ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19

ᐊᑐᖅᑎᓪᓗᒍ ᑕᒪᓐᓇ ᐃᓅᖃᑎᒋᓕᒪᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑐᐊᕕᕐᓇᖅᓯᑎᓗᒍ, ᑮᓇᐅᔭᓕᕆᔨᒃᑯᑦ ᐱᓕᕆᓂᐊᕐᒪᑕ ᑲᔪᓯᓗᑎᒃ ᐱᔭᐅᑎᔅᓯᓂᕐᒥᓐᓂᒃ ᑕᒪᐃᓐᓂᒃ ᑮᓇᐅᔭᓕᕆᓂᒃᑯᑦ ᐱᔨᑦᓯᕈᑎᓂᒃ ᓄᓇᕗᒻᒥᐅᓄᑦ. ᓇᕿᑦᑎᓚᐅᕆᑦ ᒪᑯᓇᓂ ᓂᕈᐊᕈᒪᔭᕐᓂ ᖃᐅᔨᒃᑲᓐᓂᕈᒪᒍᕕᑦ. ᐊᑏ ᖃᐅᔨᒋᐊᒃᑲᓐᓂᖃᑦᑕᕆᑦ ᑕᒪᓐᓇ ᑐᓴᐅᒪᔾᔪᑎᒃᓴᖅ ᑕᕝᕙᓃᑦᑐᖅ ᐃᑭᐊᕿᕕᒻᒥ ᓄᑖᕈᕆᐊᖅᑕᐅᖃᑦᑕᕐᓂᐊᕐᒪᑦ ᓈᒪᒃᓯᑐᐊᕌᖓᑦ.
 

ᑲᔪᓰᓐᓇᖅᑐᑦ ᐱᔨᑦᑎᕋᕈᑕᐅᕙᒃᑐᑦ

• ᐃᒥᐊᓗᒃᑖᕐᕕᒃ
• ᐃᒥᐅᓗᖕᒧᑦ ᐱᔪᓐᓇᐅᑎᑦ
• ᓄᓇᓕᒻᒧᑦ ᐃᒥᐊᓗᓐᓂᑦ ᑎᑭᓴᐃᓂᕐᒧᑦ
• ᑖᒃᓯᔭᖅᑎᔅᓯᔨᒃᑯᑦ
• ᓂᐅᕕᕈᑎᓄᑦ ᐊᑭᓖᔾᔪᑎᑦ ᐊᒻᒪᓗ ᐊᑭᓖᒋᐊᖃᒃᑎᔅᓯᒍᑎᑦ

ᐊᓯᖏᑦ ᐱᔨᑦᑎᕋᐅᑎᑦ

ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᕿᓚᒥᕈᓗᒃ ᐊᑐᖅᑕᐅᓚᐅᑲᖕᓂᐊᓚᐅᖅᑐᖅ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑦᑎᔨᓄᑦ ᓄᓇᕗᒻᒥ ᐱᔪᓐᓇᖅᑎᑕᐅᔪᓄᑦ ᑮᓇᐅᔭᓕᐅᙱᓐᓂᖅᓴᓄᑦ ᐊᑭᓖᔾᔪᑎᒃᓴᒃᑲᓐᓃᑦ ᐃᖅᑲᓇᐃᔭᖅᑎᖏᓐᓄᑦ ᐃᑲᕐᕋᓄᑦ ᐊᑭᓕᖅᑕᐅᔾᔪᓯᐊᓄᑦ ᐊᒥᓱᓄᑦ ᖃᓂᒪᓐᓇᐅᑎᓪᓗᒍ. ᓄᓇᕗᑦ ᒐᕙᒪᒃᑯᑦ ᐱᓇᔫᑎᓂᒃ ᐊᖏᖅᓯᑲᑕᒍᓐᓃᓚᐅᖅᑐᑦ ᑖᓐᓇ ᐊᑐᕐᕕᖓᒍᑦ ᓯᑎᐱᕆ 30, 2020.

