪᙱᑦᑐᖅ ᐱᖁᔨᙱᓐᓂᖕᒥᑦ; ᐊᒻᒪᓗ
• ᓴᖅᑭᑎᑦᑎᕗᖅ ᖃᐅᔨᓴᖕᓂᖕᓂᑦ, ᕿᓂᖕᓂᖕᓂᑦ, ᑎᒍᓯᓂᖕᓂᒡᓗ.

ᓄᓇᕗᑦ ᒐᕙᒪᒃᑯᖏᑦ ᑐᓴᕋᓱᒻᒪᕆᓚᐅᖅᐳᑦ ᓄᓇᕗᒻᒥᐅᓂᒃ − ᐊᒥᓱᓄᑦ ᐱᖃᖃᑕᐅᔪᓄᑦ ᑐᓴᕋᓱᒃᖢᑎᒃ ᐊᐱᖅᓱᖅᐸᒃᖢᑎᒡᓗ.  ᓄᓇᕗᒻᒥᐅᑦ ᑐᑭᓯᓇᑦᑎᐊᖅᑐᓂᑦ ᑐᓴᖅᑎᑦᑎᓚᐅᖅᐳᑦ ᑐᕌᕋᓱᒃᑕᑦ ᐱᖁᔭᒥᑦ ᐃᒪᖁᓪᓗᓂᔾᔪᒃ:

• ᓴᐳᑎᓗᒋᑦ ᖃᓄᐃᙱᑦᑎᐊᕐᓂᖏᑦ ᐊᒻᒪ ᐊᑦᑕᕐᓇᙱᑦᑐᒦᓐᓂᖏᑦ ᓄᓇᕗᒥᐅᑦ, ᐱᓗᐊᖅᑐᒥᒃ ᒪᒃᑯᒃᑐᑦ;
• ᐊᑦᑕᖕᓇᙱᑦᑐᓂᑦ ᓯᐊᒻᒪᒃᑎᕆᔪᓐᓇᕐᓗᑎᒃ ᓱᕐᕋᖕᓇᖅᑐᓂᑦ ᐃᓐᓇᖕᓄᑦ;
• ᓄᖅᑲᖅᑎᓪᓗᒋᑦ ᐱᕋᔭᒃᖢᑎᒃ ᓂᐅᕐᕈᑎᖃᓲᑦ ᓱᕐᕋᖕᓇᖅᑐᓂᑦ; ᐊᒻᒪᓗ,
• ᐅᔾᔨᕆᔭᐅᓕᖅᑎᒃᑲᓐᓂᕐᓗᒍ ᐊᑦᑕᕐᓇᖅᑐᑦ ᐊᒃᑐᐊᓂᓖᑦ ᓱᕐᕋᖕᓇᖅᑐᒧᑦ.

ᓱᕐᕋᖕᓇᖅᑐᓕᕆᓂᖕᒧᑦ ᒪᓕᒐᖏᓐᓂᑦ ᐋᖅᑭᒋᐊᕆᓂᖕᒧᑦ ᐱᖁᔭᖅ

ᐅᓇ ᐱᖁᔭᖅ ᐋᖅᑭᒋᐊᕆᓯᒪᔪᖅ ᑭᓱᑯᓘᔭᖕᓂᑦ ᐱᑕᖄᓂᒃᑐᓂᑦ ᒪᓕᒐᖕᓂᑦ ᐃᓚᓕᐅᑎᓯᒪᓗᓂ ᓱᕐᕋᖕᓇᖅᑐᓕᕆᓂᖕᒥᑦ. ᐆᒃᑑᑎᒋᓗᒍ, ᑭᒡᓕᒋᔭᖅ ᓱᐴᖅᑐᖃᑦᑕᖕᓂᖕᒧᑦ ᑕᕝᕚᑭᒥᑦ ᐊᑐᕐᑎᑕᐅᒋᕗᑦᑕᐅᖅ ᓱᐴᖅᑐᖕᓂᖕᒥᑦ ᓱᕐᕋᖕᓴᖅᑐᒥᑦ.

ᐅᓇ ᐱᖁᔭᖅ ᐊᑐᓕᓛᖅᑐᑦ ᒐᕙᒪᑐᖃᖅᑯᑦ ᓱᕐᕋᖕᓇᖅᑐᓕᕆᓂᖕᒧᑦ ᒪᓕᒐᖓ ᐊᑐᓕᖅᐸᑦ.