ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐱᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ

ᓄᓇᕗᒻᒥ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᓄᑖᖑᔪᖅ ᓄᓇᕗᑦ ᒐᕙᒪᒃᑯᖏᑕ ᒫᓐᓇᓚᐅᑲᖕᒧᑦ ᐃᑲᔫᑎᒋᓚᐅᑲᒃᑕᖓ ᑕᐃᒃᑯᓄᖓ ᐊᔪᙱᖃᑕᐅᔪᓄᑦ ᐱᔭᐅᔪᓐᓇᖅᖢᓂ ᐊᑭᓕᖅᓲᑕᐅᓂᐊᕐᒪᑦ ᐃᖅᑲᓇᐃᔭᖅᑐᓄᑦ ᓄᕙᒡᔪᐊᖕᓇᐅᑎᓪᓗᒍ ᐱᓕᕆᔭᕆᐊᖃᖅᑐᓄᑦ ᐊᑭᓕᐅᑕᐅᔪᓐᓇᕐᓂᐊᕐᒪᑦ, ᓄᓇᕗᒻᒥᐅᓪᓗ ᐱᓕᕆᓂᖏᑦ ᐃᓕᓴᕆᔭᐅᔾᔪᑕᐅᒻᒫᕐᒥᔪᖅ ᑮᓐᓇᐅᔾᔭᒃᓵᓂᖃᙱᓐᓂᖅᓴᐅᔪᓄᑦ.
 

ᐱᖃᑕᐅᔪᓐᓇᕐᓂᖅ

ᑐᕌᒐᖃᕐᓂᖓᓄᓪᓕ ᐃᑲᔫᑎᐅᔪᖅ, ᐱᖃᑕᐅᔪᓐᓇᖅᑐᖅ ᑕᒪᑐᒥᖓ ᑐᑭᖃᖅᑐᕐᓕ ᑕᐃᓐᓇ ᑎᒥᐅᔪᖅ ᐃᒪᐃᑦᑐᖅ:

  • ᓄᓇᓕᓐᓂ ᒐᕙᒪᒃᑯᑦ
  • ᐊᖑᓇᓱᒃᑐᓕᕆᔨᒃᑯᑦ
  • ᑮᓐᓇᐅᔾᔭᒃᓴᓇᓱᐊᙱᑦᑐᓂᒃ ᐅᕝᕙᓘᓃᑦ ᑮᓐᓇᐅᔾᔭᒃᓴᕙᙱᑦᑐᓂᒃ ᑎᒥᐅᔪᑦ ᐱᓕᕆᑎᑦᑎᕙᒃᑯᑎᒃ ᓄᓇᕗᒻᒥᐅᓂᒃ ᐅᕝᕙᓘᓃᑦ ᐃᖏᕐᕋᑎᑦᑎᖃᑕᐅᒍᑎᒃ ᓄᓇᕗᑦ ᒐᕙᒪᖓᑦᑕ ᓄᕙᒡᔪᐊᕐᓇᒧᑦ−ᐊᒃᑐᐊᓂᓕᖕᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔪᓂᒃ, ᐃᓚᐅᖃᑕᐅᓪᓗᓂ ᑲᑉᐳᖅᓱᐃᓂᖅ;
  • ᒥᓂᔅᑕᐅᑉ ᐃᓕᓴᕆᓯᒪᒃᐸᒍ ᐱᖃᑕᐅᔪᓐᓇᕐᓂᖓᓂᒃ ᐃᑲᔫᑎᒥᒃ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᐊᑭᓕᖅᓲᑎᒋᓂᐊᕐᓗᓂᐅᒃ ᐱᓕᕆᔭᕆᐊᓕᖏᓐᓄᑦ.