ᐃᓚᒋᐊᕈᑎᓅᖓᔪᓄᑦ, ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐊᐃᑦᑑᑏᑦ, ᑐᓴᖅᑎᔾᔪᑕᐅᓪᓗᓂ ᒫᑦᓯ 9, 2021. ᑕᕝᕘᓇ ᐊᐃᑦᑑᑎᒃᑯᑦ, ᓄᓇᓕᐅᔪᑦ ᐱᔪᓐᓇᕈᑎᖃᖅᑐᑦ $15,000 / $35,000 / $75,000 ᐊᑕᐅᓯᕐᒧᑦ ᓄᓇᓕᖕᒧᑦ, ᑐᙵᕕᒋᓗᒍ ᐃᓄᐃᑦ ᐊᒦᓱᓂᖏᑦ. ᑖᓐᓇ ᑮᓇᐅᔭᖅ ᐃᑲᔪᕋᓱᒃᑐᖅ ᐊᑭᓕᐅᑎᓗᒋᑦ ᑮᓇᐅᔭᓕᐊᑦ, ᐱᖁᑎᑦ, ᐊᑐᕆᐊᓕᑦ, ᐊᓯᖏᓪᓗ ᐊᑮᑦ ᓄᓇᓕᐅᔪᑦ ᐊᑭᓕᖅᓯᒪᔭᖏᑦ, ᐊᑭᓕᓛᖅᑕᖏᓪᓘᓐᓃᑦ, ᐃᑲᔪᕐᓗᒋᑦ ᐱᔭᕆᐊᖃᓪᓚᕆᒃᑐᑦ ᐊᒥᓱᓄᑦ ᖃᓂᒪᓐᓇᒨᖓᔪᓄᑦ ᐱᔨᑦᑎᕋᐅᑎᑦ.  

ᐊᑐᐃᓐᓇᐅᖕᒥᔪᖅ ᑕᐃᑰᓇ ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐊᐃᑦᑑᑏᑦ $5,000 ᑮᓇᐅᔭᖃᖅᑎᑕᐃᔾᔪᑎ ᐊᖑᓇᓱᒃᑐᓕᕆᔨᒃᑯᓐᓄᑦ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᓪᓗ ᑲᑐᔾᔨᖃᑎᒌᓄᑦ ᐃᑲᔪᖅᑐᖅ ᐊᒃᑐᖅᑕᐅᓴᕋᐃᑦᑐᓄᑦ ᓄᓇᕗᒻᒥᐅᓄᑦ ᐊᒥᓱᓄᑦ ᖃᓂᒪᓐᓇᐅᑎᓪᓗᒍ ᐃᑲᔪᕐᓗᓂᓘᓐᓃᑦ ᐱᓕᕆᐊᕆᓗᒍ ᓄᓇᕗᒻᒥ ᒐᕙᒪᒃᑯᑦ ᓄᕙᒃᔪᐊᕐᓇᕐᒨᖓᔪᓄᑦ ᑭᒃᑯᑐᐃᓐᓇᕐᓄᑦ ᐋᓐᓂᐊᖃᖅᑕᐃᓕᒪᑎᑦᑎᓇᓲᑎᓂᒃ, ᐃᓚᐅᓪᓗᓂ ᐋᓐᓂᐊᓕᕇᒃᑯᓯᓕᖅᓯᓃᑦ.

ᐱᓇᔫᑎᒧᑦ ᐃᓱᓕᕝᕕᒃᓴᓕᒃ ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐊᐃᑦᑑᑏᑦ ᒫᑦᓯ 22, 2021.

ᐅᖃᓕᒫᒃᑲᓐᓂᕈᒪᓕ ᐱᓪᓗᒍ ᓄᓇᕗᒻᒥ ᐱᔭᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑎᑦ ᑮᓇᐅᔾᔭᒃᓵᖏᓐᓄᑦ ᐃᓚᒋᐊᕈᑎᑦ ᐊᐃᑦᑑᑏᑦ, ᓇᕿᓪᓗᒍ ᐅᓇ.