ᑎᒥᐅᔪᖅ ᑮᓇᐅᔭᖅᑑᑎᑖᖃᑕᐅᔪᓐᓇᖅᑐᖅ ᐃᖅᑲᓇᐃᔭᑎᓄᑦ ᐊᑭᓕᐅᑎᒃᓴᐅᓂᐊᕐᓗᓂ (ᐃᓱᓕᕝᕕᖃᓚᐅᖅᑐᖅ ᓯᑎᐱᕆ 30, 2020) ᐃᑲᔫᑎᐅᑉ ᑐᕌᒐᕆᔭᖏᓐᓅᑐᐊᖅᐸᑦ ᐱᔭᕆᐊᖃᓪᓚᕆᒃᑑᓗᑎᒃ.   


ᐊᑐᖅᑕᐅᔪᓐᓇᕐᓂᕆᔭᖓ:

ᓄᓇᕗᒻᒥ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐊᑐᐃᓐᓇᐅᑎᑕᐅᔪᖅ ᑕᐃᒃᑯᓄᖓ ᐱᖃᑕᐅᔪᓐᓇᖅᑐᓄᑦ ᐊᑭᓕᖅᓲᑎᒋᓂᐊᕐᓗᓂᐅᒃ ᐃᓄᖕᓄᑦ ᐃᑲᔪᖅᓯᖅᑐᓄᑦ ᐱᓕᕆᔭᕆᐊᖃᓪᓚᕆᒃᑐᓂᒃ ᓲᕐᓗ ᓄᕙᕐᔪᐊᕐᓇᖅ-19−ᒥ ᐋᓐᓂᐊᖅᑐᓕᕆᖃᑕᐅᓂᕐᒧᑦ ᐃᑲᔪᖃᑕᐅᒃᐸᑕ.

ᐱᖃᑕᐅᔪᐃᑦ ᑮᓇᐅᔭᓂᒃ ᐊᑐᕈᓐᓇᖅᑐᑦ ᐃᓄᖕᓄᑦ ᐱᓕᕆᓪᓚᕆᒃᑐᓄᑦ ᐊᑭᓕᖅᓲᑎᒋᓗᒍ ᐊᒻᒪ ᑎᑎᖅᑲᓕᕆᓂᒃᑯᑦ ᐊᑭᓕᖅᓱᕆᐊᓕᒃᑕᖃᖅᐸᑦ ᓄᕙᒡᔪᐊᕐᓇᓕᕆᖃᑕᐅᔪᐃᑦ ᐱᓕᔨᖏᓐᓄᑦ. ᐃᑲᔫᓯᐊᖅᑐᑦ ᑕᒪᒃᑯᓂᖓ ᐊᑐᕈᓐᓇᕐᒥᔪᑦ ᐱᓕᕆᔾᔪᑎᒃᓴᓂᒃ ᑎᑭᓴᐃᔾᔪᑎᒋᓗᒍ, ᓱᓇᒃᑯᑖᓂᒃ, ᓴᓗᒻᒪᖅᓴᐅᑎᓂᒡᓘᓃᑦ, ᐊᒻᒪ ᐱᔨᑦᑎᕋᕈᑕᐅᔾᔪᑎᒃᓴᓄᑦ ᓄᕙᒡᔪᐊᕐᓇᓕᕆᓂᕐᒨᖓᑐᐊᖅᐸᑕ.


ᖃᔅᓯᐅᓂᖓ

ᓄᓇᕗᒻᒥ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᒥᒃ ᐱᔪᓐᓇᖅᑎᑕᐅᔪᑦ ᐃᒪᓐᓇᑎᒋ ᐱᖃᑦᑕᕐᓂᐊᖅᑐᑦ ᐃᑲ[ᔪᑎᒥᒃ:

  • $75,000 ᐃᖃᓗᐃᑦ ᓄᓇᓕᐸᐅᔭᒃᑯᖏᓄᑦ;
  • $35,000 ᐃᓄᒋᐊᖕᓂᖅᓴᓄᑦ ᓄᓇᓕᖕᓄᑦ;
  • $15,000 ᐃᓄᑭᓐᓂᖅᓴᓄᑦ ᓄᓇᓕᖕᓄᑦ;
  • $5,000 ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖁᑎᖏᓐᓄᑦ;
  • $5,000 ᑮᓐᓇᐅᔾᔭᒃᓴᓇᓱᐊᖅᑎᐅᙱᑦᑐᓄᑦ ᓄᓇᓕᖕᓂ ᑎᒥᐅᔪᑦ ᐱᓕᕆᖃᑕᐅᖃᑦᑕᕈᑎᒃ ᐊᐳᖅᑕᐅᕐᖓᓲᓂᒃ ᓄᓇᕗᒻᒥᐅᓄᑦ, ᐅᕝᕙᓘᓃᑦ ᒥᓂᔅᑕᐅᑉ ᐃᓕᓴᕆᓯᒪᒃᐸᒍ ᐱᖃᑕᐅᔪᓐᓇᕐᓂᖓᓂᒃ ᓇᓗᓇᐃᖅᓯᒪᒃᐸᑦ;

ᖃᖓᒃᑰᖓᑦᑕᕐᓂᐊᕐᓂᖏᑦ ᐃᑲᔫᑎᑦ ᑐᓂᐅᖅᑲᖅᑕᐅᓗᑎᒃ

ᓄᓇᓕᒃ ᐃᓄᒋᐊᖕᓂᖅᓴᖅ $75,000 ᐃᖃᓗᐃᑦ
ᐊᑯᓐᓕᐊᓃᑦᑐᑦ ᓄᓇᓖᑦ $35,000 ᐃᒃᐱᐊᕐᔪᒃ, ᐊᕐᕕᐊᑦ, ᖃᒪᓂᑦᑐᐊᖅ, ᐃᖃᓗᒃᑑᑦᑎᐊᖅ, ᑲᖏᕐᑑᒑᐱᒃ, ᓴᓪᓕᖅ, ᐅᖅᓱᖅᑑᖅ, ᐃᒡᓗᓕᒃ, ᑭᙵᐃᑦ, ᑰᒑᕈᒃ, ᖁᕐᓗᖅᑐᖅ, ᓇᐅᔮᑦ, ᐸᖕᓂᖅᑑᖅ, ᒥᑦᑎᒪᑕᓕᒃ, ᑲᖏᖅᖠᓂᖅ, ᓴᓂᑭᓗᐊᖅ, ᓴᓂᕋᔭᒃ, ᑕᓗᕐᔪᐊᖅ
ᓄᓇᓖᑦ ᐃᓄᑭᓐᓂᖅᓴᐃᑦ $15,000 ᐃᒡᓗᓕᒑᕐᔪᒃ, ᐊᐅᓱᐃᑦᑐᖅ, ᑭᒻᒥᕈᑦ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ, ᑎᑭᕋᖅᔪᐊᖅ
ᐊᓯᖏᑦ $5,000 ᐊᖑᓇᓱᒃᑐᓕᕆᔨᒃᑯᑦ ᑎᒥᖁᑎᖏᑦ; ᐊᓯᖏᓪᓗ ᑮᓐᓇᐅᔾᔭᒃᓴᓇᓱᐊᖅᑎᐅᖏᑦᑐᑦ ᐅᕝᕙᓘᓃᑦ ᒥᓂᔅᑕᒧᑦ ᐃᓕᓴᕆᔭᐅᓯᒪᔪᑦ ᓇᓗᓇᐃᖅᑕᐅᓪᓗᑎᒃ 

ᑎᒥᐅᔪᖅ ᐊᐅᓚᑦᑎᕙᒃᑯᓂ ᐊᔾᔨᒌᙱᑦᑐᓂᒃ ᓄᓇᓕᖕᓂ ᐱᖃᑕᐅᔪᓐᓇᑐᐃᓐᓇᕆᐊᓕᒃ ᐃᑲᔫᑎᒥᒃ ᑕᐃᒃᑯᓄᖓ ᐱᓕᕆᕝᕕᒋᔭᖏᓐᓄᑦ ᐊᑐᓂ ᓄᓇᓕᖕᓃᑦᑐᓄᑦ ᐅᕝᕙᓘᓃᑦ ᑎᑎᕋᖅᑎᒋᔭᐅᔪᑦ ᐱᔪᓐᓇᖅᑎᑦᑎᒃᐸᑕ.
 

ᖃᔅᓯᐅᓂᖓ

ᐋᖅᑭᒃᑕᐅᓯᒪᓂᕆᔭᖓᒍᓪᓕ, ᐃᑲᔫᑎᐅᔪᖅ ᖃᔅᓯᓪᓚᕆᑯᓗᖕᓂᒃ ᐊᔪᙱᑎᑦᑎᔪᖅ ᕼᐋᒻᒪᓚᐃᑦ ᑎᒥᖁᑎᖏᓐᓄᑦ ᐊᒻᒪ ᑮᓐᓇᐅᔾᔭᒃᓴᓇᓱᐊᖅᑎᐅᙱᑦᑐᓄᑦ ᓄᓇᕗᒻᒦᑦᑐᓄᑦ. ᓄᓇᕗᑦ ᒐᕙᒪᖓᑦ ᐱᓇᔪᒃᑑᒐᓗᐊᑦ ᑕᒪᓐᓇ ᐱᔭᕆᐊᑭᑦᑑᓇᓱᐊᖅᖢᒍ ᐊᒻᒪ ᓇᐅᒃᑯᑦ ᐋᖅᑭᒃᑲᓐᓂᕆᐊᖃᖅᐸᑦ ᑎᑎᖅᑲᓕᕆᔭᒃᓴᐅᑕᐅᔪᖅ. ᑕᐃᒪᐃᓐᓂᖓᓄᑦ, ᑕᒻᒪᖅᓯᒪᔪᖅᓯᐅᖅᑕᐅᓂᐊᕐᓂᕐᒧᑦ ᐱᓯᒪᕙᒌᕆᐊᓖᑦ ᓂᕆᐅᒋᔭᐅᓂᕆᔭᖏᑦ ᑎᒥᓂᖔᕐᓗᑎᒃ ᒥᑭᑦᑑᔪᑦ.

ᐅᓂᒃᑲᐅᓯᐅᓂᐊᕐᓂᖓᓄᑦ ᐱᕕᖃᖅᑎᑦᑎᓂᕐᒧᓪᓕ, ᐱᓕᕆᕝᕕᒃ ᐊᐱᕆᑐᐃᓐᓇᕆᐊᖃᖅᑐᑦ ᐱᑎᑕᒥᖕᓄᑦ ᖃᓄᖅ ᐊᑐᕐᓂᐊᕐᒪᖔᖏᓐᓂᒃ ᐸᕐᓇᒃᓯᒪᖕᒪᖔᑕ ᐊᐱᕆᑐᐃᓐᓇᕆᐊᓖᑦ. ᐱᓕᕆᕝᕕᒃ ᑐᓴᕋᓱᑐᐃᓐᓇᕆᐊᓕᒃ ᑭᓱᒧᑦ ᑖᒃᑯᐊ ᑮᓇᐅᔭᐃᑦ ᐸᕐᓇᒃᑕᐅᓯᒪᖕᒪᖔᑕ ᖃᓄᕐᓗ ᐊᑐᖅᑕᐅᕙᓪᓕᐊᓂᐊᕐᒪᖔᑕ.

 

ᐃᓱᓕᕝᕕᖓ

ᓄᓇᕗᒻᒥ ᐃᖅᑲᓇᐃᔭᕆᐊᖃᓪᓚᕆᒃᑐᓄᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐃᑲᔫᓯᐊᕋᓱᖕᓂᕐᒧᑦ ᐃᓱᓕᕝᕕᖃᖅᑐᖅ ᒫᔨ 31, 2021−ᒥ.

 

ᖃᓄᖅ ᐱᓇᔪᒍᓐᓇᕐᒪᖔᑦ

ᐱᓇᔪᖃᑕᐅᓂᕐᒧᑦ ᑕᑕᑎᒐᒃᓴᐃᑦ ᐊᑐᐃᓐᓇᐅᔪᑦ ᐅᕙᖓᑦ  NEWWP@gov.nu.ca.  
 

ᐊᐱᖅᑯᑕᐅᒐᔪᒃᑐᑦ

ᐅᖃᓕᒫᕈᓐᓇᖅᑕᓯ ᓄᓇᕗᒻᒥ ᐱᔭᕆᐊᖃᓪᓚᕆᑦᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᓂᒃ ᐅᕙᙵᑦ
 

ᐃᑲᔫᓯᐊᓄᑦ ᐊᑐᐊᒐᖅ

ᐅᖃᓕᒫᕐᓗᒍ ᐃᑲᔫᓯᐊᓄᑦ ᐊᑐᐊᒐᖅ ᐃᑲᔪᖅᑐᐃᔪᖅ ᐱᓕᕆᐊᒥᑦ ᒫᓂ.
 

ᓇᐃᒡᓕᒋᐊᖅᓯᒪᔪᖅ ᐅᓂᒃᑲᐅᓯᖅ
ᐅᖃᓕᒫᕈᒃ ᐃᑲᔫᑎᒧᑦ ᓇᐃᒡᓕᒋᐊᖅᓯᒪᔪᖅ ᐅᓂᒃᑲᐅᓯᖅ ᐅᕙᓂ.

 

ᑐᑭᓯᒋᐊᒃᑲᓐᓂᕈᒪᒍᕕᑦ

ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᔅᓯ, ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓄᐊᕈᓐᓇᖅᐳᓯ, ᐃᕐᖐᓐᓈᖅᑕᐅᒃᑯᑦ NEWWP@gov.nu.ca, ᐅᕝᕙᓘᓐᓃᑦ ᐅᕙᑦᑎᓐᓄᑦ ᐅᖃᓗᒡᓗᓯ ᐅᕗᖓ 1-800-316-3324.

ᑭᖑᓪᓕᕐᒥ ᓴᖅᑭᑕᐅᓚᐅᖅᑐᖅ ᓄᕙᒡᔪᐊᕐᓇᖅ-19−ᓕᕆᔪᑦ ᐱᕙᓪᓕᐊᔪᑦ ᐊᒻᒪ ᓄᑖᙳᕆᐊᖅᓯᒪᔪᑦ ᓇᓂᔭᒃᓴᐅᔪᑦ ᓄᓇᕗᑦ ᒐᕙᒪᒃᑯᑦ ᐃᑭᐊᖅᑭᕕᖓᓐᓂ: https://gov.nu.ca/iu. ᑖᒃᑯᐊ ᑐᑭᓯᒋᐊᒐᒃᓴᑦ ᓄᑖᙳᕆᐊᖅᑕᐅᓲᑦ ᖃᐅᑕᒫᑦ.

ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᓇᓂᔭᒃᓴᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᕙᒡᔪᐊᕐᓇᖅ-19−ᒧᑦ ᑐᑭᓯᒋᐊᒐᒃᓴᖏᓐᓂᒃ ᐅᕙᙵᑦ: https://gov.nu.ca/iu/aanniaqangnanngittulirijikku/information/aniqsaaqturnikkut-qanimannaq-19.
ᓄᕙᒡᔪᐊᕐᓇᖅ-19−ᒧᑦ ᖃᓂᒪᓇᓱᒋᒍᕕᑦ, ᐃᓕᖕᓄᑦ ᖃᐅᔨᓴᕈᑎᒃᓴᓄᑦ ᐃᑲᔫᑎᒃᓴᑦ ᐅᖃᓕᒫᕐᓗᒋᑦ ᐅᕙᙵᑦ: https://nu.thrive.health/covid19/ike.